Lokum sendiráði Bandaríkjanna í Reykjavík

Ég skora á Utanríkisráðherra að kalla sendiherra bandaríkjanna á sinn fund og krefjast þess að hann loki sendiráði sínu í Reykjavík og fari með sitt hafurtask til síns heima.  Verði það ekki gert innan 7 daga muni lögreglan loka sendiráðinu og byggingar þess þjóðnýttar af Íslensku þjóðinni.

Við getum ekki sætt okkur við njósnaútibú bandaríkjanna við Laufásveg í Reykjavík. Þetta kemur fram í fréttum stórblaðsins Guardian í kvöld um Wikileaks skjölin: "The cables published today reveal how the US uses its embassies as part of a global espionage network, with diplomats tasked to obtain not just information from the people they meet, but personal details, such as frequent flyer numbers, credit card details and even DNA material."

Wikileaks birtir skjölin

Svikulir þingmenn

Hefð hefur skapast á Íslandi fyrir því að þingmenn svíki kjósendur sína.  Meira en 90% kosningaloforða eru svikin.

Hrossakaup á Alþingi settu þjóðina á hausinn. Hægri og vinstri snú sérhagsmunapotara á kostnað þjóðarinnar er venja frekar en undantekning.

Aðeins ein leið er til að breyta þessu. Beint og milliliðalaust lýðræði. Það hefur verið mitt helsta baráttumál síðan í forsetakosningum 1996. Þessvegna á ég erindi fyrir þig á Stjórnlagaþing.

Ástþór Magnússon 7176 til Stjórnlagaþings
www.facebook.com/lydveldi

 

Forsetinn snýst gegn bönkunum

Bréf til Utanríkisráðherra: Hefur Schengen samstarfið og hugsanleg innganga í Evrópusambandið stjórnarskrárbundin rétt einstaklingsins að engu?

Hæstvirtur utanríkisráðherra ÖssurSkarphéðinsson

Efni: Stjórnarskrárbundin mannréttindi.

Ágæti Össur,

Aðgerðir lögreglu á Íslensku Schengen landamærum Madrid um helgina vekja upp spurningarhvort framkvæmdarvaldið sé að fjarlægja mannréttindi sem varin eru í Stjórnarskrá Íslands. Einnig vakna upp spurningar hvort Schengen samstarfið og hugsanleginnganga í Evrópusambandið hafi stjórnarskrárbundin rétt einstaklingsins að engu.

Undirritaður Ástþór Magnússon Wium er frambjóðandi Nr. 7176 til Stjórnlagaþings. Það sem rakið er hér að neðan er ógnvænleg áminning til okkar sem viljum takast á viðað skrifa nýja stjórnarskrá að gæta þurfi að því, hugsanlega með refsiákvæðum í nýrri stjórnarskrá, að framkvæmdavaldið virði þann þjóðfélagsramma og mannréttindi sem þar er sett og gangist ekki undir erlent vald sem fjarlægir þennan rétt.

Hér að neðan er lýsing á því hvernig ung kona sem starfar fyrir barnahjálp Friðar2000 var handtekin af landamæravörðum s.l. sunnudag. Vísað er til landamæranna sem Íslenskra landamæra vegna þess að þau eru síðasta vegabréfseftirlit á leiðkonunnar til Íslands. Með öðrum orðum, hvað sem regluverk framkvæmdavaldsins segir, er staðreyndin sú að um leið ferðamaðurinn kemur að umræddum Schengenlandamærum er hann í raun komin að Íslenskum landamærum.

Í meðhöndlun málsins brutu landamæraverðir á konunni fleiri greinar Íslensku stjórnarskrárinnar:

65.grein:Allir skulu vera jafnir fyrir lögum og njóta mannréttinda án tillits tilkynferðis, trúarbragða, skoðana, þjóðernisuppruna, kynþáttar, litarháttar, efnahags, ætternis og stöðu að öðru leyti.

