Ísland verði griðarstaður aðstandenda Wikileaks. Lokum bandaríska sendiráðinu í Reykjavík!

Hlustum ekki á bullið sem veltur nú uppúr Dönskum, Frönskum, Áströlskum, Bandarískum og öðrum spilltum stjórnvöldum.

Full ástæða er til að afhjúpa drulluna sem þvælist fyrir heimsfriði.

Ísland á að ganga fram fyrir skjöldu með opinberri yfirlýsingu um að Wikileaks og aðstandendur þess verði verndað með kjafti og klóm Íslenskara stjórnvalda.

Ísland veiti stofnanda Wikileaks pólitískt hæli. Sannleikurinn setur okkur frjáls!

Blásum á tilburði ríkisstjórnar Ástralíu til að þagga niður í Julian Assange.  

Njósnir, lygasögur ríkisstjórna og annan viðbjóð spilltrar heimspólitíkur og hernaðar þarf að uppræta. Heiðarleiki og opið lýðræði er grundvöllur friðar í heiminum.

Látum ekki þagga niður í Wikileaks. Veitum öllum þeim sem starfa við þetta frábæra framtak og sem ofsóttir eru í heimlandi sínu eða annarsstaðar að undirlagi bandaríkjastjórnar, pólitískt hæli á Íslandi.  

Lokum bandaríska sendiráðinu við Laufásveg og upprætum njósnir þeirra í Reykjavík. Þjóðnýtum bygginguna og afhendum Wikileaks undir sína starfsemi.

Skora á Utanríkisráðherra að kalla sendiherrann á sinn fund í dag og reka hann úr landi.

Sannleikurinn mun setja okkur frjáls. 

 

Lekinn eyðileggur samskipti

Athugasemdir

[Kristján Hilmarsson, 2.12.2010 kl. 15:06]

Þar með geri ég ráð fyrir að þú teljir íslensk stjórnvöld "óspillt" ??

Kv.

KH

[Ástþór Magnússon Wium, 2.12.2010 kl. 15:25]

Ég er margbúinn að lýsa því yfir opinberlega hvað mér finnst um Íslensk stjórnvöld og hvernig þau hafa brugðist okkur.