Bandaríkjamenn í stríðsham - Sjálfstæði þjóðarinnar í hættu

Vopna­væða upp­lýs­ing­ar og gögn

„TikT­ok er byssa sem er miðað að höfði Banda­ríkja­manna,“ varaði Rich­ard Blu­ment­hal, öld­unga­deild­arþingmaður Demó­krata, við í kjöl­far trúnaðar­fund­ar í þing­hús­inu.

„Kín­versku komm­ún­ist­arn­ir eru að vopn­væða upp­lýs­ing­ar og gögn sem þeir eru stöðugt að safna frá 170 millj­ón­um Banda­ríkja­manna,“ sagði hann og út­skýrði að upp­lýs­ing­arn­ar væru svo hugs­an­lega notaðar til að hafa áhrif á umræðu um lýðræðis­leg mál í Banda­ríkj­un­um.

Njósnir bandaríkjanna ógna þjóðaröryggi Íslands og Evrópu

Nákvæmlega með þessum hætti halda bandaríkjamenn úti mestu njónsnastarfsemi sem mannkynið hefur nokkurn tíman séð og sem ógnar þjóðaröryggi Íslendinga. Íslenskir ráðamenn eru sofandi á verðinum. 

Nánar er fjallað um þetta hér:
https://forsetakosningar.is/sjalfstaedi-thjodarinnar-i-haettu/

„Byssa sem er miðað að höfði Bandaríkjamanna“

Vegið að heiðri Háskólans á Akureyri

Opið bréf sent Rektor Háskólans á Akureyri með afriti til Menntamálaráðherra:

Ég hef ávallt borið mikla virðingu fyrir Háskólanum á Akureyri sem framúrskarandi menntastofnun jafnvel á heimsmælikvarða. Það kom mér því verulega á óvart að verða fyrir aðkasti frá tveimur starfsmönnum skólans við heimsókn til Akureyrar s.l. fimmtudag. 

Alvarlegar ásakanir sem eiga ekki við rök að styðjast

Svo gekk það alveg fram af mér þegar þriðji starfsmaðurinn misnotaði aðstöðu sína sem einn stjórnenda Háskólans á Akureyri til rógburðar með niðurlægjandi orðum um mig og mína örstuttu heimsókn í skólann við slúðurblaðið DV. Eftir honum hafði blaðamaður mjög alvarlegar ásakanir á mig sem eiga ekki við rök að styðjast. 

Ég hafði strax símleiðis samband við umræddan starfsmann, Gunnar Rúnar Gunnarsson sem sagður er forstöðumaður reksturs faseigna Háskólans á Akureyri. Ég vakti athygli hans á því að áburðurinn í DV hefði ekki við rök að styðjast. Svar hans var að þetta hefði verið “fært í stílinn” af blaðamanni. Ég bað hann að draga ummælin sín til baka að öðrum kosti sæi ég ekki aðra leið en hann yrði að svara fyrir þennan áburð á mig fyrir Héraðsdómi. Hann tjáði mér í símtalinu að hann veldi þá leið, að málið fari áfram til dómstóla. 

Brot á almennum hegningarlögum

Rógburður, meiðyrði og lygar af því tagi sem forstöðumaður fasteigna Háskólans á Akureyri er að bera á torg um mig á síðum sorpritsins DV er brot á almennum hegningarlögum og við slíku broti eru sektir eða fangelsi sem skipar þá viðkomandi á bekk sakamanna.

Háskólinn á Akureyri og Menntamálaráðuneytið hljóta að skoða þetta mál og í framhaldinu kanna það hvort ástæða sé til að fela fólki sem fer svo frjálslega með sannleikann eins og hér ber vitni trúnaðarstörf og umsjón með opinberum byggingum og fjármunum. 

Samrýmist það stöðu forráðamanna menntastofnana að bera út slúður?

Það samrýmist varla stöðu forráðamanna helstu menntastofnana landsins að lepja lygasölur í fjölmiðil sem hefur helst unnið sér það til frægðar að eitt fórnarlamb umfjöllunar blaðsins framdi sjálfsmorð sem gekk svo fram af þjóðinni að ritstjórnin hrökklaðist frá og blaðið lagði upp laupana sem dagblað og er nú ómerkilegur slúðurdálkur á netinu. ttps://www.deiglan.is/9484/

Ber Háskólinn á Akureyri skaðabótaábyrgð?

Með þessu bréfi fer gef ég þér sem æðsta stjórnanda Háskólans á Akureyri tækifæri til að draga til baka áburð frá skólanum á mína persónu með opinberri yfirlýsingu. Að öðrum kosti verður þetta mál kært til Lögreglunnar en um er að ræða brot á 234-236.gr. almennra hegningarlaga að viðlagðri refsingu allt að tveggja ára fangelsi. Jafnframt verður höfðað meiðyrðamál fyrir dómstólum og þar sem um er að ræða einn æðsta stjórnanda skólans, verður það skoðað hvort stofnunin Háskólinn á Akureyri ber einnig skaðabótaábyrgð.

Ummælin sem eiga ekki við rök að styðjast:

https://www.dv.is/frettir/2024/3/1/astthor-sakadur-um-agengni-thegar-hann-maetti-obodinn-matsal-ha-voru-bara-grunnskolabornum/ 

“Uppákoma var í matsal Háskólans á Akureyri þegar Ástþór Magnússon mætti til að safna undirskriftum og kynna hugmyndir sínar varðandi framboð sitt til embættis forseta Íslands.”

Ég kannast ekki við að hafa átt þátt í neinni uppákomu í matsal Háskólans á Akureyri. Ég var ekki vitni að orðaskiptum kvikmyndagerðarmanns við konu í matsal því ég snéri baki í þau og hvorki heyrði né tók þátt í samræðum þeirra.

“Aðvífandi kom Gunnar Rúnar Gunnarsson, forstöðumaður reksturs fasteigna í háskólanum. Hann segir að Ástþór hafa verið að ræða við grunnskólabörn úr áttunda bekk, sem voru í starfakynningu.” 

