TAFARLAUST INNGRIP RÁÐHERRA KRAFIST!

Kalla menn þennan skrípaleik lýðræði?
ÍTREKUN KÆRU TIL ÚTVARPSRÉTTARNEFNDAR OG OSCE

Hæstvirtur menntamálaráðherra,

Til hamingju með afmælisdaginn og ráðherrastólinn.

Í ljósi þess að boðað hefur verið til kosninga eftir um 80 daga krefst þetta erindi aðgerða og inngrips nýskipaðs ráðherra strax. Engan tíma má missa ef kosningar eiga að fara fram hér með lýðræðislegum hætti.

Lýðræðishreyfingin mun ekki sætta sig við áframhaldandi þöggun ríkisfjölmiðlanna. Leiðrétti nýskipaður ráðherra ekki okkar hlut hvað varðar aðgengi að ríkisfjölmiðlunum, munu samtökin grípa til þeirra aðgerða bæði innanlands og erlendis sem við teljum nauðsynlegar til að verja okkar lýðræðislega rétt til að taka þátt í kosningabaráttunni á jafnréttisgrundvelli.

Ísland mun verða að enn frekara athlægi á alþjóða vettvangi ef það spyrst út að hér sé efnt til kosninga í skugga fjölmiðla sem stjórnað er eins og tíðkast í alræmdustu einræðisríkjum.

Lýðræðishreyfingin krefst að fá í Ríkisútvarpinu og RÚV í útsendingartíma án tafar þær 20-30 klukkustundir sem aðrir hafa fengið hjá ríkisfjölmiðlunum til að kynna þjóðinni boðskap sinn.

Hreyfingin Raddir fólksins og Opinn borgarafundur hafa fengið slíkan aðgang að undanförnu á meðan Lýðræðishreyfingin er hundsuð. Þetta þarf að leiðrétta strax! Við höfum áríðandi boðskap til þjóðarinnar sem þarf að koma til skila nú strax í tíma fyrir kosningar.

Fulltrúar Lýðræðishreyfingarinnar eru tilbúnir að mæta til viðræðna við ráðherra og útvarpsstjóra um nánari útfærslu á útsendingum okkar. Jafnvel að leggja til efnið með dagskrárgerðarstraum til RÚV og vinna efnið í eigin hljóð og myndveri.

Við getum ekki séð að það ætti að verða vandkvæðum bundið að hliðra til í dagskrá Ríkisútvarpsins og RÚV. Einfalt væri að setja til hliðar skemmtiefni sem annarsstaðar er fáanlegt og hleypa lýðræðinu í loftið.

Ofangreint er inngangur bréfsins til nýskipaðs ráðherra og síðan kemur fyrra bréf sem er hér: Kalla menn þennan skrípaleik lýðræði?

Nánar um Lýðræðishreyfinguna hér: www.lydveldi.is

Skrár tengdar þessari bloggfærslu:

• Bréf til Menntamálaráðherra

Kalla menn þennan skrípaleik lýðræði?

Samkvæmt lögum ber Ríkisútvarpinu að halda í heiðri lýðræðislegar grundvallarreglur og mannréttindi og frelsi til orðs og skoðana.

Ríkisútvarpinu ber að gæta fyllstu óhlutdrægni í frásögn, túlkun og dagskrárgerð og veita víðtæka, áreiðanlega, almenna og hlutlæga fréttaþjónustu um innlend og erlend málefni líðandi stundar og vera vettvangur fyrir mismunandi skoðanir á málum sem efst eru á baugi hverju sinni eða almenning varða. Þetta segja lögin!

Þessum skyldum sínum traðka starfsmenn Ríkisútvarpsins ofaní ræsið. Lýðræðishreyfingin, sem eru skráð stjórnmálasamtök á Íslandi, fær enga umfjöllun um sín stefnumál. Fréttatilkynningar okkar fá ekki umfjöllun og skriflegum erindum til útvarpsstjóra er ekki svarað. Samtökin eru hundsuð!

Á sama tíma veitir Ríkisútvarpið og RÚV vinstrisinnuðum vindhönum greiðan aðgang til að gala lýðskrum yfir þjóðina í útvarps og sjónvarpsútsendingum klukkutímum saman.

Það er lýðskrum að boða til “borgarafunda” og kalla það “breiðfylking” eða “raddir fólksins” og
segjast gefa öllum tækifæri að tjá sig, en banna síðan flesta aðra frá umræðunni nema vinstri græna eða fólk með kommúnískar hugsjónir. Þetta er lýðskrum úr sovét-fasisma Stalíntímans.