66.grein:Með lögum skal skipað rétti útlendinga til að koma til landsins og dveljast hér, svo og fyrir hverjar sakir sé hægt að vísa þeim úr landi.

67.grein: Engan má svipta frelsi nema samkvæmt heimild í lögum. ...Hver sá sem er aföðrum ástæðum sviptur frelsi á rétt á að dómstóll kveði á um lögmæti þess svo fljótt sem verða má. Reynist frelsissvipting ólögmæt skal hann þegar látinn laus.

70.grein: Öllum ber réttur til að fá úrlausn um réttindi sín og skyldur eða um ákæru áhendur sér um refsiverða háttsemi með réttlátri málsmeðferð innan hæfilegs tíma fyrir óháðum og óhlutdrægum dómstóli.

71.grein: Allir skulu njóta friðhelgi einkalífs, heimilis og fjölskyldu.

72.grein: Eignarrétturinn er friðhelgur. Engan má skylda til að láta af hendi eign sína nema almenningsþörf krefji.

Forsagamálsins er að undirritaður stofnandi Friðar 2000 er að koma á fót verkefninu Earthchild.org til hjálpar heimilislausum börnum í Buenos Aires. Yfir fjögur þúsund börn gista nú götur borgarinnar matarlítil og við mikla örbyrgð. Vandamálið hefur nærtvöfaldast síðasta ár.

Íslenska búsáhaldabyltingin sótti fyrirmynd sína til Argentínu en landið varð gjaldþrota árið 2001. Hávær gagnrýni heyrist í Argentínu um aðkomu Alþjóða gjaldeyrissjóðinn sem sögð er hafa aukið bilið milli ríkra og fátækra með þeim afleiðingum að tugmilljónir manns eru nú atvinnulausir. Margir búa í hreisum í ört stækkandi skuggahverfum Buenos Aires. Vímuefnaneysla, ört vaxandi heimilisofbeldi og örbyrgð hrekur börnin að heiman á strætin.

Unga konan sem starfar fyrir Frið 2000 í Buenos Aires ætlaði að ferðast til Evrópu að kynna verkefnið m.a. á Íslandi og í leiðinni halda jól með móður sinni og systkynum á Spáni. Konan ferðaðist á vegabréfi sem ekki krefst vegabréfsáritunar til Schengen svæðisins og á farmiða sem greiddur var að fullu af Íslensku félagi með Íslensku greiðslukorti. Heimferð frá Schengen var innan þriggja mánaða, 19 febrúar n.k.

Þegar konan framvísaði vegabréfi sínu á Schengen landamærunum í Madrid, sem jafnframt eru landamæri Íslands, var hún beðin að sýna nægan gjaldmiðil til framfærslu. Henni var boðið að sýna landamæraverði stöðu bankareiknings í hraðbanka. Af einhverjum ástæðum kom upp tæknivilla í hraðbankanum. Skipti þá engum togum, konan var svipt frelsi og flutt nauðug í gæsluvarðhald. Tekinn var af henni handfarangur, sími og veski.

Konan upplýsti um móður sína og tvö systkyni búsett á Spáni, en móðirin giftist til Spánar í kjölfar efnahagshruns Argentínu. Þegar skýringarnar voru ekki teknar til greina, óskaði konan að hafa samband við undirritaðann. Henni var synjað að tala við nokkurn utan fangageymslunnar fyrr en að lokinni yfirheyrslu. Síðan var henni stillt upp framan við lögreglumann og svokallaðan lögmann sem lögreglan sjálf útvegaði. Skrifuð var skýrsla í engu samræmi við aðdraganda málsins eða málflutning konunnar.

Í fjórar klukkustundir reyndi undirritaður síðan að ná símasambandi viðlandamæraeftirlitið. Lögreglan gaf upp tvö símanúmer en hvorugu var svarað.Haft var samband við varðstjóra landamæraeftirlits í Keflavíki sem sagðist ekkert geta gert. Þeir hefðu enga möguleika, símanúmer eða annað til að eigasamskipti við landamæraverði Íslands í Madrid.