Þetta á ekki við nein rök að styðjast. Ég talaði aldrei við umræddan Gunnar, né sá hann. Ég ræddi heldur ekki við grunnskólabörn á leið minni um skólann s.l. fimmtudag. Í símtali mínu við Gunnar eftir að greinin birtist í DV tjáði hann mér að hann hefði þessa sögu eftir öðrum. Semsagt hrein gróusaga sem dreift er af einum æðsta stjórnanda Háskólans á Akureyri.

„Þeir voru ekkert í háskólanemunum. Þeir fengu athugasemdir niður í sal vegna þess að þeir voru bara í grunnskólabörnum.“ 

Þetta á heldur við engin rök að styðjast. Ég fékk engar athugasemdir í sal og talaði ekki við nein grunnskólabörn. Gekk stuttan hring um þennan sal sem virtist opinn viðburður sem flæddi út í anddyri skólans þar sem einnig voru kynningarborð frá fyrirtækjum og stofnunum. Í þær fáeinu mínútur sem ég gekk hringinn og kíkti á kynningarbása kastaði ég kveðju á starfsmenn fyrirtækja og stofnana sem voru þarna til að kynna sína starfsemi. 

“Vaða inn í miðjar kynningar, inn í samræður, inn í allt“

Ég óð ekki inní neinar kynningar eða samræður. Kastaði aðeins kveðju á starfsfólk sýningarbása sem stóð við sín borð og sem voru ekki í samræðum við einn eða neinn.

Er þetta fyrsta innlegg rekstors í kosningabaráttu um Bessastaði?

Eyjólfur, þú hefur lýst því yfir í fjölmiðlum að þú sért að íhuga forsetaframboð. Ekki veit ég hvort ofangreind aðför að mér í háskóla stofnuninni sem þú stýrir sé fyrsta innlegg þinna starfsmanna eða stuðningsmanna í kosningabaráttuna. Ég vona að kosningabarátta frá æðsta stjórnanda helstu menntastofnunar landsins verði málefnalegri en þetta.

Ítrekaðar og upplognar mannorðsárásir í 28 ár

Ég hef ítrekað mátt þola slíkar árásir í fjölmiðlum í þau 28 ár sem ég hef reynt að kynna þá hugmynd að embætti forseta Íslands beiti sér í friðarmálum á alþjóða vettvangi. Á sama tíma hafa íslenskir ráðamenn lagst á sveif með hergagnaframleiðendum, talað fyrir auknum hernaði, auknum fjárútlátum í vopn og notað skattfé þjóðarinnar til að greiða undir hergagnaflutninga. Ekki er ólíklegt að þeir tefli fram forsetaframbjóðanda til að standa vörð um hernaðarstefnuna á Bessastöðum. Ekki veit ég hvort þú verður slíkur frambjóðandi elítunnar, en ég vona amk að forsetakjör geti farið fram á málefnalegum grundvelli í stað rógburðs og slúðurs frá æðstu menntastofnunum landsins. 

Verði ummælin ekki dregin til baka með opinberri yfirlýsingu og afsökunarbeiðni til undirritaðs fyrir lok dags mánudaginn 4. mars 2024 verður málið sent áfram til lögmanns og lögreglu.  

Virðingarfyllst,
Ástþór Magnússon

Ofangreint bréf er sent til:
Eyjólfur Guðmundsson Rektor, Háskólinn á Akureyri, [e-mail]
Afrit sent Menntamálaráðherra: Ásmundur Einar Daðason [e-mail] 

Nánar á www.forsetakosningar.is

Forráðamenn menntastofnunar uppspretta slúðurs

Eyjólfur Guðmundsson, rektor Háskólans á Akureyri segist liggja undir feldi og íhuga forsetaframboð. Eru starfsmenn eða stuðningsmenn elítunnar ekki aðeins komnir fram úr sér með því að ráðast á aðra forsetaframbjóðendur með slúðursögum og hreinni lygaþvælu eins og nú var gert um örstutta heimsókn mína í skólann s.l. fimmtudag?

Meðmælendum safnað á nokkrum klukkustundum

Ég heimsótti Akureyri í vikunni og kláraði þar á nokkrum klukkustundum að safna tilskyldum fjölda meðmælenda fyrir mitt forsetaframboð. Takk innilega fyrir stuðninginn Akureyri!

Á ferð minni um Akureyrarbæ í fallegu veðri kíkti ég við í Háskólanum á Akureyri að hitta þar einstakling sem hafði haft við mig samband til að skrifa á meðmælendalistann minn. Þegar ég kom þar að var anddyri skólans fullt af fólki, ungnum sem gömlum. Ég gekk einn hring um salinn og heilsaði upp á starfsmenn fyrirtækja og stofnana sem voru með starfskynningar í básum. Kynnti mig og bókina mína Virkjum Bessastaði. Einhverjir komu að mér og vildu taka selfie með mér á símann sinn sem var auðvitað auðsótt mál. 

Eru mannasiðir ekki á námskránni?

Rétt um það leiti sem ég var að yfirgefa samkvæmið gekk upp að mér miðaldra kona sem virðist ekki hafa lært almennilega íslenska mannasiði amk. ekki á háskólastigi. Tjáði mér að viðburðurinn sem ég hafði óvart hitt fyrir á vegi mínum í anddyri skólans væri starfskynning fyrir grunnskólanemendur og hún vildi ekki að ég væri að ganga þarna um. Ég bað hana þá vel að lifa, bauð henni eintak af bókinni minni Virkjum Bessastaði sem hún sagðist hvorki hafa lesið né vilji lesa. Við það búið hélt ég áfram á efri hæð í matsal skólans að hitta minn stuðningsmann.

