Hvernig thjodarhagur.is tengist Svindlhóp Finns og Ólafs

Ýmislegt bendir til þess að S-hópur Finns Ingólfssonar og Ólafs Ólafssonar ætli nú að sölsa undir sig Haga, stærstu verslunarkeðju landsins með leppa blekkingum.

Vefsíðan www.thjodarhagur.is er skráð á fjolnet.is sem er í eigu Kaupfélags Skagfirðinga bakvið það félagt er Svindl hópur Ólafs og Finns:  S-hópurinn - Skyld félög (S-hópurinn: Eignarhaldsfélagið Andvaka gt., Eignarhaldsfélagið Samvinnutryggingar, Fiskiðjan Skagfirðingur hf., Kaupfélag Skagfirðinga svf., Ker hf., Samvinnulífeyrissjóðurinn. ). Það ætti síðan ekki að koma mönnum á óvart að kaupfélagsstjórinn er Þórólfur Gíslason sem áður var stjórnarformaður Gift sem S-hópurinn notaði til að hafa 30 milljarða af tugþúsundum tryggingartaka Samvinnutrygginga.

Svindl hópur Finns og Ólafs sölsaði undir sig Búnaðarbankann með blekkingum á sínum tíma. Ólafur Ólafsson er líklegast Íslandsmeistari í notkun leppa og sjónhverfingum viðskiptalífsins, og er m.a. nú undir lögreglurannsókn vegna sýndarviðskipta með hlutabréf Kaupthings.

Leikritið sem nú virðist komið í gang er frekar einfalt. Sett er upp vefsíðan www.thjodarhagur.is til að fá almenning til að skrá sig sem örhluthafa. Sett er fram tilboð í nafni örhluthafanna til að kaupa Haga. Kaupthing sem nú ræður Högum gengur að tilboðinu á þeim forsendum að þjóðin sé að kaupa fyrirtækið. Í Framsóknarmennskunni "gleymist" að skýra frá raunverulegum bakhjarl tilboðsins. 99% leppana fá GIFT glýjuna í augun í boði gamla Svindl hópsins meðan strengjabrúður þjófagengisins lauma þýfinu úr gamla Kaupthing aftur í umferð og Bónusmjólka þjóðina.

Athugasemdir

[Vestarr Lúðvíksson, 15.11.2009 kl. 17:42]

maður er sleginn, ef satt reynist ! já lengi skal manninn reyna !

[Jakob Þór Haraldsson, 15.11.2009 kl. 19:05]

Það er sorglegt hvernig Finnur, Ólafur & Framsókn ávalt spila á samfélagið "bak við tjöldin" - ömurleg upplifun...!

kv. Heilbrigð skynsemi (fun.blog.is)

[Árni Gunnarsson, 15.11.2009 kl. 19:26]

Kaupfélag Skagfirðinga! Einhvern veginn hefur vegur þess fyrirtækis vaxið í öfugu hlutfalli við vinsældir kaupfélagsstjórans. Gift?

[Andri Geir Arinbjarnarson, 15.11.2009 kl. 20:39]

þetta þarf að rannsaka.

[Júlíus Björnsson, 16.11.2009 kl. 00:10]

Að baktjaldamakkinu slepptu er ekki gott að reyna að losa okkur við umsvif fjármála afætanna.

Mér þykkir vænna um mína nánustu en gíruga fjárfesta í arfi barna Íslensku þjóðarinnar.

[Ómar Ragnarsson, 16.11.2009 kl. 00:28]

Í Ameríku er sagt ef rekja þarf spillingarmál: "Fylgdu peningunum!" (Follow the money)

Í Frakklandi er sagt: "Athugaðu konurnar".

Á Íslandi væri hægt að segja: "Finndu Finn !"

[Guðmundur F Jónsson (IP-tala skráð) 16.11.2009 kl. 07:25]

Kæri Ástþór; það er ekkert fjærri sannleikanum en það sem þú ert að gefa í skin.

S hópurinn, Ólafur Ólafs og Finnur Íngólfs þekki ég ekki, og hef aldrei hitt. Þeir koma hvergi nærri þessu verkefni, það get ég fullvissað þig um.

Auglýsingastofan Kaktus sá um auglýsinguna fyrir okkur, og buðu þeir út vefsíðugerðina. Lægsta tilboðið átti Tengill á Sauðárkrók, sem á Fjölnet.is.

