Lýðræðishreyfingin með 32,5% fylgi samkvæmt nýrri skoðanakönnun á mbl.is

Lýðræðishreyfingin með 32,5% fylgi samkvæmt nýrri skoðanakönnun á mbl.is

Samkvæmt nýrri skoðanakönnun í dag á bloggvef Morgunblaðsins sem 1170 manns hafa svarað er Lýðræðishreyfingin með 32,5% fylgi.

Vinstri Grænir 19,5%, Samfylking 13,7%, Framsókn 10,6%, Sjálfstæðisflokkur 22,2% og Borgarahreyfingin 1,5%.

Samkvæmt þessu er Lýðræðishreyfingin orðinn stærstu stjórnmálasamtök landsins.

Hægt er að sjá könnunina hér:
http://hvitiriddarinn.blog.is/blog/hvitiriddarinn/entry/856870/

Útrásarvíkingum tókst ekki að stöðva lýðræðið

Landskjörstjórn hefur úrskurðað lista Lýðræðishreyfingarinnar í Reykjavík gilda. Uppákoma útrásarvíkinga og spilltra stjórnmálaflokka til að stöðva Lýðræðishreyfinguna tókst ekki.

Ástþór Magnússon frambjóðandi Lýðræðishreyfingarinnar í Reykjavík norður hefur opinberlega lýst yfir að útrásarvíkingarnir Ólafur Ólafsson í Samskip og fleiri skuli sæta gæsluvarðhaldi á meðan rannsókn bankahrunsins standi yfir. Þessu mun Lýðræðishreyfingin beita sér fyrir fá hún stuðning kjósenda. Einnig að mútuþægni stjórnmálaflokkanna sæti lögreglurannsókn og þar skuli fara fram húsleitir án tafar. Verði Ríkislögreglustjóri og aðrir embættismenn ekki við þessum tilmælum mun Lýðræðishreyfingin beita sér fyrir því að embættisskúrkum verði vikið úr starfi.

Útrásarvíkingar reyna að stöðva Ástþór í Reykjavík

Yfirkjörstjórn Reykjavíkurkjördæmanna hafa úrskurðað lista Lýðræðishreyfingarinnar ógildan þvert á úrskurði annar kjörstjórna landsins. Oddviti yfirkjörstjórnar í Reykjavík norður er Erla Árnadóttir sem starfar fyrir lögmannstofuna Lex sem einnig hefur starfað fyrir Ólaf Ólafsson, Samskip, Baug og aðra útrásarvíkinga.

Ástþór hefur opinberlega lýst yfir að útrásarvíkingarnir Ólafur Ólafsson í Samskip og fleiri skuli sæta gæsluvarðhaldi á meðan rannsókn bankahrunsins standi yfir. Þessu mun Lýðræðishreyfingin beita sér fyrir fá hún stuðning kjósenda. Einnig að mútuþægni stjórnmálaflokkanna sæti lögreglurannsókn og þar skuli fara fram húsleitir án tafar. Verði Ríkislögreglustjóri og aðrir embættismenn ekki við þessum tilmælum mun Lýðræðishreyfingin beita sér fyrir því að embættisskúrkum verði vikið úr starfi.

Landskjörstjórn fjallar nú um eftirfarandi kæru Lýðræðishreyfingarinnar:

Kæra til landskjörstjórnar

Kröfugerð:    
1.    að oddviti yfirkjörstjórnar í Reykjavíkurkjördæmi norður víki sæti.
2.    að kjörstjórnarmenn yfirkjörstjórna beggja Reykjavíkurkjördæmanna afhendi upplýsingar um tengsl sín við stjórnmálaflokkana og útrásarfyrirtæki.
3.    að úrskurðir yfirkjörstjórna Reykjavíkurkjördæmis norður og suður 16. apríl 2009 verði felldir úr gildi.
4.    að það verði staðfest að framboðslistar Lýðræðishreyfingarinnar, P-lista, í Reykjavíkurkjördæmunum séu gildir framboðslistar.