Þá var fenginn lögfræðingur til að mæta á flugvöllinn með reiðufé og skjöl sem sönnuðu að konan hefði framfærslu meðan á dvöl hennar stæði.Landamæraeftirlitið tók engin rök gild. Búið væri að ákveða að konan skyldi nauðug send til baka á næstu vél. Einnig var synjað beiðni um sólarhrings frest á meðan leitað væri aðstoðar dómara svo og Íslenska ræðismannsins í Madrid sem staddur var á Ítalíu þennan dag en lýsti sig reiðubúinn að aðstoða strax og hann lenti um hádegi næsta dag. Lögfræðingurinn Pedro Munoz segir meðhöndlun konunnar á flugvellinum ekki standast lög.

Starfsmaður Iberia flugfélagsins sagðist heldur ekkert geta gert. Gæti ekki talað við landamæraverðina frekar en aðrir. Vissu lítið hvernig staðið væri að aðgerðunum en heyrt að lögreglan væri nú með nýjar skipanir vegna efnahagskreppunnar.Tugir manns væru nú stöðvaðir daglega og sendir nauðugir til baka. Stundum nánast eins og tilviljanakennt á síðustu mínútum fyrir flug væri fólkinu sleppt.

Þriggja manna teymi Íslendinga mætti á Madrid flugvöll áður en vélin fór í loftið, og krafðist viðtals við landamæraeftirlitið. Því var einnig synjað með þeim boðum að enginn fengi viðtal við landamæraverði. Aftur bent á sömu símanúmer og ekki svarað.

Nokkrum mínútum fyrir brottför flutti síðan lögreglan ungu konuna ásamt sjö öðrum frelsissviptum einstaklingum um borð í vélina.

Undirritaður átti í gær fund með ræðismanni Íslands í Madrid sem lagði til að skrifa utanríkisráðherra bréf um málið. Ræðismaðurinn sem hefur um árabil starfað sem lögmaður í Madrid segist reiðubúinn að leggja sitt af mörkum m.a. í gegnum persónuleg sambönd sín innan stjórnsýslunnar í Madrid til að greiða götu konunnar óski hún að koma til baka, að því tilskyldu að ráðherra sig ekki upp á móti því. Ég óska því eftir staðfestingu ráðherra um hæl, að hann sé ekki mótfallinn aðstoð ræðismanns Íslands í Madrid.

Einnig óskað eftirfarandi upplýsinga eins fljótt og mögulegt er:

1. Hafa Íslensk stjórnvöld með aðild sinni að Schengen afsalað eða fórnað stjórnarskrárbundnum mannréttindum?

2. Mun innganga í Evrópusambandið leiða til afsals stjórnarskrárbundinna réttinda?

3. Telur ráðherra að þörf á að kanna hvernig framkvæmd landamæraeftirlits Schengener háttað í erlendum höfnum? Telur ráðherra að sú framkvæmd snerti ferðamenn áleið sinni til Íslands? Hvernig vill ráðherra tryggja að þeir njóti mannréttinda og sanngjarnar málsmeðferðar? Telur ráðherra það t.d. eðlilegt verklag að Íslenskir landamæraverðir hafi enga samskiptamöguleika við þær hafnir sem ferðamenn á leið til landsins koma í gegnum. 

4.Starfsmenn Iberia flugfélagsins og ræðismaður Íslands í Madrid lýstu því fyrir undirrituðum að í kjölfar efnahagshruns væri nú búið að herða mjög reglur umaðgengi ferðamanna til Spánar. Fjöldi löglegra ferðamanna væri stöðvaðir undir ýmsum tylliástæðum og sendir nauðugir til baka. Landamæraverðir fylgdu þessueftir af einstakri hörku og ofangreint dæmi sem ég hef lýst væri ekkert einsdæmi. Telur ráðherra að slík málsmeðferð samræmist Íslensku þjóðfélagsmynstri og Íslenskri gestrisni? Að slík meðhöndlun ferðamanna sem réttindalausar skepnur og virðingarleysi fyrir fjölskyldutengslum þeirra samrýmist hagsmunum Íslenskrar ferðaþjónustu?

