Þú þarft að taka á grunnvandanum

Merkilegt að fylgjast með þúsundum flykkjast á Austurvöll að berja potta og tunnur í stað þess að taka á grunnvandanum og varpa spilltu flokksdýrunum á dyr en það má gera í kjörklefanum.

Hversvegna kusuð þið aftur spillta pólitíkusa inná þing við síðustu alþingiskosningar? Hversvegna höfnuðuð þið beinu og milliliðalausu lýðræði sem veitir þjóðinni beinan aðganga að þingsölum Alþingis?

Nú er aftur tækifæri í kosningunum til Stjórnlagaþings. Ég er frambjóðandi nr. 7176 með beint og milliliðalaust lýðræði á oddinum. Engin þörf á að standa úti í kuldanum að kasta eggjum eða berja tunnur ef mínar hugmyndir ná fram að ganga. Framboðið kynni ég á www.austurvollur.is

Hvetja atvinnurekendur til að gefa starfsfólki frí til mótmæla

RÚV rammar inn kosningarnar

Lýðræðishreyfingin lætur ekki bjóða sér að mæta aftur í sjónvarpsumræður sem rammaðar eru inn af vitringum RÚV sem fundnir eru m.a. úr prófkjörum Sjálfstæðisflokksins.

Áróðurinn sem borinn var fyrir þjóðina í gærkveldi undir merkjum stjórnmálafræði er slík hneysa fyrir lýðræðislega umræðu að útilokað er að mæta aftur hjá RÚV við þessar kosningar.

Undanfarna mánuði hefur Lýðræðishreyfingunni verið úthýst úr Silfri Egils meðan aðrir hafa fengið óheftan og endurtekinn aðgang að kynna sín stefnumál. Egill Helgason misnotaði síðan enn og aftur aðstöðu sína í leiðtogaþætti RÚV kvöldið fyrir kjördag til að draga taum einstakra framboða.

Í fyrsta sinn í sögu Íslenska lýðveldisins er þjóðinni boðið beint lýðræði. Lýðræðishreyfingin hefur brotið blað í Íslandssögunni með slíku framboði. Hinsvegar sáu "vitringar" Egils Helgasonar ekkert nýtt á boðstólum og töluðu um skemmtanagildi þáttarins.

Þjóðinni er ekki skemmt yfir þeim hörmungum sem búið er að leiða yfir okkur. Efnahagsvandinn verður ekki leystur með því að skila auðu á kjörstað eins og forskrúfaðir vitringar RÚV heldu uppi áróðri um í gærkveldi. Slíkur áróður stangast á við kosningalögin enda eru auðir kjörseðlar dauðir og ógildir kjörseðlar.

Öflugustu mótmælin sem kjósendur geta sýnt gömlu flokkunum er að kjósa P lista Lýðræðishreyfingarinnar. Þannig geta kjósendur haft áframhaldandi áhrif allt kjörtímabilið og veitt alþingismönnum mikilvægt aðhald. Hversvegna ætti þjóðin að láta þagga niður í sér næstu fjögur árin þegar hún getur fengið greiðan aðgang að Alþingi með beinu lýðræði?

Bjarni Ben kaus fyrstur

Gagghænan Agnes farin á taugum

Jónas Kristjánsson ritstjóri kallaði hana afkastamesta "spunakarl landsins" fyrir nokkrum mánuðum, en nú virðist gagghænan Agnes Bragadóttir farin yfrum á taugum.

Örstuttu tímabili frjálsrar blaðamennsku er lokið hjá Morgunblaðinu og Agnes aftur komin í búr sægreifa og útrásarvíkinga. Nú er það varðhundurinn Óskar Magnússon lögmaður kallaður "útgefandi" sem heldur um lyklavöldin að prentblekinu.

Af einstakri þægð við fjárglæframenn í hluthafahópi Morgunblaðsins reynir spunakerlingin með fúkyrðum og rökleysu að stöðva ört vaxandi fylgi Lýðræðishreyfingarinnar sem sækist eftir stuðningi þjóðarinnar að koma lögum yfir mafíuna og sækja þýfið í aflandseyjar eða hvar sem það finnst.

Agnes greyið virðist orðin svo upptrekkt og taugaveikluð yfir því að missa jobbið á moggasnepli útrásarinnar í þeim hreinsunum sem bíða sumra húsbændanna þar á bæ eftir kosningar, að kerlingunni er gersamlega ómögulegt að skilja kjarnan frá hisminu.

Agnes Bragadóttir hefur undanfarið verið á framfæri almennings eins og aðrir starfsmenn Morgunblaðsins meðan ríkisbankinn Nýji Glitnir dældi þangað hundruðum milljóna eftir gjaldþrot. Síðan var 3,5 milljörðum af skuldum þrotabúsins varpað yfir á heimili landsins um síðustu mánaðarmót í stað þess að láta skuldirnar fylgja með á silfurfatinu til nýrra eigenda sem m.a. er með fyrrverandi stjórnarformann hins gjaldþrota Glitnis banka innanborðs.

Í grein sinni segir Agnes það hafi verið einkar ánægjulegt þegar fulltrúi útrásarvíkinganna, lögfræðingur frá lögmannsstofunni Lex, dæmdi lista Lýðræðishreyfingarinnar ógildan í Reykjavík á skjön við landslög og aðrar kjörstjórnir í landinu.

Sem betur fer vildi það þannig til að ég átti fund með tíu manna fjölþjóðlegum hóp frá kosningaeftirliti ÖSE á nákvæmlega sama tíma sem Landskjörstjórn fjallaði um málið. Lögmannsmafían gat því ekki annað en farið að lögum og úrskurðað alla lista Lýðræðishreyfingarinnar gild framboð.