Á meðan útsendingar Ríkisútvarpsins og RÚV hampa vinstri vindhönum í Kastljósi, Silfri Egils og öðrum þáttum ríkisfjölmiðilsins, er Lýðræðishreyfingin sniðgengin. T.d. í dag fengu samtökin “Raddir fólksins” á aðra klukkustund í beinni útsendingu sem þeir notuðu til að tilkynna með reglulegu millibili eða auglýsa “opið hús” sinna nýju stjórnmálasamtaka og “tónleika” sem efnt er til fyrir fjáröflun þeirra en aðgangseyrir rennur óskiptur til þeirra. Þá var flutt frétt á RÚV undir nafninu “Barist fyrir endurnýjun lýðræðis” og þar var Lýðræðishreyfingin einnig hundsuð!

Það er með ólíkindum að í forsæti fyrir ríkisfjölmiðil þjóðarinnar hafi valist einstaklingur sem engan skilning ber á grundvallarreglum lýðræðis. Hvernig getur Lýðræðishreyfingin kynnt sín baráttumál fyrir þjóðinni eða tekið þátt í alþingiskosningum á jafnréttisgrundvelli við slíka fjölmiðlun sem raun ber vitni? Að samtök okkar séu algerlega sniðgengin á meðan aðrir fá ómældan aðgang til að kynna sín stefnumál og meira segja til að afla peninga í sín framboð með aðstoð fjölmiðla ríkisins. Lýðræðishreyfingin fær heldur enga styrki frá ríkinu til síns framboðs eins og þau stjórnmálasamtök sem sitja á Alþingi.

Kalla menn þennan skrípaleik lýðræði?

Myndin hér til hægri sýnir umfjöllum eins dagblaða okkar um tvö forsetaframboð. Stóra spjaldið er um framboð Ólafs Ragnars Grímssonar, litla spjaldið er um mitt framboð yfir sama tímabil. Á sömu dögum skrifaði ritstjóri blaðsins leiðara með ádeilu á rússnesku forsetakosningarnar vegna mismununar fjölmiðla gagnvart frambjóðendum!

Skrár tengdar þessari bloggfærslu:

• Kæra til Útvarpsréttarnefndar og OECD

Gróflega troðið á lýðræðinu í Kastljósi RÚV

Í Kastljósi RÚV í gær var umræða sem sögð var um „þá gerjun sem á sér stað um lýðræðismálin og þær fjölmörgu hreyfingar sem eru að spretta upp í samfélaginu“.

Annar viðmælenda segist spá í framboð með stefnumál sem undirritaður, fyrstur Íslendinga, kynnti opinberlega við kosningar, hefur unnið með síðan 1995 og sem fyrir 10 árum leiddi til stofnunar Lýðræðishreyfingarinnar með beint og milliliðalaust lýðræði sem markmið.

Væntanlegt framboð okkar við næstu alþingiskosningar var tilkynnt til RÚV fyrir tveimur mánuðum síðan.

RÚV hefur því miður ekki séð ástæðu til að virða þær lýðræðislegar leikreglur að veita Lýðræðishreyfingunni jafnan aðgang eins og öðrum aðilum að Kastljósi, Silfri Egils eða annarri umræðum um þessi mál í ríkisfjölmiðlunum.

Eins og áður hefur fram komið í bréfum mínum hafa lög og reglugerðir um starfsemi og hlutverk Ríkisútvarpsins hafa ítrekað verið brotnar á kostnað Lýðræðishreyfingarinnar.

Er eðlilegt að fjalla um beint og milliliðalaust lýðræði og útiloka frá þeirri umræðu einu skráðu stjórnmálasamtök landsins sem hafa þetta mál sem aðalmarkmið? Fréttamönnum má vera ljóst að Lýðræðishreyfingin hefur ýmislegt fram að færa í þessari umræðu.

Er eðlilegt að sniðganga Lýðræðishreyfinguna á meðan dregnar eru fram eftirhermur sem eru svo grófar í sinni framsetningu að íslenska skjaldamerkið er notað sem vörumerki á vefsíðu þeirra. Vefsíðu skráða á einstakling sem rétthafa. Vefsíðu kostaða af fagfjárfestum úr atvinnulífinu í einhverskonar fjárfestingarsamkrulli við ríkisfyrirtæki. Vefsíðu þar sem skjaldamerki ríkisins er notað með ólögmætum hætti á óskráð samtök.   