Kaupfélag Skagfirðinga á í mörgum fyrirtækjum fyrir norðan, en hluthafafar Tengils eru margir, meðal annars bændur.

Við vildum láta hýsa síðuna hjá fyrirtæki sem tengdist á engan hátt Baugi, Högum eða einhverjum af þeim fyrirtækjum sem þeir Gaums feðgar koma nálægt. Við vorum hræddir við cyber árás, semhefði getað eyðilagt fyrir okkur.

Með vinsemd og virðingu, Guðmundur Franklín Jónsson

[Magnús Orri Einarsson (IP-tala skráð) 16.11.2009 kl. 08:25]

Góður Ómar.

Annars er þetta áhugavert og þarfnast mjög ítarlegar skoðunar. Það er ekki hægt að hleypa þessum mönnum að svo miklu sem hangikjötlæri eftir árangur þeirra síðast.

[Ástþór Magnússon Wium, 16.11.2009 kl. 10:56]

Ágæti Guðmundur,

Það er kominn tími á heiðarleika í Íslensku viðskiptalífi. Leppar á þingi, í stjórnum fyrirtækja, í bankastjórnum osfrv., getur ekki gengið áfram. Þjóðin á betra skylið.

Þið hafið ekki komið heiðarlega fram með þessa síðu. Skráning/eignarhald síðunnar er leppað af fyrirtæki sem tengist bæði smásölu (Kaupfélag Skagfirðinga) svo og umræddum Svindl hóp Finns og Ólafs. Þetta Framsóknarhyski svínaði á bændum áratugum saman og síðan á allri þjóðinni þegar þeir stálu Búnaðarbankanum með blekkingum. Og enn var haldið áfram þegar sömu aðilar drógu forseta þjóðarinnar til Katar til að setja upp leikrit "arabískur sheik" til að blekkja fjárfesta og innistæðueigendur um eignarhald bankans.

Þið eigið að birta nöfn allra þeirra sem áhuga hafa á kaupum á fyrirtækinu Hagar. Það hlýtur að þurfa skýra hvernig milljarðar eru til staðar frá "fjársterkum aðilum" eins og þú hefur sagt án þess að örhluthafarnir leggji nokkuð í púkkið. Hverjir sitja á tugmilljörðum á Íslandi sem ekki hafa notið pólitískrar aðstoðar eða aðstoðar bankanna fyrir hrun við að stela þeim peningum af þjóðinni með einum eða öðrum hætti? Eru fjárfestarnir erlendir?

Auðvitað getur þetta allt verið hreint og beint hjá ykkur þótt ýmislegt bendi til annars. Nauðsynlegt fyrir þjóðina að vera vel á verði gegn hulduher eins og þeim sem þú ferð nú í forsvari fyrir. Lausnin á fjárhagsvanda þjóðarinnar getur ekki byggst á enn einum blekkingarleiknum.

[Júlíus Björnsson, 16.11.2009 kl. 16:32]

Mér finnst ágætt að gagnrýna meintar ætlanir Bankans. Hinsvegar finnst þjóðþrif í ljósi eigna og tækifæra jöfnunnar og leys allar eigna samsteypur upp í fyrirtæki að viðráðanlegri ábyrgðarstærð. Þetta biði upp á að milli færa starfsfólk úr útúrvöxnum fjármálaþjónustu geira yfir í einkarekstrargeira. Luxemburg er samkomulag hæfs meirihluta EU. Liggur miðsvæðis milli Risanna og þjóðin hugsar jafnt á þýsku og frönsku og bætir við sig ensku. Þess vegna er búið að planta niður þar öllum þessum stofnum EU og banka útbúum EU risanna. Einn Þjóðarbanki hentar útflutnings og sölutengdum tækifærum utan EU best.

Ein stofnun sem sér um um verðtryggð fasteignalán almennings er áhættu frí að eilífu.

Ríkisfyrirtæki undir sterku regluverki koma betur út til lengri tíma  en almennings hlutafélög þar sem 3% er oftast nóg til að ná einræði sagði einn framamaðurinn hér fyrir um 30 árum.

Bretar segja segja öruggast að fjármagna lántökur ríkisins með útgáfu skuldabréfa á markaði einkageirans.