Stöður þingmanna og ráðherra auglýstar lausar til umsóknar

XP.is hefur auglýst stöður þingmanna og ráðherra lausar til umsóknar. Launakjör eru frá kr. 600,000 á mánuði auk ýmissa fríðinda.

Eftir að hafa árangurslaust reynt að ná sambandi við fólk í atvinnuleit í gegnum atvinnumiðlun Vinnumálastofnunar voru störf á vegum Lýðræðishreyfingarinnar auglýstar á vefnum job.is.  

Ekki einn einasti umsækjandi mætti í atvinnuviðtal frá vinnumiðlun Vinnumálastofnunar þegar þar var leitað eftir fólki til ýmissa starfa á nýjum fjölmiðli Lýðvarpinu FM100.5 og frettavakt.is.  Annaðhvort eru tölur um 18000 manns á atvinnuleysisskrá stórýktar eða skrifræði hefur kaffært Vinnumálastofnun með þeim hætti að starfsfólkið snýst um sjálft sig án þess að senda atvinnulausum upplýsingar um lausar stöður með skilmerkum hætti.

Nokkur sæti eru enn laus á framboðslistum XP persónukjöri Lýðræðishreyfingarinnar í kjördæmum landsins.  Nýtt rafrænt Alþingi sem kynnt er á vefnum xp.is mun hjálpa nýliðum að takast á við verkefnin á Alþingi eftir kosningar í nánum tengslum við þjóðina.

XP er eina framboðið sem býður fram óraðaða lista, persónukjör og beint lýðræði í komandi kosningum. XP er að fá slíkan meðbyr og stuðning í grasrótinni að nánast annar hver maður sem beðinn er um það skrifar undir meðmælalista og búið er að safna öllu meðmælendum í báðum kjördæmum í Reykjavík og verið að klára landsbyggðina. Í skoðanakönnun á vefnum xp.is vilja 70.9% aðspurðra beint og milliliðalaust lýðræði.

Sækja má um stöður þingmanna á slóðinni: http://job.xp.is

Þitt atkvæði á þing!

Kjóstu þína eigin persónu á þing! 

Flestir láta ekki pabba gamla ráða vali á maka. Slíkt er jafn úrelt fyrirbæri og fulltrúalýðræðið. Hvers vegna eiga aðrir að fara með þitt atkvæði á Alþingi þegar komin er tækni fyrir milliliðalaust lýðræði.   

Beint og milliliðalaust lýðræði

Þingmenn XP Lýðræðishreyfingarinnar munu starfa í takt við rafrænt Almannaþing. Þar getur þú forgangsraðað málum og greitt atkvæði í einstökum málum. Þingmenn XP verða þitt verkfæri á Alþingi og þú hefur persónuleg áhrif á Alþingi STRAX! Framtíðarsýn XP er að koma á beinu lýðræði þar sem næsti hraðbanki er þinn kjörklefi.

Einstaklingsframboð í stað úrelt flokkakerfis

Við súpum nú seyðið af spilltum flokkadráttum og ráðherraræði. XP er kosningabandalag 126 einstaklingsframboða. XP ætlar að moka út spillingunni með beinu og milliliðalausu lýðræði.

Stefnuskrá xP Lýðræðishreyfingarinnar

Hvernig við förum úr núverandi kerfi í beint lýðræði

Árangur af kæru til Útvarpsréttarnefndar

RÚV hefur breytt tilhögun kosningasjónvarps eftir að Útvarpsréttarnefnd fjallaði um kæru Lýðræðishreyfingarinnar.

Nú fá öll framboð aðgang að leiðtogafundi í sjónvarpssal sem birta opinberlega framboðslista í einu kjördæmi.

Áður en Útvarpsréttarnefnd fundaði um kæru Lýðræðishreyfingarinnar, hafði RÚV ákvörðun Alþingis um skilafrest að engu og setti eigin reglur og styttri en Alþingi um skilafrest framboða til yfirkjörstjórna.

Í síðustu kosningum voru slíkar reglur RÚV þess valdandi að Íslandshreyfingin fékk ekki að sitja fyrsta leiðtogafund í sjónvarpssal fyrir síðustu kosningar sem líklegast hefur orðið þess valdandi að framboðið náði ekki brautargengi í kosningunum.

