Hefur einhver reynt að ræða við Rússa um friðsamlegar lausnir?

Aðgerðir leiðtoga Íslands og Evrópu hafa undanfarin ár einkennst af stríðsyfirlýsingum gegn Rússlandi og niðurlægjandi orðum um forseta landsins. Á sama tíma þegar maður ræðir við Rússneskan almenning virðast flestir þeirra ánægðir með störf síns leiðtoga og flykkja sér á bakvið hann gegn því sem almenningur í Rússlandi sér sem árásir vesturlanda á sitt frelsi til viðskipta, ferðalaga og menningu.

Ekki er nóg með að búið er að banna Rússum og Íslendingum að stunda viðskipti sín á milli, Rússar eru einnig útilokaðir frá íþróttaviðburðum og menningu Evrópu. T.d. úthýstir frá Eurovision á meðan önnur þjóð sem er að stunda þjóðarmorð í Palestínu er velkomin. 

Nú er áróðursmaskína hergagnsaframleiðenda komin í yfirgír. Þeim er alveg sama hvort raðirnar hjá læknavaktinna lengjast niður á götu, peningana skal setja í drápstól til að heyja heitt stríð við Rússland. 

Hætt er við að slíkt stríð leiði til mikilla hörmunga fyrir okkur sjálf og önnur lönd Evrópu. Ísland er klárlega skotmark í heitu stríði stórveldanna, og sigur okkar er alls ekki öruggur og jafnvel ólíklegur gegn bandalagi Rússlands, Kína, Indlands og Íran. Þeir eru hreinlega með yfirburðarstöðu gegn Nató klúbbnum sem einnig getur meira að segja liðast í sundur eftir næstu forsetakosningar í bandaríkjunum.

Leiðtogar okkar eru komnir langt út af sporinu og eru að ýta okkur í þriðju heimsstyrjöldina á óngarhraða. Segjum nú STOPP, hingað og ekki lengra, Virkjum Bessastastaði til friðar.

Minni á borgarafund minn á Greifanum Akureyri í kvöld mánudaginn 26 febrúar kl. 20:30 þar sem við ræðum þessi mál.

 

Eystrasaltsríkin búa sig undir innrás Rússa

Morgunblaðið varar við árás á Ísland

Svokallaðir sérfræðingar í varnarmálum flykkjast nú hver af öðrum í fjölmiðla með áróður hergagnaiðnaðirns að þjóðir Evrópu verði að setja stóraukin fjáraustur í hermangið.

Tveimur árum eftir að allt sauð uppúr milli Úkraníu og Rússlands birtir Morgunblaðið grein sem segir: “Líklegt að ráðist yrði á Keflavíkurstöðina í stríði” þar sem Fabian Hoffmann “sérfræðingur í varnarmálum og eldflaugahernaði” segir að miklar líkur séu á því að Rússar myndu ráðast á Ísland ef til átaka kemur á milli Rússlands og Atlantshafsbandalagsins.

Ég vakti ítekað athygli á þessari hættu í aðdraganda forsetakosninga árið 2016 og skoraði á þjóðina að grípa strax til aðgerða til að afstýra því að við myndum leiðast í styrjöld við Rússland.

Íslenskir ráðmenn í fullum herskrúða

Í stað þess að grípa til aðgerða til friðar klæddust íslenskir ráðamenn fullum herskrúða og greiddu fyrir vopnaflutninga með skattfé Íslensku þjóðarinnar til stríðs við Rússland. Utanríkisráðherra gerðist sölumaður dauðans fyrir bandaríska hergagnaframleiðendur. Í nafni Íslensku þjóðarinnar hitti hún bandaríska hershöfðingja í Washington og ferðaðist síðan með þeirra veganesti til leiðtoga Evrópuríkja að þrýsta á aukna fjármuni í hermangið.

Ég hef ítrekað undanfarinn áratug varað við því að ef styrjöld brýst út við Rússland gæti það þróast í kjarnorkustyrjöld á milli stórveldanna og slíkt gæti gerst á tiltölulega stuttum tíma.

Gæti rústað Reykjavík

Flugvöllurinn í Keflavík sem jafnframt gegnir hlutverki herflugvallar svo og kafbátastöðin í Hvalfirði eru augljóst skotmörk í slíkum átökum. Verði kjarnorkusprengjum skotið á þessar herstöðvar sem við Íslendingar hýsum með bandarísku herliði, gæti það lagt Reykjavík í eyði vegna geislavirkni sem líklegt er að myndi færast yfir höfuðborgarsvæðið. Við erum að horfa hér á ógn sem gæti útrýmt stórum hluta Íslensku þjóðarinnar.

