Undanskot eigna DV - Kæra til Efnahagsbrotadeildar Ríkislögreglustjóra

Fréttavefurinn DV.is hefur í dag tilkynnt um að útgáfa blaðsins DV og vefsins dv.is hafi verið fært úr Birtingur ehf og að kauperðið sé trúnaðarmál.

Þeim sem þekkja til þessa máls má vera ljóst að hér er um gróft undanskot eigna að ræða.

Birtingur ehf er gjaldþrota eignarlaust félag eins og fram kom í kæru undirritaðs til Ríkislögreglustjóra þann 15 febrúar s.l. Þar kom einnig fram að útgáfa DV hefur margsinnis áður verið færð með svipuðum hætti úr félögum sem síðan hafa verið sett í þrot og kröfuhafar skildir eftir með sárt ennið.

Undirritaður hefur verið með í undirbúningi stefnu á hendur útgefendum DV vegna margvíslegra ærumeiðinga sem blaðið og vefurinn dv.is hafa birt um undirritaðann á undanförnum misserum. Um er að ræða á annan tug ærumeiðinga, m.a. gersamlega tilhæfulausan áburð um að undirritaður hafi falsað nöfn frambjóðenda á framboðslista í tengslum við síðustu alþingiskosningar. Þetta athæfi DV var kært til Lögreglustjórans í Reykjavík þann 23 apríl s.l. og 14 nóvember s.l. og þess óskað að þessi grófa ærumeiðing og alvarlegi áburður um skjalafals yrði rannsakað af lögreglunni. Í tilkynningu um svokallaða „nýja eigendur“ DV kemur fram að Lilja Skaftadóttir fyrrum frambjóðandi Borgarahreyfingarinnar og stjórnarmaður flokksins í ofangreindum kosningum sé stærsti hluthafinn. Þetta gefur enn frekari ástæðu til þess að lögreglan rannsaki hvað lág að baki ofangreindri umfjöllun DV sem augljóslega var til þess gerð að hafa áhrif á kosningarnar með ólögmætum hætti og grafa undan framboði Lýðræðishreyfingarinnar.

Undirrituðum er kunnugt um að aðrir sem hafa dæmdar miskabætur vegna ærumeiðinga DV hafa verið í vandræðum með að innheimta bæturnar frá útgefanda DV. Nú er ljóst að verið er að endurtaka kennitöluflakkið enn eina ferðina til þess eins að komast hjá því að taka ábyrgð á útgáfunni enda hefur DV fengið á sig slíka dóma nánast í hverjum mánuði undanfarin ár. Sumir lögfræðingar eru farnir að vísa til aðstandenda DV sem „Síbrotamenn á sviði ærumeiðinga“.

Þess er krafist að Lögreglan grípi tafarlaust til aðgerða til að koma í veg fyrir enn eitt undanskotið á eignum DV. Útilokað er að sætta sig við að fjölmiðill hafi lífsviðurværi af ærumeiðingum og skjóti sér síðan undan ábyrgð með reglubundnu kennitöluflakki.

Virðingarfyllst,
Ástþór Magnússon

Ofangreint erindi sent til:

Ríkislögreglustjórinn – Efnahagsbrotadeild
Skúlagata 21, 101 Reykjavík. Símbréf: 4442501
28. mars 2010.

26.2.2010 | 17:36
Gjaldþrota DV fjármagnað af Sparisjóð Siglufjarðar

15.2.2010 | 10:39
DV gjaldþrota

Skrár tengdar þessari bloggfærslu:

• Kæra til lögreglu - Undanskot eigna DV

Laumuhluthafar úr spilltasta greni landsins

Þegar ég vakti athygli á því fyrir rúmum tíu árum að Framsóknarflokkurinn væri spilltasta greni landsins var ég nánast ofsóttur fyrir og kallaður öllum illum nöfnum.

Hvernig Finnur Ingólfsson fyrrverandi ráðherra og Ólafur Ólafsson í Samskip (búktalari Framsóknarflokksins) stálu Búnaðarbankanum af þjóðinni með lygasögu um erlendan banka sem kjölfestufjárfesti og síðan breyttu í eina stærstu Ponzí svikamyllu í mannkynssögunni, nálgast líklegast heimsmetið í fjársvikum.