Gott framtak hjá RÚV að bregðast við kæru Lýðræðishreyfingarinnar, en Egill Helgason virðist ætla að halda áfram sínum subbuskap í ríkisfjölmiðlinum ef marka má þetta skeyti frá honum í dag:

 

From: Egill Helgason [[e-mail]]
Fri 3/27/2009 4:31 PM

Sæll Ástþór.

Ekki hringja í hana Halldóru, hún ræður engu um hvað er í þættinum.

Ég mun ekki bjóða þér í þáttinn að sinni. 

mbk Egill

 

On 27.3.2009, at 16:28, Ástþór Magnússon wrote:

Sæll Egill,

Ég talaði við aðstoðarstúlkuna þína og hún sagði þig ekki vilja taka mig í þáttinn á sunnudag vegna þess að “of stutt” sé síðan ég hafi verið í Kastljósinu.

Mér finnast þetta furðuleg rök Egill, Kastljósið var örfáar mínútur, engin umræða um okkar málefni, og Lýðræðishreyfingin virðist hafa að mestu verið sniðgengin af RÚV og sérstaklega af þér. Við skiljum ekki hversvegna. Bæði er um að ræða áhugavert efni fyrir hlustendur þína og ætti einnig að vera eitthvað sem þér sjálfum finnst áhugavert nema einhver annarleg sjónarmið ráði för í þessu sem mér finnst miður ef svo er.

Ég vona að þú sjáir að þér með þetta mál og leyfir okkur að kynna okkar framboð og hugmyndafræði í þínum þætti til jafns við aðra en þú hefur rætt við önnur framboð og sum margsinnis þótt þau hafi komið fram á sjónvarsviðið löngu á eftir Lýðræðishreyfingunni. Þú getur séð nánar um okkar hugmyndafræði áwww.xp.is

Vonast til að heyra frá þér um hæl þótt ekki sé annað en ræða þetta við mig maður á mann.

Kveðja

Lýðræðishreyfingin

Ástþór Magnússon

Sími 6626053

Á launum hjá RÚV í framboðsferð

Formaður Borgarahreyfingarinnar Herbert Sveinbjörnsson er á ferð um landið í kosningabaráttu sinni á launum frá Ríkisútvarpinu.

Fram kom í fréttum í gær að annar forsprakki samtakanna Gunnar Sigurðsson leikstjóri leiðir nú lista Borgarahreyfingarinnar í því kjördæmi sem hefur mest vægi atkvæði á landsvísu.

Ljóst er að Íslenska þjóðin hefur verið blekkt með aðstoð Ríkisútvarpsins og RÚV. Strax á fyrsta fundi Ástþórs Magnússonar frá Lýðræðishreyfingunni með Gunnari Sigurðssyni leikstjóra í lok nóvember 2008 mátti ráða að Gunnar og Herbert stefndu á alþingisframboð.

Ekki ólíklegt að það hafi verið ástæðan fyrir því að þeir félagar létu bera Ástþór út af fundi samtakanna í Borgartúni og aftur úr leikhúsinu Iðnó, en Lýðræðishreyfingin hafði þá þegar tilkynnt um væntanlegt framboð til alþingiskosninga.

Herbert skellti á mig símanum þegar ég hringdi í hann um skiptiborð RÚV og honum sagt að þar væri búið að staðfesta að starfsmenn RÚV héldu að hann væri í vinnunni enda á fullum launum. 

 

Hlusta á umfjöllun á Lýðvarpinu og símtöl hér

Símtöl hér

 

Fylgist með á www.frettavakt.is

Persónukjör Lýðræðishreyfingarinnar: www.austurvollur.is

Stefnuskrá Lýðræðishreyfingarinnar: www.lydveldi.is

Sakar RÚV um að beita bellibrögðum

Þjóðin blekkt með bellibrögðum RÚV

Bellibrögðum beitt hjá RÚV til að hampa einu framboði umfram annað!

Útvarpsréttarnefnd fundar í dag um kæru Lýðræðishreyfingarinnar vegna brota Ríkisútvarpsins RÚV á útvarpslögum og lögum um Ríkisútvarpið

Nú er ljóst að starfsmenn Ríkisútvarpsins beittu brögðum til að koma nýju framboði á framfæri en formaður Borgarahreyfingarinnar (sem eru í raun sömu samtök og "Opinn borgarafundur") starfar hjá Ríkisútvarpinu. Fram kom í fréttum í gær að annar forsprakki samtakanna Gunnar Sigurðsson leikstjóri leiðir nú lista Borgarahreyfingarinnar í því kjördæmi sem hefur mest vægi atkvæði á landsvísu.
 
