Landráð forseta Íslands

Evrópa er plöguð af óheiðarlegu og skammsýnu stjórnmálafólki sem eru að leiða okkur í fen styrjalda. Forseti Bandaríkjanna segir menn spila með þriðju heimsstyrjöldina sem muni leiða til útrýmingar mannkyns með kjarnorkuvopnum. 

Eini þjóðkjörni og æðsti embættismaður Íslands er kona sem flutti nýlega til landsins frá Bandaríkjunum og laug sig inn á þjóðina til að sölsa undir sig Bessastaði á fölskum forsendum.

Sagði þjóðina ekki vilja taka þátt í vopnakaupum

Þjóðin valdi forseta sem í kosningabaráttu sinni hafnaði alfarið vopna kaupum og tók afgerandi afstöðu með átaki til friðar. Halla Tómasdóttir sagðist heyra mikinn samhljóm meðal þjóðarinnar að vilja ekki taka þátt í vopnakaupum og hernaði. 

Hættulegasta öryggisstefnan

Vopnakaup væru hættulegasta öryggisstefnan sem þjóðin gæti tekið. Öruggasta stefnan væri að taka ekki þátt í þessum átökum. Við ættum að hjálpa með öðrum hætti en að senda vopn á vígvöllinn og vel væri hægt að semja um aðrar lausnir en þær að fjármagna vopnakaup. Þessi friðarboðskapur Höllu Tómasdóttur átti vafalaust stóran þátt í að hún náði kjöri sem forseti Íslands.

Lofaði að gefa þjóðinni úrslitaatkvæði

Halla Tómasdóttir birti þennan texta um málsskotsrétt forseta á heimasíðu sinni fyrir forsetaframboðið 2024: “Forseti Íslands hefur samkvæmt 26. grein stjórnarskrárinnar heimild til að vísa lögum í dóm þjóðarinnar. Málskotsrétturinn er mikilvægur öryggisventill, sem Halla er staðráðin í að nýta ef svo virðist sem gjá hafi myndast á milli þings og þjóðar. Hún telur mikilvægt að umgangast málskotsréttinn af virðingu og minnir á að forseta beri að hlusta vel á öll sjónarmið áður en komist er að þeirri niðurstöðu að þjóðin þurfi að hafa úrslitavald með atkvæðagreiðslu um hvort lögin öðlast gildi. Þetta gætu verið tilvik á borð við mannréttindi og grundvallarhagsmuni þjóðarinnar og næstu kynslóða eins og var í tilfelli Icesave.”

Í Forystusæti RÚV varðandi málskotsrétt forseta segist Halla muni standa í lappir ef þörf er á. Ólafur Ragnar hafi gert rétt í að synja Icesave-samningum staðfestingar. „Hvað mig varðar myndi ég vilja hlusta vel á þjóðina. Og ef ég skynjaði að um stór mál væri að ræða sem varða hagsmuni þjóðarinnar og næstu kynslóða, myndi ég vilja gefa þjóðinni úrslitaatkvæði ef svo virtist sem þingið væri að ganga úr takti við gildi og vilja þjóðarinnar.“

Í kappræðum mbl.is 31 maí sagði Halla Tómasdóttir: “Og nú spyr þjóðin um mál­skots­rétt­inn vegna þess að traustið á Alþingi er lágt og ég ótt­ast ekki að nýta hann,“.

Forsetinn sveik þjóðina og framdi landráð

Ekki liðu nema nokkrir mánuðir þar til Halla Tómasdóttir var búin að svíkja sína kjósendur og styðja það sem hún sjálf kallaði “hættulegustu öryggisstefnu sem þjóðin gæti tekið” þegar hún athugasemdalaust og án þess að mæla eitt orð til friðar skrifaði undir fjárlög með milljarða króna vopnakaupum. Forsetinn færði þjóðinni jólapakka fullan af útgjöldum til aukinna blóðsúthellinga í fjarlægum löndum þvert á vilja meirihluta þjóðarinnar og þvert á ímynd Íslendinga sem þjóð friðar.

Þetta á eftir að draga stóran og illvígan dilk á eftir sér. Forseti Íslands stefndi framtíð þjóðar sinnar í voða þegar hún gekk erinda hermangara og vopnaframleiðenda á Bessastöðum. 

Hermangarinn á Bessastöðum ekki rödd friðar

Í Morgunblaðinu í dag segir Halla að hún “vilji áfram að Ísland beiti sér fyrir friði í heiminum, bæði með fordæmi og fortölum”. 

Meinar forsetinn að hún vilji, með stuðningi sínum við hermangið sem sent er í spilamennskuna með með þriðju heimsstyrjöldina, koma á friði hinna dauðu? 

Flytjum forsetann á Litla Hraun

Forsetinn er orðin marklaus með öllu. Halla Tómasdóttir á frekar heima á Litla Hrauni fyrir landráð en á setri forseta Íslands á Bessastöðum þar sem hún er beinlínis stórhættuleg þjóðinni.

Ástþór Magnússon
Höfundur er stofnandi Friðar 2000 og fyrrum forsetaframbjóðandi. 

 

 

Fyrsta opinbera heimsókn forseta

Athugasemdir

[Guðjón E. Hreinberg, 13.3.2025 kl. 12:58]

Og allir gleyma 92. grein Almennra hegningarlaga, hver sá sem skaðar hlutleysisstefnu Lýðveldisins, skal sæta fangelsisdómi.