Sigga liggur kylliflöt fyrir Jón Ásgeir og vill enga krítík!

"Framreiðum léttmeti og gamanefni" segir einn starfsmanna Jóns Ásgeir Jóhannessonar hjá 365 miðlum, sem hefur umsjón með því sem þau segja vera "vinsælasti morgunþáttur landsins".

Sigga Lund Hermannsdóttir er einn umsjónarmanna Zúúber á FM957. "Það eru allir orðnir hundleiðir á krepputali" sagði Sigga í viðtali við visir.is en þessari ágætu konu dreymir um að "fara í kynfræðinginn" samkvæmt öðru viðtali í DV. "Sigga er óhrædd að segja skoðanir sína, þvert á þá Gassa og Svala" segir í sama viðtali.

Mér þætti gaman að vita um skoðanir Siggu. Eitt er víst að hún vill ekki heyra minnst á neina krítík á yfirmann sinn Jón Ásgeir Jóhannesson. Fyrir honum liggur Sigga kynfræðingur kylliflöt.

Ég hef einstaka sinnum sent starfsfólki fjölmiðla, þeim sem starfa á fréttastofum og í dagskrárgerð, netpóst þegar mér hefur fundist eitthvað eiga erindi til þeirra. Ég viðurkenni alveg að ég slæ ekki öllu uppí grín eins og Sigga, ég geri ekki grín að því hvernig Jón Ásgeir "eigandi" Siggu mergsaug sjóði landsmanna og kom landinu á hausinn. Mér finnst það heldur ekkert fyndið hvernig hann heldur úti fjölmiðlum eins og DV um gjaldþrota fyrirtækja pýramída kórónað með Hreinum lepp.

En Sigga blessunin lifir í öðrum heimi en við flest hin sem þurfum að súpa seyðið af fjárglæfrum eigenda hennar sem fluttu fjölmiðlana úr gjaldþrota Baugi eins og hendi væri veifað með ótrúlega snjöllum fjármálatöfrabrögðum. Sigga hrærist á milli fjölmiðla eigendanna og reynir þar að slá á léttari strengi til að fá landsmenn til að gleyma syndum feðranna. Helst þannig að það gleymist að lögsækja þessa menn og sækja þýfið sem þeir stálu af þjóðinni.

Sigga hafði samband í dag eftir að ég sendi ádeilu á hana um fjölmiðlana sem hún starfar fyrir:
"Geturðu tekið mig út af þessum mail lista...
Vil ekki frá frekari sendingar frá þér.!" 

Sigga og hennar samstarfsmenn eru nú ekki vanir að spyrja mig þegar þeir bera gróusögur um mig á torg í útsendingum sínum og sorpritum. Þeim er víst eitthvað illa við að ég hafi skoðanir á fjárglæfrum eigenda þeirra.

Nú skora ég bara á lesendur að senda siggu línu: [e-mail]

p.s. Mér skilst að enginn Haugsmiðlanna hafi fjallað um hvernig Jóhannes Jónsson kokkaði bókhaldið nú eftir hrun til að senda eignarhald á 200 milljón króna lúxus villu úr landi í erlendan sjóð sem engir kröfuhafar geta gengið að.  Ætli Sigga hafi skoðun á þessu?
Ritstjóri DV lúffaði aftur fyrir töframönnum auðvaldsins. Lýgur að lesendum!

Athugasemdir

[H.T. Bjarnason (IP-tala skráð) 1.3.2010 kl. 16:52]

Það hlýtur að vera hennar réttur að vilja ekki fá netpóst.  Er ekki alveg sjálfsagt að verða við þeirri beiðni hennar?

[Ástþór Magnússon Wium, 1.3.2010 kl. 16:58]

Nokkuð áhugaverð umræða. Nú skulum við hafa í huga að netfangið er netfang hjá 365 miðlum. Semsagt ekki persónulegt netfang hennar.

Er það eðlileg vinnubrögð þáttagerðafólks hjá "opnum og lýðræðislegum" fjölmiðlum að loka á póst frá fólkinu í landinu?

Hver er svo t.d. réttur minn gagnvart hinni ýmsu umfjöllun sem sömu fjölmiðlar hafa haft um mína persónu og athafnir, þám ýmislegt upplogið sem á sér enga stoð í raunveruleikanum nema hjá þeim.  Fara í mál við gjaldþrota pýramídann? Er það minn eini réttur?

[Sveinn Elías Hansson, 1.3.2010 kl. 17:09]

Þeir þola illa sannleikann þessir glæpamenn, svo er starfsfólkið þeirra í alveg skelfilegri stöðu, þorir ekkert að segja.

Haltu áfram Ástþór, mér sýnist nú að allt sem þú segir sé rétt, þó að fáir vilji viðurkenna það.Það hefði betur verið hlustað á þig fyrr, en þegar þú reifst kjaft í góðærinu, og bentir á staðreindir , þá var það stimplað rugl frá klikkuðum karli.

Ég held áfram að fylgjast með baráttu þinni og styð hana, þú mátt ekki þagna.

[Hildur Helga Sigurðardóttir, 2.3.2010 kl. 04:17]

Alvöru fjölmiðlafólk tekur alltaf símann og opnar póstinn -sama á hverju það á von.

[Jón Pétur Líndal, 2.3.2010 kl. 16:30]

Hún Sigga hlýtur bara að geta blokkerað á póst frá netfangi Ástþórs ef hún vill hann ekki. Hún veit kannski ekki um þann möguleika, ætti kannski að fara á tölvupóstnámskeið áður en hún fer alla leið í kynfræðinginn.

Annars held ég að hún sé ekki þungavigtarmanneskja í fjölmiðlum. Ég hef aldrei heyrt hennar getið fyrr en nú þegar þú ert óvart að auglýsa hana Ástþór. Og ég hef heldur aldrei heyrt þennan þátt hennar. En það eru svo sem einhverjir aðrir sem hlusta á þetta býst ég við.

En meginmálið er að hún Sigga er ekki að vinna hjá fjölmiðli. Hún er að vinna hjá áróðursmiðli. Það er svolítið annað. Það er miðill sem heldur úti áróðri, sönnum, lognum, tilbúnum, um eitthvað og fyrir einhvern eða einhverja undir því yfirskyni að um fjölmiðlun sé að ræða. Ekkert er farið eftir neinum skrifuðum eða óskrifuðum reglum um faglega blaðamennsku. Svona áróðursmiðla þyrfti að skikka til að byrja og enda hvern þátt og hvert blað á að ekki sé um alvöru fjölmiðil að ræða og að varast skuli að taka mark á þeim áróðri sem áróðursmiðillinn flytur. Svona rétt eins og að reykingamenn eru varaðir við afleiðingum reykinga með viðvörununum á tóbakspakkanum.