Ekki skila - Lesið hér um ritskoðun RÚV

Ég skora á þig að skila ekki viðtalinu og gerast þannig þátttakandi í ritskoðun RÚV. Vertu ekki hræddur við lögfræðinga þeirra, þjóðin mun sameinast um að greiða allar þær sektir sem þeir reyna að setja á þig.

Lesið hér að neðan reynslu af ritskoðunarstefnu RÚV:

Ritskoðun RÚV

Til þeirra er málið varðar: 10. júní 2004

Dagana 11 – 13 maí var ég staddur á Íslandi. Ríkissjónvarpið tók 45 mínútna viðtal við mig í tengslum við komandi forsetakosningar hér á landi. Þar sem viðtal þetta fór fram á ensku átti það að vera birt með íslenskum texta. Því var útsendingunni frestað. Ég heyrði rétt í þessu

frá Ástþóri Magnússyni (ég styð málstað hans í friðarmálum) og hann tjáði mér að einungis tíu mínútna brot úr viðtalinu hefði verið birt í sjónvarpinu í kvöld og var þar ekki minnst einu orði á áhersluþætti mína um það hvernig forsetaembætti Íslands gæti beitt sér í friðarmálum á alþjóðavettvangi né heldur var minnst á hvað Ástþór Magnússon hyggst gera nái hann kjöri.

Ég nefndi og studdi eftirtalin þrjú markmið hans en heyrði að þau hefðu öll verið tekin út úr viðtalinu:

(1) að koma á fót stofnun í lýðræðisfræðum sem muni stuðla að virkara lýðræði, sem fyrirmynd fyrir alla heimsbyggðina;

(2)að breyta bandarísku herstöðinni á Íslandi í höfuðstöðvar friðargæslulið Sameinuðu þjóðanna;

(3) koma á friðarstofnun þar sem leitað verður úrlausna á málum deiluaðila víða að úr heiminum þar sem þeir geta hist ásamt reyndum sáttasemjurum.

Einnig benti ég á að þrátt fyrir að Ísland sé lítið land gæti það samt sem áður haft mikið forskot í að stuðla að friði. Ég minntist á tvo forseta í þessu sambandi:

Árið 1973 bauð forseti Finnlands, Urho Kekkonen, öllum ríkisstjórnum í Evrópu til ráðstefnu í Helsinki um öryggi og samvinnu í Evrópu, sem stóð til 1975, og undirbjó jarðveginn fyrir endalok kalda stríðsins.

Árið 1986 fundaði forseti Costa Rica, Oscar Arias Sanchez, með öðrum forsetum Mið-Ameríku og gerði samkomulag sem undirritað var af öllum forsetunum, sem endaði Contra stríðið í Nicaragua, og varð að grundvelli annarra svipaðra friðarsáttmála í El Salvador og Guatemala.

Ég skýrði frá því að Ástþór Magnússon myndi, ef hann yrði kosinn forseti Íslands, nota þau tækifæri sem gæfust sökum stöðu hans, til að koma Íslandi á kortið sem uppsprettu friðar í heiminum.

Mér var tjáð að öllum þessum þáttum, sem voru kjarni umræðu minnar, hefði verið sleppt þegar hluti viðtalsins var sýndur í sjónvarpinu í kvöld. Ég verð að játa að ég er hneykslaður. Þessi leið til að hindra frjálsa og opna umræðu minnir einna helst á herferðina í Júgoslavíu árið 1992 þar sem talsmanni friðar, Milan Panic, var aftrað frá að kynna friðarstefnu sína fyrir kjósendum vegna þess að fjölmiðlum þar í landi var alfarið stjórnað af stuðningsmönnum þáverandi forseta landsins, Slobodan Milosevic.

Ég vonast til að útgáfa viðtalsins við mig verði birt í fullri lengd og óritskoðuð fyrir kosningarnar þann 26 júní, til þess að gefa íslenskum kjósendum kost á að ákveða sjálfir hvort þeir séu sammála eða ósammála þeim skoðunum sem ég lét í ljós, í stað þess að einhver komi fram við kjósendur eins og börn sem ákveðið er fyrir hvað þau mega sjá og hvað ekki.

Ég er þakklátur fyrir það tækifæri sem ég fékk til að tjá mínar skoðanir, en ég varð samt sem áður fyrir vonbrigðum þegar þær voru afskræmdar með því að klippa burtu kjarnann í máli mínu.

Með bestu kveðjum,

Prof. Dr. Dietrich Fischer

Academic Director, European University Center for Peace Studies (EPU)

Krafa um að viðtali við Geir verði skilað

Athugasemdir

[Villi Asgeirsson, 25.11.2008 kl. 22:38]

Það sem maður hefur svo lengi sagt, lýðræðið er dautt. Kosningar fara fram, en það er fyrirfram ákveðið hver á að vinna.

[Gunnar Hrafn Jónsson (IP-tala skráð) 25.11.2008 kl. 22:40]

Eh, er það eðlileg krafa að hver einasta mínúta af efni sem er tekin upp fari í loftið? Það er auðvitað út í hött að ætlast til að fá 45 mínútna viðtal birt í heild sinni þar sem farið er út um víðan völl og tala svo um ritskoðun þegar maður fær heilt tíu mínútna slot sem er lengra en forsætisráðherrann sjálfur fær í fréttum sjónvarps.

[Gunnar Hrafn Jónsson (IP-tala skráð) 26.11.2008 kl. 10:56]

Jújú, enda var ég meira að tala um viðbrögð Herr Fischers en G. Péturs málið. Geir er ekkert rosalega consistant þegar kemur að því að díla við blaðamenn, hann á það til að bjóða viðtöl að fyrrabragði og vera hinn viðkunnalegasti en svo umturnast hann á andartaki eins og þarna og t.d. þegar Sindri Sindrason kom með frekar hallærislega spurningu fyrir utan stjórnarráðið. Sama hver spurningin er hefði maður haldið að maður í hans stöðu þyrfti að sýna örlítið meiri stillingu.