Röksemdir:
Varðandi hæfi oddvita yfirkjörstjórnar í Reykjavíkurkjördæmis norður er á því byggt að Erla Árnadóttur oddviti yfirkjörstjórnar Reykjavíkur norður er lögmaður á sömu lögmannstofu og fyrirrennari hennar Þórunn Guðmundsdóttir, lögmannsstofunni Lex, en lögmannsstofan hefur mikið starfað fyrir útrásarvíkingana. Þórunn sagði í sjónvarpi fyrir framan þjóðina í janúar 2008 að það væri „nauðgun á lýðræðinu í landinu“ byði Ástþór sig aftur fram í kosningum hér á landi. Þá lét Þórunn að því liggja að Ástþór hefði blekkt kjósendur í forsetakosningunum árið 2004. Lex starfar einnig fyrir Ólaf Ólafsson og Samskip en Ástþór stendur nú í málaferlum við þessa aðila eftir að hafa lýst því yfir að hann vilji að lögregla kanni bókhaldsóreiðu hjá Samskip.

Um kröfu um afhendingu upplýsinga er á því byggt að úrskurðir yfirkjörstjórna séu til komnir af annarlegum ástæðum sem má rekja til þess  að Ástþór vilji beita sér fyrir því að útrásarvíkingarnir sem settu þjóðina á hausinn sæti gæsluvarðhaldi meðan rannsókn bankahrunsins stendur yfir og að það fari fram lögreglurannsókn á fjármálum stjórnmálaflokkanna og hugsanlegri mútuþægni þeirra.

Um úrskurðina er það að segja að við hjá Lýðræðishreyfingunni höfum fylgt leiðbeiningum þeim sem við höfum fengið frá dómsmálaráðuneytinu í hvívetna. Þá vísum við til þess að það sé ótvírætt að allir frambjóðendur hafa staðfest með undirskrift sinni vilja sinn til að vera í  framboði fyrir Lýðræðishreyfinguna á þeim lista þar sem yfirlýsingin er lögð fram. Enn fremur hafa fjögur kjördæmi úrskurðað framboðslista hreyfingarinnar að fullu gilda en þeir voru lagðir fram með sama formi og í Reykjavíkurkjördæmunum.

Til upplýsingar viljum við enn fremur koma því á framfæri að við lögðum fram meðmælalista í samræmi við leiðbeiningar dómsmálaráðuneytisins sem ráðuneytið hafði fengið í tengslum við umsókn um listabókstaf. Yfirkjörstjórnir Reykjavíkurkjördæmanna sendu okkur aftur út á örkina til að safna fleiri undirskriftum þar sem þær höfnuðu þessum tilteknu undirskriftum. Þetta er á skjön við yfirlýsingar fulltrúa ráðuneytisins sem staðfesti síðast í gærkvöldi að það væri afstaða ráðuneytisins bæði nú og við fyrri kosningar að slíkir meðmælendalistar væru fullgildir sem meðmælendur með framboðslistum. Við öfluðum þessara meðmælenda og lögðum fram en þetta varð til þess að dýrmætur tími fór forgörðum og allar tímaáætlanir röskuðust m.a. framboðsfundir með kjósendum.

Reykjavík, 16. apríl 2009.

Ástþór Magnússon
umboðsmaður fyrir Lýðræðishreyfinguna

Garðar Björgvinsson
umboðsmaður fyrir Lýðræðishreyfinguna

Útrásarvíkingar reyna að stöðva framboð Lýðræðishreyfingarinnar

Lýðræðishreyfingin krefst þess að formanni yfirkjörstjórnar Norður verði vikið úr starfi og rannsókn fari fram á tengslum annarra starfsmanna yfirkjörstjórna við útrásarvíkinga og stjórnmálaflokka.

Eftir að framboði Lýðræðishreyfingarinnar var skilað í gær til yfirkjörstjórnar í Reykjavík Norður sem Erla S. Árnadóttir hrl frá Lögmannsstofunni Lex er í forsvari fyrir, bárust símhringingar til annarra kjörstjórna og reynt að fá þær til að ógilda framboð Lýðræðishreyfingarinnar með því að bera fyrir sig smávægilegan formsgalla sem ekki einu sinni er skýr lagastoð fyrir.