Á margföldum hljóðhraða

Kjarnorkusprengjur myndu líklegast berast utan úr geimnum með langdrægum flaugum á margföldum hljóðhraða. Það er í hraun hlægilegur áróður að halda því fram að við getum varist slíku með einhverjum skotvopnum bandarískra hergagnaframleiðenda.

Það er kominn tími til að þjóðin taki á þessum málaflokki af festu og alvöru og hætti þátttöku í stríðleikjum úr smiðjum bandarískra hergagnaframleiðenda sem eru stærsta ógnin við heimsfriðinn í dag. Við getum byrjað á að Virkja Bessastaði til friðarmála, að forseti Íslands í stað þess að tala fyrir hernaði leiði menn saman til viðræðna um varanlegan frið.

Afstýrum þriðju heimsstyrjöldinni

Við þurfum samhent átak grasrótar, atvinnulífs og stjórnmála til að afstýra þriðju heimsstyrjöldinni sem er nú í fæðingu og mun hellast yfir okkur á næstu árum verði haldið áfram á sömu braut.

Hér eru myndbönd um þetta málefni sem voru birt á vef mínum forsetakosningar.is í aðdraganda forsetakosninga árið 2016:

Rússar vara við heimstyrjöld - Heimsfriðurinn hangir á bláþræði

Þjóðaröryggistefna sem ógnar Íslendingum

Vaknaðu núna!

Höfundur er forsetaframbjóðandi.

 

Telur Rússa hafa áætlanir fyrir Keflavíkurflugvöll

Morgunblaðið varar við árás á Ísland

Svokallaðir sérfræðingar í varnarmálum flykkjast nú hver af öðrum í fjölmiðla með áróður hergagnaiðnaðirns að þjóðir Evrópu verði að setja stóraukin fjáraustur í hermangið.

Tveimur árum eftir að allt sauð uppúr milli Úkraníu og Rússlands birtir Morgunblaðið grein sem segir: “Líklegt að ráðist yrði á Keflavíkurstöðina í stríði” þar sem Fabian Hoffmann “sérfræðingur í varnarmálum og eldflaugahernaði” segir að miklar líkur séu á því að Rússar myndu ráðast á Ísland ef til átaka kemur á milli Rússlands og Atlantshafsbandalagsins.

Ég vakti ítekað athygli á þessari hættu í aðdraganda forsetakosninga árið 2016 og skoraði á þjóðina að grípa strax til aðgerða til að afstýra því að við myndum leiðast í styrjöld við Rússland.

Íslenskir ráðmenn í fullum herskrúða

Í stað þess að grípa til aðgerða til friðar klæddust íslenskir ráðamenn fullum herskrúða og greiddu fyrir vopnaflutninga með skattfé Íslensku þjóðarinnar til stríðs við Rússland. Utanríkisráðherra gerðist sölumaður dauðans fyrir bandaríska hergagnaframleiðendur. Í nafni Íslensku þjóðarinnar hitti hún bandaríska hershöfðingja í Washington og ferðaðist síðan með þeirra veganesti til leiðtoga Evrópuríkja að þrýsta á aukna fjármuni í hermangið.

Ég hef ítrekað undanfarinn áratug varað við því að ef styrjöld brýst út við Rússland gæti það þróast í kjarnorkustyrjöld á milli stórveldanna og slíkt gæti gerst á tiltölulega stuttum tíma.

Gæti rústað Reykjavík

Flugvöllurinn í Keflavík sem jafnframt gegnir hlutverki herflugvallar svo og kafbátastöðin í Hvalfirði eru augljóst skotmörk í slíkum átökum. Verði kjarnorkusprengjum skotið á þessar herstöðvar sem við Íslendingar hýsum með bandarísku herliði, gæti það lagt Reykjavík í eyði vegna geislavirkni sem líklegt er að myndi færast yfir höfuðborgarsvæðið. Við erum að horfa hér á ógn sem gæti útrýmt stórum hluta Íslensku þjóðarinnar.

Á margföldum hljóðhraða

Kjarnorkusprengjur myndu líklegast berast utan úr geimnum með langdrægum flaugum á margföldum hljóðhraða. Það er í hraun hlægilegur áróður að halda því fram að við getum varist slíku með einhverjum skotvopnum bandarískra hergagnaframleiðenda.

Það er kominn tími til að þjóðin taki á þessum málaflokki af festu og alvöru og hætti þátttöku í stríðleikjum úr smiðjum bandarískra hergagnaframleiðenda sem eru stærsta ógnin við heimsfriðinn í dag. Við getum byrjað á að Virkja Bessastaði til friðarmála, að forseti Íslands í stað þess að tala fyrir hernaði leiði menn saman til viðræðna um varanlegan frið.

Afstýrum þriðju heimsstyrjöldinni

Við þurfum samhent átak grasrótar, atvinnulífs og stjórnmála til að afstýra þriðju heimsstyrjöldinni sem er nú í fæðingu og mun hellast yfir okkur á næstu árum verði haldið áfram á sömu braut.

