Steingrímur og Jóhanna - Afsögn strax!

Það er landráð ef þið sitjið áfram eftir þjóðaratkvæði dagsins. Slíkt myndi valda þjóðinni stórkostlegum skaða, grafa undan trúverðugleika og þvælast fyrir nýjum og betri samningi.

Fyrirrennarar ykkar þau Geir og Ingibjörg Sólrún voru eins og olía á þann eld sem brenndi upp hundruði milljarða í misheppnuðum "björgunarleiðangri". Það væri skelfilegt ef slík ráðherramistök yrðu nú endurtekin.

Nú þarf að skipta um í brúnni eins og þú segir oft Steingrímur. Ný andlit, nýtt fólk, nýjar hugmyndir. Hvorki aðilar í ríkisstjórn né stjórnarandstöðu eiga að koma nálægt nýju Icesave samningaferli.

Ef eitthvað af viti á að koma út úr þessum samningum þarf að byrja algerlega uppá nýtt með hreint borð. Nýjar Alþingiskosningar og síðan sterka ríkisstjórn með afdrifarlaust umboð frá þjóðinni. Ekkert minna dugar!

Sjá einnig:

5.3.2010 | 18:53

Lítisvirða þjóðina

Nær allir segja nei

Lítisvirða þjóðina

Ég skora á hvern heilvita Íslending að hafna Icesave og styrkja þannig samningstöðu okkar.

Ráðherraparið Jóhanna og Steingrímur hafa með einstaklega klunnalegum hætti snúið Icesave atkvæðagreiðslunni uppí kosningar um ríkisstjórnina.

Þau sýna þjóð sinni eindæma fyrirlitningu með yfirlýsingum um að þjóðaratkvæðagreiðsla, sem þau sjálf settu lög um á Alþingi, sé marklaus og þau ætli að sitja heima á kjördag.

Yfirlýsingar þeirra eru ekki við hæfi af vestrænum leiðtogum sem kjörnir voru fyrir fáeinum mánuðum undir eigin yfirlýsingum um aukið og beinna lýðræði.

Með yfirlýsingum sínum um að atkvæðagreiðslan sé markleysa og þau ætli þessvegna að sitja heima, eru þau Jóhanna og Steingrímur að lýsa því yfir við þjóðina að þau séu ekki starfi sínu vaxin.

Þau eru að hafa þjóðina að fíflum með því að efna til þjóðaratkvæðagreiðslu sem þau sjálf mæta ekki til. Þau lítisvirða stjórnarskrá lýðveldisins og gera skrípaleik úr þeim sjálfsagða rétt fólksins í landinu að leita til forseta síns um að skjóta málum til þjóðaratkvæðagreiðslu.

Óbreyttur þingmaður sagði í nýlegu útvarpsviðtali að 5% þjóðarinnar væru fávitar. Jóhanna og Steingrímur virðast taka undir þetta með framkomu sinni. Þótt parið segi það ekki berum orðum virðast þau telja að meirihluti þjóðarinnar séu fávitar.

Ljóst er að Jóhanna og Steingrímur hafa nú búið þannig um hnútana að ríkisstjórnin er fallin hafni þjóðin Icesave málinu í þjóðaratkvæðagreiðslu. Útilokað er að þau sitji áfram við þær aðstæður og það myndi stórskaða hagsmuni þjóðarinnar. Trúverðugleikinn yrði nákvæmlega enginn.

Hafni þjóðin Icesave þarf að koma til nýtt fólk til að leiða samningaferlið. Senda skýr skilaboð undir nýju umboði frá þjóðinni að Íslendingar hafni lögum og samningsdrögum þessarar ríkisstjórnar og nú þurfi að semja algerlega uppá nýtt.

Þjóðinni væri einnig misboðið sé reynt að sjóða saman nýja ríkisstjórn úr stjórnarandstöðunni hvortsem slíkt yrði með eða án annars stjórnarflokkanna. Vona að flokkarnir ali ekki hugmyndir um slíka nauðgun á lýðræðinu.