Meðvinsemd og virðingu,
Alþjóðastofnunin Friður2000 - Peace 2000 Institute
ÁstþórMagnússon - [e-mail]

Framboð7176 til Stjórnlagaþings: www.austurvollur.is

LÍKA á www.facebook.com/lydveldi

	Raunveruleg hætta á að evrusvæðið liðist í sundur
Ábyrgðarmaður færslu Tenging við þessa frétt hefur verið rofin vegna kvartana.

Frétt: Handtekin á Íslenskum landamærum. Mannréttindi lögvarin í stjórnarskrá fótum troðin.

Ung kona sem starfar fyrir barnahjálp Friðar 2000 í Argentínu var um helgina handtekin af Schengen landamæravörðum í Madrid á leið sinni til Íslands. Ástþór Magnússon spyr Utanríkisráðherra hvort framkvæmdavaldið sé með Schengen og Evrópusambands samningum að fjarlægja mannréttindi varin í Stjórnarskrá Íslands og vísar í 6 stjórnarskrárbrot sem framin voru á konunni.

Forsagan er að Friður 2000 er að vinna að verkefninu Earthchild.org til hjálpar heimilislausum börnum í Buenos Aires. Yfir fjögur þúsund börn gista nú götur borgarinnar matarlítil og við mikla örbyrgð. Vandamálið hefur nær tvöfaldast síðasta ár.

Íslenska búsáhaldabyltingin sótti fyrirmynd sína til Argentínu en landið varð gjaldþrota árið 2001. Hávær gagnrýni heyrist í Argentínu um aðkomu Alþjóða gjaldeyrissjóðinn sem sögð er hafa aukið bilið milli ríkra og fátækra með þeim afleiðingum að tugmilljónir manns eru nú atvinnulausir. Margir búa í hreisum í ört stækkandi skuggahverfum Buenos Aires. Vímuefnaneysla, ört vaxandi heimilisofbeldi og örbyrgð hrekur börnin að heiman á strætin.

Unga konan sem starfar fyrir Frið 2000 í Buenos Aires ætlaði að ferðast til Evrópu að kynna verkefnið m.a. á Íslandi og í leiðinni halda jól með móður sinni og systkynum á Spáni.

Þegar konan framvísaði vegabréfi sínu á Schengen landamærunum í Madrid, sem jafnframt eru landamæri Íslands, var hún beðin að sýna nægan gjaldmiðil til framfærslu. Henni var boðið að sýna landamæraverði stöðu bankareiknings í hraðbanka. Af einhverjum ástæðum kom upp tæknivilla í hraðbankanum. Skipti þá engum togum, konan var svipt frelsi og flutt nauðug í gæsluvarðhald. Tekinn var af henni handfarangur, sími og veski.

Konan upplýsti um móður sína og tvö systkyni búsett á Spáni, en móðirin giftist til Spánar í kjölfar efnahagshruns Argentínu. Þegar skýringarnar voru ekki teknar til greina, óskaði konan að hafa samband við Ástþór. Henni var synjað að tala við nokkurn utan fangageymslunnar fyrr en að lokinni yfirheyrslu. Síðan var henni stillt upp framan við lögreglumann og svokallaðan lögmann sem lögreglan sjálf útvegaði. Skrifuð var skýrsla í engu samræmi við aðdraganda málsins eða málflutning konunnar.

