Fréttastjóri Ríkisútvarpsins skellti á símanum!

Ég hringdi í dag í fréttastofu Ríkisútvarpsins/RÚV til að kvarta yfir því að þeir sniðgengu Lýðræðishreyfinguna í umfjöllun sinni um prófkjör stjórnmálahreyfinga í gærkveldi.

Ég benti manninu á að prófkjör færi nú fram á vefnum www.austurvollur.is eins og fram kom í fréttatilkynningu sem send var Ríkisútvarpinu í gærdag. Ekki var einu orði minnst á þetta í umjöllun ríkisfjölmiðilsins sem nefndi einungis á nafn prófkjör fjórflokkanna.

Ég tjáði fréttastjóranum að ef þeir myndu ekki gæta fyllsta hlutleysis skýra frá starfsemi Lýðræðishreyfingarinnar eins og annarra, myndu öll samtöl við Ríkisútvarpið verða tekin upp og birt á vefnum www.frettavakt.is og á nýrri útvarpssrás FM100.5 sem fer í loftið eftir helgi til að afhjúpa fyrir þjóðinni hvað er í gangi þarna.

Þetta kallaði fréttastjóri Ríkisútvarpsins "dónaskap" og skellti á símanum!

Morgunblaðið hefur einnig sniðgengið Lýðræðishreyfinguna í sínum fréttum í dag. Athygli fréttastjóra hefur verið vakin á þessu og hann beðinn að leiðrétta frétt sína á mbl.is. Við munum fylgjast með því hvort það verður gert.

Þeir sem styðja þá valdnýðslu sem er í gangi í þessu landi undir stjórn fjórflokkanna geta að sjálfsögðu kosið þá aftur á þing, en eiga þá að hætta að kvarta og kveina undan ástandinu hér. Aðrir sem vilja gera einhverjar alvöru breytingar á stjórnarháttum í landinu ættu að fara á vefinn www.austurvollur.is og skrá sig þar í framboð eða tilnefna aðra sem þeir treysta til að taka á málum af alvöru.

Líflegasta prófkjörshelgin

Útvarpsstjóri í felum

Páll Magnússon útvarpsstjóri Ríkisútvarpsins RÚV hljóp í felur þegar við mættum frá Lýðræðishreyfingunni til að ræða við hann í Efstaleitinu.

Áður en við komum á staðinn var staðfest að Páll væri á staðnum en þegar við mættum var hann horfinn og allir stjórnendur Ríkisútvarpsins með honum. Enginn yfirmaður fannst í allri byggingunni!

Afnotagjöld frá nær 1200 heimilum þarf til að greiða laun útvarpsstjóra og fyrir lúxusjeppann sem hann er með frá þjóðinni. Þrátt fyrir ofurlaun klúðrar hann þannig málum að Ríkisútvarpið er með allt niðrum sig fjárhagslega og orðið til slíkrar skammar hvað varðar lýðræðislega umfjöllun í aðdraganda kosninga að á leið hingað eru kosningaeftirlitsmenn frá Öryggis og Samvinnustofnun Evrópu.

Ég ræddi við yfirmann Kastljós RÚV undir kvöld. Ég gerði honum grein fyrir því að ég muni hringja í hann og aðra starfsmenn Ríkisútvarpsins úr símum með upptökutækjum á næstu dögum og setja samtölin á frettavakt.is og útvarpa þeim á FM100.5 fái Lýðræðishreyfingin ekki strax að kynna sína stefnuskrá í Ríkisútvarpinu/RÚV eins og önnur framboð. Hann lofar bót og betrun og segist ræða við mig á mánudag um aðgengi að Kastljósinu.

Í fréttatilkynningu sem Lýðræðishreyfingin sendi Ríkisútvarpinu/RÚV í dag kom fram að prófkjör fer nú fram á vefnum www.austurvollur.is.  En í fréttum þessa fjölmiðils var rætt um ýmis prófkjör og eins og venjan er hjá þeim var ekki minnst einu orði á prófkjör Lýðræðishreyfingarinnar.

Við munum því kæra aftur til Öryggis og Samvinnustofnunar Evrópu. Það væri óskandi að hægt væri að beita sér að málefnalegri kosningabaráttu frekar en standa í svona stríð við Sovéska fjölmiðla á Íslandi. Stefnuskrá Lýðræðishreyfingarinnar er að finna á vefnum www.lydveldi.is

Frétt um ferðina í Efstaleiti á vef visir.is

Fréttatilkynning - Útvarpsstjóra RÚV færð ný bifreið kl. 14 í dag

Í tilefni þess að boðað hefur verið til alþingiskosninga í dag, mun Lýðræðishreyfingin færa Páli Magnússyni útvarpsstjóra RÚV nýja bifreið kl. 14 í dag við útvarpshúsið í Efstaleiti.

