Fékk ritrottan vitrun?

Erum við komin á flug inní bjartari tíma? Hefur peningahrunið orsakað hrun óþverralúsa af gyltunni? Gæti verið að sorpritstjórar og ritrottur fái nú slíkrar vitranir að skítlegt eðli sé á flótta úr fjölmiðlaflórhaug Baugs?

Ég rak upp stór augu þegar ég las þetta í leiðara DV í dag: "Íslenskt samfélag er á barmi siðrofs þar sem allt er að verða leyfilegt í nafni málstaðarins. Sjálfsagt þykir að nafnlausir einstaklingar fjalli með subbulegum hætti um nafnkennt fólk inni á vefsíðum sem gefnar eru út fyrir að vera siðvæddar. Ótal dæmi eru um beinan óhróður þar sem nafnleysingjar láta vaða á súðum og bera nafngreint fólk sökum. Einelti þykir sjálfsagt. Og ákveðnir aðilar eru tilbúnir til þess að hýsa ófögnuðinn og veita honum farveg undir því yfirskyni að nauðsynlegt sé að fá allt fram í dagsljósið. Þetta er dæmi um siðrof sem orðið er að veruleika."

Hvað þýðir þetta? Að Reyni Traustasyni sé það ekki lengur "heiður" að birta um mig upplognar lygasakir og ærumeiðingar í DV eins og hann sagði við mig í símtali nokkru fyrir jól. 

Ég reyndar lagði til að athugandi væri fyrir hina myrkvu sál sorpritstjórans á DV að setjast á guðfræðibekk við hlið fyrrum samstarfsmanns á 365, Steingríms Snævarr, og í auðmýkt biðja um fyrirgefningu og aðstoð við að hreinsa út skítlegt eðlið. 

Gæti verið að Reynir hafi þegar snúist til betri vegar, eða er hann bara að bulla í leiðara DV eins og venjulega? Ef satt og rétt, Reynir sé orðinn  betri og bjartari sál, hversvegna hefur hann ekki fjarlægt lygarnar og óhróðurinn um mig á DV-malefnin.com og beðist afsökunar?

Reynir ætlar nú að gerast talrotta á Útvarpi sögu í slagtogi við Eirík Jónsson aðra þekkta ritrottu af DV. Þeir reyna nú að fá sér geislabauga með þeim Hreinsgerningum að gefa ágóðann til góðgerðarmála. En hvernig virkar þetta? Mér skilst að allir fjölmiðlarnir séu reknir með tapi, sé vonlaus bísness. Fær þá Rauði Krossinn tapið eftir að þeir félagar hafa tekið launin sín úr söfnunarbauknum?

Mér finnst að þeir félagar, strengjabrúðurnar í rottubúrinu, eigi að upplýsa í fyrsta þættinum hver það var sem kippti í spottana á Reyni Traustasyni. Þjóðin krefst þess. Allt annað bull er siðrof!

Athugasemdir

[Jón Steinar Ragnarsson, 15.1.2009 kl. 18:06]

Ég ætla nú ekki að bera blak af neinum Ástþór minn, en mér er spurn: Ertu í einhverskonar hatursambandi við allar manneskjur?  Eru ráðamenn, blaðamenn, bloggarar og mótmælendur m.a.  allir settir til höfuðs þér? Er nokkuð í umhverfi þínu, sem þú ert ekki í stríði við?

Hlakka til að heyra kveða við jákvæðari tón hjá þér. Þú mætti íhuga að minka kaffidrykkj og sykurát og borða reglulega og sjá hvort þetta lagast ekki. Þetta er ekki eðlilegt með þig.

[Ástþór Magnússon Wium, 15.1.2009 kl. 18:16]

Jón Steinar, hvaða rugl er þetta í þér maður. Ég er ekkert í stríði við einn eða neinn.

Þú ættir frekar að spyrja þetta fólk sem er að ausa yfir mig lygum og ærumeiðingum í DV og t.d. bloggvefnum malefnin.com hvað þeim gengur til og hvað býr að baki hjá þeim.

Einnig máttu kanna hjá þessu fólki sem þykist standa fyrir opnum og lýðræðislegum fundum, hversvegna það ber út friðsemdar menn eins og mig af fundum sínum fyrir þær sakir einar að ég legg til lýðræðisleg vinnubrögð.

[Júrí (IP-tala skráð) 15.1.2009 kl. 19:48]

Ég skil alveg þetta grófa orðalag hjá háttvirtum Ástþóri .

Enda hefur skítkastið í hans garð verið svakalegt . Ef hann væri svertingi, væri búið að fangelsa nokkra fyrir kynþáttahatur .

[Offari, 15.1.2009 kl. 21:25]

Enn finnst mér Ástþór vera að eyða orku sinni í smáatriði sem skipta litlu máli.