Aukin atvinnutækifæri fyrir háskólafólk

Í matsalnum hitti ég fyrir fríðan hóp háskólanema sem ég heilsaði og sagði frá ferð minni um Akureyri að kynna forsetaframboðið mitt og bókina Virkjum Bessastaði. Hvernig forsetinn geti beitt áhrifavaldi sínu til friðar- og lýðræðisþróunar um leið og við byggjum upp nýjan atvinnuveg með 21 þúsund störfum og aukum þjóðartekjur um 600 milljarða. Eitthvað sem gæti komið háskólanemum til góða með auknum atvinnutækifærum í framtíðinni.   

Ljósmyndaður aftanfrá

Þegar ég er að ræða við þessa efnilegu háskólanema kallar til mín kvikmyndagerðarmaður sem hafði verið mér samferða í þessari ferð og biður mig að snúa mér við því eigi aðdáenda þarna sem vilji ólm fá myndir með mér. Um var að ræða eldri konu sem hélt mynduglega á myndavélasíma og að mér óafvitandi verið að ljósmynda mig í gríð og erg aftan frá og síðan lent í einhverjum orðaskiptum við kvikmyndagerðarmanninn sem hafði spurt hana hvort það væri ekki sjálfsögð kurteisi að biðja fólk um leyfi til myndatöku. 

Mykjan veganesti í forsetakosningar

Ég tjáði gömlu konunni að þetta væri ekkert mál. Hún mætti alveg mynda mig og einnig taka eins margar myndir með mér og hún vildi auk þess að fá eintak af bókinni Virkjum Bessastaði. En því miður virtist hún einnig tilheyra þeim hóp “menntafólks” í Háskólanum á Akureyri sem hvorki hafði lesið bókina mína um forsetaembættið né vill kynna sér málefnið á nokkurn hátt. Henni virðist duga mötun úr fjóshaug DV til að mynda sér skoðun á því hvort við Íslendingar getum virkjað áhrifamátt forsetaembættisins til að stuðla að friði á jörð. 

Stjórn háskólans lepur lygasögur í DV

Eftir að hafa kvatt Akureyrarbæ sáttur með tilskilinn fjölda meðmælenda fyrir Norðurland í hönd, hringdi strax í morgunsárið blaðaslúpert DV og þóttist vera skúbbfrétt um uppákomu í Háskólanum á Akueyri, sem engin var fótur fyrir. Hafði eftir einhverjum Gunnari Rúnari Gunnarssyni sem hann sagði vera forstöðumann reksturs faseigna Háskólans á Akureyri niðurlægjandi orð um mig og heimsókn mína skólann þar sem saman var kominn fjöldi fólks á öllum aldri allstaðar að úr bæjarfélaginu. 

Ég flétti nafni forstöðumannsins upp í Google og þar trónaði efst á síðunni við nafnið Gunnar Rúnar Gunnarsson: “Margdæmdur fjársvikari heldur uppteknum hætti” og sagt að sakaferill hans nái aftur til ársins 1995. 

Eiga ríkisfjármunir að vera umsjón sakamanna?

Ekki veit ég hvort um sama Gunnar er að ræða en ljóst er að umræddur forstöðumaður reksturs fasteigna Háskólans á Akureyri er kominn út á ansi hálan ís, því rógburður, meiðyrði og lygar af því tagi sem hann ber á torg um mig á síðum sorpritsins DV er brot á almennum hegningarlögum og við slíku broti eru sektir eða fangelsi sem skipar þá viðkomandi á bekk sakamanna.

Háskólinn á Akureyri og Menntamálaráðuneytið hljóta að skoða þetta mál og í framhaldinu kanna það hvort ástæða sé til að fela fólki sem fer svo frjálslega með sannleikann eins og hér ber vitni trúnaðarstörf og umsjón með opinberum byggingum og fjármunum. 

Það samrýmist varla stöðu forráðamanna helstu menntastofnana landsins að lepja lygasölur í fjölmiðil sem hefur helst unnið sér það til frægðar að eitt fórnarlamb umfjöllunar blaðsins framdi sjálfsmorð sem gekk fram af þjóðinni að ritstjórnin hrökklaðist frá og blaðið lagði laupana sem dagblað og er nú ómerkilegur slúðurdálkur á netinu. https://www.deiglan.is/9484/

Láttu ekki stýra þinni skoðun með slúðri, þú getur kynnt þér mitt framboð á www.forsetakosningar.is og mælt með framboðinu hér: https://island.is/umsoknir/maela-med-frambodi/?candidate=1000003

 

Er Morgunblaðið orðið sorprit skrifað af drukknum unglingum?

Morgunblaðið virðist heldur betur fallið af stalli sínum ofaní saurugt ræsi sorpblaðamennsku sem vettvangur fyrir drukkna unglinga að bera gróusögur á torg.

Er Davíð að ljúka glæstum leiðtogaferli sem sorpritstjóri?

 

Ekki átti ég von á því að fyrrum hæstvirtur forsætisráðherra, seðlabankastjóri, eitt helsta skáld Íslands og leiðtogi þjóðarinnar í áratugi, Davíð Oddson, myndi enda sinn glæsilega starfsferil sem ritstjóri blaðsnepils sem skrifaður er af drukknum unglingum undir hans stjórn.

Málefnaleg umræða víkur fyrir gróusögum drukinna unglinga

Er þetta ástæða þess að flestir landsmenn eru hættir að lesa Morgunblaðið? Morgunblaðið er nú orðið nánast einblöðungur en var hér áður þykkt og veglegt dagblað, stærsti og útbreiddasti vettvangur málefnalegrar umræðu í landinu. Undanfarna daga hefur Morgunblaðið einkennst af hræðsluáróðri fyrir hergagnaframleiðendur um yfirvofandi kjarnorkuvopnaárásir á Ísland blandað í koktail við níðskrif drukinna unglinga um þekkta einstaklinga. 