Ljóst er að Íslenska þjóðin hefur verið blekkt með aðstoð Ríkisútvarpsins og RÚV. Strax á fyrsta fundi Ástþórs Magnússonar frá Lýðræðishreyfingunni með Gunnari Sigurðssyni leikstjóra í lok nóvember 2008 mátti ráða að Gunnar stefndi á alþingisframboð.

Ekki ólíklegt að það hafi verið ástæðan fyrir því að hann lét bera Ástþór út af fundi samtakanna í Borgartúni og aftur úr leikhúsinu Iðnó, en Lýðræðishreyfingin hafði tilkynnt um væntanlegt framboð til alþingiskosninga.

Verði ekki gerð veruleg bragabót til að kynna Lýðræðishreyfinguna næstu daga í Ríkisútvarpinu og RÚV til að koma boðskap hennar á framfæri við þjóðina til jafns við ofangreind samtök Opin borgarafund og Borgarahreyfinguna, er ljóst að kosningar verða ekki með lýðræðislegum hætti og eiga því meira í ætt við kosningar í einræðis- og kommúnískum ríkjum þar sem aðgangi að fjölmiðlum er miðstýrt til að útiloka að ný framboð nái fram að ganga. Við erum nú að upplifa slíka misnotkun fjölmiðla hér á Íslandi nema Útvarpsréttarnefnd grípi í taumana næstu klukkustundirnar til að rétta hlut Lýðræðishreyfingarinnar í aðdraganda þessa kosninga.

Verði ekki bætt úr þessu hlýtur að vakna sú spurning hvort yfir höfuð sé hægt að taka þátt í slíku skrípalýðræði sem Ríkisútvarpið og stjórnvöld bjóða þjóðina. Hvort ekki þurfi frekar að beita kröftunum í að Öryggis og Samvinnustofnun Evrópu aðstoði við að fá alþingiskosningarnar lýstar ólögmætar.  Slíkur er alvarleiki málsins að mati lögmanna Lýðræðishreyfingarinnar.

Skrár tengdar þessari bloggfærslu:

• Bréf 26.03.09 til Útvarpsréttarnefndar
• Kæra 25.03.09 til Útvarpsréttarnefndar

Kæra vegna brota Ríkisútvarpsins RÚV á útvarpslögum og lögum um Ríkisútvarpið

Verði ekki bætt úr hlýtur að vakna sú spurning hvort hægt sé að taka þátt í slíku skrípalýðræði sem RÚV og stjórnvöld bjóða þjóðinni.

Hvort ekki þurfi að fá aðstoð Öryggis og Samvinnustofnunar Evrópu að alþingiskosningarnar verði lýstar ólögmætar.  Slíkur er alvarleiki málsins að mati lögmanna Lýðræðishreyfingarinnar. 

Hér er birt efni kæru til Útvarpsréttarnefndar 25. mars 2009:
 
Undirritaður minnir Útvarpsréttarnefnd á fyrri kærur og erindi frá árinu 2004, 2008 og 2009 sem enn hefur ekki verið svarað. Athygli formanns Útvarpsréttarnefndar var vakin á þessu í símtali og að höfðu samráði við hann er þessi kæra nú framsett gegn loforði hans um að taka á málinu:

Ríkisútvarpið RÚV hefur undanfarnar vikur og mánuði ítrekað brotið lög og reglur nú í aðdraganda alþingiskosninga á Lýðræðishreyfingunni. Fjöldi erinda hefur verið sendur til Páls Magnússonar útvarpsstjóra með kvörtunum en hann hefur ekki svarað þeim. Haldinn var fundur með Páli í síðustu viku en þrátt fyrir góð orð er haldið áfram að fótum troða lýðræðislegar jafnaðarreglur og brjóta á Lýðræðishreyfingunni. Hér eru tekin 3 dæmi vegna síðustu daga:
 
1.      Í Silfri Egils s.l. laugardag var rætt við talsmenn Borgarahreyfingarinnar og L-Lista en Lýðræðishreyfingin var sniðgengin þrátt fyrir sérstakar og ítrekaðar beiðnir um aðganga að þættinum til að kynna þar okkar stefnumál og framboð í komandi alþingiskosningum.