Hér eru myndbönd um þetta málefni sem voru birt á vef mínum forsetakosningar.is í aðdraganda forsetakosninga árið 2016:

Rússar vara við heimstyrjöld - Heimsfriðurinn hangir á bláþræði

Þjóðaröryggistefna sem ógnar Íslendingum

Vaknaðu núna!

Höfundur er forsetaframbjóðandi.

 

Stuðningur heimsþekktra fræðimanna í friðarmálum við forsetaframboð Ástþórs

Þeir telja allir að hugmyndir Ástþórs um forsetaembættið til friðar- og lýðræðisþróunar í heiminum hafi raunverulega möguleika til árangurs.

Hvernig Ástþór Magnússon vill Virkja Bessastaði með því að gera forseta Íslands að leiðandi afli til friðar í heiminum er hugmyndafræði sem var þróuð í samvinnu við áhrifafólk í friðarmálum og heimsþekkta fræðimenn.

Meðal stofnenda Friðar 2000 árið 1995 var fyrrum forsætisráðherra Íslands Steingrímur Hermannsson sem mætti á stofnfund samtakanna í Háskólabíó þar sem hundruð íslendinga tóku þátt á annað hundrað friðarsamtök um allan heim gerðust meðstofnendur.

Hér eru þrír af helstu frumkvöðlum í friðarmálum heims sem allir hafa lýst yfir stuðningi við foretaframboð Ástþórs Magnússonar.

Prófessor Johan Galtung, virtasti fræðimaður heims í friðarmálum

Johan Galtung kom til Íslands til að lýsa yfir stuðningi við forsetaframboð Ástþórs Magnússonar. Hann hélt fyrirlestur í Háskóla Íslands um hugmyndafræðina að Virkja Bessastaði. Hann fer yfir þetta í myndbandi hér.

Friðarverðlaunahafi, forsetinn sem kom á friði

Oscar Arias Sanchéz, friðarverðlaunahafi Nóbels 1987 og forseti Costa Rica frá 1986-1990, skrifaði grein í Morgunblaðið þar sem hann lýsir því að hugmyndir Ástþórs að Virkja Bessastaði til friðar- og lýðræðisþróunar í heiminum séu raunhæfar til árangurs. Hér má lesa greinina

Dietrich Fischer leiðandi prófessor og frumkvöðull í friðarmálum. Ráðgjafi S.Þ.

Prófessor Dietrich Fischer frumkvöðull í friðarmálum var MacArthur fellow in International Peace and Security hjá Princeton háskóla í bandaríkjunum og síðan stofnandi friðarháskóla í Evrópu.

Dietrich kom til Íslands og lýsti yfir stuðningi við hugmyndir Ástþórs um að Virkja Bessastaði í Kastljós viðtali. Dietrich skrifaði grein í Morgunblaðið um hvernig reynt var að grafa undan framboðinu þannig að það minnti á það sem hann varð vitni að undir einræðisherranum Slobodan Milosevic í Júgoslavíu árið 1992.

Greinin úr Morgunblaðinu er birt hér að neðan.

Reynt að þagga niður stuðninginn

Því miður var ýmislegt gert hér á landi til að grafa undan forsetaframboði Ástþórs og kynningum á hugmyndafræðinni að Virkja Bessastaði til friðar- og lýðræðisþróunar.

Eitt öfgafyllsta dæmið var Kastljós viðtal við Dietrich Fischer árið 2004.  Úr viðtalinu var klippt flest það sem skipti máli áður en það var sent út á ríkisfjölmiðlinum. Dietrich skrifaði eftirfarandi í Morgunblaðið:

Þessi leið til að hindra frjálsa og opna umræðu minnir einna helst á herferðina í Júgoslavíu árið 1992 þar sem talsmanni friðar, Milan Panic, var aftrað frá að kynna friðarstefnu sína fyrir kjósendum vegna þess að fjölmiðlum þar í landi var alfarið stjórnað af stuðningsmönnum þáverandi forseta landsins, Slobodan Milosevic.

"Ég vonast til að útgáfa viðtalsins við mig verði birt í fullri lengd og óritskoðuð fyrir kosningarnar 26. júní..."

TIL þeirra er málið varðar:

Dagana 11.-13. maí var ég staddur á Íslandi. Ríkissjónvarpið tók 45 mínútna viðtal við mig í tengslum við komandi forsetakosningar hér á landi. Þar sem viðtal þetta fór fram á ensku átti það að vera birt með íslenskum texta. Því var útsendingunni frestað. Ég heyrði rétt í þessu frá Ástþóri Magnússyni (ég styð málstað hans í friðarmálum) og hann tjáði mér að einungis tíu mínútna brot úr viðtalinu hefði verið birt í sjónvarpinu í kvöld og var þar ekki minnst einu orði á áhersluþætti mína um það hvernig forsetaembætti Íslands gæti beitt sér í friðarmálum á alþjóðavettvangi né heldur var minnst á hvað Ástþór Magnússon hyggst gera nái hann kjöri.