Einn aðstandenda Lýðveldisbyltingarinnar er hinsvegar Davíð A. Stefánsson sem einnig er einn aðstandenda „Opins borgarafundar“, samtaka sem hafa í tvígang borið mig út af fundum sínum og sem í þriðja sinn vörnuðu mér inngöngu eftir að „fundurinn“ kaus mig inná fund í Iðnó. 

Sök mín gagnvart þessum samtökunum var að leggja til lýðræðisleg vinnubrögð í stað leiksýninga og lýðskrums. Þetta skýrir hugsanlega eftirfarandi orð á vef þessara samtaka í umræðunni „hvað á barnið að heita“: „Því miður er Ástþór Magnússon búinn að menga og gjaldfella orðið lýðræði. Lýðræðishreyfingin minnir of mikið á flokksnafn Ástþórs. Við viljum alls ekki láta bendla okkur við þann annars ágæta mann.”

Ofangreindur Kastljós þáttur er áfellisdómur yfir RÚV og starfsmönnum Ríkisútvarpsins.

Skrár tengdar þessari bloggfærslu:

• Bréf til Ríkisútvarpsins og fleiri stofnana

URGENT NEED FOR ELECTION OBSERVATION IN ICELAND

Your Excellency,

I am sorry to have to trouble your office again requesting OSCE observers to ensure fair and honest elections in Iceland. Elections have been announced for 9th May this year.

In 2004 I requested your observation on presidential elections in Iceland in which I was one of the candidates. I was then informed by your Mr. Mitchell that you were refused access by the ministry of Justice in Reykjavik.  Unfortunately this resulted in „soviet style“ presidential elections that year in Iceland due to extensive misuse of the media by the incumbent or his sponsors.  Most independent media in Iceland is owned by one company who have widely misused their position to further their own political agenda. The state media is conrolled by the political klan here in Iceland. I have made several complaints about the misuse of the State television and radio service (RUV) in 2004, 2008 and 2009.  In the run-up to the 2004 presidential elections Dr. Dietrich Fischer, Academic Director of the European University Center for Peace Studies, wrote a complaint to RUV after an interview, where he introduced our new ideas for the office of the Icelandic president, was completely distorted by cutting out the essence what he said about my candidacy. In his complaint letter to RUV Mr. Fisher said: „This form of suppressing a free and open dialogue is reminiscent of the campaign in Yugoslavia in 1992, in which the peace candidate Milan Panic was prevented from presenting his peace platform to the voters, because the media were completely controlled by supporters of sitting President Slobodan Milosevic “

The host of the program (Kastljos), the person responsible at RUV for this interview, is now heading Framsoknarflokkurinn in the upcoming elections, a political party that I have publicly opposed for many years due to their extreme misuse of power and fraudulent dealings.

My organization, Lydraedishreyfingin, will participate in the upcoming parliament elections. We are in urgent need of OSCE observers to be sent to Reykjavik WITH EXTREME URGENCY in order to ensure our proper and equal access to the media here. The Icelandic economy and political system has collapsed as a result of fraud over a decade, including severe misuse of state controlled and independent media in the run-up to previous elections.  We appeal to you to ensure our proper access to introduce our political agenda to the Icelandic people. Our complaints to government regulators over recent misuse of RUV have not been answered.

At last I draw your attention to the fact that “Reporters without borders” listed Iceland as No. 1 for free press in the world on their website www.rsf.org.  I was so astonished by this that I contacted this organization and was told by the researcher that he got “no replies to emails from Iceland” and that is why they elected Iceland as the No. 1 free press country in the world!  The researcher had not investigated any facts surrounding the ownership and control of our media!

Yours Sincerely,

Lýðræðishreyfingin

Sent til: 

Ambassador Janez Lenarcic, OSCE Office for Democratic Institutions and Human Rights ,Aleje Ujazdowskie 19, 00-557 Warsaw, Poland.

Afrit:

Dóms og kirkjumálaráðuneytið, Útvarpsréttarnefnd, Menntamálaráðherra,

Menntamálanefnd Alþingis, Íslandsdeild þings Öryggis- og samvinnustofnunar Evrópu, Umboðsmaður Alþingis, Blaðamannafélag Íslands, Reporters Without Borders, Alþingismenn.