2.      Í fréttum RÚV 19.03.09 var rætt við leiðtoga stjórnmálasamtaka um skoðanakannanir. Lýðræðishreyfingunni var synjað um að gefa álit á könnuninni. Við nánari athugun hefur komið í ljós að Ríkisútvarpið kostar þessar kannanir sem unnar eru af Capacent Gallup og áður en öll framboð eru komin fram. Því er um marklausar kannanir að ræða og sem eru framsettar af RÚV þannig að skekkt er lýðræðisleg umræða um framboðin.

3.      Ríkisútvarpið hefur sent Lýðræðishreyfingunni áætlun um „kosningasjónvarp“ og segist hefja kosningaumfjöllun í RÚV 3. Apríl með leiðtogafundi í Sjónvarpssal. Og svo segir: „ATH! Þátttaka í þeim fundi miðast við þau framboð sem bjóða fram á landsvísu og hafa fengið framboð sitt staðfest fyrir 3.apríl!  Næsta „leiðtogafund“ á síðan ekki að halda hjá RÚV fyrr en kvöldið fyrir kjördag þann 24 apríl.

 
Frestur til að skila framboðum til alþingiskosninga 2009 er 11 apríl n.k.  Ríkisútvarpið hefur ákvörðun Alþingis um þau tímamörk að engu og hefur sett sín eigin tímamörk að því virðist til að halda áfram að leggja steina í götu nýrra framboða og halda þeim frá umræðunni. Lýðræðishreyfingin hefur leitað álits lögmanns sem segir Ríkisútvarpið brjóta lög og reglur með framgangi sínum og það sé ólögmætt að útiloka framboð frá umræðunni með þessum hætti.
 
Í 9gr. Útvarpslaga segir:

„Lýðræðislegar grundvallarreglur. Útvarpsstöðvar skulu í öllu starfi sínu halda í heiðri lýðræðislegar grundvallarreglur. Þeim ber að virða tjáningarfrelsi og stuðla að því að fram komi í dagskrá rök fyrir mismunandi skoðunum í umdeildum málum. Þó skal útvarpsstöð, sem fengið hefur útvarpsleyfi í þeim yfirlýsta tilgangi að beita sér fyrir tilteknum málstað, vera óskylt að flytja dagskrárefni sem gengur í berhögg við stefnu stöðvarinnar.“
 

Í lögum um Ríkisútvarpið segir um skyldur stofnunarinnar:
 
4 gr.: „Að veita almenna fræðslu og gera dagskrárþætti er snerta málefni lands og þjóðar sérstaklega og með þeim hætti tryggja hlutlæga upplýsingagjöf um íslenskt samfélag.“

5 gr.: „Að halda í heiðri lýðræðislegar grundvallarreglur og mannréttindi og frelsi til orðs og skoðana. Gæta skal fyllstu óhlutdrægni í frásögn, túlkun og dagskrárgerð.“
 
7 gr.: „Að veita víðtæka, áreiðanlega, almenna og hlutlæga fréttaþjónustu um innlend og erlend málefni líðandi stundar og vera vettvangur fyrir mismunandi skoðanir á málum sem efst eru á baugi hverju sinni eða almenning varða.“

9 gr: „Að miða útvarpsefni við fjölbreytni íslensks þjóðlífs, þar á meðal að sinna eðlilegum þörfum minnihlutahópa.“
 

Ljóst er hverjum manni sem fer yfir umfjöllun Ríkisútvarpsins RÚV nú í aðdraganda kosninga að ofangreind lög eru þverbrotin af stofnuninni og starfsmönnum hennar.
 
Fram kemur í nýrri skýrslu Öryggis- og Samvinnustofnunar Evrópu að Ríkisútvarpið haldi engar skrár yfir jafnvægi í umfjöllun gagnvart einstökum framboðum. Framganga Ríkisútvarpsins er með þeim hætti að hér er ekki hægt að heyja heiðarlega og lýðræðislega kosningabaráttu.

Þess er krafist að Útvarpsréttarnefnd hlutist án tafar til um eftirtalin atriði:

1.      Lýðræðishreyfingunni verði veittur eðlilegur aðgangur til að kynna sín stefnumál og framboð. Sérstaklega er óskað eftir aðgangi að Silfri Egils n.k. sunnudag.

2.      Ríkisútvarpið hætti kostun og umfjöllun um skoðanakannanir sem gerðar eru áður en framboðin eru fram komin og öll framboð verði tekin með í slíkum könnunum.