Gekk heim af tónleikum og mætti sóðalegu teymi Morgunblaðsins

Fyrir nokkrum dögum sótti ég styrktartónleika fyrir fórnarlömb á Gaza. Á vegi mínum heim urðu á leið minni þrjú ungmenni sem sögðust vera "blaðamenn". Gefum einu þessara ungmenna orðið: "Með kjúk­lingashaw­arma í ann­arri og Fendi-tösku í hinni hitti Nótt­in Ástþór Magnús­son ei­lífðarfor­setafram­bjóðanda. Herra Friður 2000 var að safna und­ir­skrift­um. Þrátt fyr­ir ölv­un­ina datt Nótt­inni ekki í hug að skrifa und­ir. Nótt­in er enn að bíða eft­ir betri kandí­dat. Hún á von á því að vin­ur pabba bjóði sig fram um pásk­ana."

Úturdrukkið unglingateymi á vegum Morgunblaðsins

Ég gekk beinustu leið frá umræddum styrktartónleikum með palestínumann mér við hlið sem við hjá Friði 2000 höfum tekið undir okkar verndarvæng og veitt húsaskjól ásamt konu hans og fjórum börnum þeirra sem urðu að flýja stríðsástand í sínum heimalandi. Þau bíða eftir því að komast aftur til síns heima þegar friður kemst á. Hvorugur okkar hafði bragðað dropa af áfengi þennan dag þegar úturdrukkið unglingagengi á vegum Morgumblaðsins varð á leið okkar. 

Pabbastelpa fékk vinnu á Morgunblaðinu

Ég bíð þess einnig spenntur að sjá hvaða frambjóðendur koma úr páskaeggjunum í ár. Hvaða vinum pabbanna verður reynt að skjóta á loft af fjölmiðlum í þessum kosningum. Minnumst í leiðinni hvernig Morgunblaðið hefur skekkt málefnalega umræðu fyrir kosningar fyrri ára. Hér fylgir mynd frá árinu 2012. Stóra skiltið sem ég stend við sýnir umfjöllun um forsetaframbjóðanda sem var í náðinni hjá Morgunblaðinu í það skipti, í hinni hendi held ég á agnarlitlu spjaldi með allri umfjöllun Morgunblaðsins um mitt framboð sama ár. 

Á endanum missti fjölmiðilinn flugið

Auðvitað með síendurteknum og ómálefnalegum áróðri, nú í bland við skrif drukinna unglinga sem þekja síður Morgunblaðsins, hefur einn stærsti fjölmiðill þjóðarinnar misst flugið og liggur nú í ræsinu með öðrum ómerkilegum sorpritum landsins. 

Nýtt upphaf

Í dag les þjóðin kynningar beint og milliliðalaust frá frambjóðendum. Þannig er hægt að kynna sér mín stefnumál og hugmyndafræði um framtíð forsetaembættisins á vefnum www.forsetakosningar.is og hvernig við getum virkjað þetta góða embætti til að auks þjóðartekjur um 600 milljarða um leið og við sem þjóð látum gott af okkur leiða.

 

Nóttin: Undirskriftasöfnun á djamminu og Arndís Pírati á Kiki

Hefur einhver reynt að ræða við Rússa um friðsamlegar lausnir?

Aðgerðir leiðtoga Íslands og Evrópu hafa undanfarin ár einkennst af stríðsyfirlýsingum gegn Rússlandi og niðurlægjandi orðum um forseta landsins. Á sama tíma þegar maður ræðir við Rússneskan almenning virðast flestir þeirra ánægðir með störf síns leiðtoga og flykkja sér á bakvið hann gegn því sem almenningur í Rússlandi sér sem árásir vesturlanda á sitt frelsi til viðskipta, ferðalaga og menningu.

Ekki er nóg með að búið er að banna Rússum og Íslendingum að stunda viðskipti sín á milli, Rússar eru einnig útilokaðir frá íþróttaviðburðum og menningu Evrópu. T.d. úthýstir frá Eurovision á meðan önnur þjóð sem er að stunda þjóðarmorð í Palestínu er velkomin. 

Nú er áróðursmaskína hergagnsaframleiðenda komin í yfirgír. Þeim er alveg sama hvort raðirnar hjá læknavaktinna lengjast niður á götu, peningana skal setja í drápstól til að heyja heitt stríð við Rússland. 

Hætt er við að slíkt stríð leiði til mikilla hörmunga fyrir okkur sjálf og önnur lönd Evrópu. Ísland er klárlega skotmark í heitu stríði stórveldanna, og sigur okkar er alls ekki öruggur og jafnvel ólíklegur gegn bandalagi Rússlands, Kína, Indlands og Íran. Þeir eru hreinlega með yfirburðarstöðu gegn Nató klúbbnum sem einnig getur meira að segja liðast í sundur eftir næstu forsetakosningar í bandaríkjunum.

Leiðtogar okkar eru komnir langt út af sporinu og eru að ýta okkur í þriðju heimsstyrjöldina á óngarhraða. Segjum nú STOPP, hingað og ekki lengra, Virkjum Bessastastaði til friðar.

Minni á borgarafund minn á Greifanum Akureyri í kvöld mánudaginn 26 febrúar kl. 20:30 þar sem við ræðum þessi mál.

 

Eystrasaltsríkin búa sig undir innrás Rússa

Morgunblaðið varar við árás á Ísland

Svokallaðir sérfræðingar í varnarmálum flykkjast nú hver af öðrum í fjölmiðla með áróður hergagnaiðnaðirns að þjóðir Evrópu verði að setja stóraukin fjáraustur í hermangið.

Tveimur árum eftir að allt sauð uppúr milli Úkraníu og Rússlands birtir Morgunblaðið grein sem segir: “Líklegt að ráðist yrði á Keflavíkurstöðina í stríði” þar sem Fabian Hoffmann “sérfræðingur í varnarmálum og eldflaugahernaði” segir að miklar líkur séu á því að Rússar myndu ráðast á Ísland ef til átaka kemur á milli Rússlands og Atlantshafsbandalagsins.

Ég vakti ítekað athygli á þessari hættu í aðdraganda forsetakosninga árið 2016 og skoraði á þjóðina að grípa strax til aðgerða til að afstýra því að við myndum leiðast í styrjöld við Rússland.