Finnur Ingólfsson komst til áhrifa í Framsóknarflokknum með smölun inná lítinn félagsfund hjá flokknum. Lýðræði er með þeim hætti innan Framsóknarflokksins að atkvæðin sem komu honum til valda voru fáeinir tugir. Finnur misnotaði síðan áhrif sín í stjórnmálum til að breyta lögum og reglum og greiða fyrir því að geta sölsað undir sig góð fyrirtæki í ríkiseigu.

Þjóðin hefur tapað fleiri hundruð milljörðum á óheiðarleika Finns Ingólfssonar og helstu samstarfsmanna hans Ólafs Ólafssonar og Þórólfs Gíslasonar. Þessir menn notuðu Framsóknarflokkinn með ósvífnum hætti til að ryksuga meðal annars fjárhislur Búnaðarbankans og eignarhaldsfélag Samvinnutrygginga.

Nú er talað um að afskrifa nær fjóra milljarða vegna einkafélags Finns Ingólfssonar. Hann er stikkfrí frá allri ábyrgð á að skila þýfinu því Finnur naut sérkjara Framsóknarmanna, hafði "license to steal" frá ríkisstjórn Íslands og þurfti ekki einu sinni að ábekjast víxilinn þegar hann gekk með peningana úr bankanum.

Hver verður framhaldið? Mun það komast upp eftir einhver mánuði eða ár þegar Framsóknarklærnar ná aftur hreðjartökum á þjóðfélaginu, að bankaræningjarnir Finnur og Ólafur lifa góðu lífi sem laumuhluthafar Arion banka í gegnum erlenda vogunarsjóði?

Hversvegna þessum mönnum er ekki stungið í fangelsi og illa fengnar eignir þeirra gerðar upptækar er mér algerlega óskiljanlegt.  Á meðan þjóðin velur sömu spillingaröflin til að stjórna landinu gerist náttúrlega lítið af viti.

Milljarða skuld Finns líklega afskrifuð

Sjálfstæðisflokkurinn eykur fylgi sitt verulega

Blaðamannafélag Íslands styður mannorðsmorðingja

Áskorun Blaðamannafélags Íslands til stjórnvalda um að síbrotamenn sem fara offari í ærumeiðingum og mannorðsmorðum njóti friðhelgi gegn dómstólum er hneykslanleg.

Þeir blaðamenn sem hafa fengið á sig dóma undanfarin ár og mánuði eru nánast undantekningarlaust starfsmenn DV eða fjölmiðla Hreins Loftssonar og Jóns Ásgeirs Jóhannessonar sem reka þessa fjölmiðla um pýramída af gjaldþrota fyrirtækjum haldið uppi með bókhaldsblekkingum.

Áskorunina á stjórnvöld má líklegast rekja til þess að stjórn Blaðamannafélagsins skipar m.a. atvinnulaus blaðamaður sem gerir nú hosur sínar grænar fyrir eigendum sorpmiðlanna, en í stjórn og varastjórn B.Í. eru einnig starfsmenn þessara öfgamiðla.

Í stað þess að veita mannorðsmorðingjum DV friðhelgi ættu stjórnvöld að sjá til þess að löggæslan virki hegningarlögin til að stemma stigu við þessu vaxandi þjóðfélagsmeini. Þeir sem gera rekstur sinn og atvinnu út á ærumeiðingum eiga að sæta fullri ábyrgð og þyngstu refsingu með fangelsi eins og ætlast var til þegar hegningarlögin voru sett á Alþingi.

Áhyggjuefni er hve lögreglan hefur verið slök í að virkja hegningarlögin vegna ærumeiðinga. Nýlegt fordæmi Ríkissaksóknara í opinberu refsimáli vegna rógburðar gefur hinsvegar hinsvegar von um að löggæslan sé að vakna af sínum þyrnirósarsvefni, enda er það þeirra skylda að vernda borgara landsins gegn ómaklegum árásum og virkja hegningarlögin gegn skrímslum Blaðamannafélags Íslands.

Óábyrg skrif um náungann geta haft alvarlegar afleiðingar fyrir þann sem er rægður og fjölskyldu hans. Hver man ekki eftir kennaranum sem svipti sig lífi daginn sem DV rakkaði hann niður á forsíðu. Þjóðinni ofbauð og ritstjórarnir flúðu úr starfi.