3.      Ríkisútvarpið bjóði á leiðtogafund 3 apríl fulltrúum allra framboða sem lýst hafa yfir framboði í komandi kosningum eða þessum fundi sé frestað fram yfir framboðsfrestinn.  Sé fjöldi framboða eitthvert vandamál hlýtur að vera hægt að skipta þessum „leiðtogafundum“ á 2 daga, t.d. 2 og 3 apríl. Við teljum einnig ámælisvert að síðan séu þrjár vikur látnar líða þar til aftur er rætt við leiðtoga framboðanna. Fleiri slíkir fundir hljóta að vera nauðsynlegir fyrir kjósendur til að geta gert upp hug sinn með vitrænum hætti í svo mikilvægu máli sem alþingiskosningum við þær aðstæður sem nú er.
 
Verði ekki bætt úr þessu hlýtur að vakna sú spurning hvort yfir höfuð sé hægt að taka þátt í slíku skrípalýðræði sem Ríkisútvarpið og stjórnvöld bjóða þjóðina. Hvort ekki þurfi frekar að beita kröftunum í að Öryggis og Samvinnustofnun Evrópu aðstoði við að fá alþingiskosningarnar lýstar ólögmætar.  Slíkur er alvarleiki málsins að mati lögmanna Lýðræðishreyfingarinnar.

Skrár tengdar þessari bloggfærslu:

• Kæra til Útvarpsréttarnefndar

Uppgjöf Íslandshreyfingarinnar

Ómar Ragnarsson formaður Íslandshreyfingarinnar var gestur í Fréttavaktinni á FM100.5. Ómar segir Samfylkinguna og Vinstri Græna búna að gleypa Íslandshreyfinguna en án þess að taka hin góðu málefni Íslandshreyfingarinnar á dagskrá.

Enginn úr Íslandshreyfingunni er í framboði á neinum lista í komandi Alþingiskosningum og allt loftið virðist úr Ómari og félögum. 

Nánar:
Persónukjör Lýðræðishreyfingarinnar á austurvollur.is

Útsending hafin á FM100.5 - frettavakt.is

Lýðvarpið er komið í loftið á FM100.5 og www.frettavakt.is

Hlustið á Íslandsklukkuna kl. 07 í fyrramálið og hádegisvaktina kl. 11:50 þar sem við fylgjumst með fréttunum og spáum í hverju er stungið undir stól af ritskoðun RÚV.

Lýðvarpið og frettavakt.is færir þér á einum stað fréttirnar af öllum fjölmiðlunum og óritskoðaðar fréttir frá Ríkisútvarpinu!

Vefsíðan er www.frettavakt.is og útvarp Lýðvarpsins á FM100.5

Lýðvarpið: Opið hús sunnudag kl. 14-18

Verið velkomin að kíkja við til okkar og skoða Lýðvarpið, nýja útvarpsstöð sem hefur útsendingar á FM100.5 mánudag kl. 07 með Íslandsklukkunni.

Fréttavaktin verður síðan daglega kl. 12-14 þar sem þú færð fréttirnar frá öllum fjölmiðlunum og óritskoðaðar fréttir frá Ríkisútvarpinu!

Vefsíðan er www.frettavakt.is og útvarp Lýðvarpsins á FM100.5

Opið hús sunnudag: Verið velkomin að kíkja við í kaffi til okkar kl. 14-18 í Vogasel 1, 109 Reykjavík sunnudag. Síminn er: 4500500.

Mun þjóðin kjósa um einstök mál í hraðbönkum?

Morgunblaðið 20.03.09:

Persónukjör, fækkun þingmanna og beint lýðræði

Flestir stjórnmálafræðingar eru sammála um að lýðræðið þurfi að leita uppruna síns og núverandi fulltrúakerfi sé barns síns tíma er henti ekki í nútíma upplýsingasamfélagi.

Íslenskt fulltrúalýðræði þróaðist í flokksræði með gróðrarstíu spillingar. Í bakherbergjum Alþingis eru þingmenn hvattir til hlýðni við flokkslínur sem oft á tíðum eru lagðar í stjórnarherbergjum fyrirtækja er maka síðan krókinn á ákvörðun Alþingis.

Stjórnmálaflokkar eru oft kenndir við flokkseigendafélög eða hagsmunaklíku fárra einstaklinga sem hafa náð undirtökunum og stýra þingmönnum flokksins eins og peðum á skákborði.