Lýðræðishreyfingin hefur verið útilokuð frá allri umræðu í ríkisfjölmiðlunum nú í aðdraganda kosninga og hefur ekki fengið að kynna framboð sitt í komandi alþingiskosningum, hvorki í Kastljós, Silfri Egils né öðrm þáttum ríkisfjölmiðlanna.

Lýðræðishreyfingin vill koma á beinu og milliliðalausu lýðræði með uppstokkun á vinnubrögðum Alþingis, m.a. með því að þjóðin fái tækifæri að kjósa um einstök mál í gegnum hraðbankana sem nú eru flestir komnir í eigu þjóðarinnar.

Nánari upplýsingar verða veittar við útvarpshúsið Efstaleiti kl. 14 í dag.

Vefur Lýðræðishreyfingarinnar er www.lydveldi.is og prófkjör fer fram á www.austurvollur.is

14 ára friðarbarátta

Friður 2000 er 14 ára í dag. Þann 4 mars 1995 var Friður 2000 stofnað í Háskólabíó. Á annað þúsund einstaklingar og félagasamtök stóðu að stofnun félagsins. Þrátt fyrir margvíslegt mótlæti gegn samtökunum sem hafa boðað nýja hugmyndafræði í friðarmálum, sem því miður hafa enn ekki átt upp á pallborðið hjá "stjórnmálaskörungum" þessa lands, þá hefur ýmsu verið áorkað:

1995 – Flogið með hjálpargögn og jólapakka með kveðjum frá Íslenskum börnum fórnarlamba Chernobyl og stríðhrjáðra barna í Sarajevo. Hugmyndin verður öðrum hvatning og bílalestir með hjálpargögn og slíka jólapakka berast næstu árin til Chernobyl og á stríðshrjáð svæði með bílalestum frá ýmsum stöðum.

1996 – Bókinni "Virkjum Bessastaði” dreift á öll heimili landsins. Skorað á frambjóðendur að taka upp friðarmálin. Þegar enginn þeirra bregst við áskoruninni lýsir Ástþór sjálfur yfir framboði og notar síðan beinar sjónvarpsútsendingar til að fá Ólaf Ragnar Grímsson til að gefa kjósendum loforð um að beita embættinu í friðarmálum verði hann kjörinn. Forsetinn sveik kosningaloforðið í 12 ár. Í aðdraganda kosninga tók Ástþór við Gandhi mannúðarverðlaunum og afhenti Clinton bandaríkjaforseta eintak af Virkjum Bessastaði.

1997 – Ástþór skorar á heimsbyggðina frá Baghdad að mótmæla fyrirhugaðri árás á Írak. Ástþóri tókst að koma skilaboðunum í gegnum CNN, ABC, CBS og nær alla heimspressuna í 5 daga samfleitt og margsinnis sem aðalfrétt og forsíðufrétt í erlendum stórblöðum! 1998 er Ástþór sæmdur Heilögum Krossi Grísku Réttrúnaðarkirkunnar að útnefningu UNESCO eftir að Clinton hætti við innrásina í kjölfar mikilla mótmæla.

2002 – Ráðamenn vilja að Icelandair flytji vopn og hermenn fyrir Bush í Írakstríð. Ástþór sendir út viðvörun um hættulegt óðagot sem geti dregið Íslensk flugfélög inní hryðjuverkastríð. Þá fangelsaður en sýknaður af Hæstarétti. Hætt við að nota Icelandair flugvélar til vopnaflutninga.

2006 – Vilhjálmur Vilhjálmsson borgarstjóri stofnar Friðarstofnun Reykjavíkur. (Ástþór kynnti slíka hugmynd fyrir borgarstjóra árið 1995)

2007 – Árni Sigfússon bæjarstjóri Reykjanesbæjar undirritar samning um stofnun alþjóðlegs háskóla á Keflavíkurflugvelli er starfi að friðarmálum, kenni alþjóða- og öryggismál. (Ástþór kynnti hugmyndir að friðarháskóla á Íslandi árið 1997 eftir að fá stuðning við hugmyndina hjá fjölda fræðimanna erlendis, síðan í forsetaframboði 2004 og 2006 sendi bæjarstjóranum tillögu að slíkri starfsemi á Keflavíkurflugvelli).