Skrár tengdar þessari bloggfærslu:

• Bréf til OSCE

Haldið áfram þar til utanþingsstjórn er skipuð. Nafn Íslands ónýtt erlendis

Útilokað er að ríkisstjórnin og Alþingi sitji áfram.  Ég skora á mótmælendur að standa vaktir um Alþingishúsið eins og þarf næstu daga og vikur með friðsömum og ábyrgum hætti en með staðfasta kröfu um að stjórnarþingmenn OG EINNIG stjórnarandstaða segi af sér í mótmæla- skyni við ruglið sem er í gangi innandyra.

Þingið verður í raun óstarfhæft og úthrópað einræði erlendis gangi stjórnarandstaðan út í mótmælaskyni. 

Ráðherrarnir verða að átta sig á stöðunni og segja sig frá völdum nú STRAX:

1. Trúverðugleikinn er enginn, hvorki á Íslandi né erlendis. Ég er í dag staddur í Hollandi og dagurinn hefur farið í að leita að nýju nafni á fyrirtækið mitt islandus.com. Erlendir viðskiptafélagar okkar segja að allt sem bendlar okkur við Ísland eyðileggi fyrir viðskiptum. Sama saga berst frá breskum samstarfsaðilum, að Ísland sé orðið samnefnari fyrir bankamisferli og fjárglæframenn.

2. Fjórir mánuðir eru liðnir og ALLIR FJÁRGLÆFRAMENNIRNIR ganga enn lausir. Hér er í Hollandi er litið á þetta sem fáranlegt grínleikrit. Menn tala um að stjórnvöld hljóti að vera með eitthvað óhreint í pokanum úr því að þau taka ekki á ævintýralegu peningaþvættinu í bönkunum og þjófnaði útrásarvíkinganna á sparifé almennings.  Nýjasta, skýrasta og eitt öfgafyllsta dæmið er Ólafur Ólafsson í Samskip. Hversvegna er þessi maður ekki kominn í gæsluvarðhald?

3. Útilokað er fyrir Íslensk útflutningsfyrirtæki að senda peninga til Íslands á meðan þar situr við völd snarbrjáluð ríkisstjórn og fjárglæframenn ganga lausir með löngutangir inní bönkum og stofnunum þjóðfélagsins beint eða í gegnum leppa og stjórnmálaflokkaskrípi.

Það virðast flestir nú farnir að sjá í gegnum lygavefinn nema valdasjúkir og veruleikafyrrtir ráðherrar sem enn sitja sem fastast í brennandi Alþingishúsinu.

Þeir setja ólög á Alþingi sem hóta 2ja ára fangelsi þeim sem ekki vilja stunda fjárdrátt af sínum erlendu viðskiptavinum og senda pengingana þeirra í gjaldþrota bankastofnanir á Íslandi. Hver getur tekið mark á slíkum lögum? Hvaða dómara ætlar að dæma mann fyrir að neita að gerast þátttakandi í fjársvikum Íslensku bankanna?

Ísland á sér ekki viðreisnar von fyrr en allur þingheimur, stjórnarliðar og stjórnarandstaða yfirgefa Alþingishúsið, ríkisstjórnin segir af sér, forsetinn segir af sér, stjórnendur bankanna segja af sér, stjórn seðlabanka og fjármálaeftirlits segja af sér. Skipuð verði neyðarstjórn með amk 50% erlendum sérfræðingum er starfi fram yfir kosningar til að hreinsa upp spillinguna.

Í kjölfarið þarf að setja bráðabirgðalög til að breyta kosningakerfinu og koma á beinu og milliliðalausu lýðræði. 

Slík uppstokkun og valdið til þjóðarinnar sjálfrar er eina leiðin sem getur tryggt að spillingapésarnir geti ekki grafið um sig aftur í stofnunum og Alþingi Íslendinga. Nánar um beint og milliliðalaust lýðræði: www.lydveldi.is

Mótmæli halda áfram

Veruleikafirrt stjórnarandstaða í leikhúsi fáránleikans

"Nei nei við Vinstri græn fórum bara út til þess að taka þátt í þessum mótmælum og tala við fólk svo förum við í okkar vinnu núna" svaraði Álfheiður Ingadóttir þingmaður VG skælbrosandi út að eyrum þegar blaðamaður spurði hvort búið væri að loka Vinstri græna úti úr Alþingishúsinu.