Til að komast hjá stjórnarkreppu er ekkert annað í stöðunni en nýjar Alþingiskosningar sem eðlilegast væri að slá saman með sveitastjórnarkosningum þann 29. maí n.k.

Ég skora á hvern heilvita Íslending að hafna Icesave og styrkja þannig samningstöðu okkar.

Jóhanna ætlar ekki á kjörstað

Stríðsglæpamaður misnotar Morgunblaðið

Mér verður hreinlega flökurt að lesa ruglið úr Davíð Oddsyni í pistli Morgunblaðsins í dag. Er það ekki lágmarkskrafa að hinn Íslenski stríðsherra haldi ekki áfram að skíta á sig á síðum blaðsins.

Í pistli sínum reynir Davíð að réttlæta innrásina í Írak og stuðning Íslands við bóðbaðið. Segir opinbera rannsóknarnefnd í Bretlandi vera á vegum þingmanna sem "þorðu ekki í Blair meðan hann var ennþá á staðnum" og sem eru að missa þingsæti sín í næstu kosningum. Hvílíkt fáranlegt bull!

Þá blandar hinn blóðþyrsti ritstjóri Morgunblaðsins saman í einn pott forsendum manna fyrri aldar fyrir seinni heimstyrjöldinni og segir innrásina í Írak hafa snúist um það sama. Fáranleg rökleysa, enda vita nú flestir sem ekki eru blindir og heyrnarlausir að innrásin Írak snérist um völd yfir olíulindum.

Þá segir hinn afvegaleiddi ritstjóri nánast berum orðum að morð á 300,000 Kúrdum hafi réttlætt að hann og félagar hans í stjórnunarstöðum á vesturlöndum hafi látið myrða yfir tvær milljónir saklausra barna og borgara í Írak með miskunnarlausu viðskiptabanni sem stöðvaði m.a. innflutning á mikilvægum lyfjum svo og blóðugum loftárásum sem sendu blómlegt samfélag aftur til steinaldar. Þá er hvítblæði og nýfæddir vanskapningar algengir í Írak í dag vegna úraníumhúðar á sprengjuoddum. Það liggur alveg ljóst fyrir að hér var um að ræða einn grófasta stríðsglæp mannkynssögunnar.

Ég vona að Alþingi hafi þor til að setja upp eigin rannsóknarnefnd að fyrirmynd Breta til að kafa ofaní þann skandal að Davíð og Halldór hafi dregið okkur Íslendinga ofaní þetta blóðbað. Síðan á að senda skáldið á Morgunblaðinu á Litla Hrauni fyrir sinn þátt í fjöldamorðinu. Kannski gamli klefinn minn sé laus þar sem ég var látinn dúsa fyrir að mótmæla stuðningi Íslands við innrásina.

Aðeins með því að taka lögleysuna föstum tökum getum við lagt hornstein að heilbrigðum leiðtogum og friðsömum heim.

Erindi til Steingríms J Sigfússonar: Ég vil semja uppá nýtt um Icesave fyrir hönd Íslenska ríkisins

Hæstvirtur fjármálaráðherra Steingrímur J. Sigfússon
Fjármálaráðuneytið, Arnarhvoli við Lindargötu, Reykjavík.

7. janúar 2010

Ágæti Steingrímur,

Nú er lag að hringja til mín og nýta krafta mína í þágu uppbyggingar á
Íslandi eins og þú ræddir um í kosningasjónvarpi RÚV s.l. vor. Ég
ítreka boð mitt um að aðstoða ykkur og býðst nú til að leita nýrra
samninga um Icesave skuldbindingarnar við Bresk og Hollensk
stjórnvöld.

Ég tel alla möguleika á að ná betri samningum um Icesave, ekki síst um
vaxtabyrðina sem er í raun út af kortinu hvað varðar almenn lánakjör í
Evrópu. Engan tíma má missa, við þurfum að hefja þessa vinnu án tafar
til að glata ekki því einstaka tækifæri sem nú hefur opnast til nýrra
samninga.