Ég nefndi og studdi eftirtalin þrjú markmið hans en heyrði að þau hefðu öll verið tekin út úr viðtalinu:

(1)að koma á fót stofnun í lýðræðisfræðum sem muni stuðla að virkara lýðræði, sem fyrirmynd fyrir alla heimsbyggðina;

(2)að breyta bandarísku herstöðinni á Íslandi í höfuðstöðvar friðargæsluliðs Sameinuðu þjóðanna;

(3)koma á friðarstofnun þar sem leitað verður úrlausna á málum deiluaðila víða að úr heiminum þar sem þeir geta hist ásamt reyndum sáttasemjurum.

Einnig benti ég á að þrátt fyrir að Ísland sé lítið land gæti það samt sem áður haft mikið forskot í að stuðla að friði. Ég minntist á tvo forseta í þessu sambandi:

Árið 1973 bauð forseti Finnlands, Urho Kekkonen, öllum ríkisstjórnum í Evrópu til ráðstefnu í Helsinki um öryggi og samvinnu í Evrópu, sem stóð til 1975, og undirbjó jarðveginn fyrir endalok kalda stríðsins.

Árið 1986 fundaði forseti Costa Rica, Oscar Arias Sanchez, með öðrum forsetum Mið-Ameríku og gerði samkomulag sem undirritað var af öllum forsetunum, sem endaði Contra-stríðið í Nicaragua, og varð að grundvelli annarra svipaðra friðarsáttmála í El Salvador og Guatemala.

Ég skýrði frá því að Ástþór Magnússon myndi, ef hann yrði kosinn forseti Íslands, nota þau tækifæri sem gæfust sökum stöðu hans, til að koma Íslandi á kortið sem uppsprettu friðar í heiminum.

Mér var tjáð að öllum þessum þáttum, sem voru kjarni umræðu minnar, hefði verið sleppt þegar hluti viðtalsins var sýndur í sjónvarpinu í kvöld. Ég verð að játa að ég er hneykslaður. Þessi leið til að hindra frjálsa og opna umræðu minnir einna helst á herferðina í Júgoslavíu árið 1992 þar sem talsmanni friðar, Milan Panic, var aftrað frá að kynna friðarstefnu sína fyrir kjósendum vegna þess að fjölmiðlum þar í landi var alfarið stjórnað af stuðningsmönnum þáverandi forseta landsins, Slobodan Milosevic.

Ég vonast til að útgáfa viðtalsins við mig verði birt í fullri lengd og óritskoðuð fyrir kosningarnar 26. júní, til þess að gefa íslenskum kjósendum kost á að ákveða sjálfir hvort þeir séu sammála eða ósammála þeim skoðunum sem ég lét í ljós, í stað þess að einhver komi fram við kjósendur eins og börn sem ákveðið er fyrir hvað þau mega sjá og hvað ekki.

Ég er þakklátur fyrir það tækifæri sem ég fékk til að tjá mínar skoðanir, en ég varð samt sem áður fyrir vonbrigðum þegar þær voru afskræmdar með því að klippa burtu kjarnann í máli mínu.

Með bestu kveðjum
Dr. Dietrich Fischer

Frétt: Handtekin á Íslenskum landamærum. Mannréttindi lögvarin í stjórnarskrá fótum troðin.

Ung kona sem starfar fyrir barnahjálp Friðar 2000 í Argentínu var um helgina handtekin af Schengen landamæravörðum í Madrid á leið sinni til Íslands. Ástþór Magnússon spyr Utanríkisráðherra hvort framkvæmdavaldið sé með Schengen og Evrópusambands samningum að fjarlægja mannréttindi varin í Stjórnarskrá Íslands og vísar í 6 stjórnarskrárbrot sem framin voru á konunni.

Forsagan er að Friður 2000 er að vinna að verkefninu Earthchild.org til hjálpar heimilislausum börnum í Buenos Aires. Yfir fjögur þúsund börn gista nú götur borgarinnar matarlítil og við mikla örbyrgð. Vandamálið hefur nær tvöfaldast síðasta ár.

Íslenska búsáhaldabyltingin sótti fyrirmynd sína til Argentínu en landið varð gjaldþrota árið 2001. Hávær gagnrýni heyrist í Argentínu um aðkomu Alþjóða gjaldeyrissjóðinn sem sögð er hafa aukið bilið milli ríkra og fátækra með þeim afleiðingum að tugmilljónir manns eru nú atvinnulausir. Margir búa í hreisum í ört stækkandi skuggahverfum Buenos Aires. Vímuefnaneysla, ört vaxandi heimilisofbeldi og örbyrgð hrekur börnin að heiman á strætin.