Hvaða vinnu er þessi mótmælandi að tala um? Vinnu við að lífróður undir galeiðu snarbrjálaðrar ríkisstjórnar? Vinnu við að sigla þjóðarskútunni í strand? Vinnu við að gala ofaní tóma tunnu um hvort selja eigi áfengi í matvörubúðum á meðan húsið brennur og þjóðin missir endanlega allt?

Fylgir ekki nægjanlegur hugur máli hjá þingmönnum VG til að segja af sér þingmennsku og ganga úr Alþingishúsinu og sýna þannig í verki að þeir styðja ekki þinghaldið?

Ætlar Steingrímur J og hans lið áfram að kynda undir að börn og unglingar séu handtekin af lögreglu við Alþingishúsið á meðan þeir sitja inní hlýjunni í veruleikafirrtu Alþingi og viðhalda leiksýningunni?

Eins og ég sagði í fyrri grein: "Yfirgefi stjórnarandstaðan þingið yrði það heimsfrétt. Erfitt fyrir ríkisstjórn að sitja áfram á slíku þingi því þing án stjórnarandstöðu myndi á augabragði afhjúpa séríslenska ráðherraræðið sem einhverskonar einræðistilburði í augum heimsins. Stjórnvöld myndu endanlega missa alla tiltrú og hitna svo undir ráðherrastólum að ekki yrði í þeim vært stundinni lengur".

Þessi aðgerð myndi einnig afhjúpa hvort stjórnarandstaðan er eitthvað betri. Hvort þeir sem þarna sitja fyrir Vinstri Græna eða aðra flokka eru þar af hugsjón eða sem áskrifendur að þægilegu launaumslagi.

4.1.2009 | Höfnum spilltum pakkaferðum alþingismanna

Þjóðin var í Alþingisgarðinum

Bankaræningjann Ólaf Ólafsson í gæsluvarðhald og eignafrystingu STRAX!!!

Að reyna að troða því bulli í þjóðina að hlutabréfaviðskipti í Kaupþing hafi farið í gegnum Jómfrúreyjar vegna "skattahagræðingar" er bara hálf sagan.

Hinn hluti falsmyntarinnar er blekkingin sem Ólafur setti á svið til að spila á almenna hluthafa bankans, þjóðina og stjórnvöld.

Ef slíkt peningaþvætti eins og þarna átti sér stað varðar ekki við lög hérlendis, þá þarf að setja slík lög (sem allar siðmenntaðar þjóðir hafa) STRAX Í DAG OG SÆKJA ÞENNAN FJÁRGLÆFRAMANN OG HANS EIGNIR EINS OG SKOT!!!

Blekkingarvefur Ólafs Ólafssonar hefur meira en hjálpað til að setja þjóðina á hausinn og draga orðstír okkar þannig í svaðið að heiðarleg Íslensk fyrirtæki geta varla átt eðlileg viðskipti á erlendri grund í dag vegna vantrausts erlendra viðskiptavina og hræðslu þeirra við að senda peninga til landsins.

Ég er í dag í Hollandi og þar segja þeir Ísland vera svikamylluland því ekkert hafi breyst, þarna séu enn sömu stjórnendur, sömu bankarnir og fingralöngu fjárglæframennirnir gangi enn lausir.  

Ólafur Ólafsson í Samskipum grenjar um það í fjölmiðlum að hann sé "dreginn inn í svaðið sem fjárglæframaður".  En þetta er nákvæmlega það sem þessi maður er, einn stórtækasti fjárglæframaður okkar tíma.

Kaup Ólafs og félaga á Búnaðarbankanum var einnig byggt á blekkingarvef og bankanum í raun stolið af þjóðinni. Sama sjónhverfingabullið var með sambandsfyrirtækin sem Ólafur sölsaði undir sig með siðlausum stuðningi úr spilltasta greini landsins, Framsóknarflokknum. 

Trúverðugleiki Íslensku þjóðarinnar og viðskiptavild erlendis á sér ekki viðreisnarvon fyrr en búið er að taka helstu glæpamennina úr umferð. Nú er komið að skuldadögum bankaræningjans Ólafs Ólafssonar. Starfsmenn Ríkislögreglustjóra:  Sækið þennan mann og hans eignir STRAX!!!

STJÓRNSÝSLUKÆRA vegna Lögreglunnar í Reykjavík

Kærð er framganga þeirra starfsmanna Lögreglustjórans í Reykjavík er höfðu í hótunum við friðsæla mótmælendur og létu fjarlægja ræðupall Nýrra radda á Austurvelli.