Í fjórar klukkustundir reyndi Ástþór síðan að ná símasambandi við landamæraeftirlitið. Lögreglan gaf upp tvö símanúmer en hvorugu var svarað. Haft var samband við varðstjóra landamæraeftirlits í Keflavík sem sagðist ekkert geta gert. Þeir hefðu enga möguleika, símanúmer eða annað til að eiga samskipti við landamæraverði Íslands í Madrid.

Þá var fenginn lögfræðingur til að mæta á flugvöllinn með reiðufé og skjöl sem sönnuðu að konan hefði framfærslu meðan á dvöl hennar stæði. Landamæraeftirlitið tók engin rök gild. Búið væri að ákveða að konan skyldi nauðug send til baka á næstu vél. Einnig var synjað beiðni um sólarhrings frest á meðan leitað væri aðstoðar dómara svo og Íslenska ræðismannsins í Madrid sem staddur var á Ítalíu þennan dag en lýsti sig reiðubúinn að aðstoða strax og hann lenti um hádegi næsta dag. Lögfræðingurinn Pedro Munoz segir meðhöndlun konunnar á flugvellinum ekki standast lög.

Starfsmaður Iberia flugfélagsins sagðist heldur ekkert geta gert. Gæti ekki talað við landamæraverðina frekar en aðrir. Vissu lítið hvernig staðið væri að aðgerðunum en heyrt að lögreglan væri nú með nýjar skipanir vegna efnahagskreppunnar. Tugir manns væru nú stöðvaðir daglega og sendir nauðugir til baka. Stundum nánast eins og tilviljanakennt á síðustu mínútum fyrir flug væri fólkinu sleppt.

Þriggja manna teymi Íslendinga mætti á Madrid flugvöll áður en vélin fór í loftið, og krafðist viðtals við landamæraeftirlitið. Því var einnig synjað með þeim boðum að enginn fengi viðtal við landamæraverði. Aftur bent á sömu símanúmer og ekki svarað. Nokkrum mínútum fyrir brottför flutti síðan lögreglan ungu konuna ásamt sjö öðrum frelsissviptum einstaklingum um borð í vélina.

Ástþór Magnússon átti í gær fund með ræðismanni Íslands í Madrid og hefur í kjölfarið sent Össurri Skarphéðinssyni bréf og spyr hvort Íslensk stjórnvöld með aðild sinni að Schengen hafi afsalað eða fórnað stjórnarskrárbundnum mannréttindum. Hvort innganga í Evrópusambandið muni leiða til afsals stjórnarskrárbundinna réttinda. Hvort málsmeðferð konunnar samræmist Íslensku þjóðfélagsmynstri og gestrisni. Hvort meðhöndlun ferðamanna sem réttindarlausar skepnur og virðingarleysi fyrir fjölskyldutengslum þeirra samrýmist hagsmunum Íslenskrar ferðaþjónustu.

Bréfið til Utanríkisráðherra má lesa á vefnum www.austurvollur.is. Þar er einnig að finna ljósmynd af ungu konunni með systkynum sínum.

Ástþór Magnússon Wium 7176 til Stjórnlagaþings
www.facebook.com/lydveldi

Viðtal í Harmageddon - Ýmsir áhugaverðir púnktar!

Var að setja myndband úr Harmageddon inná nýju Facebook síðuna.  Margir ágætir púnktar í þessu viðtali. Hressir strákar þarna á Harmageddon!

Hér er slóðin: 

http://www.facebook.com/lydveldi?v=app_4949752878

www.facebook.com/lydveldi

Ráðist að grunnstoðum

Svar til kjósanda

Hulda sendi mér fyrirspurn: Vona að þú reiðist ekki framhleypninni í mér með að senda þér þessar línur. En mig langar að spyrja þig um fáein atriði sem mér finnast ekki koma nógu skýrt fram á klausunni um þig til að auðvelda mér kosninguna þann 27þm Því það ER virkilega erfitt að velja fólk til þessara starfa sem maður veit engin deili á. Ég ER bara að biðja um ein falt já eða nei engar útskýringar þær geta komið seinna

 