Unga konan sem starfar fyrir Frið 2000 í Buenos Aires ætlaði að ferðast til Evrópu að kynna verkefnið m.a. á Íslandi og í leiðinni halda jól með móður sinni og systkynum á Spáni.

Þegar konan framvísaði vegabréfi sínu á Schengen landamærunum í Madrid, sem jafnframt eru landamæri Íslands, var hún beðin að sýna nægan gjaldmiðil til framfærslu. Henni var boðið að sýna landamæraverði stöðu bankareiknings í hraðbanka. Af einhverjum ástæðum kom upp tæknivilla í hraðbankanum. Skipti þá engum togum, konan var svipt frelsi og flutt nauðug í gæsluvarðhald. Tekinn var af henni handfarangur, sími og veski.

Konan upplýsti um móður sína og tvö systkyni búsett á Spáni, en móðirin giftist til Spánar í kjölfar efnahagshruns Argentínu. Þegar skýringarnar voru ekki teknar til greina, óskaði konan að hafa samband við Ástþór. Henni var synjað að tala við nokkurn utan fangageymslunnar fyrr en að lokinni yfirheyrslu. Síðan var henni stillt upp framan við lögreglumann og svokallaðan lögmann sem lögreglan sjálf útvegaði. Skrifuð var skýrsla í engu samræmi við aðdraganda málsins eða málflutning konunnar.

Í fjórar klukkustundir reyndi Ástþór síðan að ná símasambandi við landamæraeftirlitið. Lögreglan gaf upp tvö símanúmer en hvorugu var svarað. Haft var samband við varðstjóra landamæraeftirlits í Keflavík sem sagðist ekkert geta gert. Þeir hefðu enga möguleika, símanúmer eða annað til að eiga samskipti við landamæraverði Íslands í Madrid.

Þá var fenginn lögfræðingur til að mæta á flugvöllinn með reiðufé og skjöl sem sönnuðu að konan hefði framfærslu meðan á dvöl hennar stæði. Landamæraeftirlitið tók engin rök gild. Búið væri að ákveða að konan skyldi nauðug send til baka á næstu vél. Einnig var synjað beiðni um sólarhrings frest á meðan leitað væri aðstoðar dómara svo og Íslenska ræðismannsins í Madrid sem staddur var á Ítalíu þennan dag en lýsti sig reiðubúinn að aðstoða strax og hann lenti um hádegi næsta dag. Lögfræðingurinn Pedro Munoz segir meðhöndlun konunnar á flugvellinum ekki standast lög.

Starfsmaður Iberia flugfélagsins sagðist heldur ekkert geta gert. Gæti ekki talað við landamæraverðina frekar en aðrir. Vissu lítið hvernig staðið væri að aðgerðunum en heyrt að lögreglan væri nú með nýjar skipanir vegna efnahagskreppunnar. Tugir manns væru nú stöðvaðir daglega og sendir nauðugir til baka. Stundum nánast eins og tilviljanakennt á síðustu mínútum fyrir flug væri fólkinu sleppt.

Þriggja manna teymi Íslendinga mætti á Madrid flugvöll áður en vélin fór í loftið, og krafðist viðtals við landamæraeftirlitið. Því var einnig synjað með þeim boðum að enginn fengi viðtal við landamæraverði. Aftur bent á sömu símanúmer og ekki svarað. Nokkrum mínútum fyrir brottför flutti síðan lögreglan ungu konuna ásamt sjö öðrum frelsissviptum einstaklingum um borð í vélina.

Ástþór Magnússon átti í gær fund með ræðismanni Íslands í Madrid og hefur í kjölfarið sent Össurri Skarphéðinssyni bréf og spyr hvort Íslensk stjórnvöld með aðild sinni að Schengen hafi afsalað eða fórnað stjórnarskrárbundnum mannréttindum. Hvort innganga í Evrópusambandið muni leiða til afsals stjórnarskrárbundinna réttinda. Hvort málsmeðferð konunnar samræmist Íslensku þjóðfélagsmynstri og gestrisni. Hvort meðhöndlun ferðamanna sem réttindarlausar skepnur og virðingarleysi fyrir fjölskyldutengslum þeirra samrýmist hagsmunum Íslenskrar ferðaþjónustu.

Bréfið til Utanríkisráðherra má lesa á vefnum www.austurvollur.is. Þar er einnig að finna ljósmynd af ungu konunni með systkynum sínum.

Ástþór Magnússon Wium 7176 til Stjórnlagaþings
www.facebook.com/lydveldi

Steingrímur, ekki skjóta okkur í fótinn!

