Utanríkisráðuneytið svarar ekki fyrirspurn um peningabruðl í sendiráðum

Hversvegna svarar ekki Utanríkisráðuneytið þessari fyrirspurn sem ég sendi þeim fyrir mánuði síðan:

Ég er að skrifa greinar um einstaka liði í fjárlögum, m.a. vegna sendiráða og Varnarmálastofnun.

Í þessu sambandi langar mig að skilja betur hvaða hlutverksendiráð hafa að gegna í nútíma samfélagi. Hvort við getum ekki sársaukalaust lokað sendiráðunum og að mestu leiti amk rekið þessa starfsemi frá Íslandi í gegnum síma og netið.

 

Þessvegna spyr ég:

1. Hvernig er tímanum varið hjá sendiráði? Er til einhver úttekt á því t.d. hvaða starfsemi fór fram á síðasta ári í sendiráðinu í London? Eða einhverju öðru sendiráði sé ekki slík greining til fyrir það sendiráð?

2. Hvað kostar rekstur sendiráðs t.d. í London á ársgrundvelli? Hvað kostar klukkustundin (vinnustundir) hjá sendifulltrúa?

Hvernig eru almenn launakjör sendiráðsstarfsmanna, laun og hlunnindi? Hvað kostar slíkur starfsmaður okkur?

3. Mér skilst á starfsmönnum sendiráðs að mikilvægur hluti af þeirra vinnu tengist menningarstarfi eða menningarútflutningi? Hvað er þetta nákvæmlega sem þarna er verið að tala um?

4. Þá er mér einnig sagt að sendiráð sé að greiða götu fyrirtækja sem hyggja á útflutning? Hefur þetta verið greint? Hvað fengu t.d. mörg fyrirtæki aðstoð frá sendiráðinu í London á síðasta ári? Hvernig aðstoð? Skilaði það einhverju? 

 

Gæti aðstoð við útflutningsfyrirtæki verið rekin frá Íslandi með haghvæmari hætti? Sjálfur hef ég reynslu af því að hringja í tvösendiráð og spyrja hvort þeir ættu lista yfir dreifingaraðila fyrir drykkjavörur í landinu. Upplýsingar voru ekki til staðar í hvorugu sendiráðinu. Í Þýzkalandi var mér boðið að láta gera lista og borga fyrir að búa til þann lista. Á endanum notaði ég netið sjálfur til að finna upplýsingarnar. T.d. væri ekki hægt að láta slíka vinnu fara fram frá Íslandi?

5. Mér skilst að sendiráð sjái um að gefa út neyðarvegabréf. Má ekki leysa þetta með ræðismönnum sem vinna sjálfstætt og fá greitt fyrir að gefa út slíkt vegabréf beint frá þeim sem sækjast eftir þjónustunni? Einnig langar mig að vita hvað voru gefin út mörg neyðarvegabréf s.l. ár hjá sendiráðinu í London?

Varnarmálastofnun:

Síðan langar mig að spyrja um Varnarmálastofnun? Hvað gerir þessi stofnun? Má ekki bara loka ratsjárstöðvunum sem hún rekur eða leigja þær öðrum þjóðum eða þeim NATO aðilum sem langar að vera í "stríðsleik"? Snúið útgjöldum kerfisins í tekjupóst í fjárlögum? Eða er ég að misskilja eitthvað með þessar ratsjárstöðvar?

Hafi mér yfirsést einhver veigamikil atriði þá endilega láttu upplýsingar um það fylgja með.

Með kveðju

Ástþór Magnússon

http://www.austurvollur.is/thor 

Kostnaður nánast fjórfaldast

Athugasemdir

[Hörður Þórðarson, 7.12.2010 kl. 20:14]

Það væri mjög áhugavert að fá svör við þessum spurningum, Ástþór. Mest langar mig þó að vita hversu mikið tap eða hagnaður felst í rekstri þessarar "þjónustu". Þeir ættu til dæmist auðveldlega að geta reitt fram lista yfir öll þau fyrirtæki sem þeir hafa hjálpað á síðastliðnum 10 árum (Þegar ég segi hjálpað, þá meina ég aðstoðað án þess að fyrirtækin hafi greitt fyrir það sérstaklega, enda tel ég að fyrirtæki sem borga skatta eigi rétt á þjónustu af þessu tagi án frekara endurgjalds). Þegar þessi listi liggur fyrir þyrfti að taka saman hversu mikil verðmæti þessi fyrirtæki hafa náð að skaða með hjálp untanríksþjónustunnar.

Ef þessar upplýsingar liggja ekki fyrir er eitthvað meira en lítið að og stöðva ætti alla þessa starfsemi og fjárútlát sem henni fylgja þangað til komið er á hreint að hún feli í sér einhvern hag.

[Hörður Þórðarson, 7.12.2010 kl. 20:16]

"Þegar þessi listi liggur fyrir þyrfti að taka saman hversu mikil verðmæti þessi fyrirtæki hafa náð að skaða með hjálp untanríksþjónustunnar."

Þetta átti auðvitað að vera skapa en ekki skaðað.

[Ástþór Magnússon Wium, 7.12.2010 kl. 21:06]

Áður en ég skrifaði bréfið ræddi ég símleiðis við starfsmenn í sendiráði svo og starfsmenn hjá Utanríkisráðuneytinu.

Í sendiráðinu var lítið hægt að segja mér frá því hvað þau væru að gera, það væru "trúnaðarupplýsingar" hvaða fyrirtæki hefðu fengið aðstoð með þessum hætti. Við nánari umræður var mér sagt að þetta væri mjög tengt "menningarútflutningi" hvað sem það er.

Hjá Utanríkisráðuneytinu var mér lofað hátíðlega að svör kæmu við spurningunum innan stutts tíma, en mánuði síðar er ekki kominn stafkrókur frá þessum aðilum.

Ég held þetta sé bara gömul kampavínsveisla sem er orðin úrelt. Þeir sem liggja í bleyti þarna vilja auðvitað sem minnst rugga þeim bát.

[Kolvitlaus, 10.12.2010 kl. 01:05]

Ég ér hjartanlega sammála þér í þessum málum, eins og svo oft áður. Það þarf að setja frekari pressu á kampavínslepjandi flottræflana og fá svör við þessum spurningum.Löngu kominn tími á að skera niður hjá sjálftökuhyskinu sem hefur gegnsýrt þetta þjóðfélag í áraraðir. Hvet þig eindregið til að halda þinni baráttu áfram.