Nauðsynlegt er að nýtt fólk komi að þessum samningum fyrir hönd
Íslensku þjóðarinnar til að ná raunhæfum árangri. Ég treysti mér til
að leiða það ferli.

Síminn minn er (númer fjarlægt úr bloggfærslu)

Virðingarfyllst,
Ástþór Magnússon

Furðuleg vinnubrögð blaðamannasamtaka

Vinnubrögð blaðamannasamtaka hafa löngum verið furðuleg og yfirlýsingar þeirra um Íslenska fjölmiðla virðist heimatilbúinn soðningur frá Íslandi sem dansar eftir dyttóttum elítunnar.

Undanfarin ár höfum við fengið yfirlýsingar alþjóðlegra blaðamannasamtaka sem skipuðu Ísland í alþjóðlegt "FYRSTA SÆTI" yfir frjálsa og óháða fjölmiðla. Mér ofbauð svo þessi vitleysa að ég hringdi í þessi samtök og fékk þá það svar frá þeim sem vann skýrsluna, að hann hefði engin svör fengið frá Íslandi við spurningalista sínum svo hann setti bara Ísland í fyrsta sætið!

Á meðan ritstjórar Íslenskra fjölmiðla hafa skrifað leiðara með ádeilum á Rússneskt lýðræði vegna misnotkunar fjölmiðla, hafa á Íslandi farið fram fram forsetakosningar og alþingiskosningar þar sem fjölmiðlar landsins, meira að segja ríkisfjölmiðlar þjóðarinnar hafa verið stórkostlega misnotaðir í aðdraganda kosninga með enn grófari hætti en í Rússlandi. Lýðræðið fótum troðið og duglausum elítum beinlínis troðið þannig inná Bessastaði og Alþingi þar sem þeir/þau halda áfram að traðka á þjóðinni. En þjóðin er svo blinduð af ruglinu úr þessum fjölmiðlum að hún er eins og misnotuð eiginkona og sér ekki vandamálið.

Yfirlýsing norrænna blaðamannasamtaka tekur Morgunblaðið sérstaklega fyrir í yfirlýsingu sinni í dag. En þeir þurfa að skoða víðar. Það er nánast ekki til frjáls og óháður fjölmiðill á Íslandi. Þetta er allt sami drulluköku soðningurinn hvortsem það heitir RÚV, Stöð2, Skrár1, Fréttablaðið, DV eða Morgunblaðið. Allt hefur þetta legið flatt eins og hóra undir mismunandi elítuöngum þessa spillta lands. 

Meðfylgjandi mynd sýnir umfjöllun um frambjóðendur í Íslenskum forsetakosningum. Stóra spjaldið er umfjöllun um sitjandi forseta sem margsinnis var troðið uppá þjóðina með aðstoð fjölmiðla í eigu stuðningsmanna. Litla spjaldið sýnir annan frambjóðenda sem fékk á sama tíma nánast enga málefnalega umfjöllun en var tekinn í gegnum "hakkavélar" DV og annarra fjölmiðla sem elítunni þóknaðist að nota í neikvæðum fréttaflutningi til að draga úr trúverðuleika þess framboðs. Þjóðin féll fyrir blekkingunni og strengjabrúðan á Bessastöðum lagðist flöt eins og töfrateppi undir útrásarvíkinga í uppbyggingu þeirra á alþjóðlegri fjársvikastarfsemi.  

Áhyggjur af fjölmiðlum hérlendis

Gætum verið komin lengra

Hugmyndin virðist síast inn en því miður með hraða snigilsins. Stundum hefur mér fundist ég kasta perlum fyrir svín, en kannski þær nái að skína á endanum.

Í hálfan annan áratug hef ég kynnt fyrir þjóðinni þær hugmyndir að Ísland verði í framtíðinni miðstöð alþjóðlegra friðarmála. Að núverandi hernaði verði breytt til þróunarhjálpar og alþjóðlegrar friðargæslu.

Í forsetaframboði árið 2004 fullyrti ég að Bandaríski herinn myndi hverfa innan skamms. Ég reyndist sannspár um þetta því ákvörðunin kom innan 2ja ára!