Íslenskir ráðmenn í fullum herskrúða

Í stað þess að grípa til aðgerða til friðar klæddust íslenskir ráðamenn fullum herskrúða og greiddu fyrir vopnaflutninga með skattfé Íslensku þjóðarinnar til stríðs við Rússland. Utanríkisráðherra gerðist sölumaður dauðans fyrir bandaríska hergagnaframleiðendur. Í nafni Íslensku þjóðarinnar hitti hún bandaríska hershöfðingja í Washington og ferðaðist síðan með þeirra veganesti til leiðtoga Evrópuríkja að þrýsta á aukna fjármuni í hermangið.

Ég hef ítrekað undanfarinn áratug varað við því að ef styrjöld brýst út við Rússland gæti það þróast í kjarnorkustyrjöld á milli stórveldanna og slíkt gæti gerst á tiltölulega stuttum tíma.

Gæti rústað Reykjavík

Flugvöllurinn í Keflavík sem jafnframt gegnir hlutverki herflugvallar svo og kafbátastöðin í Hvalfirði eru augljóst skotmörk í slíkum átökum. Verði kjarnorkusprengjum skotið á þessar herstöðvar sem við Íslendingar hýsum með bandarísku herliði, gæti það lagt Reykjavík í eyði vegna geislavirkni sem líklegt er að myndi færast yfir höfuðborgarsvæðið. Við erum að horfa hér á ógn sem gæti útrýmt stórum hluta Íslensku þjóðarinnar.

Á margföldum hljóðhraða

Kjarnorkusprengjur myndu líklegast berast utan úr geimnum með langdrægum flaugum á margföldum hljóðhraða. Það er í hraun hlægilegur áróður að halda því fram að við getum varist slíku með einhverjum skotvopnum bandarískra hergagnaframleiðenda.

Það er kominn tími til að þjóðin taki á þessum málaflokki af festu og alvöru og hætti þátttöku í stríðleikjum úr smiðjum bandarískra hergagnaframleiðenda sem eru stærsta ógnin við heimsfriðinn í dag. Við getum byrjað á að Virkja Bessastaði til friðarmála, að forseti Íslands í stað þess að tala fyrir hernaði leiði menn saman til viðræðna um varanlegan frið.

Afstýrum þriðju heimsstyrjöldinni

Við þurfum samhent átak grasrótar, atvinnulífs og stjórnmála til að afstýra þriðju heimsstyrjöldinni sem er nú í fæðingu og mun hellast yfir okkur á næstu árum verði haldið áfram á sömu braut.

Hér eru myndbönd um þetta málefni sem voru birt á vef mínum forsetakosningar.is í aðdraganda forsetakosninga árið 2016:

Rússar vara við heimstyrjöld - Heimsfriðurinn hangir á bláþræði

Þjóðaröryggistefna sem ógnar Íslendingum

Vaknaðu núna!

Höfundur er forsetaframbjóðandi.

 

Telur Rússa hafa áætlanir fyrir Keflavíkurflugvöll

Morgunblaðið varar við árás á Ísland

Svokallaðir sérfræðingar í varnarmálum flykkjast nú hver af öðrum í fjölmiðla með áróður hergagnaiðnaðirns að þjóðir Evrópu verði að setja stóraukin fjáraustur í hermangið.

Tveimur árum eftir að allt sauð uppúr milli Úkraníu og Rússlands birtir Morgunblaðið grein sem segir: “Líklegt að ráðist yrði á Keflavíkurstöðina í stríði” þar sem Fabian Hoffmann “sérfræðingur í varnarmálum og eldflaugahernaði” segir að miklar líkur séu á því að Rússar myndu ráðast á Ísland ef til átaka kemur á milli Rússlands og Atlantshafsbandalagsins.

Ég vakti ítekað athygli á þessari hættu í aðdraganda forsetakosninga árið 2016 og skoraði á þjóðina að grípa strax til aðgerða til að afstýra því að við myndum leiðast í styrjöld við Rússland.

Íslenskir ráðmenn í fullum herskrúða

Í stað þess að grípa til aðgerða til friðar klæddust íslenskir ráðamenn fullum herskrúða og greiddu fyrir vopnaflutninga með skattfé Íslensku þjóðarinnar til stríðs við Rússland. Utanríkisráðherra gerðist sölumaður dauðans fyrir bandaríska hergagnaframleiðendur. Í nafni Íslensku þjóðarinnar hitti hún bandaríska hershöfðingja í Washington og ferðaðist síðan með þeirra veganesti til leiðtoga Evrópuríkja að þrýsta á aukna fjármuni í hermangið.

Ég hef ítrekað undanfarinn áratug varað við því að ef styrjöld brýst út við Rússland gæti það þróast í kjarnorkustyrjöld á milli stórveldanna og slíkt gæti gerst á tiltölulega stuttum tíma.

Gæti rústað Reykjavík

Flugvöllurinn í Keflavík sem jafnframt gegnir hlutverki herflugvallar svo og kafbátastöðin í Hvalfirði eru augljóst skotmörk í slíkum átökum. Verði kjarnorkusprengjum skotið á þessar herstöðvar sem við Íslendingar hýsum með bandarísku herliði, gæti það lagt Reykjavík í eyði vegna geislavirkni sem líklegt er að myndi færast yfir höfuðborgarsvæðið. Við erum að horfa hér á ógn sem gæti útrýmt stórum hluta Íslensku þjóðarinnar.

Á margföldum hljóðhraða

Kjarnorkusprengjur myndu líklegast berast utan úr geimnum með langdrægum flaugum á margföldum hljóðhraða. Það er í hraun hlægilegur áróður að halda því fram að við getum varist slíku með einhverjum skotvopnum bandarískra hergagnaframleiðenda.

Það er kominn tími til að þjóðin taki á þessum málaflokki af festu og alvöru og hætti þátttöku í stríðleikjum úr smiðjum bandarískra hergagnaframleiðenda sem eru stærsta ógnin við heimsfriðinn í dag. Við getum byrjað á að Virkja Bessastaði til friðarmála, að forseti Íslands í stað þess að tala fyrir hernaði leiði menn saman til viðræðna um varanlegan frið.