Vilt þú að verndun íslenskrar tungu sé tekin fram í stjórnarskrá 

Vilt þú efla vald forseta 

Viltu þú styrkja málskotsrétt forsetans 

Vilt þú afnema fiski kvótann / mjólkurkvóta  

Vilt þú breyta trúarvenjum okkar 

Vilt þú fleiri álver og líkar stórframkvæmdir 

Vilt þú Vera í efnahagsbandalaginu 

Vilt þú taka upp annan gjaldmiðil 

Vilt þú fjöl þjóðlegt samfélag 

Vilt þú Vera í schengen

 

Ég veit að stjórnlagaþingið snýst ekki um þessi atriði. En þau hjálpa mér að velja  fólkið  á þingið

Takk fyrir að líta á þetta blað. Gangi þér vel. kveðja Hulda

Kæra Hulda,

Öll málin sem þú spyrð um eru að mínu mati of stór og mikilvæg fyrir framtíð þjóðarinnar til að nokkrir einstaklingar valdir í fyrstu persónukosningum þjóðarinnar geti leyft sér að möndla með uppá eigin spýtur. 

Höfum við ekki fengið nóg af slíkri úreltri stjórnmálafræði eftir að horfa uppá misvitra fulltrúa á Alþingi taka kolrangar ákvarðanir með flokkadrætti og sérhagsmunapot í stað velferð þjóðarinnar að leiðarljósi?

Ég er í framboði til Stjórnlagaþings því ég vil færa valdið til fólksins í landinu. Ég vil koma hér á beinu og milliliðalausu lýðræði þar sem réttur einstaklingsins er virtur sem hluti af ákvarðanaferli stjórnsýslunnar.

Það hlýtur því að liggja í hlutarins eðli fái ég stuðning þjóðarinnar til Stjórnlagaþings, að þjóðaratkvæðagreiðslur skeri úr um þau mál sem þú spyrð um eins og mörg önnur.

Með kveðju

Ástþór Magnússon Wium

Framboð 7176 - www.austurvollur.is/thor 

LÍKA á Facebook.com/lydveldi

Þessvegna er ég þinn maður á Stjórnlagaþing

Ég er trúr minni hugsjón um nýtt og betra Ísland. Enginn kaupir mig. Enginn þaggar niður í mér. Ég hætti ekki fyrr en ég hef unnið mitt verk eða kominn undir græna torfu.

Ég sá spillinguna sem gerjaðist undir yfirborðinu fyrr en nokkur annar. Ég var ómyrkur í máli strax árið 1996 er ég sagði í aðdraganda forsetakosninga að landinu væri "stjórnað af huldumönnum sem væru að arðræna þjóðina". Kallaði stjórnmálaflokk "Spilltasta greni landsins".

Ég sagði fjármálakerfið ónýtt, bankar og kauphallir myndu hrynja eins og spilaborg.

Á mig var ráðist úr öllum áttum. Reynt að gera boðskap minn tortryggilegan í fjölmiðlum. Skopmyndir birtar. Augu mín sem sáu spillinguna gerð tortryggileg. Kettir sagðir hlaupa undir sófa er ég birtist í sjónvarpi. Keisarinn í nýju fötunum reyndi að þagga niður óþægilega gagnrýni.

Nú þarf ég þinn stuðning að komast á Stjórnlagaþing með þá hugmyndafræði sem ég hef unnið með í hálfan annan áratug m.a: Beint lýðræði. Skilvirkari stjórnsýsla og fækkun þingmanna. Þjóðin njóti sjálf arðs auðlinda. Ísland verði málsvari friðar og tjáningarfrelsis. Réttlæti í öndvegi og fátækt útrýmt. 