Fyrri oddviti yfirkjörstjórnar Reykjavík Norður Þórunn Guðmundsdóttir hrl braut blað í sögu Íslenskra stjórnmála þegar hún hóf ófrægingarherferð gegn Ástþóri Magnússyni í aðdraganda forsetakosninga 2008 og sagði það "nauðgun á lýðræðinu í landinu" byði Ástþór sig aftur fram í kosningum hér á landi. Lét Þórunn að því liggja að Ástþór hafi blekkt kjósendur í forsetakosningum árið 2004.

Lögmannsstofan Lex starfar fyrir Ólaf Ólafsson og Samskip sem Ástþór á nú í málaferlum við eftir að lýsa því yfir að hann vilji að lögregla kanni bókhaldsóreiðu hjá Samskip. Þá hefur Ástþór lýst því yfir í fjölmiðlum að komist hann til áhrifa á Íslandi muni það verða sitt fyrsta verk að sækja Ólaf Ólafsson og aðra þá fjárglæframenn sem hafa sett þjóðina á hausinn og koma þeim í gæsluvarðhald á meðan bankahrunið er rannsakað. Lex hefur einnig starfað mikið fyrir Baugsveldið og aðra útrásarvíkinga.

Eftir að fulltrúar útrásarvíkinganna hringdu í yfirkjörstjórn Norðvesturkjördæmis birtist frétt á mbl.is í gærkveldi þar sem sett voru fram fullyrðingar af formanni þeirrar kjörstjórnar um lista Lýðræðishreyfingarinnar sem standast ekki og stangast á við lög.

Lýðræðishreyfingin er nú að vinna að kærum og krefst þess að rannsókn fari fram á störfum yfirkjörstjórna. Þá mun Ástþór Magnússon funda með fulltrúum frá kosningaeftirliti Öryggis og Samvinnustofnunar Evrópu um málið.

Einhverjir hnökrar á framboðslistum

Upptakan og símtalið sem afhjúpar sjóðasukk Borgarahreyfingarinnar

Aðstandendur Borgarahreyfingarinnar fóru á taugum þegar þeirra eigin sjóðasukk og lýðskrum var afhjúpað, hvernig foringjar í Borgarahreyfingunni hafa seilst ofaní vasa almennings til að borga fyrir framboðsbröltið.

Eftir að ég skrifaði bloggfærsluna Sjóðasukk Borgarahreyfingarinnar í gær rignir yfir mig aur og svívirðingum frá aðstandendum Borgarahreyfingarinnar.

Ummælin dæma sig sjálf þegar hlustað er á símtalið við formann Borgarahreyfingarinnar, en þegar hann áttaði sig á að búið var að afhjúpa hann í svindlinu á vinnuveitanda sínum, Ríkisútvarpinu, sem rekið er fyrir fjármuni almennings, réðist hann á mig með skætingi og skellti á símanum. 

Smelltu á tónlistarspilarann efst til vinstri hér á bloggsíðunni til að hlusta á samtalið í umfjöllun um þetta mál á Lýðvarpinu FM100.5 - frettavakt.is

Borgarahreyfingin keppist nú við að fullyrða að þetta sé allt lýgi og uppspuni úr mér. Ég fékk upplýsingarnar frá launadeild Ríkisútvarpsins. Ef starfsfólk RÚV lýgur þessu, hversvegna gefur Herbert Sveinbjörnsson ekki út opinbera yfirlýsingu ásamt afriti af launaseðlum sínum frá Ríkisútvarpinu?

Nú er einnig komið í ljós að annar forkólfur Borgarahreyfingarinnar, Þráinn Bertelsson, er á launum frá Alþingi í framboðsbröltinu. 

Hér að neðan eru sýnishorn af því hvernig Borgarahreyfingin tekur eigin gagnrýni sem svarað er með ómálefnalegum skætingi m.a. verið að draga inn óskyld mál m.a. hvort Lýðræðishreyfingin sé með tilskylda meðmælendur með framboði sínu. 