Ég beindi kosningabaráttu minni að þeirri hugmynd að á Keflavíkurflugvelli skyldi rísa friðarháskóli með þróunarmiðstöð lýðræðis og þjálfunarbúðir og þjónusta við alþjóðlega friðargæslu. Ég nefndi NATO sérstaklega í því sambandi sem áhugaverðan byrjunarreit í þessu ferli og er þetta ein ástæða þess að ég hef ekki verið stuðningsmaður þess að Ísland gangi úr NATÓ. Hef viljað vinna að þessu máli innanfrá í þeim samtökum.

Það er ánægjulegt að vísir að starfseminni sé að fæðast bæði með Keili og þessu Hollenska fyrirtæki, en um leið sorglegt að á Bessastöðum sitji dragbítur sem hefur svikið hvert einasta loforð sem hann gaf mér og öðrum friðarsinnum að vinna þessu máli brautargengi.

Við gætum verið komin svo miklu lengra í þessu. Ég hefði nú þegar viljað sjá þúsundir starfandi á Íslandi í tengslum við alþjóðlega friðargæslu og umbreytingu hernaðar hinna ýmsu þjóðríkja til þróunarhjálpar.

Vonandi tekst þjóðinni betur upp í næstu forsetakosningum og endi ekki með aðra pólitíska mellu á Bessastaði.

Getur skapað 150-200 föst störf

Segja Íslandi stjórnað af alþjóðlegum glæpahring

Sá orðrómur gengur nú manna á meðal í Evrópu að Íslandi sé stjórnað af alþjóðlegum glæpahring. Forseti Íslands hafi notað embætti sitt til að sannfæra heiðvirða breska bankamenn að selja Kaupthing svikamyllunni virtan breskan banka og þannig seilst ofaní vasa breskra fjárfesta.

Menn segja á meðan Nígeríska spillingalögreglan leiti 19 stjórnenda fimm fjármálafyrirtækja sem ríkið þurfti að bjarga með 2,6 milljörðum dala, er stærstu Íslensku fyrirtækjunum t.d. á sviði flutninga og símasamskipta stjórnað af þeim mönnum sem stálu hundruðum milljarða af breskum, þýzkum og hollenskum innistæðueigendum. Enginn hafi verið dreginn til ábyrgðar á Íslandi.

Niðurstaðan er sú að Ísland sé griðarland helstu fjárglæframanna heimsins og því beri að varast að eiga viðskipti við Íslendinga.

Kæra vegna brota Ríkisútvarpsins RÚV á útvarpslögum og lögum um Ríkisútvarpið

Verði ekki bætt úr hlýtur að vakna sú spurning hvort hægt sé að taka þátt í slíku skrípalýðræði sem RÚV og stjórnvöld bjóða þjóðinni.

Hvort ekki þurfi að fá aðstoð Öryggis og Samvinnustofnunar Evrópu að alþingiskosningarnar verði lýstar ólögmætar.  Slíkur er alvarleiki málsins að mati lögmanna Lýðræðishreyfingarinnar. 

Hér er birt efni kæru til Útvarpsréttarnefndar 25. mars 2009:
 
Undirritaður minnir Útvarpsréttarnefnd á fyrri kærur og erindi frá árinu 2004, 2008 og 2009 sem enn hefur ekki verið svarað. Athygli formanns Útvarpsréttarnefndar var vakin á þessu í símtali og að höfðu samráði við hann er þessi kæra nú framsett gegn loforði hans um að taka á málinu:

Ríkisútvarpið RÚV hefur undanfarnar vikur og mánuði ítrekað brotið lög og reglur nú í aðdraganda alþingiskosninga á Lýðræðishreyfingunni. Fjöldi erinda hefur verið sendur til Páls Magnússonar útvarpsstjóra með kvörtunum en hann hefur ekki svarað þeim. Haldinn var fundur með Páli í síðustu viku en þrátt fyrir góð orð er haldið áfram að fótum troða lýðræðislegar jafnaðarreglur og brjóta á Lýðræðishreyfingunni. Hér eru tekin 3 dæmi vegna síðustu daga:
 
1.      Í Silfri Egils s.l. laugardag var rætt við talsmenn Borgarahreyfingarinnar og L-Lista en Lýðræðishreyfingin var sniðgengin þrátt fyrir sérstakar og ítrekaðar beiðnir um aðganga að þættinum til að kynna þar okkar stefnumál og framboð í komandi alþingiskosningum.