Ég hef sjálfur mátt þola reglubundnar ærumeiðingar af hálfu DV. Undanfarna mánuði hafa þeir birt lýgi eftir lýgi um mína persónu og eða athafnir. Þeir hafa dregið uppúr ræsum borgarinnar gróusögur sem hafa enga stoð í veruleikanum. Það virðist nægjanlegt að veikir og blankir einstaklingar sækist í hundrað þúsund kallinn sem DV borgar fyrir svokallað "Fréttaskot" til að gera hvaða blaður sem er að heilögum sannleika á síðum blaðsins.

Einelti DV gegn mér hefur gengið svo nærri eiginkonu minni að hún þolir ekki við á landinu. Eitt skiptið er ég hafði verulegar áhyggjur af því hve nærri þetta gekk fjölskyldunni mætti ég með prest á heimili ritstjóra blaðsins. Í stað þess að taka tillit til aðstæðna hélt þetta hjartalausa skrímsli áfram og skrifaði sérstaka frétt í blaðið um þessa heimsókn mína.

Mér er kunnugt um fleiri tilfelli. Í einu slíku fóru DV menn enn eina ferðina offari í umfjöllun sem átti lítið skylt við faglega blaðamennsku. Illrætin og ærumeiðandi skrif þeirra höfðu svo mikil áhrif á einstakling sem tengdist fórnarlambinu að hann tók eigið líf.

Í okkar litla þjóðfélagi eigum við ekki að sætta okkur við starfsemi óábyrgra fjölmiðla sem gera útá það að rakka niður náungann. Það er enginn að ætlast til þess að fjölmiðlar þegi yfir spillingu í stjórnkerfi okkar eða viðskiptalífi. Hinsvegar hlýtur það að vera lágmarkskrafa að blaðamenn haldi sér við staðreyndir og kanni sannleiksgildi þess sem þeir og viðmælendur þeirra bera á torg áður en slíkt er sett á prent og skráð á spjöld sögunnar.

Skora á stjórnvöld að breyta prentlögum

DV gjaldþrota

Kæra fjármálamisferli útgefanda DV, kennitöluflakk og viðskiptablekkingar

Ríkislögreglustjórinn – Efnahagsbrotadeild
Skúlagata 21, 101 Reykjavík. Símbréf: 4442501

15. febrúar 2010

Í tengslum við undirbúning stefnu gegn útgefendum DV vegna meiðyrða kom í ljós að svokallaður eigandi blaðsins hæstaréttarlögmaðurinn Hreinn Loftsson, sem sterkur orðrómur er um að sé þarna sem leppur fyrir Jón Ásgeir Jóhannesson, heldur DV úti um pýramída byggðan upp af þremur gjaldþrota einkahlutafélögum að því virðist til að komast hjá því að taka ábyrgð á starfseminni.

Eftir stutta rannsókn á bakgrunni og fjárhag útgefanda DV er ljóst að rekstrinum er viðhaldið með grófum viðskiptablekkingum og kennitöluflakki.

Ársreikningar félaganna Birtings útgáfufélags ehf, Hjálmur ehf og Austursel ehf einkennast af blekkingum uppáskrifuðum af alþjóðlega endurskoðendafyrirtækinu Deloitte hf. Þegar reynt var að spyrjast fyrir um bókfærðar loftbólur hjá Einari Hafliða Einarssyni endurskoðanda hjá Deloitte kom svo mikið fát á manninn að hann skellti á símanum.

Nánast eina eign ofangreindra félaga er viðskiptavild kallað "útgáfuréttur" hjá Birtingur ehf uppá tæpar tvö hundruð milljónir króna. Slík viðskiptavild er auðvitað nánast einskis virði hjá félagi sem tapaði 150 milljónum króna við síðasta uppgjör og á þriðja tug milljóna árið áður. Þá eru bókfærðar útistandandi viðskiptaskuldir uppá 152 milljónir króna en stór hluti þess eru ónýtar kröfur. Endurskoðandinn veit fullvel að þessar rúmar 302 milljónir eru  loftbólur og í engu samræmi við raunveruleg verðmæti. Hér er verið að viðhalda þeim ólögmætu bókhaldsbrellum sem viðgengust í Baugi en þaðan virðist félagið Hjálmur ehf, eiganda DV útgáfufélags og Birtings hafa færst yfir til Austursel ehf fyrirtækis Hreins Loftssonar árið 2008 með einhverskonar töfrabrögðum.