Geir Jón Þórisson yfirlögregluþjónn á höfuðborgarsvæðinu sagði ósatt í fjölmiðlum. Haft er eftir honum á visir.is: „samkvæmt lögum þurfi ekki að fá leyfi til að mótmæla. Hins vegar þurft mótmælendur að tilkynna til lögreglustjóra að þeir hyggist efna til mótmæla. Geir Jón sagðist ekki vita til þess að síðari mótmælin hafi verið tilkynnt. Hann sagði þó að engin viðurlög lægju við slíku en ef að mótmælin yllu röskun, til dæmis á umferð, þá myndi lögreglan grípa til ráðstafana.“

Eftir að leita upplýsingar um hvert skyldi senda tilkynningu um fyrirhuguð mótmæli sendu Nýjar raddir á Austurvelli tilkynningu föstudaginn 16 janúar á [e-mail] sem starfsmaður embættisins upplýsti í hljóðrituðu samtali að væri vaktað allan sólarhringinn.

Engar athugasemdir bárust frá lögreglunni, fyrr en um kl. 15 á Austurvelli eftir búið var að leigja sendiferðabifreið og annað búnað undir aðgerðina.

Þá mætti lögreglan á staðinn og ætlaði sjálf að aka sendibifreiðinni í burt undir þeim formerkjum að ekki væri gefið leyfi fyrir því að magna hljóð úr þessum bíl á þessum stað.

Þá var boðist til að láta bílinn standa sem þögul mótmæli án þess að senda út nokkurt hljóð eða að tala úr bílnum. Því einnig hafnað af lögreglu á staðnum og yfirvarðstjóra á lögreglustöðinni við Hverfisgötu.

Lögreglan hafði í hótunum við bílstjóra þar til hann fjarlægði bílinn.

Sendibifreiðin truflaði á engan hátt umferð á staðnum. 

Framganga lögreglunnar hindraði ekki aðeins eðlilegt lýðræði á Austurvelli, aðgerð lögreglu olli einnig samtökunum tugþúsunda kostnaði sem mátti afstýra ef athugasemdin hefði borist fyrr.

Slík framkoma sem þessi af hálfu lögreglunnar mun ekki stöðva Nýjar raddir á Austurvelli. Við áskiljum okkur rétt til að mæta með ræðupalla og mótmæli hvar sem okkar þóknast. Slíkt er okkar lýðræðislegur réttur.

Þeim ábendingum er komið til lögreglunar að friður gæti ríkt um mótmælafundi á Austurvelli fáist Hörður Torfason til að leggja niður gerræðislega einræðistilburði sem hann því miður stundar núna gersamlega þvert á kynningar fundanna í fjölmiðlum sem er undir allt öðrum formerkjum sem „raddir fólksins“ og breiðfylking gegn ástandinu sem öllum er opin. Verið er að blekkja þjóðina.

Verði tekin upp lýðræðisleg vinnubrögð við val á ræðumönnum í stað þess að valda þeim illdeilum sem raun ber vitni við lýðræðissinna og einstaka mótmælendur, þá gætu aðilar sem vilja leggja orð í belg notast við sama ræðupall með afskaplega friðsömum hætti.

Við minnum einnig á fyrra erindi til Umboðsmanns Alþingis og fleiri að óheimilt er og verið er að brjóta lög og reglur um Ríkisútvarpið ef sent er út frá fundum á Austurvelli nema öðrum sjónarmiðum og aðilum sem meinaður hefur verið aðgangur í þær útsendingar eins og ítrekað hefur gerst undanfarið, meðal annars með útburði af fundum og svo með aðgerðum lögreglu í dag, sé einnig veittur sambærilegur aðgangur að ríkisfjölmiðlinum.

Vekjum athygli á vefsíðunni http://kosning.austurvollur.is þar sem almenningur getur lagt til nöfn ræðumanna í opin kjörkassa og kosið síðan um það með lýðræðsilegum hætti hverjir eru valdir til að flytja erindi og ávörp á fundum. Kjörkassinn er öllum opinn.

Nýjar raddir á Austurvelli myndu þá sækja um sinn aðgang með tillögum í kjörkassann og lúta slíku lýðræðislegu vali þjóðarinnar á sínum talsmönnum úr röddum fólksins. Samkomulag aðila um slík lýðræðisleg vinnubrögð myndi leysa úr ágreiningi á meðal mótmælenda, létta störf lögreglunnar og gera þátttöku ríkisfjölmiðilsins mögulega.