2.      Í fréttum RÚV 19.03.09 var rætt við leiðtoga stjórnmálasamtaka um skoðanakannanir. Lýðræðishreyfingunni var synjað um að gefa álit á könnuninni. Við nánari athugun hefur komið í ljós að Ríkisútvarpið kostar þessar kannanir sem unnar eru af Capacent Gallup og áður en öll framboð eru komin fram. Því er um marklausar kannanir að ræða og sem eru framsettar af RÚV þannig að skekkt er lýðræðisleg umræða um framboðin.

3.      Ríkisútvarpið hefur sent Lýðræðishreyfingunni áætlun um „kosningasjónvarp“ og segist hefja kosningaumfjöllun í RÚV 3. Apríl með leiðtogafundi í Sjónvarpssal. Og svo segir: „ATH! Þátttaka í þeim fundi miðast við þau framboð sem bjóða fram á landsvísu og hafa fengið framboð sitt staðfest fyrir 3.apríl!  Næsta „leiðtogafund“ á síðan ekki að halda hjá RÚV fyrr en kvöldið fyrir kjördag þann 24 apríl.

 
Frestur til að skila framboðum til alþingiskosninga 2009 er 11 apríl n.k.  Ríkisútvarpið hefur ákvörðun Alþingis um þau tímamörk að engu og hefur sett sín eigin tímamörk að því virðist til að halda áfram að leggja steina í götu nýrra framboða og halda þeim frá umræðunni. Lýðræðishreyfingin hefur leitað álits lögmanns sem segir Ríkisútvarpið brjóta lög og reglur með framgangi sínum og það sé ólögmætt að útiloka framboð frá umræðunni með þessum hætti.
 
Í 9gr. Útvarpslaga segir:

„Lýðræðislegar grundvallarreglur. Útvarpsstöðvar skulu í öllu starfi sínu halda í heiðri lýðræðislegar grundvallarreglur. Þeim ber að virða tjáningarfrelsi og stuðla að því að fram komi í dagskrá rök fyrir mismunandi skoðunum í umdeildum málum. Þó skal útvarpsstöð, sem fengið hefur útvarpsleyfi í þeim yfirlýsta tilgangi að beita sér fyrir tilteknum málstað, vera óskylt að flytja dagskrárefni sem gengur í berhögg við stefnu stöðvarinnar.“
 

Í lögum um Ríkisútvarpið segir um skyldur stofnunarinnar:
 
4 gr.: „Að veita almenna fræðslu og gera dagskrárþætti er snerta málefni lands og þjóðar sérstaklega og með þeim hætti tryggja hlutlæga upplýsingagjöf um íslenskt samfélag.“

5 gr.: „Að halda í heiðri lýðræðislegar grundvallarreglur og mannréttindi og frelsi til orðs og skoðana. Gæta skal fyllstu óhlutdrægni í frásögn, túlkun og dagskrárgerð.“
 
7 gr.: „Að veita víðtæka, áreiðanlega, almenna og hlutlæga fréttaþjónustu um innlend og erlend málefni líðandi stundar og vera vettvangur fyrir mismunandi skoðanir á málum sem efst eru á baugi hverju sinni eða almenning varða.“

9 gr: „Að miða útvarpsefni við fjölbreytni íslensks þjóðlífs, þar á meðal að sinna eðlilegum þörfum minnihlutahópa.“
 

Ljóst er hverjum manni sem fer yfir umfjöllun Ríkisútvarpsins RÚV nú í aðdraganda kosninga að ofangreind lög eru þverbrotin af stofnuninni og starfsmönnum hennar.
 