2007 - Yogo Ono kom frá New York með friðarsúlu til Viðey (Ástþór kynnti Ísland sem land friðar á fjölda fyrirlestra í New York, Tokyo og víðar m.a. hjá Sameinuðu Þjóðunum í New York og í hjá friðarháskóla S.Þ. Costa Rica yfir 9 ára tímabil 1995-2004).

2008 – Stjórnvöld samþykkja beiðni Palestínumanna um friðarfund á Íslandi og Forseti Íslands handsalar samkomulagið á Bessastöðum. Ástþór kynnti þessar hugmyndir í Palestínu og Ísrael árið 2001 og aftur fyrir nánum samstarfsmönnum Yasser Arafat árið 2004.

Nánar á www.forsetakosningar.is - www.peace2000.org - www.althing.org

Þráinn Bertelsson boðinn velkominn í Lýðræðishreyfinguna

Það tók ekki Þráinn Bertelsson nema örskamman tíma að afhjúpa lýðskrumið í Framsóknarflokknum:

 

"Þauð tíðindi hafa borist mér til eyrna að aldrei hafi komið til greina í alvöru að stjórn Kjördæmissambands Reykjavíkur í samvinnu við formann Framsóknarflokksins sýndi flokksfélögum það traust að mæla með prófkjöri meðal allra flokksmanna í Reykjavík til að setja saman framboðslista í komandi kosningum. Ég aðhyllist ekki pólitík reykfylltra bakherbergja og dreg hér með framboð mitt til baka. Úrsögn úr flokknum fylgir."

 

Enginn stjórnmálaflokkanna gengur heill til skógar. Þeir byggjast allir sem einn á úreltum hugsjónum um valdaklíkur. Því fyrr sem þjóðin áttar sig á þessu því fyrr vinnum við okkur úr drullupyttnum sem þetta fólk hefur komið okkur í.

 

Þráinn Bertelsson er boðinn velkominn til Lýðræðishreyfingarinnar. Þar fær lýðræðið að njóta sín: 

 

Þitt atkvæði á þing!

Kjóstu þína eigin persónu á þing! 

Flestir láta ekki pabba gamla ráða vali á maka. Slíkt er jafn úrelt fyrirbæri og fulltrúalýðræðið. Hvers vegna eiga aðrir að fara með þitt atkvæði á Alþingi þegar komin er tækni fyrir milliliðalaust lýðræði.   

Beint og milliliðalaust lýðræði

Fáist til þess nægur stuðningur breytum við stjórnarskránni og færum þér kosningarétt á Alþingi. Óskir þú að greiða atkvæði um einstök mál á Alþingi er næsti hraðbanki þinn kjörklefi!

Einstaklingsframboð í stað úrelt flokkakerfis

Við súpum nú seyðið af spilltum flokkadráttum og ráðherraræði. Lýðræðishreyfingin mun aðstoða 126 einstaklingsframboð og moka út spillingunni með beinu og milliliðalausu lýðræði.

Stefnuskrá Lýðræðishreyfingarinnar

Hér getur þú tilfnefnd frambjóðendur eða skráð ósk um framboð á lista Lýðræðishreyfingarinnar: 
Tilnefndu frambjóðendur

Hér má lesa meira um spillinguna í Framsóknarflokknum:

// Opnið augun fyrir þessum blekkingarleik... Ég vek athygli á orðum Erlu af Eyjunni.is í dag en hún skrifar: "Í öllum mótmælum hafa Vinstri Grænir stjórnað eins og í dag Katrín Oddsdóttir. Í gærkvöld var Svandís Svavars áberandi og ekki sést betur á gamlársdag á í frettamynd visir.is Sóley Tóma...	Birt 21.1.09 23:16 Stofnuð: 21.1.09 23:16 Breytt: 21.1.09 23:37
// Bankaræningjann Ólaf Ólafsson í gæsluvarðhald og eignafrystingu STRAX!!! Að reyna að troða því bulli í þjóðina að hlutabréfaviðskipti í Kaupþing hafi farið í gegnum Jómfrúreyjar vegna "skattahagræðingar" er bara hálf sagan. Hinn hluti falsmyntarinnar er blekkingin sem Ólafur setti á svið til að spila á almenna hluthafa...	Birt 20.1.09 0:22 Stofnuð: 20.1.09 0:22 Breytt: 20.1.09 1:09
// Framsóknarfundurinn: Lýðræðissinnar eru vitleysingar - Taka ekki tilsögn "Ástþór og Lýðræðishreyfingin er eina alvöru lýðræðið, þú ættir að kynna þér hvernig þar öllum er gefið valfrelsi" öskraði einn hneykslaður framsóknarmaður yfir fundinn í hita leiksins þegar tekist var á um kosningu fulltrúa á flokksþingið....	Birt 8.1.09 19:35 Stofnuð: 8.1.09 18:45 Breytt: 8.1.09 19:44
// Burt með skrílinn Framsóknarflokkurinn er og verður spilltasta greni landsins. Það er deginum ljósara. Hættið að pukrast með þetta flokksskrípi og kosningar í týndum skókössum í kjallaraholum. Burt með þennan skríl og þeirra flokk. Leggið spillingaraflið Framsókn niður!...	Birt 7.1.09 18:38 Stofnuð: 7.1.09 18:38 Breytt: 7.1.09 18:55
// Ekkert breytist í spilltasta greni landsins Framsóknarspilling í kjallaranum er uppfærsla á gömlu leikriti sem var endurflutt í kvöld í Þjóðleikhúsinu, í dimmum kjallaranum. Enda þolir það sem þarna er að gerast ekki dagsins ljós. Nú er flokkseigendafélag Finns Ingólfssonar & Co búið að finna lepp...	Birt 6.1.09 23:53 Stofnuð: 6.1.09 23:53 Breytt: 7.1.09 0:39
// Var flokkeigendafélagið á staðnum? Geta blaðamenn fundið út hvort flokkseigendafélagið var á staðnum. Verður þetta ekki áfram spilltasta greni landsins? Mjög viðeigandi að þeir færðu Framsóknar fundinn ofaní kjallara. Það liggur við manni finnist best að múrað sé uppí alla glugga og...	Birt 6.1.09 22:22 Stofnuð: 6.1.09 22:22 Breytt: 6.1.09 22:24
// Getum við fengið nöfnin? Þetta var náttúrlega í fínu lagi eins og annað hjá Framsóknarbankanum. Væri ekki rétt að þeir birti lista yfir millifærslurnar, hverjir voru samningsaðilarnir og hvert peningarnir voru sendir. Bankaleynd ætti ekki að þurfa við slíkar löglegar og...	Birt 29.12.08 19:36 Stofnuð: 29.12.08 19:36 Breytt: 29.12.08 19:39
// Bréfið til Geir sem Mogginn neitaði að birta Hér er bréf sem ég sendi til Geir Haarde 22. október s.l. og Morgunblaðið neitaði að birta: Hr. Forsætisráðherra, nú er nóg komið! Þinn tími er kominn Geir. Kominn tími á þig að fara frá völdum og víkja til hliðar áður en þú veldur Sjálfstæðisflokknum og...	Birt 29.12.08 16:56 Stofnuð: 29.12.08 16:56 Breytt: 29.12.08 16:56
// Spilltasta greini landsins Fréttin um að Ólafur Ólafsson hafi leynt eignarhaldi til að komast yfir hlut í Icelandic Group, er í ætt við annað úr þessu spilltasta greni landsins, Framsóknarflokknum. Ólafur Ólafsson sem sölsaði undir sig Skipadeild SÍS / Samskip hefur verið með...	Birt 22.12.08 1:18 Stofnuð: 22.12.08 1:18 Breytt: 22.12.08 1:42
// Jónína Ben og Framsóknarflokkurinn Það er áhugaverð hugmynd hjá Jónínu Ben að ganga í Framsóknarflokkinn ogsækjast þar eftir að komast í forystusveit til að breyta þessu spilltastagreini landsins eins og ég hef löngum kallað þetta flokksskrípi. Égreyndi þetta fyrir nokkrum árum sjálfur,...	Birt 21.12.08 17:00 Stofnuð: 21.12.08 17:00 Breytt: 21.12.08 19:39
// Úr öskunni í eld kommúnista Vonandi bara að þjóðin vakni. Í trylltum dansi sínum um gullkálfinn undanfarinn áratug var þessi þjóð blind og heyrnarlaus. Þeir sem bentu á að ekki væri allt með felldu voru gjarnan rakkaðir niður með margvíslegum uppnefnum. Ég fékk flóruna af viðnefnum...	Birt 13.12.08 18:43 Stofnuð: 13.12.08 18:43 Breytt: 13.12.08 18:57
// Spilltasta greni landsins

 

Bráðfyndin hugleiðing um Harðar Torfa "Raddir fólksins"

Magnús Þór bloggaði þetta bráðfyndna myndskeið af YouTube og þjóðfélagsádeilu um Raddir fólksins.