Afstýrum þriðju heimsstyrjöldinni

Við þurfum samhent átak grasrótar, atvinnulífs og stjórnmála til að afstýra þriðju heimsstyrjöldinni sem er nú í fæðingu og mun hellast yfir okkur á næstu árum verði haldið áfram á sömu braut.

Hér eru myndbönd um þetta málefni sem voru birt á vef mínum forsetakosningar.is í aðdraganda forsetakosninga árið 2016:

Rússar vara við heimstyrjöld - Heimsfriðurinn hangir á bláþræði

Þjóðaröryggistefna sem ógnar Íslendingum

Vaknaðu núna!

Höfundur er forsetaframbjóðandi.

 

Hvað kostar forsetinn?

Síðan ég kynnti hugmyndafræðina Virkjum Bessastaði árið 1996 hafa tveir forsetar setið á Bessastöðum. Embættið hefur á þessum tíma kostað þjóðina um 10 milljarða króna á núvirði, um 35 þúsund krónur á hvern skattgreiðanda.

Embætti forseta Íslands eins og það er í dag er nánast óþarft í nútímasamfélagi smáþjóðar. Tilvistarkreppa embættisins hefur að undanförnu kristallast í svokölluðum “opinberum heimsóknum” forseta Íslands á milli húsa í eigin heimabyggð, Stór Reykjavíkursvæðinu.

Það er til betri leið

Hugmyndafræðin Virkjum Bessastaði hefur stuðning heimsþekktra fræðimanna í friðarmálum sem telja það raunhæfa möguleika að gera embætti forseta Íslands að boðbera friðar- og lýðræðisþróunar á heimsvísu. Með þessu væri hægt að laða alþjóðastofnanir til landsins, skapa 21 þúsund störf og auka þjóðartekjur um 600 milljarða. Um þetta er fjallað á vefnum forsetakosningar.is

Áhrifavald forseta

Þau áhrif sem forseti Íslands getur haft á þróun alþjóðamála er oft vanmetin hér á landi. Oscar Arias Sánchéz fyrrum forseti Costa Rica og friðarverðlaunahafi Nóbels skrifaði grein í Morgunblaðið þar sem hann fjallaði um verkefnið að Virkja Bessastaði með ofangreindum hætti. Oscar lýsir því í greininni hvernig hann gat sem forseti smáríkis komið á friði í Rómönsku Ameríku. Hann teldi hugmyndir mínar um að virkja Íslenska forsetaembættið á þessum vettvangi hafa raunverulega möguleika til árangurs.

Straumhvörf í alþjóða stjórnmálum

Á næstu árum má búast við verulegum breytingu á hinu alþjóðlega sviði. Aukin hætta er að við drögumst inní aukið styrjaldarástand með aukinni ásókn flóttamanna til landsins. Það er auðvitað óraunhæft að okkar litla þjóðfélag geti tekið á móti öllum þeim fjölda sem hingað mun leita í slíku ástandi. Það þarf að grípa í taumana strax, reyna að koma á friði bæði í Úkraníu og Mið Austurlöndum til að koma í veg fyrir slíka fólksflutninga. Forseti Íslands getur þar haft mikilvæg áhrif ef við virkjum embættið til friðar- og lýðræðisþróunar.

NATO samstarfið gæti horfið á einni nóttu

Það er fásinna að halda að NATO tryggji framtíðar öryggi Íslensku þjóðarinnar. Nýr forseti tekur við embætti í bandaríkjunum á næsta ári. Einn frambjóðenda sem talinn er líklegur til að ná kjöri í annað sinn hefur lýst því yfir að hann vilji draga sig úr NATO. Telur samstarfið ekki þjóð sinni til framdráttar. Við þá aðgerð er sá ímyndaði verndarvængur Íslendinga frá stærsta herveldi heims fokinn út í veður og vind.

Mér var sýnt árið 2025

Það kom fram í bókinni Virkjum Bessastaði sem ég dreifði á öll heimili landsins fyrir 28 árum að mér var sýnt að þetta væri langtíma verkefni og fyrst árið 2025 mætti búast við mikilvægum áfanga í friðarmálum. Þetta skýrir nokkuð þá óbilandi hugsjón og þrautseigju sem ég hef haft til að halda áfram göngunni til Bessastaða þrátt fyrir mikið mótlæti. Hér eitt af þremur ljóðum úr bókinni Virkjum Bessastaði sem lýsti hugljómun minni fyrir 30 árum:

Paradís á jörð

Stóllinn færðist hægt í gegnum mannfjöldann
framhjá pýramídanum mikla
burðarmennirnir silkiklæddir
fólkið var fyllt gleði
loksins var dagur friðar
þetta er árið 2025
loks var Hann hér
skipið stórt sem borg lýsti upp himininn
glitrandi sem perla í sólskini
ekkert hljóð nema fagnarhróp
mannkyns frjálst frá stríðsfjötrum
nú var paradís á jörð.

Ástþór Magnússon

Stuðningur heimsþekktra fræðimanna í friðarmálum við forsetaframboð Ástþórs

Þeir telja allir að hugmyndir Ástþórs um forsetaembættið til friðar- og lýðræðisþróunar í heiminum hafi raunverulega möguleika til árangurs.

Hvernig Ástþór Magnússon vill Virkja Bessastaði með því að gera forseta Íslands að leiðandi afli til friðar í heiminum er hugmyndafræði sem var þróuð í samvinnu við áhrifafólk í friðarmálum og heimsþekkta fræðimenn.

Meðal stofnenda Friðar 2000 árið 1995 var fyrrum forsætisráðherra Íslands Steingrímur Hermannsson sem mætti á stofnfund samtakanna í Háskólabíó þar sem hundruð íslendinga tóku þátt á annað hundrað friðarsamtök um allan heim gerðust meðstofnendur.