Þjóðin hefur talað. Þú hefur misst trúveðugleikann og umboð þjóðarinnar.

Það væru glannaleg afglöp ef þú heldur áfram. Það mun kosta okkur milljarða ef þið Jóhanna víkið ekki til hliðar.

Ekki rústa þeim möguleikum þjóðarinnar að henda lélegri stöðu og samningsdrögum út af borðinu og byrja uppá nýtt.

Nú þarf að skipta um fólk í brúnni. Færa samningaviðræður á byrjunarreit. Það verður aðeins gert eftir nýja alþingiskosningar undir sterkri ríkisstjórn með endurnýjað umboð þjóðarinnar.

„Vorum nálægt samkomulagi“

Gætum verið komin lengra

Hugmyndin virðist síast inn en því miður með hraða snigilsins. Stundum hefur mér fundist ég kasta perlum fyrir svín, en kannski þær nái að skína á endanum.

Í hálfan annan áratug hef ég kynnt fyrir þjóðinni þær hugmyndir að Ísland verði í framtíðinni miðstöð alþjóðlegra friðarmála. Að núverandi hernaði verði breytt til þróunarhjálpar og alþjóðlegrar friðargæslu.

Í forsetaframboði árið 2004 fullyrti ég að Bandaríski herinn myndi hverfa innan skamms. Ég reyndist sannspár um þetta því ákvörðunin kom innan 2ja ára!

Ég beindi kosningabaráttu minni að þeirri hugmynd að á Keflavíkurflugvelli skyldi rísa friðarháskóli með þróunarmiðstöð lýðræðis og þjálfunarbúðir og þjónusta við alþjóðlega friðargæslu. Ég nefndi NATO sérstaklega í því sambandi sem áhugaverðan byrjunarreit í þessu ferli og er þetta ein ástæða þess að ég hef ekki verið stuðningsmaður þess að Ísland gangi úr NATÓ. Hef viljað vinna að þessu máli innanfrá í þeim samtökum.

Það er ánægjulegt að vísir að starfseminni sé að fæðast bæði með Keili og þessu Hollenska fyrirtæki, en um leið sorglegt að á Bessastöðum sitji dragbítur sem hefur svikið hvert einasta loforð sem hann gaf mér og öðrum friðarsinnum að vinna þessu máli brautargengi.

Við gætum verið komin svo miklu lengra í þessu. Ég hefði nú þegar viljað sjá þúsundir starfandi á Íslandi í tengslum við alþjóðlega friðargæslu og umbreytingu hernaðar hinna ýmsu þjóðríkja til þróunarhjálpar.

Vonandi tekst þjóðinni betur upp í næstu forsetakosningum og endi ekki með aðra pólitíska mellu á Bessastaði.

Getur skapað 150-200 föst störf

Kjötsúpa verður naglasúpa eftir kosningar

Nú keppast gömlu skrímslaflokkarnir við að blekkja kjósendur með öllum tiltækum ráðum, meira að segja kjötsúpu!

Ef nægjanlegur fjöldi kjósendur lætur mútúþæga pólitíkusa snúa á sig er eins gott að þjóðin setji sig í stellingar að sötra naglasúpu næstu fjögur árin.

Eina vitið er xP Lýðræðishreyfingin sem ætlar að taka á spillingunni, endurheimta stolna fjármuni, snarauka atvinnu með alþjóðlegu samstarfi og endurskipuleggja fjármálakerfið.

Tryggðu eigin framtíð og losaðu börn þín úr ánauð víkinganna. Láttu ekki kjötsúpukatla blekkja þig í að afhenda þín lyklavöld til mútuþægra alþingismanna.

Lýðræðishreyfingin er eina stjórnmálaaflið sem mun færa þér völdin á Alþingi. Í gegnum rafrænt Almannaþing færð þú sjálfur kjósandi góður ótvíræðan atkvæðisrétt á Alþingi. Þingmenn Lýðræðishreyfingarinnar eru óspilltir nýliðar munu gæta þeirra grundvallar mannréttinda þinna að þjóðin ráði sér sjálf.

Með þvi að merkja við P Lýðræðishreyfinguna á kjörseðli losar þú þjóð þína úr þeirri ánauð að flokkseigendafélög og mútuþægir stjórnmálaflokkar mergsjúgi sameiginlega sjóði og stofnanir og skilji þig og fjölskyldu þína eftir úti í kuldanum með skuldirnar. 

Settu x við P til að gæta þinna eigin hagsmuna og kjósa þína eigin persónu á þing. Nánar á www.xp.is
 

Kosningakjötsúpa

Mun þjóðin kjósa um einstök mál í hraðbönkum?

Morgunblaðið 20.03.09:

Persónukjör, fækkun þingmanna og beint lýðræði

Flestir stjórnmálafræðingar eru sammála um að lýðræðið þurfi að leita uppruna síns og núverandi fulltrúakerfi sé barns síns tíma er henti ekki í nútíma upplýsingasamfélagi.