Hvort á ég að gráta eða hlægja yfir æðibunugangi Harðar Torfasona og yfirlýsingu í fréttum þar sem hann segir að mótmæli annarra en hans eigin séu ólögleg! Ólögleg??? Maðurinn sem stendur fyrir því að mótmælendur ryðjast inní stofnanir, varna ráðherrum inngöngu á Alþingi og sem lýsir því yfir á RÚV að hann ætli að trufla fund Alþingis n.k. þriðjudag, segir aðra sem vilja leggja orð í belg lögbrjóta.

Hörður bíður ekki einu sinni eftir því að hafa tekið yfir Alþingi með nýjum kommaflokki sínum, Hörður hefur tekið sér alræðisvaldið strax í dag!

Það hljóta fleiri en ég að sjá hverslag aðför þetta er að tjáningarfrelsinu. Viljum við slíkan sovét-fasisma eins og vinnubrögð Harðar í stað þess skríplega ráðherraræðis sem nú tröllríður hér húsum?

Ég verð einnig að hryggja Hörð Torfason með því að hann fer með rangt mál að ég sé ræðumaður á Austurvelli í dag. Ég bíð enn eftir svarinu frá Herði við bréfi mínu, vonandi fæ ég að taka um hljóðnema "Radda fólksins" á næstunni.

17.1.2009 | Hörður svaraði ekki! Vill úr alræði ráðherravalds í alræði kommúnista

Hörður svaraði ekki! Vill úr alræði ráðherravalds í alræði kommúnista

Sorglegt, en Hörður Torfason svaraði ekki bréfinu sem ég sendi honum um tjáningarfrelsi á Austurvelli. Ekkert lýðræði á Austurvelli ef Hörður fær að ráða. Enginn má þar tala nema einráðurinn Hörður samþykki. Einvaldurinn svarar hvorki bréfum né símtölu frá fólki sem er honum ekki þóknanlegt.

Einn ágætur kunningi minn segir Hörð hafa sagt í byrjun desember að hann væri nr. 50 á biðlista frummælenda á Austurvelli og haft yrði samband við hann. Enginn hefur hringt þótt troðið sé upp sama fólkinu fund eftir fund. Í dag þegar þessi ágæti og mælski maður hafði samband skellti Hörður Torfason á hann símanum!

Í Speglinum á Rás1 hjá Ríkisútvarpinu fimmtudagskvöld sagðist Hörður stefna á flokksframboð ásamt Einari Má Guðmundssyni rithöfundi og ritstjóra NEI sem þeir kynna sem kommúnískt dagblað á netinu.

Þarna er líklegast komin skýringin á því að enginn má koma í ræðustól svokallaðra "Radda fólksins" á Austurvelli nema kommúnistar og aðrir sem sverja sovét-fasistum hollustu. Þessvegna eru jólasveinar og aðrir lýðræðissinnar sem sjá í gegnum blekkingarvefinn bornir út af fundum þeirra.

Lýðræðissinnar láta auðvitað ekkert bjóða sér svona rugl til lengdar. Að óprúttnir aðilar nýti sér örbyrgð fólksins í landinu til að blekkja það í klær kommúnista. Það eru ekki "Raddir fólksins" að þagga niður í fólki og hefta tjáningarfrelsið. Við viljum ekki slíka kúgun í stað ráðherraræðis. 

11.1.2009 | Opið bréf til Harðar Torfasonar

Mótmælin halda áfram

Fékk ritrottan vitrun?

Erum við komin á flug inní bjartari tíma? Hefur peningahrunið orsakað hrun óþverralúsa af gyltunni? Gæti verið að sorpritstjórar og ritrottur fái nú slíkrar vitranir að skítlegt eðli sé á flótta úr fjölmiðlaflórhaug Baugs?

Ég rak upp stór augu þegar ég las þetta í leiðara DV í dag: "Íslenskt samfélag er á barmi siðrofs þar sem allt er að verða leyfilegt í nafni málstaðarins. Sjálfsagt þykir að nafnlausir einstaklingar fjalli með subbulegum hætti um nafnkennt fólk inni á vefsíðum sem gefnar eru út fyrir að vera siðvæddar. Ótal dæmi eru um beinan óhróður þar sem nafnleysingjar láta vaða á súðum og bera nafngreint fólk sökum. Einelti þykir sjálfsagt. Og ákveðnir aðilar eru tilbúnir til þess að hýsa ófögnuðinn og veita honum farveg undir því yfirskyni að nauðsynlegt sé að fá allt fram í dagsljósið. Þetta er dæmi um siðrof sem orðið er að veruleika."