Fram kemur í nýrri skýrslu Öryggis- og Samvinnustofnunar Evrópu að Ríkisútvarpið haldi engar skrár yfir jafnvægi í umfjöllun gagnvart einstökum framboðum. Framganga Ríkisútvarpsins er með þeim hætti að hér er ekki hægt að heyja heiðarlega og lýðræðislega kosningabaráttu.

Þess er krafist að Útvarpsréttarnefnd hlutist án tafar til um eftirtalin atriði:

1.      Lýðræðishreyfingunni verði veittur eðlilegur aðgangur til að kynna sín stefnumál og framboð. Sérstaklega er óskað eftir aðgangi að Silfri Egils n.k. sunnudag.

2.      Ríkisútvarpið hætti kostun og umfjöllun um skoðanakannanir sem gerðar eru áður en framboðin eru fram komin og öll framboð verði tekin með í slíkum könnunum.

3.      Ríkisútvarpið bjóði á leiðtogafund 3 apríl fulltrúum allra framboða sem lýst hafa yfir framboði í komandi kosningum eða þessum fundi sé frestað fram yfir framboðsfrestinn.  Sé fjöldi framboða eitthvert vandamál hlýtur að vera hægt að skipta þessum „leiðtogafundum“ á 2 daga, t.d. 2 og 3 apríl. Við teljum einnig ámælisvert að síðan séu þrjár vikur látnar líða þar til aftur er rætt við leiðtoga framboðanna. Fleiri slíkir fundir hljóta að vera nauðsynlegir fyrir kjósendur til að geta gert upp hug sinn með vitrænum hætti í svo mikilvægu máli sem alþingiskosningum við þær aðstæður sem nú er.
 
Verði ekki bætt úr þessu hlýtur að vakna sú spurning hvort yfir höfuð sé hægt að taka þátt í slíku skrípalýðræði sem Ríkisútvarpið og stjórnvöld bjóða þjóðina. Hvort ekki þurfi frekar að beita kröftunum í að Öryggis og Samvinnustofnun Evrópu aðstoði við að fá alþingiskosningarnar lýstar ólögmætar.  Slíkur er alvarleiki málsins að mati lögmanna Lýðræðishreyfingarinnar.

Skrár tengdar þessari bloggfærslu:

• Kæra til Útvarpsréttarnefndar

Minnir á mína handtöku á Íslandi

Óneitanlega minnir þessi frétt um handtöku hagfræðings í Lettlandi á handtöku mína á Íslandi þegar ég gaf út yfirlýsingar sem voru forsætis- og utanríkisráðherra Íslands ekki þóknanlegar.

Lögreglan var mætt eftir 4 klukkustundir og ég sat fleiri daga í gæsluvarðhaldi eða þar til Hæstiréttur dæmdi gæsluvarðhaldið ólögmætt.

Darraðadansinn gegn mér hófst í raun þegar ég kom fram í forsetaframboði árið 1996 og lýsti því yfir að ég vildi komast í skrifstofu forseta í stjórnarráðshúsinu (sem þá var þar til húsa) til að moka út spillingu. Því slík væri spillingin hér að Ísland yrði gjaldþrota innan nokkurra ára ef ekki yrði gripið í taumana. 

Þá lýsti ég verðbréfamörkuðum sem spilavítum sem myndu hrynja með geigvænlegum afleiðingum fyrir almenning.

Ég upskar hersingu af greinaskrifum og óhróðri gegn mér, m.a. frá virðulegum bankastjórum fyrir að benda á "nýju fötin keisarans" og sagður snarbrjálaður að tala svona. Ég meira segja uppskar nafnbótina "þorpsfífl" í leiðara Fréttablaðsins.

En er þetta ekki allt komið fram?

Meira um þetta og stefnumál Lýðræðishreyfingarinnar í Kastljósviðtali kvöldsins.