7176 Ástþór Magnússon Wium - Þinn maður á Stjórnlagaþing
Heimasíða: www.austurvollur.is/thor
LÍKA á www.facebook.com/lydveldi

Níðskrif öfgamanns. Ruglar Stjórnlagaþingi við sýndarveruleika geimsjóræningja

Frambjóðandi 9035 Brynjólfur Sveinn Ívarsson skrifar áfram níð um mig á DV bloggið og Facebook nú með þessum ummælum í dag:

"Ástþór Magnússon er landsþekktur rugludallur og að meiri gagnrýni en raun ber vitni hafi ekki komið fram á hann er vottur um heigulskap frambjóðenda."

Eins og fram kom í svargrein minni við níði Brynjólfs í gær aðhyllist hann öfga-hægri stefnu og styrkti á dögunum framboð skoðanabræðra sinna í bandaríkjunum með peningaframlagi í skiptum fyrir að fá Facebook "LIKE"´s frá USA inná framboðsíðu sína til Stjórnlagaþings.

Í grein sinni segist Brynjólfur hafa leiðst útí níðskrifin því honum "fannst umræðan vera svakalega dauf og ákvað að blása smá lífi í hana".

Brynjólfur virðist rugla Stjórnlagaþingi saman við sýndarveruleika en hann segist í video framboðskynningu sinni starfa sem geimsjóræningi í leiknum Eve Online.

Í grein Brynjólfs fyrr á árinu sagði hann ákvæði 76.grein stjórnarskrárinnar um að veita bæri öllum sem þurfi aðstoð á að halda vegna sjúkleika, örorku, elli, atvinnuleysis, örbirgðar ekki samrýmast hugmyndum frjálshyggjumanna eins og sjálfs sín.

Ég er nýkominn frá Argentínu. Tók þar meðfylgjandi ljósmynd. Þar þurfa margir fátækir að lifa undir slíku kerfi sem Brynjólfur boðar og í bókstaflegri merkingu að éta það sem úti frýs. Þúsundir svangra barna og gamalmenna gista götur Buenos Aires undir berum himni á hverri nóttu.  

Mikilvægt er að missa ekki jarðtengingu og nota nú það tækifæri sem Stjórnlagaþing veitir okkur til að skrifa nýja stjórnarskrá sem tryggi jafnan arð allrar þjóðarinnar af auðlindum sínum. Tími öfgamanna, flokkadrátta og sérhagsmunapots í stjórnmálum er lokið.

Framboð 7176 til Stjórnlagaþings: www.austurvollur.is/thor
Viljir þú senda FACEBOOK LIKE´s: www.facebook.com/lydveldi

p.s. Hér er myndband Brynjólfs þar sem hann segist starfa sem geimsjóræningi. Í níðgrein dagsins á DV virðist Brynjólfur hafa gleymt hvað hann skrifaði áður um aðstoð til fátækra og sjúkra. Hér getur Brynjólfur lesið þann boðskap sinn aftur.

Skæruliði vill kaupa sig inná Stjórnlagaþing með stuðningi bandarískra öfga hægrimanna

Brynjólfur Sveinn Ívarsson, 23ja ára nemi í stjórnmálafræði er útsendari hægri öfgamanna inná Stjórnlagaþing.

Þessvegna reynir hann nú að grafa undan mínu framboði með níðskrifum. Á bloggsíðu DV setur þessi ungi frambjóðandi mig í flokk með 4 öðrum sem ekki meigi kjósa og hefur um mig þessi orð:

"2) Ástþór Magnússon Wium – Það er nóg að nefna hann á nafn, við þekkjum hann öll. Það má einfaldlega ekki gera það þeim sem eru kosnir að þurfa að sitja undir fíflalátunum og röflinu í honum svo mánuðum skipti." 