Undirritaður er upplýstur um að aðrir sem hafa á síðastliðnu ári fengið dæmdar miskabætur í meiðyrðamálum gegn útgefendum DV hafa síðan verið í vandræðum með að fá bæturnar greiddar. Þekktur lögfræðingur ritaði á síðasta ári grein í Fréttablaðið (22 ágúst 2009) þar sem hann kallaði aðstandendur DV "Síbrotamenn á sviði ærumeiðinga" en þá hafði blaðið fengið sjö dóma á 9 mánuðum.

DV virðist fyrir stuttu hafa verið gefið út af Útgáfufélag DV ehf og Dagblaðinu Vísir ehf og fært á milli þesara fyrirtækja með kennitöluflakki. Hreinn Loftsson og félagar virðast hafa sveiflað töfrasprotanum enn eina ferðina og síðast fært útgáfuna inní félagið Birtingur útgáfufélag sem nú stefnir í þrot eins og fyrirrennarar sínir. Undirritaður þarf því að stefna tveimur eða þremur útgáfufélögum vegna meiðyrða síðustu ára. Hinsvegar kemur upp það vandamál að DV útgáfufélag og Dagblaðið Vísir eru bæði gjaldþrota og nú afmáð úr hlutafélagaskrá. Þar sem huldumaðurinn sem stendur bakvið útgáfuna felur sig í dag á bakvið 3 eignalaus félög verður ekki séð hvernig hægt er að ná fram réttvísi gegn DV eða fá kröfur greiddar. Í síðasta ársreikingi núverandi útgáfufélags DV er ört hækkandi og einn stærsti kosnaðurliðurinn dráttarvextir sem sýnir vaxandi vanskil!  Þá er ritstjóri blaðsins Reynir Traustason skráður á vanskilaskrá Lánstraust í dag og því ljóst að hann er ekki borgunarmaður fyrir sínum skuldum.

Ótækt er að líða það að þeir sem hafa fjárhagslegan ávinning af mannorðsmorðum með rógi og lygaþvælu einelti gegn einstökum persónum eins og undirrituðum komist undan réttvísi og ábyrgð með slíkri svikamyllu sem útgáfa DV er. Þessvegna er þess krafist að Efnahagsbrotadeild Ríkislögreglustjóra stöðvi áframhaldandi rekstur þessa gjaldþrota sorprits og hlutist til um að opinber rannsókn fari fram á ólögmætu hátterni Hreins Loftssonar í tengslum við útgáfu-pýramídann. Full þörf er á að rannsaka hvernig útgáfa DV var færð með töfragjörningum úr Baugi sem nú er í gjaldþrotameðferð en ekki er hægt að lesa úr ársreikningum ofangreindra félaga að raunveruleg verðmæti hafi verið greidd til Baugs.

Einnig vakna upp spurningar um hvort Hreinn Loftsson geti áfram starfað sem hæstaréttarlögmaður eða fyrirtæki hans veitt opinberum aðilum lögfræðiþjónustu með slíkan slóða af gjaldþrotum og viðskiptablekkingum í farteskinu.

Virðingarfyllst,
Ástþór Magnússon

Skrár tengdar þessari bloggfærslu:

• Efnahagsbrotadeild
• Austursel ársreikningur
• Hjálmur ársreikningur
• Birtingur ársreikningur
• Birtingur vanskilaskrá Ríkisskattstjóra

Sveltandi þjóð í fangelsi með forgangshraða

Grátlegt að horfa uppá Íslenskt réttlæti. Smákrimmar, jafnvel sveltandi húsmæður sendar í fangelsi með forgangshraða um dómskerfið fyrir stela kjöthleif úr verslun útrásarvíkinga á meðan milljarðaþjófagengið Finnur&Ólafur úr Framsóknarflokknum, Bakkabræður og tuttugu aðrir hvítflibbar valsa um með þýfið úr bönkunum og flytja eignir úr lögsögunni þvers og kruss um heimsbyggðina á leifturhraða.

Í fréttum dagsins segir einnig frá sjóræningjum í Sómalíu hafa nú stofnað kauphöll um sína glæpastarfsemi. Allir geti fjárfest í sjóránunum og ekki sé þverfótað í bænum þeirra fyrir lúxusjeppum sem teppi alla umferð. Þeir hafa kannski sótt fyrirmyndina hjá Íslensku kauphöllinni þar sem ein stórfelldasta fjársvikastarfsemi heims var stunduð með velþóknun hins spillta Alþingis.

