Höfnum spilltum pakkaferðum alþingismanna

Fjórar ónýtar ferðaskrifstofur starfa innan Alþingis sem allar eru komnar í þrot enda stjórnendur þessara fyrirbæra upp til hópa veruleikafirrtir og valdasjúkir öfga kapatalistar eða öfga kommar.

Í þessu leikhúsi á skríplegri uppfærslu á lýðræðinu er okkur boðið að velja ferð á fjögurra ára fresti.

Eftir að þjóðarskútan hefur siglt úr höfn kosninganna á áhöfnin það til að breyta fyrirvaralaust um stefnu án samráðs við okkur. Ekki nóg með að taka af okkur ákvörðunina um hvert við viljum fara, nú stefna þeir þjóðarskútunni í strand og senda bakreikning fyrir hækkun farmiðans.

Þráinn Bertelsson skrifar áhugaverðan pistil um 19. aldra lýðræði á 21 öld og segir m.a. þetta: "Fyrirutan hversu fáránlegt og áhættusamt það er að fela einhverjum aðilaforsjá sína næstu fjögur ár og afsala sér um leið rétti til breytingaþá ríkir fákeppni á hinum pólitíska ferðamarkaði, fyrir utankrosstengsl, sameiginleg hagsmunatengsl, ætta- og fjölskyldutengsl ogönnur vensl milli þessara úrkynjuðu og innræktuðu stjórnmálaflokka."

Ég er algerlega sammála Þránni í uppgjöri hans við Alþingi. Það er kominn tími til breytinga á því spillta og úrelta flokkakerfi sem ríður hér húsum.

Þjóðin þarf að standa vörð um lýðræðið sem aldrei fyrr. Veruleg hætta skapast í kjölfar hrun hagkerfis eins og hér hefur nú gerst að öfgaöfl nái undirtökum. Við sjáum þetta þegar gerast í undirrót mótmælanna sem hafa átt sér stað að undanförnu.

Harðir kommúnistar hafa hreiðrað um sig meðal mótmælenda með svipuðum hætti og hefur gerst í öðrum ríkjum í undanfara kommúnískra byltinga. Þessi undirróðursöfl veigra sér ekki við að tefla fram ófullþroska börnum til að blekkja þjóðina.

Blekkingar kommúnistanna krystallast í niðurlagi ræðu eins þeirra á Austurvelli í gær (3.01.09) er hann sagði: "Ég sé fyrir mér stórt bandalag sem rúmar okkur öll".  En hvar rúmast ég? Augljóslega ekki í þessu bandalagi því mér var varpað á dyr af fundi þeirra, hent út á götu í frostið, af þremur fílefldum karlmönnum eftir svokallaða "kosningu" að sovéskri fyrirmynd. 

Umræddur ræðumaður hefur á undanförnum árum unnið ýmis verk fyrir Vinstri Græna.  Nú vinnur hann sem moldvarpa fyrir þennan flokk til að blekkja þjóðina í gull og græna skóga kommúnismans.

Treystum ekki svona fólki fyrir framtíð okkar. Í upplýsingasamfélagi nútíðar er engin þörf á því gallaða fulltrúaræði sem flokkskrípin bjóða. Við getum gert betur. Við sjálf tekið völdin og komið hér á beinu og milliliðalausu lýðræði. Tökum okkar ákvarðanir sjálf. Sjá nánar á: lydveldi.is

Lýðræðishreyfingin boðar byltingu í Íslenskum stjórnmálum

Borinn út af borgarafundi. Þjóðin blekkt með leikstýringu.

Lygamörður borgarafundar afhjúpaður. Þjóðin blekkt. Hljóðupptökur.