Slík útfærsla á lýðræði getur aldrei verið í þágu lýðsins. Í besta falli fær lýðurinn, þjóðin, þú og ég, einhverjar mylsnur af veisluborði hinna útvöldu í lýðræði flokkseigendafélaga.

 

Ófreskjur lýðskrumara

Því miður hafa flestir Íslensku stjórnmálaflokkanna þróast í slíkar ófreskjur lýðskrumara. Nánast er sama hvort litið er til hægri, vinstri eða miðju. Flokkarnir eru upp fyrir haus í fyrirgreiðslupólitík og gegnsýrðir spillingu. Þetta afhjúpast nú í kjölfar bankahrunsins.

Fjórflokkarnir boðuðu til kosninga undir þeim formerkjum að skipta út liðinu á Alþingi. Þjóðin vildi hreinsa út gömlu mislukkuðu tuggur gamla tímans.

Vandamálið er ekki aðeins hjá þessu annars ágæta fólki á þingi. Rót vandans liggur í sjálfu flokkskerfinu. Nýliðar eru mótaðir í gamla formið þegar þeir ganga í flokkinn. Enginn fer á þing fyrir fjórflokkana nema aðlaga sig flokknum og sýna undirgefni við flokkslínuna. Öðrum er varpað út á gaddinn. Flokkseigendafélagið og klíkur þeirra í uppstillingarnefndum og prófkjörum sér um það.

Eftir kosningar vitum við lítið hvaða mynstur verður á Alþingi. Kosningaloforð verða að engu í hrossakaupum flokkana um ráðherrastóla og völd. Einstaklingar kosnir með nokkur hundruðum atkvæðum á flokksþingi geta endað sem forsætisráðherra. Þjóðin kaus hann ekki og flest okkar jafnvel treysta ráðherranum ekki fyrir lífsafkomu okkar og framtíð. En vegna gallana í kerfinu hefur flokksvélin tekið af okkur völdin.

 

Er til betri leið?

Er ekki til betri leið að stjórna samfélaginu? Einfaldari, ódýrari og öruggari leið fyrir lífsstarf okkar og fjölskyldu?  Viljum við aftur í gömlu hjólförin, pólitík gærdagsins, sem kom þjóðinni á hausinn? Eða lærum við nú af mistökunum og fyrirbyggjum að slíkur útafakstur og hrun geti endurtekið sig?

Beint og milliliðalaust lýðræði er eina raunhæfa lausnin.  Slík uppstokkun á stjórnkerfinu mun moka út spillingunni. Beint lýðræði mun uppræta skúmaskot og hrossakaup á Alþingi. Þingmenn sem ekki hlusta á þjóð sína í beinu lýðræði verða valdalausir.

Lýðræðishreyfingin er kosningabandalag óháðra frambjóðenda sem vinna sjálfstætt með sín pólitísku stefnumál án flokkafjötra. Þannig rúmar kosningabandalag okkar fólk úr öllum áttum og andstæður í umdeildum málum, vinstri menn, hægri menn og allt þar á milli sem sameinast í baráttunni um beint og milliliðalaust lýðræði. Við viljum færa þér, einstaklingnum, valdið til að kjósa um einstök mál á Alþingi óskir þú þess:

 

Stefnuskrá Lýðræðishreyfingarinnar

1. Beint og milliliðalaust lýðræði:

• Allir Íslenskir ríkisborgarar geti sent Alþingi tillögu að nýju lagafrumvarpi sem skal tekið til umföllunar ef stutt undirskriftum 1% kjósenda. Alþingismenn og ráðherrar geti einnig átt frumkvæði að nýjum frumvörpum.
• Þingmenn fari með umræðu og nefndarstörf vegna frumvarpa á Alþingi og kynni fyrir þjóðinni m.a. á rafrænu þjóðþingi og vefsvæði.
• Tilbúin frumörp lögð fyrir þjóðþing Alþingis til atkvæðagreiðslu t.d. 1.maí og 1.des ár hvert.
• Hraðbankakerfið (sem nú er eign ríkisins) verði nýtt sem kjörklefar fyrir rafrænt þjóðþing. 
• Ef nauðsyn krefur geti Alþingi samþykkt bráðabirgðalög sem gilda fram að næsta þjóðþingi.
• Þingmenn fara með atkvæði þeirra sem ekki óska að neyta atkvæðisréttar á þjóðþingi Alþingis.