Þá segir m.a. á bloggfærslu frá þeim að Lýðræðishreyfingin sem er 11 ára gamalt félag stofnað utan um beint og milliliðalaust lýðræði hafi "stolið" hugmyndinni frá félagi sem skaut upp kollinum í lok síðasta árs. Það sjá auðvitað allir hverslags fjarstæða slíkt er. 

Einnig reyna þau að sverja af sér Opinn borgarafund vegna þess að þaðan var mér varpað á dyr þegar ég lagði til lýðræðisleg vinnubrögð. En bæði formaður Borgarahreyfingarinnar og oddvitar á framboðslistum eru komnir frá Opnum borgarafundi og umsjón með vefsíðu beggja er í höndum sama aðila. Flest fólkið er það sama. Þetta er annað dæmið um lýðskrumið í þessu fólki. Guð hjálpi þjóðinni ef hún fengi þennan lýð yfir sig á Alþingi.

Borgarahreyfingin sparar ekki stóru orðin þegar þau gagnrýna aðra flokkar. Takið eftir hvernig þetta er sama gamla tóbakið og spilltu flokkarnir:

Ástþór Magnúson lýgur og skammast sín ekkert fyrir það!

Ég get ekki ímyndað mér að honum Hebba finnist hann þurfa að birta hvorki eitt né neitt til að sanna mál sitt. En ég veit að sjálfri dytti mér ekki til hugar að sanna hvorki eitt né neitt fyrir þér - Heiða B. Heiðars, 11.4.2009 kl. 20:27

Því miður skilur Ástþór ekki lýðræðisleg vinnubrögð og er því ómarktækur.

Hilmar Gunnlaugsson, 11.4.2009 kl. 22:18

 

Sæl Heiða.

Ég er að vinna að framboði Borgarahreyfingarinnar hér í NA-kjördæmi og er reyndar líka á framboðslista.  Mig leikur forvitni á að vita hvernig í veröldinni Ástþór Magnússon fær allar þær undirskriftir sem hann þarf í hverju kjördæmi fyrir sig og fólk til að fylla listana?  Okkar hreyfing nýtur trúverðugleika en það er í sannleika sagt búið að taka smá á að ná saman þessum fjöld undirskrifta þó allt hafi gengið upp og verður reyndar auðveldara með hverju sukkinu sem kemur upp.

Vona að ég sé ekki að koma okkur eða mér í klandur þegar ég lýsi yfir efasemdum mínum í garð framboðs hans og hvernig hann er að ná því fram.

Baráttukveðjur, Erna Kristín XO-NA

Erna Kristín (IP-tala skráð) 11.4.2009 kl. 14:54

Hæ Erna... hittumst við ekki á Akureyri um daginn?

Mér finnst mjög ólíklegt að Ástþór sé kominn með þá 2520 meðmælendur sem hann þarf... en ef svo ólíklega vill til þá set ég STÓRT spurningamerki við hvernig þær eru til komnar.

Heiða B. Heiðars, 11.4.2009 kl. 15:09

Ólýðræðislegar lygar lýðskrumarans Ástþórs Magnússonar um Borgarahreyfinguna

Baldvin Jónsson | 11. apríl 2009 - Ég veit ég veit, allir sem ég hef rætt þetta mál við hafa haldið því fram að maðurinn gangi ekki heill til skógar í andans heimi og að maður eigi ekki að eltast við að svara slíku fólki miklu. Ég hef hins vegar ekkert í höndunum sem staðfestir geðveilu

Guðrún María komin aftur í Lýðræðishreyfinguna

Mér er það sérstök ánægja og heiður að bjóða Guðrúnu Maríu Óskarsdóttur velkomna aftur heim í Lýðræðishreyfinguna.

Guðrún María var einn af stofnendum Lýðræðishreyfingarinnar fyrir rúmum áratug, en hefur síðustu ár gegnt ýmsum trúnaðarstöðum fyrir Frjálslynda flokkinn m.a. sem formaður Landssambands kvenna. Guðrún María er nú komin aftur í Lýðræðishreyfinguna og verður í framboði fyrir xP í komandi alþingiskosningum.