Íslenskt fulltrúalýðræði þróaðist í flokksræði með gróðrarstíu spillingar. Í bakherbergjum Alþingis eru þingmenn hvattir til hlýðni við flokkslínur sem oft á tíðum eru lagðar í stjórnarherbergjum fyrirtækja er maka síðan krókinn á ákvörðun Alþingis.

Stjórnmálaflokkar eru oft kenndir við flokkseigendafélög eða hagsmunaklíku fárra einstaklinga sem hafa náð undirtökunum og stýra þingmönnum flokksins eins og peðum á skákborði.

Slík útfærsla á lýðræði getur aldrei verið í þágu lýðsins. Í besta falli fær lýðurinn, þjóðin, þú og ég, einhverjar mylsnur af veisluborði hinna útvöldu í lýðræði flokkseigendafélaga.

 

Ófreskjur lýðskrumara

Því miður hafa flestir Íslensku stjórnmálaflokkanna þróast í slíkar ófreskjur lýðskrumara. Nánast er sama hvort litið er til hægri, vinstri eða miðju. Flokkarnir eru upp fyrir haus í fyrirgreiðslupólitík og gegnsýrðir spillingu. Þetta afhjúpast nú í kjölfar bankahrunsins.

Fjórflokkarnir boðuðu til kosninga undir þeim formerkjum að skipta út liðinu á Alþingi. Þjóðin vildi hreinsa út gömlu mislukkuðu tuggur gamla tímans.

Vandamálið er ekki aðeins hjá þessu annars ágæta fólki á þingi. Rót vandans liggur í sjálfu flokkskerfinu. Nýliðar eru mótaðir í gamla formið þegar þeir ganga í flokkinn. Enginn fer á þing fyrir fjórflokkana nema aðlaga sig flokknum og sýna undirgefni við flokkslínuna. Öðrum er varpað út á gaddinn. Flokkseigendafélagið og klíkur þeirra í uppstillingarnefndum og prófkjörum sér um það.

Eftir kosningar vitum við lítið hvaða mynstur verður á Alþingi. Kosningaloforð verða að engu í hrossakaupum flokkana um ráðherrastóla og völd. Einstaklingar kosnir með nokkur hundruðum atkvæðum á flokksþingi geta endað sem forsætisráðherra. Þjóðin kaus hann ekki og flest okkar jafnvel treysta ráðherranum ekki fyrir lífsafkomu okkar og framtíð. En vegna gallana í kerfinu hefur flokksvélin tekið af okkur völdin.

 

Er til betri leið?

Er ekki til betri leið að stjórna samfélaginu? Einfaldari, ódýrari og öruggari leið fyrir lífsstarf okkar og fjölskyldu?  Viljum við aftur í gömlu hjólförin, pólitík gærdagsins, sem kom þjóðinni á hausinn? Eða lærum við nú af mistökunum og fyrirbyggjum að slíkur útafakstur og hrun geti endurtekið sig?

Beint og milliliðalaust lýðræði er eina raunhæfa lausnin.  Slík uppstokkun á stjórnkerfinu mun moka út spillingunni. Beint lýðræði mun uppræta skúmaskot og hrossakaup á Alþingi. Þingmenn sem ekki hlusta á þjóð sína í beinu lýðræði verða valdalausir.

Lýðræðishreyfingin er kosningabandalag óháðra frambjóðenda sem vinna sjálfstætt með sín pólitísku stefnumál án flokkafjötra. Þannig rúmar kosningabandalag okkar fólk úr öllum áttum og andstæður í umdeildum málum, vinstri menn, hægri menn og allt þar á milli sem sameinast í baráttunni um beint og milliliðalaust lýðræði. Við viljum færa þér, einstaklingnum, valdið til að kjósa um einstök mál á Alþingi óskir þú þess:

 

Stefnuskrá Lýðræðishreyfingarinnar

1. Beint og milliliðalaust lýðræði:

• Allir Íslenskir ríkisborgarar geti sent Alþingi tillögu að nýju lagafrumvarpi sem skal tekið til umföllunar ef stutt undirskriftum 1% kjósenda. Alþingismenn og ráðherrar geti einnig átt frumkvæði að nýjum frumvörpum.
• Þingmenn fari með umræðu og nefndarstörf vegna frumvarpa á Alþingi og kynni fyrir þjóðinni m.a. á rafrænu þjóðþingi og vefsvæði.
• Tilbúin frumörp lögð fyrir þjóðþing Alþingis til atkvæðagreiðslu t.d. 1.maí og 1.des ár hvert.
• Hraðbankakerfið (sem nú er eign ríkisins) verði nýtt sem kjörklefar fyrir rafrænt þjóðþing. 
• Ef nauðsyn krefur geti Alþingi samþykkt bráðabirgðalög sem gilda fram að næsta þjóðþingi.
• Þingmenn fara með atkvæði þeirra sem ekki óska að neyta atkvæðisréttar á þjóðþingi Alþingis.