Hvað þýðir þetta? Að Reyni Traustasyni sé það ekki lengur "heiður" að birta um mig upplognar lygasakir og ærumeiðingar í DV eins og hann sagði við mig í símtali nokkru fyrir jól. 

Ég reyndar lagði til að athugandi væri fyrir hina myrkvu sál sorpritstjórans á DV að setjast á guðfræðibekk við hlið fyrrum samstarfsmanns á 365, Steingríms Snævarr, og í auðmýkt biðja um fyrirgefningu og aðstoð við að hreinsa út skítlegt eðlið. 

Gæti verið að Reynir hafi þegar snúist til betri vegar, eða er hann bara að bulla í leiðara DV eins og venjulega? Ef satt og rétt, Reynir sé orðinn  betri og bjartari sál, hversvegna hefur hann ekki fjarlægt lygarnar og óhróðurinn um mig á DV-malefnin.com og beðist afsökunar?

Reynir ætlar nú að gerast talrotta á Útvarpi sögu í slagtogi við Eirík Jónsson aðra þekkta ritrottu af DV. Þeir reyna nú að fá sér geislabauga með þeim Hreinsgerningum að gefa ágóðann til góðgerðarmála. En hvernig virkar þetta? Mér skilst að allir fjölmiðlarnir séu reknir með tapi, sé vonlaus bísness. Fær þá Rauði Krossinn tapið eftir að þeir félagar hafa tekið launin sín úr söfnunarbauknum?

Mér finnst að þeir félagar, strengjabrúðurnar í rottubúrinu, eigi að upplýsa í fyrsta þættinum hver það var sem kippti í spottana á Reyni Traustasyni. Þjóðin krefst þess. Allt annað bull er siðrof!

Útvarp Saga kl. 16 í dag. Sverrir Stormsker með áhugaverðan þátt um mótmælendur og fleira

Skora á ykkur að hlusta á þátt Sverris Stormsker á Útvarp Sögu kl. 16 í dag. Verður örugglega áhugaverður þáttur þar sem nokkrir aðilar munu ræða mótmælendur, jólasveina og fleira.

Berið Steingrím J og stjórnarandstöðuna úr Alþingshúsinu

Það vantaði í ræðu Róberts Wade þá tillögu að stjórnarandstaðan hætti að róa á galeiðunni undir svipuhöggum ríkisstjórnar sem Róbert segir muni sigla þjóðarskútunni í strand á næstu vikum.

Stjórnarandstaðan hefur engin völd. Ekkert er hlustað á hana á þinginu. Hún áorkar engu. Engin verðmæti munu tapast yfirgefi stjórnarandstaðan sæti sín á Alþingi. Hinsvegar myndu þannig sparast milljónir króna í launagreiðslur frá þjóðinni til ónýtra vindhana og kommalúðra. 

Yfirgefi stjórnarandstaðan þingið yrði það heimsfrétt. Erfitt fyrir ríkisstjórn að sitja áfram á slíku þingi því þing án stjórnarandstöðu myndi á augabragði afhjúpa séríslenska ráðherraræðið sem einhverskonar einræðistilburði í augum heimsins. Stjórnvöld myndu endanlega missa alla tiltrú og hitna svo undir ráðherrastólum að ekki yrði í þeim vært stundinni lengur.

Þessi aðgerð myndi einnig afhjúpa hvort stjórnarandstaðan er eitthvað betri. Hvort þeir sem þarna sitja fyrir Vinstri Græna eða aðra flokka eru þar af hugsjón eða sem áskrifendur að þægilegu launaumslagi.

Verði stjórnarandstaðan ekki við tilmælum mótmælenda að yfirgefa samkvæmið í Alþingishúsinu gætu beinar aðgerðir beinst að því að bera Steingrím J. úr Alþingishúsinu. Mótmælendur eru búnir að þaulæfa slíkar aðgerðir á "Lokuðum borgarafundi" og munar ekkert um að bera út annan jólasvein.

4.1.2009 | Höfnum spilltum pakkaferðum alþingismanna

8.1.2009 | Kommúnistar báru jólasveininn út af Opnum borgarafundi