Guðrún María gekk til liðs við Frjálslynda flokkinn nokkru eftir að ákveðið var fyrir tæpum áratug að bíða betri tíma með alþingisframboð á vegum Lýðræðishreyfingarinnar. Nú er sá tími kominn að beint og milliliðalaust lýðræði á erindi til þjóðarinnar í alþingiskosningum. Lýðræðishreyfingin er nú á lokasprettinum að koma saman framboðslistum í öllum kjördæmum landsins.

Hver vegur að heiman er vegurinn heim og það er okkur sönn ánægja að Guðrún María er kominn aftur heim í Lýðræðishreyfinguna. Guðrún María á eftir að vinna af heilindum fyrir okkar þjóð á Alþingi Íslendinga.

Guðrún María er bóndadóttir úr sveit á Suðurlandi með ættir vestan af Fjörðum. Ekkja og á eitt barn. Guðrún hefur um árabil barist fyrir leiðréttingu í réttindamálum sjúklinga vegna læknamistaka. Hún hefur starfað við skrifstofu og sölustörf hjá SS í 10 ár og nú síðustu misseri sem aðstoðamaður alþingismanns.

Nánari upplýsingar á www.xp.is og á Lýðvarpinu FM100.5

Yfirstjórn RÚV kærð til lögreglunnar fyrir kosningaspjöll

Fréttastofa og yfistjórn Ríkisútvarpsins hefur verið kærð til lögreglunnar fyrir kosningaspjöll gegn Lýðræðishreyfingunni.

RÚV laug um svar Lýðræðishreyfingarinnar:

Í kvöldfréttum í gær afskræmdi fréttastofa RÚV með vísvitandi og meiðandi hætti boðskap Lýðræðishreyfingarinnar þegar flutt var frétt undir fyrirsögninni: „Skattahækkanir líklegar“.

Í fréttaskýringu var sagt: „Allt útlit er fyrir að skattar verði hækkaðir að loknum kosningum. Forsvarsmenn allra stjórnmálahreyfinga nema Framsóknarflokks sögðu slíkt líklegt í leiðtogaumræðum hér í Sjónvarpinu í gærkveldi“ og síðan eru birtir úrdrættir úr svörum allra fulltrúa stjórnmálahreyfinga á fundinum nema Lýðræðishreyfingarinnar.

Lýðræðishreyfingin gaf ekki það svar við þessari spurningu að hækka beri skatta enda erum við með allt aðrar hugmyndir og boðskap um hvernig leysa eigi úr efnahagsvanda þjóðarinnar.  En lýðskrumarar RÚV hafa nú vísvitandi blekkt þjóðina og unnið alvarleg kosningaspjöll með því að leggja orð í munn Lýðræðishreyfingarinnar sem gengur þvert á stefnu okkar.

RÚV staðið að margvíslegum kosningaspjöllum.
Starfsmaður RÚV á launum í eigin framboði:

RÚV hefur orðið uppvíst að margvíslegum öðrum kosningaspjöllum gegn Lýðræðishreyfingunni. Reynt var að koma í veg fyrir að fulltrúi Lýðræðishreyfingarinnar sæti leiðtogafund í sjónvarpssal. Þá er Lýðræðishreyfingin sniðgengin á kosningavef RÚV, í Silfri Egils, í fréttum og af útvarpsþáttum RÚV.

Þöggun RÚV um Lýðræðishreyfinguna hefur gengið svo langt að jafnvel dagskrárgerðarfólk hefur orðið uppvíst að því undanfarna daga að vita ekki rétt nafn á framboði P listans og því varla hægt að ætlast til að þjóðin viti um framboðið undir slíkri fjölmiðlun. Á meðan hefur öðrum framboðum verið hampað af Ríkisútvarpinu m.a. framboði starfsmanns RÚV Herberts Sveinbjörnssonar formanns Borgarahreyfingarinnar en hann varð uppvís að því í síðasta mánuði að vera í kosningaferðalagi á meðan starfsfólkið á RÚV m.a. í launadeildin hélt að hann væri í vinnunni enda á launum frá Ríkisútvarpinu.