Hvenær ætlar Íslensk þjóð að kasta af sér flokksfjötrunum og kjósa sér nýja leiðtoga?

Í fangelsi fyrir að stela nautalundum

Vopnin hjá Lýðræðishreyfingunni

Jú mikið rétt Lýðræðishreyfingin býr yfir öflugu vopni.  Lýðræðissinnar sem vilja nota vopnið til að vinna lýðræðinu brautargengi og uppræta landlæga spillingu í stjórnkerfi landsins geta hringt í síma 4500509 og lesið þjóðinni pistilinn í Lýðvarpinu.

Annars er þessi fyrirsögn nokkuð misvísandi en óneitanlega minnir þetta mikið á þann tíma þegar ég var settur í gæsluvarðhald á Íslandi fyrir að deila á stjórnvöld.  Lögreglan mætti með á annan tug manna í fleiri daga til að leita að "sönnunargögnum" á skrifstofum Friðar 2000 og reynt var að fá mig til að draga yfirlýsingar mínar til baka um ólögmæti Írakstríðsins með hótunum um 16 ára fangelsi.

Ég var sóttur um miðja nótt og messað yfir mér á skrifstofum Ríkislögreglustjóra í marga tíma þar til ég fékk síðan að dúsa í gæsluvarðhaldi í fleiri daga. Ég sagði þeim bara hreinskilnislega að gagnslaust er að hóta hugsjónamönnum og Litla Hraun sé ekki verri vettvangur en margt annað í baráttu minni gegn spilltri stjórnsýslu og til að vinna friðarmálum brautargengi. 

Á endanum skipaði Hæstiréttur Ríkislögreglustjóra að láta mig lausan og tveimur árum síðar gekk dómur þar sem þeir var gert að skila öllum þeim tölvum sem þeir stálu af skrifstofum Friðar 2000. 

Nú eru skrifstofurnar búnar öflugum útvarpsbúnaði. Ég er að spá í hvort ég kem heim á næstunni til að hræra aðeins í tökkunum og taka spillingarliðið á beinið í beinni!  Amk skil ég ekki hversvegna Ríkislögreglustjórinn er ekki búinn að sækja helstu útrásarvíkingana, þá sem hafa stolið hundruðum eða jafnvel þúsundum milljóna frá þjóðinna, og setja þessa glæpaskúrka í gæsluvarðhald eins og hann gerði við mig um árið af engu tilefni nema til að reyna þagga niður í óþægilegri gagnrýni.

Lögreglan leitar vopna á skrifstofu Lýðræðishreyfingarinnar

Stjórnsýslukæra vegna RÚV og Egils Helgasonar

Aðgerðaleysi lögreglu við glæpastarfseminni á RÚV hefur verið kærð til Umboðsmanns Alþingis.  Heilbrigt heilbrigt lýðræði og stjórnsýsla hlýtur að vera hornsteinn að kjörorðinu: Með lögum skal land byggja!

Stjórnsýslukæra
vegna RÚV og Egils Helgasonar

Í aðdraganda síðustu alþingiskosninga sendum við fjölda erinda og kærur vegna ítrekaðra brota RÚV og Egils Helgasonar þáttastjórnanda gegn Lýðræðishreyfingunni.

M.a. var kært til Lögreglustjórans í Reykjavík þar sem um var svo grófa mismunun að ræða hjá RÚV að varðaði við kosningalög og almenn hegningarlög.  Engin svör hafa borist frá embættinu. Einnig hafa engin svör borist frá Menntamálaráðuneytinu sem einnig fengu margítrekað kærur og kvartanir vegna málsins. Menntamálaráðherra hefur einnig brugðist skyldu sinni í þessu máli og hefur að engu lög og reglur um Ríkisútvarpið.

Þar sem stjórnsýsla og löggæsla landsins hefur landslög að engu, er þess óskað að Umboðsmaður Alþingis taki til umfjöllunar kærur okkar og kvartanir yfir brotum RÚV og Egils Helgasonar.