Það er aumt þegar kalla þarf til erlenda eftirlitsmenn, setja upp leikrit og framleiða hávaða í byggingu ríkisfjölmiðlanna til að ná því fram að lögum um borgaraleg réttindi og lýðræði sé framfylgt á Íslandi. Að krefjast slíkra réttinda kallar spunakerlingin "stjórnlausa frekju".

Eftir reynslu mína af forsetakosningum árið 2004 í samskiptum við stjórnvöld og fjölmiðla var mér ljóst að útilokað væri að hér færu fram eðlilegar kosningar nema undir kosningaeftirliti ÖSE. Þessvegna sótti ég fast eftir slíku með bréfaskriftum, kærum og símtölum og tókst á endanum að fá kosningaeftirlitið hingað til lands að fylgjast með umbreytingunni úr bananalýðveldi í nýtt Íslenskt lýðveldi þar sem þjóðin fær völdin í stað þeirrar mafíu sem fjölmiðlahórurnar liggja undir.

Gömlu flokksskrímslin keppast nú við að blekkja kjósendur með kosningakarmellum og kjötsúpum. Takist þeim að blekkja nægjanlegan fjölda kjósenda næstu daga skaltu búa þig undir að sötra naglasúpu næstu fjögur árin.  

Með því að kjósa xP Lýðræðishreyfinguna á laugardag ert þú að tryggja þína framtíð og losa börn þín úr ánauð víkinganna. Láttu ekki áróðussnepil sægreifanna og spunakerlingar blekkja þig í að afhenda þín lyklavöld til mútuþægra alþingismanna.

Lýðræðishreyfingin er eina stjórnmálaaflið sem mun færa þér völdin á Alþingi. Í gegnum rafrænt Almannaþing færð þú sjálfur kjósandi góður ótvíræðan atkvæðisrétt á Alþingi. Þingmenn Lýðræðishreyfingarinnar eru óspilltir nýliðar munu gæta þeirra grundvallar mannréttinda þinna að þjóðin ráði sér sjálf.

Með þvi að kjósa Lýðræðishreyfinguna losar þú þjóð þína úr þeirri ánauð að flokkseigendafélög og mútuþægir stjórnmálaflokkar mergsjúgi sameiginlega sjóði og stofnanir og skilji þig og fjölskyldu þína eftir úti í kuldanum með skuldirnar. 

Kynntu þér málið nánar á www.xp.is og mundu að merkja við P á kjörseðlinum til að gæta þinna eigin hagsmuna og kjósa þína eigin persónu á þing.

 - - - - - - - -

Þessi grein er birt í Morgunblaðinu í dag, en orðið "gagghæna" var þar fjarlægt eftir ritskoðun Ólafs Stephenssen sem vildi ekki að Agnes Bragadóttir væri kölluð gagghæna. 

Hér er linkur á viðtal í Zetunni þar sem ég ræði þetta við Agnesi: http://mbl.is/mm/frettir/sjonvarp/24107/

Lýðvarpið: Opið hús sunnudag kl. 14-18

Verið velkomin að kíkja við til okkar og skoða Lýðvarpið, nýja útvarpsstöð sem hefur útsendingar á FM100.5 mánudag kl. 07 með Íslandsklukkunni.

Fréttavaktin verður síðan daglega kl. 12-14 þar sem þú færð fréttirnar frá öllum fjölmiðlunum og óritskoðaðar fréttir frá Ríkisútvarpinu!

Vefsíðan er www.frettavakt.is og útvarp Lýðvarpsins á FM100.5

Opið hús sunnudag: Verið velkomin að kíkja við í kaffi til okkar kl. 14-18 í Vogasel 1, 109 Reykjavík sunnudag. Síminn er: 4500500.

Grefur auglýsingasjónvarpið Skjár1 undan lýðræðinu?

Nokkur umræða hefur verið um auglýsingamarkað ljósvakamiðla. Skjár1 sagðist vera almennt sjónvarp er höfði til allra landsmanna og efndu til undirskriftarsöfnunar til að fá RÚV út af auglýsingamarkaði.

Það kom því mjög á óvart þegar ég í dag ræddi við Sölva Tryggvason og aðstoðarkonu hans um hversvegna Lýðræðishreyfingin var sniðgengin í umræðuþætti þeirra um síðustu helgi, en þar var rætt við helstu stjórnmálaöfl landsins og tveimur nýjum stjórnmálahreyfingum gefin tækifæri að kynna sín stefnumál.

Sölvi svaraði því til að Skjár1 væri auglýsingasjónvarp og þessvegna bæru þeir engar skyldur í þessu sambandi, þeim væri frjálst að taka til umfjöllunar hvert það stjórnmálaafl sem þeim þóknast án tillits til annarra. 

Þetta er auðvitað algerlega á skjön við útvarpslögin, sem einnig gildir fyrir sjónvarp, en þar segir:  "skulu í öllu starfi sínu halda í heiðri lýðræðislegar grundvallarreglur. Þeim ber að virða tjáningarfrelsi og stuðla að því að fram komi í dagskrá rök fyrir mismunandi skoðunum í umdeildum málum."

Þegar ég benti Sölva á þessa grein útvarpslaga hafði hann á orði að við kæmust ekkert í þátt hjá sér með slíkri frekju, hann réði því hvaða menn og málefni yrði fjallað um.

Eiga fjölmiðlar sem þessir rétt á sér í lýðræðisþjóðfélagi eða er slík geðþótta umfjöllun einstakra fjölmiðlamanna til þess fallin að blekkja þjóðarsálina og grafa undan lýðræðinu í aðdraganda kosninga?

Sjá nánar um Lýðræðishreyfinguna á www.lydveldi.is

Tilnefna frambjóðendur á www.austurvollur.is