Lýðræðishreyfingin krefst þess að alþingiskosningum verði frestað þar til búið er að skipta út yfirstjórn Ríkisútvarpsins RÚV og þar komin hlutlæg vinnubrögð í samræmi við lög og reglur um Ríkisútvarpið og um kosningar. að öðrum kosti muni Lýðræðishreyfingin leita aðstoðar kosningaeftirlits ÖSE um að kosningarnar verði lýstar ómarktækar og að kosningaeftirlitið setji fram þá kröfu að þær verði ógildar.

Kæruna má lesa í heild sinni á vefnum xp.is

Skrár tengdar þessari bloggfærslu:

• RÚV kært til lögreglunnar

Spegill skrípræðis. Furðulegur kosningavefur ríkisfjölmiðils

Nú sjáum við Íslenska útgáfu af því þegar pólitískar fjölmiðlatíkur reyna að hagræða úrslitum kosninga.

Arnar Páll Hauksson vaktari á fréttastofu Ríkisútvarpsins er slíkur fjölmiðlagosi sem komst í embætti með pólitískri ráðningu og nú pólitískt illgresi innan RÚV. 

Það kom fram í viðtali sem ég átti við nefndan Arnar Pál í skúmaskoti við andyri útvarpshússins við Efstaleiti að þessi pólitíska fréttatík vill ekkert með Lýðræðishreyfinguna hafa og reynir að útiloka okkur frá dagskrá RÚV með öllum tiltækum ráðum.

Úr þessu bræðingi er nú kominn í loftið "sovíet rússneskur" fjölmiðill á Íslandi með kosningavef RÚV þar sem Arnar Páll virðist ráða ríkjum enda er þess gætt að minnast ekki á Lýðræðishreyfinguna og veita engar tengingar yfir á vef hreyfingarinnar.  Hamast er við að flytja "fréttir" af fölsum skoðanakönnunum þar sem aðeins sum framboð eru tekin með í spurningum sem sendar eru út og aðeins unnið úr rúmum helming svaranna. Þannig næst fram áróður RÚV að fjórflokkarnir séu að halda völdum í landinu.

Kíkið á myndina hér með. Þar undir fyrsögninni "Kosningaumfjöllun RÚV" má sjá linka á öll framboð nema www.xp.is Lýðræðishreyfinguna. Meira segja framboði sem hefur dregið sig til baka er hampað þarna og í Silfri Egils undanfarna sunnudaga á meðan Lýðræðishreyfingin fær ekki að kynna sín stefnumál fyrir þjóðinni með sómasamlegum hætti og til jafns við aðra.

Undir fyrirsögninni "Leiðtogaviðtöl Morgunvaktarinnar" er heldur ekkert að finna um Lýðræðishreyfinguna enda hefur okkur ekki verið veittur aðgangur að þessari dagskrá RÚV.

Ég komst í leiðtogaþátt sjónvarpsins í kvöld eftir að hafa barist fyrir því með kjafti og klóm undanfarna daga. Eftir að kæra upphaflegu áætlun RÚV um aðgang til Útvarpsréttarnefndar og ÖSE voru gerðar tilslakanir sem gerðu nýjum framboðum mögulegt að gerast þátttakendur birtu lista í einu kjördæmi.

Þegar listinn var lagður fram tóku starfsmenn RÚV það upp hjá sjálfum sér að hringja í frambjóðendur á listanum án þess að biðja um símanúmerin, og komu til baka með þau skilaboð að sumir könnuðust ekkert við að vera í framboði. Lögfræðing þurfti til að fá RÚV til að upplýsa hverjir hefðu haldið slíku fram. Þá kom í ljós að þeir voru annaðhvort uppi með ósannindi eða höfðu hringt í eitthvert allt annað fólk en var á listanum okkar.  Aðrir frambjóðendur sögðu starfsmenn RÚV hafa reynt að tala þá af því að vera á framboðslistanum.