Nýjar upplýsingar hafa borist vegna framferðis Egils Helgasonar sem enn frekar undirstrika vanhæfi hans til að starfa á ríkisfjölmiðlunum sem eiga að gæta hlutleysis í umfjöllun sinni en það hefur þessi þáttastjórnandi svo sannarlega ekki gert:

Í útsendingu Bylgjunnar þann 16 ágúst s.l. sagðist Egill Helgason starfsmaður Ríkisútvarpsins-RÚV hafa kosið Borgarahreyfinguna við síðustu alþingiskosningar.  Hér er líklegast komin skýringin á því hversvegna Lýðræðishreyfingin var útilokuð frá þættinum Silfur Egils á RÚV í aðdraganda kosninganna á meðan 8 fulltrúar Borgarahreyfingarinnar fengu ítrekað aðgang að þættinum  á tímabilinu 23 nóvember – 22 mars s.l. Á sama tíma var Lýðræðishreyfingunni alfarið synjað um aðgang að Silfri Egils m.a. með þessum orðum eftir ítrekuð símtöl, símbréf og netpóst undirritaðs til stjórnenda Silfur Egils: „Sæll Ástþór, Ekki hringja í hana Halldóru, hún ræður engu um hvað er í þættinum. Ég mun ekki bjóða þér í þáttinn að sinni. Mbk Egill“

Líkur má leiða að því að ofangreint hátterni og mismunum RÚV gagnvart Lýðræðishreyfingunni hafði afgerandi áhrif á úrslit síðustu alþingiskosninga.

Hjálagt fylgja kærur frá 29. mars 2009 og 5 apríl 2009 sem sent var til Lögreglustjórans í Reykjavik og sem fjallaði um margvísleg brot RÚV gegn Lýðræðishreyfingunni. Krafist var og enn er þess krafist að skipt verði um yfirstjórn hjá RÚV og hlutaðeigandi brotamönnum innan Ríkisútvarpsins, þ.á.m. Agli Helgasyni verði vikið úr starfi og þeim refsað í samræmi við lög og reglur.

Ofangreind kæra hefur verið send Umboðsmanni Alþingis ásamt fjölda fylgiskjala. Eitt fylgiskjalanna er með þessari blogfærslu - afrit kæru til Lögreglustjórans í Reykjavík þann 5 apríl 2009.

 

Lögreglan þarf að velja og hafna

Skrár tengdar þessari bloggfærslu:

• RÚV kært til Lögreglustjórans í Reykjavík

Hversvegna tekur stelpan ekki á RÚV skúrknum?

Hversvegna er ekki farið að núverandi lögum t.d. varðandi hlutleysi þáttastjórnenda á RÚV?

 Hversvegna tekur ráðherra stelpan ekki á ítrekuðum kvörtunum og kærum sem henni voru sendar í aðdraganda síðustu alþingiskosninga þegar Egill Helgason gróflega misnotaði aðstöðu sína með því að útiloka Lýðræðishreyfinguna frá þáttum sínum á RÚV meðan hann hampaði margítrekað aðstandendum og frambjóðendum Borgarahreyfingarinnar.  Þessi fjölmiðlaskúrkur gengur sífellt lengra í þeirri vissu að spilltir stjórnmála og löggæslumenn muni ekki taka á lögbrotum hans.

Hversvegna tekur hún ekki á kvörtunum og kærum gagnvart fréttastofu RÚV sem margsinnis brutu núverandi lög í aðdraganda alþingiskosninga sem svo grófum hætti að varðar við hegningarlög.

VG stelpuskjátan í ráðherrastól hefur engan trúverðugleika með nýtt frumvarp meðan hún leyfir drullusokkunum sem stjórna fréttastofu og helstu þáttum á RÚV að fótum troða lýðræðið. Hún hefur ekki einu sinni svarað marg ítrekuðum kvörtunum Lýðræðishreyfingarinnar um brot RÚV á núverandi lögum.  Til hvers að setja lög ef ekki þarf að fara eftir þeim?  Nær væri að sparka í rassgatið á Lögreglustjóranum í Reykjavík með þeim skilaboðum að ekki sé viðunandi að stinga undir stól öllum kærum gegn RÚV fyrir brot á kosningalögum og hegningarlögunum í aðdraganda kosninga. 

Að setja lög sem ekki er ætlast til að farið sé eftir getur einungis stuðlað að enn frekara upplausnarástandi í þegar gerspilltu þjóðfélagi flokksdýranna.

Nýtt fjölmiðlafrumvarp kynnt

Veruleikafirrt stjórnarandstaða í leikhúsi fáránleikans

"Nei nei við Vinstri græn fórum bara út til þess að taka þátt í þessum mótmælum og tala við fólk svo förum við í okkar vinnu núna" svaraði Álfheiður Ingadóttir þingmaður VG skælbrosandi út að eyrum þegar blaðamaður spurði hvort búið væri að loka Vinstri græna úti úr Alþingishúsinu.