2. Tillaga að breytingum á Alþingi og ríkisstjórn:

• Þingmönnum fækkað í 31.
• Landið verði eitt kjördæmi.
• Þingmenn verði valdir í persónukosningum.
• Alþingi velur ráðherraefni á faglegum forsendum. Forseti, sem þjóðkjörinn umboðsmmaður lýðsins og eftirlitsaðili fyrir virku lýðræði, skipar síðan ráðherra og veitir þeim lausn eins og nú er.
• Ráðherrar sitji ekki á Alþingi.
• Ráðning dómara og æðstu embættismanna verði staðfest af þjóðþingi Alþingis.

 

Leggja fram nýtt frumvarp

Hver man ekki eftir umfangsmiklum undirskriftarsöfnunum, mótmælum og greinaskrifum almennings um heit mál. Hversvegna ættum við þjóðin að standa úti í kuldanum og mótmæla við Alþingishúsið? Við eigum mun einfaldari og betri leið.

Hafi einstaklingurinn leið til að fá nýtt mál sé tekið fyrir á Alþingi má losna við háværar og tímafrekar búsáhaldabyltingar í eitt skipti fyrir öll.

Til að koma í veg fyrir misnotkun er eðlilegt að krafa um að taka mál á dagskrá Alþingis sé stutt með einhverjum fjölda undirskrifta t.d. 1%  kjósenda sem eru nú rúm 2000 nöfn.

 

Hvernig þú virkjar þitt atkvæði á Alþingi

Þingmenn fari með atkvæði á Alþingi nema kjósandi taki atkvæðið til sín í einstökum málum. Það gerir kjósandinn yfir rafrænt þjóðþing sem starfar frá Alþingi yfir Internetið. Þar fari einnig fram borgarafundir, nefndarfundir, málefnahópar og önnur störf þingsins sem þjóðin getur fylgst með yfir netið og þar spunnist jafnvel umræðuhópar almennings.

 

Hversvegna kjósa í hraðbönkum?

Eitt helsta vandamálið sem kemur upp í umræðunni um beint lýðræði um internetið er að fólk sé ekki í lokuðum kjörklefa þegar greitt er atkvæði heima í tölvunni. Þannig geti fjölskyldumeðlimir haft áhrif á kjósandann og jafnvel stýrt því hvernig kosið er á heimilinu.

Leysa má úr þessu með að nýta hraðbanka sem kjörklefa. Fólk getur á leið sinni um bæinn kosið í næsta hraðbanka. Kosningar gætu farið fram yfir fleiri daga svipað háttað er með utankjörstaðakosningar. Daglega sýslum við með trúnaðarupplýsingar og viðhvæm gögn í hraðbönkum. Einfalt er að útfæra kosningar um þetta kerfi sem tryggir að kosningin sé leynileg, og hver einstaklingur geti aðeins kosið einu sinni í hverju máli.

 

Fækkun þingmanna

Þingmönnum verði fækkað í 31 og ríkisstjórn sé skipuð fagfólki sem sótt er utan þingsins. Ráðherrar sitji ekki á þingi nema á sérstökum fundum þegar þeir gefa skýrslur um störf sín til þingsins. Ráðning ráðherra gildi ekki lengur en fram að næstu kosningum.

 

Æðstu embætti

Ráðning dómara og annarra sem skipa æðstu embætti þurfi samþykkt frá Alþingi og jafnvel staðfestingu þjóðþingsins (í hraðbankakosningu) til að tryggja að ekki sé hægt að nota slík embætti sem pólitíska bitlinga.

 

Umboðsmaður lýðsins

Samkvæmt núgildandi stjórnarskrá er forseti Íslands í raun þjóðkjörinn umboðsmaður lýðsins. Forsetinn gæti sem slíkur orðið virkari öryggisventill en hann er í dag í nýju stjórnkerfi sem byggir á beinu lýðræði. 

 

Fjölmiðlar

Til að koma á virku lýðræði þurfa fjölmiðlar að vera opnir og lýðræðislegir. Styrkja þarf lög og reglur um fjölmiðla og tryggja að öllum stjórnmálaöflum sem gert jafnt undir höfði í umfjöllun.

 

Virkjaðu þitt atkvæði

Kynntu þér málið nánar á vefnum: www.lydveldi.is  og í síma 4500500.

Athygli er vakin á Lýðvarpinu, nýjum fjölmiðli á FM100.5 og www.frettavakt.is

Taktu þátt í prófkjöri á vefnum www.austurvollur.is