Hér eru þrír af helstu frumkvöðlum í friðarmálum heims sem allir hafa lýst yfir stuðningi við foretaframboð Ástþórs Magnússonar.

Prófessor Johan Galtung, virtasti fræðimaður heims í friðarmálum

Johan Galtung kom til Íslands til að lýsa yfir stuðningi við forsetaframboð Ástþórs Magnússonar. Hann hélt fyrirlestur í Háskóla Íslands um hugmyndafræðina að Virkja Bessastaði. Hann fer yfir þetta í myndbandi hér.

Friðarverðlaunahafi, forsetinn sem kom á friði

Oscar Arias Sanchéz, friðarverðlaunahafi Nóbels 1987 og forseti Costa Rica frá 1986-1990, skrifaði grein í Morgunblaðið þar sem hann lýsir því að hugmyndir Ástþórs að Virkja Bessastaði til friðar- og lýðræðisþróunar í heiminum séu raunhæfar til árangurs. Hér má lesa greinina

Dietrich Fischer leiðandi prófessor og frumkvöðull í friðarmálum. Ráðgjafi S.Þ.

Prófessor Dietrich Fischer frumkvöðull í friðarmálum var MacArthur fellow in International Peace and Security hjá Princeton háskóla í bandaríkjunum og síðan stofnandi friðarháskóla í Evrópu.

Dietrich kom til Íslands og lýsti yfir stuðningi við hugmyndir Ástþórs um að Virkja Bessastaði í Kastljós viðtali. Dietrich skrifaði grein í Morgunblaðið um hvernig reynt var að grafa undan framboðinu þannig að það minnti á það sem hann varð vitni að undir einræðisherranum Slobodan Milosevic í Júgoslavíu árið 1992.

Greinin úr Morgunblaðinu er birt hér að neðan.

Reynt að þagga niður stuðninginn

Því miður var ýmislegt gert hér á landi til að grafa undan forsetaframboði Ástþórs og kynningum á hugmyndafræðinni að Virkja Bessastaði til friðar- og lýðræðisþróunar.

Eitt öfgafyllsta dæmið var Kastljós viðtal við Dietrich Fischer árið 2004.  Úr viðtalinu var klippt flest það sem skipti máli áður en það var sent út á ríkisfjölmiðlinum. Dietrich skrifaði eftirfarandi í Morgunblaðið:

Þessi leið til að hindra frjálsa og opna umræðu minnir einna helst á herferðina í Júgoslavíu árið 1992 þar sem talsmanni friðar, Milan Panic, var aftrað frá að kynna friðarstefnu sína fyrir kjósendum vegna þess að fjölmiðlum þar í landi var alfarið stjórnað af stuðningsmönnum þáverandi forseta landsins, Slobodan Milosevic.

"Ég vonast til að útgáfa viðtalsins við mig verði birt í fullri lengd og óritskoðuð fyrir kosningarnar 26. júní..."

TIL þeirra er málið varðar:

Dagana 11.-13. maí var ég staddur á Íslandi. Ríkissjónvarpið tók 45 mínútna viðtal við mig í tengslum við komandi forsetakosningar hér á landi. Þar sem viðtal þetta fór fram á ensku átti það að vera birt með íslenskum texta. Því var útsendingunni frestað. Ég heyrði rétt í þessu frá Ástþóri Magnússyni (ég styð málstað hans í friðarmálum) og hann tjáði mér að einungis tíu mínútna brot úr viðtalinu hefði verið birt í sjónvarpinu í kvöld og var þar ekki minnst einu orði á áhersluþætti mína um það hvernig forsetaembætti Íslands gæti beitt sér í friðarmálum á alþjóðavettvangi né heldur var minnst á hvað Ástþór Magnússon hyggst gera nái hann kjöri.

Ég nefndi og studdi eftirtalin þrjú markmið hans en heyrði að þau hefðu öll verið tekin út úr viðtalinu:

(1)að koma á fót stofnun í lýðræðisfræðum sem muni stuðla að virkara lýðræði, sem fyrirmynd fyrir alla heimsbyggðina;

(2)að breyta bandarísku herstöðinni á Íslandi í höfuðstöðvar friðargæsluliðs Sameinuðu þjóðanna;

(3)koma á friðarstofnun þar sem leitað verður úrlausna á málum deiluaðila víða að úr heiminum þar sem þeir geta hist ásamt reyndum sáttasemjurum.

Einnig benti ég á að þrátt fyrir að Ísland sé lítið land gæti það samt sem áður haft mikið forskot í að stuðla að friði. Ég minntist á tvo forseta í þessu sambandi:

Árið 1973 bauð forseti Finnlands, Urho Kekkonen, öllum ríkisstjórnum í Evrópu til ráðstefnu í Helsinki um öryggi og samvinnu í Evrópu, sem stóð til 1975, og undirbjó jarðveginn fyrir endalok kalda stríðsins.

Árið 1986 fundaði forseti Costa Rica, Oscar Arias Sanchez, með öðrum forsetum Mið-Ameríku og gerði samkomulag sem undirritað var af öllum forsetunum, sem endaði Contra-stríðið í Nicaragua, og varð að grundvelli annarra svipaðra friðarsáttmála í El Salvador og Guatemala.

Ég skýrði frá því að Ástþór Magnússon myndi, ef hann yrði kosinn forseti Íslands, nota þau tækifæri sem gæfust sökum stöðu hans, til að koma Íslandi á kortið sem uppsprettu friðar í heiminum.

Mér var tjáð að öllum þessum þáttum, sem voru kjarni umræðu minnar, hefði verið sleppt þegar hluti viðtalsins var sýndur í sjónvarpinu í kvöld. Ég verð að játa að ég er hneykslaður. Þessi leið til að hindra frjálsa og opna umræðu minnir einna helst á herferðina í Júgoslavíu árið 1992 þar sem talsmanni friðar, Milan Panic, var aftrað frá að kynna friðarstefnu sína fyrir kjósendum vegna þess að fjölmiðlum þar í landi var alfarið stjórnað af stuðningsmönnum þáverandi forseta landsins, Slobodan Milosevic.