Þessar uppákomur hjá RÚV verða sífellt skrautlegri, enda þegar pólitískar ofsóknir og nornaveiðar verða fagmennskunni ofar hjá fjölmiðlum verður árangurinn spegill skrípræðis.

xP Lýðræðishreyfingin býður Magnús Ólafsson leikara velkominn

Ekki er farið í manngreinarálit hjá xP Lýðræðishreyfingunni. Hjá xP eru allir velkomnir. Það eru síðan kjósendur sjálfir sem velja sína þingmenn af lista xP í persónukjöri og engin önnur uppröðun fer fram á listum Lýðræðishreyfingarinnar.

Þetta er ólíkt vinnubrögðum Borgarahreyfingarinnar en þar hafa sjálfskipaðir leiðtogar sem enginn hefur kosið um skipað sjálfa sig í efstu sætin fyrir luktum dyrum í flokksræðislegu bakherbergismakki.

Þegar Ástþór Magnússon lagði til lýðræðisleg vinnubrögð var hann í orðsins fyllstu merkingu borinn út af fundum hreyfingarinnar í Borgartúni og leikhúsinu Iðnó. Nú hefur Borgarahreyfingin hafið ófrægingarherferð gegn Magnúsi Ólafssyni leikara sem einnig vildi að menn sameinuðu kraftana til að koma á lýðræðisbreytingum.

Lýðræðishreyfingin býður Magnús Ólafsson leikara velkominn og er honum boðið sæti á lista xP í Kraganum þar sem kjósendum yrði síðan gefinn kostur á að ákveða það hvort þeir vilja Magnús til starfa á Alþingi Íslendinga. 

Feiknalegur meðbyr er með framboði xP Lýðræðishreyfingarinnar og búið að safna öllum tilskyldum fjölda meðmælenda í báðum Reykjavíkurkjördæmum. Nú er verið að klára undirskriftarsöfnun í öðrum kjördæmum og hefur annar hver maður sem leitað er til skrifað undir stuðningsyfirlýsinguna.

xP Lýðræðishreyfingin hefur einnig fengið fjölda nýrra og efnilegra frambjóðenda til liðs við sig síðasta sólarhring eftir að störf þingmanna og ráðherra voru auglýst laus til umsóknar á job.is. Launakjör eru frá um 600,000 krónum á mánuði auk ýmissa fríðinda og sækja má um starfið á slóðinni: http://job.xp.is

Stöður þingmanna og ráðherra auglýstar lausar til umsóknar

XP.is hefur auglýst stöður þingmanna og ráðherra lausar til umsóknar. Launakjör eru frá kr. 600,000 á mánuði auk ýmissa fríðinda.

Eftir að hafa árangurslaust reynt að ná sambandi við fólk í atvinnuleit í gegnum atvinnumiðlun Vinnumálastofnunar voru störf á vegum Lýðræðishreyfingarinnar auglýstar á vefnum job.is.  

Ekki einn einasti umsækjandi mætti í atvinnuviðtal frá vinnumiðlun Vinnumálastofnunar þegar þar var leitað eftir fólki til ýmissa starfa á nýjum fjölmiðli Lýðvarpinu FM100.5 og frettavakt.is.  Annaðhvort eru tölur um 18000 manns á atvinnuleysisskrá stórýktar eða skrifræði hefur kaffært Vinnumálastofnun með þeim hætti að starfsfólkið snýst um sjálft sig án þess að senda atvinnulausum upplýsingar um lausar stöður með skilmerkum hætti.

Nokkur sæti eru enn laus á framboðslistum XP persónukjöri Lýðræðishreyfingarinnar í kjördæmum landsins.  Nýtt rafrænt Alþingi sem kynnt er á vefnum xp.is mun hjálpa nýliðum að takast á við verkefnin á Alþingi eftir kosningar í nánum tengslum við þjóðina.

XP er eina framboðið sem býður fram óraðaða lista, persónukjör og beint lýðræði í komandi kosningum. XP er að fá slíkan meðbyr og stuðning í grasrótinni að nánast annar hver maður sem beðinn er um það skrifar undir meðmælalista og búið er að safna öllu meðmælendum í báðum kjördæmum í Reykjavík og verið að klára landsbyggðina. Í skoðanakönnun á vefnum xp.is vilja 70.9% aðspurðra beint og milliliðalaust lýðræði.

Sækja má um stöður þingmanna á slóðinni: http://job.xp.is