Brynjólfur og félagar hræðast mitt framboð til Stjórnlagaþings. Ég vil færa valdið til þjóðarinnar og tryggja velferð til handa öllum en það samrýmist ekki hugmyndafræði Brynjólfs sem vill áframhaldandi rányrkju útrásarvíkinga og fátækir éti það sem úti frýs. Sem formaður Frjálshyggjufélagsins skrifaði Brynjólfur grein um stjórnarskrá Íslands og segir: "Þá samræmist ákvæði sjöunda kaflans um að löggjafarvaldinu beri að gera ráðstefannir til að veita ,,Öllum, sem þess þurfa, skal tryggður í lögum réttur til aðstoðar vegna sjúkleika, örorku, elli, atvinnuleysis, örbirgðar og sambærilegra atvika” ekki hugmyndum frjálshyggjumanna (76. grein)"

Í grein sinni segir Brynjólfur að tryggja verði setu frjálshyggjumanna á stjórnlagaþingi og þangað ætlar hann til að standa vörð um gamla spillta kerfið.

Til þess sækist Brynjólfur eftir stuðningi bandarískra hægri-öfgamanna og skrifar þetta á Facebook síðu samtakanna:  "Sorry to bother you Americans with European affairs. But I am running for the constitutional congress of Iceland with the aim of giving it a really good constitution like the US. Despite the request from Ron Paul not to support his candidacy from abroad with contributions, I couldn't resist ...giving him $5. I'm a stau...nch... supporter of your cause, I'm 23 years old, have traveled 7 times to America. And I only need like 600 likes on Facebook to become the most liked candidate on Facebook. Which has got some of the 523 people running for it into the news. If you want to support your Libertarian brothers in Iceland, please like the page provided in the link. Thank you and wish you all the best and god bless!"

Semsagt Brynjólfur Sveinn Ívarsson ætlar að vinna kosningar til Stjórnlagaþings með því að kaupa Facebook LIKE´s frá USA.  Næst vill hann líklegast möndla Íslensku stjórnarskrána til að tryggja öfgafullum flokksbræðrum sínum í bandaríkjunum fullan atkvæðisrétt í kosningum á Íslandi? 

Ástþór Magnússon Wium
Framboð 7176 til Stjórnlagaþings: www.austurvollur.is/thor

Jólasveinar í Efstaleiti

Mikil umræða er nú meðal frambjóðenda hver getur afhent sameiginlega yfirlýsingu til RÚV. Samkvæmt nýjum "pólitískum reglum" RÚV tala þeir við enga frambjóðendur fram að kosningum.

RÚV tekur hinsvegar við auglýsingum og peningum frambjóðenda í stað þess inna af hendi lögboðið upplýsingahlutverk ríkisfjölmiðlana.

RÚV ritskoðar síðan auglýsingar frambjóðenda og vill ráða "spurðu svo og sagði svo". Auglýsingar jólasveina virðast t.d. algerlega bannaðar á RÚV.

Ég er með lausn á því vandamáli frambjóðenda hvern á að senda í Efstaleiti með yfirlýsingu.

Í tilefni af því að jólin nálgast, legg ég til að einhver klæðist rauða spjaldinu og mæti sem Jólasveinninn í Efstaleiti til að afhenda yfirlýsinguna. Enda er það mest viðeigandi að jólasveinn afhendi þessum jólasveinum á RÚV þessa yfirlýsingu.

Því miður er ég staddur erlendis og get því ekki mætt hvorki sem jólasveinn né sírenuvörður í þetta sinn til RÚV, en það eru margir aðrir ágæti jólasveinar á jöflaeyjunni. Svo er auðvitað borgarstjórinn með trúðs nefið sem aldrei var í banni RÚV enda svínvann borgarstjórastólinn.

Hér eru sjónvarpsauglýsing send til RÚV:
http://www.youtube.com/watch?v=_Tb3qlebTB8

Hér er ávaxtaveisla á RÚV:
http://www.youtube.com/watch?v=ORwkC8kqGLM&feature=player_embedded

Bloggfærsla: http://lydveldi.blog.is/blog/lydveldi/entry/1116476/

Ástþór Magnússon
Framboð 7176 til Stjórnlagaþings: www.austurvollur.is/thor

Borgarstjóri með rautt nef