Hvaða vinnu er þessi mótmælandi að tala um? Vinnu við að lífróður undir galeiðu snarbrjálaðrar ríkisstjórnar? Vinnu við að sigla þjóðarskútunni í strand? Vinnu við að gala ofaní tóma tunnu um hvort selja eigi áfengi í matvörubúðum á meðan húsið brennur og þjóðin missir endanlega allt?

Fylgir ekki nægjanlegur hugur máli hjá þingmönnum VG til að segja af sér þingmennsku og ganga úr Alþingishúsinu og sýna þannig í verki að þeir styðja ekki þinghaldið?

Ætlar Steingrímur J og hans lið áfram að kynda undir að börn og unglingar séu handtekin af lögreglu við Alþingishúsið á meðan þeir sitja inní hlýjunni í veruleikafirrtu Alþingi og viðhalda leiksýningunni?

Eins og ég sagði í fyrri grein: "Yfirgefi stjórnarandstaðan þingið yrði það heimsfrétt. Erfitt fyrir ríkisstjórn að sitja áfram á slíku þingi því þing án stjórnarandstöðu myndi á augabragði afhjúpa séríslenska ráðherraræðið sem einhverskonar einræðistilburði í augum heimsins. Stjórnvöld myndu endanlega missa alla tiltrú og hitna svo undir ráðherrastólum að ekki yrði í þeim vært stundinni lengur".

Þessi aðgerð myndi einnig afhjúpa hvort stjórnarandstaðan er eitthvað betri. Hvort þeir sem þarna sitja fyrir Vinstri Græna eða aðra flokka eru þar af hugsjón eða sem áskrifendur að þægilegu launaumslagi.

4.1.2009 | Höfnum spilltum pakkaferðum alþingismanna

Þjóðin var í Alþingisgarðinum

Bankaræningjann Ólaf Ólafsson í gæsluvarðhald og eignafrystingu STRAX!!!

Að reyna að troða því bulli í þjóðina að hlutabréfaviðskipti í Kaupþing hafi farið í gegnum Jómfrúreyjar vegna "skattahagræðingar" er bara hálf sagan.

Hinn hluti falsmyntarinnar er blekkingin sem Ólafur setti á svið til að spila á almenna hluthafa bankans, þjóðina og stjórnvöld.

Ef slíkt peningaþvætti eins og þarna átti sér stað varðar ekki við lög hérlendis, þá þarf að setja slík lög (sem allar siðmenntaðar þjóðir hafa) STRAX Í DAG OG SÆKJA ÞENNAN FJÁRGLÆFRAMANN OG HANS EIGNIR EINS OG SKOT!!!

Blekkingarvefur Ólafs Ólafssonar hefur meira en hjálpað til að setja þjóðina á hausinn og draga orðstír okkar þannig í svaðið að heiðarleg Íslensk fyrirtæki geta varla átt eðlileg viðskipti á erlendri grund í dag vegna vantrausts erlendra viðskiptavina og hræðslu þeirra við að senda peninga til landsins.

Ég er í dag í Hollandi og þar segja þeir Ísland vera svikamylluland því ekkert hafi breyst, þarna séu enn sömu stjórnendur, sömu bankarnir og fingralöngu fjárglæframennirnir gangi enn lausir.  

Ólafur Ólafsson í Samskipum grenjar um það í fjölmiðlum að hann sé "dreginn inn í svaðið sem fjárglæframaður".  En þetta er nákvæmlega það sem þessi maður er, einn stórtækasti fjárglæframaður okkar tíma.

Kaup Ólafs og félaga á Búnaðarbankanum var einnig byggt á blekkingarvef og bankanum í raun stolið af þjóðinni. Sama sjónhverfingabullið var með sambandsfyrirtækin sem Ólafur sölsaði undir sig með siðlausum stuðningi úr spilltasta greini landsins, Framsóknarflokknum. 

Trúverðugleiki Íslensku þjóðarinnar og viðskiptavild erlendis á sér ekki viðreisnarvon fyrr en búið er að taka helstu glæpamennina úr umferð. Nú er komið að skuldadögum bankaræningjans Ólafs Ólafssonar. Starfsmenn Ríkislögreglustjóra:  Sækið þennan mann og hans eignir STRAX!!!