Handtekinn fyrir samlíkingu við Ísland

14 ára friðarbarátta

Friður 2000 er 14 ára í dag. Þann 4 mars 1995 var Friður 2000 stofnað í Háskólabíó. Á annað þúsund einstaklingar og félagasamtök stóðu að stofnun félagsins. Þrátt fyrir margvíslegt mótlæti gegn samtökunum sem hafa boðað nýja hugmyndafræði í friðarmálum, sem því miður hafa enn ekki átt upp á pallborðið hjá "stjórnmálaskörungum" þessa lands, þá hefur ýmsu verið áorkað:

1995 – Flogið með hjálpargögn og jólapakka með kveðjum frá Íslenskum börnum fórnarlamba Chernobyl og stríðhrjáðra barna í Sarajevo. Hugmyndin verður öðrum hvatning og bílalestir með hjálpargögn og slíka jólapakka berast næstu árin til Chernobyl og á stríðshrjáð svæði með bílalestum frá ýmsum stöðum.

1996 – Bókinni "Virkjum Bessastaði” dreift á öll heimili landsins. Skorað á frambjóðendur að taka upp friðarmálin. Þegar enginn þeirra bregst við áskoruninni lýsir Ástþór sjálfur yfir framboði og notar síðan beinar sjónvarpsútsendingar til að fá Ólaf Ragnar Grímsson til að gefa kjósendum loforð um að beita embættinu í friðarmálum verði hann kjörinn. Forsetinn sveik kosningaloforðið í 12 ár. Í aðdraganda kosninga tók Ástþór við Gandhi mannúðarverðlaunum og afhenti Clinton bandaríkjaforseta eintak af Virkjum Bessastaði.

1997 – Ástþór skorar á heimsbyggðina frá Baghdad að mótmæla fyrirhugaðri árás á Írak. Ástþóri tókst að koma skilaboðunum í gegnum CNN, ABC, CBS og nær alla heimspressuna í 5 daga samfleitt og margsinnis sem aðalfrétt og forsíðufrétt í erlendum stórblöðum! 1998 er Ástþór sæmdur Heilögum Krossi Grísku Réttrúnaðarkirkunnar að útnefningu UNESCO eftir að Clinton hætti við innrásina í kjölfar mikilla mótmæla.

2002 – Ráðamenn vilja að Icelandair flytji vopn og hermenn fyrir Bush í Írakstríð. Ástþór sendir út viðvörun um hættulegt óðagot sem geti dregið Íslensk flugfélög inní hryðjuverkastríð. Þá fangelsaður en sýknaður af Hæstarétti. Hætt við að nota Icelandair flugvélar til vopnaflutninga.

2006 – Vilhjálmur Vilhjálmsson borgarstjóri stofnar Friðarstofnun Reykjavíkur. (Ástþór kynnti slíka hugmynd fyrir borgarstjóra árið 1995)

2007 – Árni Sigfússon bæjarstjóri Reykjanesbæjar undirritar samning um stofnun alþjóðlegs háskóla á Keflavíkurflugvelli er starfi að friðarmálum, kenni alþjóða- og öryggismál. (Ástþór kynnti hugmyndir að friðarháskóla á Íslandi árið 1997 eftir að fá stuðning við hugmyndina hjá fjölda fræðimanna erlendis, síðan í forsetaframboði 2004 og 2006 sendi bæjarstjóranum tillögu að slíkri starfsemi á Keflavíkurflugvelli).

2007 - Yogo Ono kom frá New York með friðarsúlu til Viðey (Ástþór kynnti Ísland sem land friðar á fjölda fyrirlestra í New York, Tokyo og víðar m.a. hjá Sameinuðu Þjóðunum í New York og í hjá friðarháskóla S.Þ. Costa Rica yfir 9 ára tímabil 1995-2004).

2008 – Stjórnvöld samþykkja beiðni Palestínumanna um friðarfund á Íslandi og Forseti Íslands handsalar samkomulagið á Bessastöðum. Ástþór kynnti þessar hugmyndir í Palestínu og Ísrael árið 2001 og aftur fyrir nánum samstarfsmönnum Yasser Arafat árið 2004.

Nánar á www.forsetakosningar.is - www.peace2000.org - www.althing.org