Þitt atkvæði á þing!

Kjóstu þína eigin persónu á þing! 

Flestir láta ekki pabba gamla ráða vali á maka. Slíkt er jafn úrelt fyrirbæri og fulltrúalýðræðið. Hvers vegna eiga aðrir að fara með þitt atkvæði á Alþingi þegar komin er tækni fyrir milliliðalaust lýðræði.   

Beint og milliliðalaust lýðræði

Þingmenn XP Lýðræðishreyfingarinnar munu starfa í takt við rafrænt Almannaþing. Þar getur þú forgangsraðað málum og greitt atkvæði í einstökum málum. Þingmenn XP verða þitt verkfæri á Alþingi og þú hefur persónuleg áhrif á Alþingi STRAX! Framtíðarsýn XP er að koma á beinu lýðræði þar sem næsti hraðbanki er þinn kjörklefi.

Einstaklingsframboð í stað úrelt flokkakerfis

Við súpum nú seyðið af spilltum flokkadráttum og ráðherraræði. XP er kosningabandalag 126 einstaklingsframboða. XP ætlar að moka út spillingunni með beinu og milliliðalausu lýðræði.

Stefnuskrá xP Lýðræðishreyfingarinnar

Hvernig við förum úr núverandi kerfi í beint lýðræði

Athugasemdir

[Sigurður M Grétarsson, 30.3.2009 kl. 18:47]

Í Eistlandi hafa menn þróað aðferð, sem gerir kosningar í gegnum netið síst óöruggari hvað varðar þrýsting frá öðrum en hraðbankahugmynd ykkar. Lausnin felst einfaldlega í því að þegar greitt er atkvæði á netinu fer það í raun inn í "rafrænt umslag", sem engin getur komist í. Meðan kjörfundur er opin getur viðkomandi kosið aftur og þá er gamla "umslaginu" eytt og sett inn nýtt í staðin. Síðan getur viðkomandi líka mætt á kjörstað og kosið og þá er "rafræna umslaginu" eytt.

Þetta er í raun betri leið en hraðbankaleiðin ykkar því það getur engin komið í veg fyrir að horft sé yfir öxl þess, sem kýs í hraðbanka. Svo skulum við ekki gleyma því að í dreifbýli getur oft verið langt í hraðbanka. Í eistnesku leiðinni skiptir engu máli þó einhver horfi yfir öxl eihvers þegar hann kýs svo fremi að hann geti laumast frá honum fyrir lok kjörfundar til að kjósa aftur ef hann vill kjósa eitthvað annað. Til þess getur hann bæði farið í aðra tölvu eða á kjörstað.

Svo skulum við heldur ekki gleyma því að fjöldi hraðbanka er ekki það mikill að hætt er við að það verði ansi löng biðröð við þá á kjördag. Þá getur verið að erfitt sé að nota þá til þess, sem þeir eru ætlaðir fyrir, það er að útvega fólki peningaseðla.