Sent Umboðsmanni Alþingis og afrit til Lögreglustjórinn í Reykjavík, Ríkislögreglustjórinn, Dóms og kirkjuálaráðuneytið, Ríkisútvarpið, Útvarpsréttarnefnd, Menntamálaráðherra, Menntamálanefnd Alþingis, Íslandsdeild þings Öryggis- og samvinnustofnunar Evrópu, OECD (alþjóðaskrifstofa Öryggis- og samvinnustofnar Evrópu), París, Frakklandi, Alþingismenn, birt á vefnum: www.austurvollur.is

Skrár tengdar þessari bloggfærslu:

• Stjórnsýslukæra

Bráðfyndin hugleiðing um Harðar Torfa "Raddir fólksins"

Magnús Þór bloggaði þetta bráðfyndna myndskeið af YouTube og þjóðfélagsádeilu um Raddir fólksins.

Hvort á ég að gráta eða hlægja yfir æðibunugangi Harðar Torfasona og yfirlýsingu í fréttum þar sem hann segir að mótmæli annarra en hans eigin séu ólögleg! Ólögleg??? Maðurinn sem stendur fyrir því að mótmælendur ryðjast inní stofnanir, varna ráðherrum inngöngu á Alþingi og sem lýsir því yfir á RÚV að hann ætli að trufla fund Alþingis n.k. þriðjudag, segir aðra sem vilja leggja orð í belg lögbrjóta.

Hörður bíður ekki einu sinni eftir því að hafa tekið yfir Alþingi með nýjum kommaflokki sínum, Hörður hefur tekið sér alræðisvaldið strax í dag!

Það hljóta fleiri en ég að sjá hverslag aðför þetta er að tjáningarfrelsinu. Viljum við slíkan sovét-fasisma eins og vinnubrögð Harðar í stað þess skríplega ráðherraræðis sem nú tröllríður hér húsum?

Ég verð einnig að hryggja Hörð Torfason með því að hann fer með rangt mál að ég sé ræðumaður á Austurvelli í dag. Ég bíð enn eftir svarinu frá Herði við bréfi mínu, vonandi fæ ég að taka um hljóðnema "Radda fólksins" á næstunni.

17.1.2009 | Hörður svaraði ekki! Vill úr alræði ráðherravalds í alræði kommúnista

Hörður svaraði ekki! Vill úr alræði ráðherravalds í alræði kommúnista

Sorglegt, en Hörður Torfason svaraði ekki bréfinu sem ég sendi honum um tjáningarfrelsi á Austurvelli. Ekkert lýðræði á Austurvelli ef Hörður fær að ráða. Enginn má þar tala nema einráðurinn Hörður samþykki. Einvaldurinn svarar hvorki bréfum né símtölu frá fólki sem er honum ekki þóknanlegt.

Einn ágætur kunningi minn segir Hörð hafa sagt í byrjun desember að hann væri nr. 50 á biðlista frummælenda á Austurvelli og haft yrði samband við hann. Enginn hefur hringt þótt troðið sé upp sama fólkinu fund eftir fund. Í dag þegar þessi ágæti og mælski maður hafði samband skellti Hörður Torfason á hann símanum!

Í Speglinum á Rás1 hjá Ríkisútvarpinu fimmtudagskvöld sagðist Hörður stefna á flokksframboð ásamt Einari Má Guðmundssyni rithöfundi og ritstjóra NEI sem þeir kynna sem kommúnískt dagblað á netinu.

Þarna er líklegast komin skýringin á því að enginn má koma í ræðustól svokallaðra "Radda fólksins" á Austurvelli nema kommúnistar og aðrir sem sverja sovét-fasistum hollustu. Þessvegna eru jólasveinar og aðrir lýðræðissinnar sem sjá í gegnum blekkingarvefinn bornir út af fundum þeirra.

Lýðræðissinnar láta auðvitað ekkert bjóða sér svona rugl til lengdar. Að óprúttnir aðilar nýti sér örbyrgð fólksins í landinu til að blekkja það í klær kommúnista. Það eru ekki "Raddir fólksins" að þagga niður í fólki og hefta tjáningarfrelsið. Við viljum ekki slíka kúgun í stað ráðherraræðis. 

11.1.2009 | Opið bréf til Harðar Torfasonar

Mótmælin halda áfram