2. Tillaga að breytingum á Alþingi og ríkisstjórn:

• Þingmönnum fækkað í 31.
• Landið verði eitt kjördæmi.
• Þingmenn verði valdir í persónukosningum.
• Alþingi velur ráðherraefni á faglegum forsendum. Forseti, sem þjóðkjörinn umboðsmmaður lýðsins og eftirlitsaðili fyrir virku lýðræði, skipar síðan ráðherra og veitir þeim lausn eins og nú er.
• Ráðherrar sitji ekki á Alþingi.
• Ráðning dómara og æðstu embættismanna verði staðfest af þjóðþingi Alþingis.

 

Leggja fram nýtt frumvarp

Hver man ekki eftir umfangsmiklum undirskriftarsöfnunum, mótmælum og greinaskrifum almennings um heit mál. Hversvegna ættum við þjóðin að standa úti í kuldanum og mótmæla við Alþingishúsið? Við eigum mun einfaldari og betri leið.

Hafi einstaklingurinn leið til að fá nýtt mál sé tekið fyrir á Alþingi má losna við háværar og tímafrekar búsáhaldabyltingar í eitt skipti fyrir öll.

Til að koma í veg fyrir misnotkun er eðlilegt að krafa um að taka mál á dagskrá Alþingis sé stutt með einhverjum fjölda undirskrifta t.d. 1%  kjósenda sem eru nú rúm 2000 nöfn.

 

Hvernig þú virkjar þitt atkvæði á Alþingi

Þingmenn fari með atkvæði á Alþingi nema kjósandi taki atkvæðið til sín í einstökum málum. Það gerir kjósandinn yfir rafrænt þjóðþing sem starfar frá Alþingi yfir Internetið. Þar fari einnig fram borgarafundir, nefndarfundir, málefnahópar og önnur störf þingsins sem þjóðin getur fylgst með yfir netið og þar spunnist jafnvel umræðuhópar almennings.

 

Hversvegna kjósa í hraðbönkum?

Eitt helsta vandamálið sem kemur upp í umræðunni um beint lýðræði um internetið er að fólk sé ekki í lokuðum kjörklefa þegar greitt er atkvæði heima í tölvunni. Þannig geti fjölskyldumeðlimir haft áhrif á kjósandann og jafnvel stýrt því hvernig kosið er á heimilinu.

Leysa má úr þessu með að nýta hraðbanka sem kjörklefa. Fólk getur á leið sinni um bæinn kosið í næsta hraðbanka. Kosningar gætu farið fram yfir fleiri daga svipað háttað er með utankjörstaðakosningar. Daglega sýslum við með trúnaðarupplýsingar og viðhvæm gögn í hraðbönkum. Einfalt er að útfæra kosningar um þetta kerfi sem tryggir að kosningin sé leynileg, og hver einstaklingur geti aðeins kosið einu sinni í hverju máli.

 

Fækkun þingmanna

Þingmönnum verði fækkað í 31 og ríkisstjórn sé skipuð fagfólki sem sótt er utan þingsins. Ráðherrar sitji ekki á þingi nema á sérstökum fundum þegar þeir gefa skýrslur um störf sín til þingsins. Ráðning ráðherra gildi ekki lengur en fram að næstu kosningum.

 

Æðstu embætti

Ráðning dómara og annarra sem skipa æðstu embætti þurfi samþykkt frá Alþingi og jafnvel staðfestingu þjóðþingsins (í hraðbankakosningu) til að tryggja að ekki sé hægt að nota slík embætti sem pólitíska bitlinga.

 

Umboðsmaður lýðsins

Samkvæmt núgildandi stjórnarskrá er forseti Íslands í raun þjóðkjörinn umboðsmaður lýðsins. Forsetinn gæti sem slíkur orðið virkari öryggisventill en hann er í dag í nýju stjórnkerfi sem byggir á beinu lýðræði. 

 

Fjölmiðlar

Til að koma á virku lýðræði þurfa fjölmiðlar að vera opnir og lýðræðislegir. Styrkja þarf lög og reglur um fjölmiðla og tryggja að öllum stjórnmálaöflum sem gert jafnt undir höfði í umfjöllun.

 

Virkjaðu þitt atkvæði

Kynntu þér málið nánar á vefnum: www.lydveldi.is  og í síma 4500500.

Athygli er vakin á Lýðvarpinu, nýjum fjölmiðli á FM100.5 og www.frettavakt.is

Taktu þátt í prófkjöri á vefnum www.austurvollur.is