Ég vonast til að útgáfa viðtalsins við mig verði birt í fullri lengd og óritskoðuð fyrir kosningarnar 26. júní, til þess að gefa íslenskum kjósendum kost á að ákveða sjálfir hvort þeir séu sammála eða ósammála þeim skoðunum sem ég lét í ljós, í stað þess að einhver komi fram við kjósendur eins og börn sem ákveðið er fyrir hvað þau mega sjá og hvað ekki.

Ég er þakklátur fyrir það tækifæri sem ég fékk til að tjá mínar skoðanir, en ég varð samt sem áður fyrir vonbrigðum þegar þær voru afskræmdar með því að klippa burtu kjarnann í máli mínu.

Með bestu kveðjum
Dr. Dietrich Fischer

Virkjum þessa auðlind

Á Bessastöðum er að finna eina stærstu auðlind Íslendinga. Þjóðin gæti malað gull á þessari nýju auðlind. Það eina sem þarf til er almenn hugarfarsbreyting og Virkja Bessastaði.

Umræðan um forsetaembættið hefur löngum lent á villigötum og við hverjar kosningar tala sumir um að leggja embættið niður. Það væri álíka óviturlegt og að leggja niður útgerð og hætta að veiða fiskinn í sjónum. Með því að Virkja Bessastaði gæti forsetaembættið lagt hornstein að nýjum atvinnuvegi sem gæti veitt þúsundum Íslendinga góð störf í framtíðinni, aflað milljarðatekna fyrir þjóðarbúið og virkað sem öflug vítamínsprauta í vaxandi ferðaþjónustu landsmanna.  

Styrmir Gunnarsson fyrrum ritstjóri Morgunblaðsins féll í þá gryfju í Silfri Egils á dögunum að átta sig ekki á verðmætunum sem liggja í forsetaembættinu. Í þessum helsta helsta pólitíska umræðuþætti RÚV hafa verið dregnir fram hinir ýmsu spekingar að fjalla um forsetaembættið og væntanlegar forsetakosningar, en frambjóðendur sjálfir virðast útilokaðir frá þátttöku.

Auðvitað er það á skjön við nútíma lýðræði að á Bessastöðum sitji alræðisvald yfir því hvort einstök mál fari í þjóðaratkvæði. Styrmir virðist ekki þekkja hugmyndafræði mína nægjanlega vel til að átta sig á að þetta má leysa með því að Virkja Bessastaði.

Þannig gætum við einnig komið á móts við tvo veigamikla þætti lýðræðisþróunar í drögum Stjórnlagaráðs. Forsetinn gæti orðið hraðvirk leið undir núverandi stjórnarskrá til að brúa gjána sem nú er komin á milli þings og þjóðar. Um leið skapast svigrúm til að endurskoða stjórnskipun landsins til lengri tíma með víðtækari samstöðu.

Lýðræðispóllinn í hugmyndafræðinni Virkjum Bessastaði færir valdið til fólksins með beinna lýðræði. Þjóðaratkvæðagreiðslur verði eðlilegur og sjálfsagður hlutur í lýðræðinu og forsetinn nýtir málskotsréttinn með skipulögðum hætti til að leiða þjóðina úr úreltri hugmyndafræði í nútímalegra og beinna lýðræðisform. Þjóðaratkvæðagreiðslur um stærri deilumál eru virkasta formið til að brúa gjána milli þings og þjóðar til framtíðar og koma á sáttum í samfélaginu.

Samhliða regluverki forseta um hvernig kjósendur kalla eftir þjóðaratkvæðagreiðslu má með sama hætti skapa þjóðinni farveg um forsetaembættið að koma lagafrumvörpun til Alþingis. Ég talaði um þetta strax árið 1996  sem mikilvægan þátt til aukinnar lýðræðisþróunar samhliða því að forsetinn skyldi nýta málskotsréttinn.

Atvinnupóllinn í hugmyndafræðinni Virkjum Bessastaði er að skilgreina Ísland sem land heimsfriðar. Á Íslandi verði í framtíðinni aðsetur alþjóðastofnanna sem vinna að friðar- og lýðræðisþróun. Ísland er einstakt að því leyti að hér hefur ríkt friður í nærri þúsund ár og landsmenn hvorki borið vopn né rekið skipulagðan hernað. Það er þessi arfleifð sem hefur fyllt menn erlendis hrifningu hvar sem ég hef kynnt Ísland sem land friðarins.


Við sjáum nú þegar árangur af þessu starfi. Hingað komu heimsþekktir erlendir fræðimenn, m.a. höfundur handbóka Sameinuðu Þjóðanna að friðarsamningum, til að tala fyrir hugmyndum mínum um að virkja forsetaembættið en fengu ekki áheyrn fjölmiðla. Einnig var Ísland nýlega valið sem heimaland friðarsúlu og minnismerkis um John Lennon. Nú er bara að halda áfram og ná almennri samstöðu þjóðarinnar um að forseti Íslands virki Bessastaði.

Með því að sniðganga frambjóðendur í helsta umræðuþætti fjölmiðlanna er verið að viðhalda stöðnun forsetaembættisins og snúa kosningunum uppí hálfgerða fegurðarsamkeppni í stað þess að fjalla um raunverulega innviði embættisins og frambjóðenda. Það er grafalvarlegt mál ef fjölmiðlafólk kemst upp með að blinda kjósendur með innihaldslausri froðu til að hertaka Bessastaði og byggja þar rólur og sandkassa.  

Hafi menn sem hafa atvinnu af því að fylgjast með þjóðmálaumræðu ekki meðtekið kjarnann í hugmyndafræðinni Virkjum Bessastaði í gegnum 16 ára baráttu forsetaframbjóðanda er það lýsandi dæmi um hvernig fjölmiðlunin hefur brugðist.  

 

Nánar á www.forsetakosningar.is