Gjaldþrota DV fjármagnað af Sparisjóð Siglufjarðar

Innistæður einstaklinga hjá Sparisjóði Siglufjarðar eru notaðar til að fjármagna rekstur sorpblaða m.a. DV sem rekið er af gjaldþrota pýramídaþrenningu undir stjórn hæstaréttarlögmannsins Hreins Loftssonar, sem margir telja sitja sem lepp fyrir Jón Ásgeir Jóhannesson sem færði útgáfu DV úr Baugi með bókhalds töfrabrögðum skömmu fyrir gjaldþrot þess félags.

Útgáfufélag DV Birtingur ehf er í eigu Hjálmur ehf sem er svo aftur í eigu Austursel ehf. Daglegur rekstur sorpritsins er fjármagnaður af Sparisjóð Siglufjarðar.

Birtingur er eignarlaust félag og í raun gjaldþrota en haldið uppi með bókhaldsbrellum kokkuðum af þessum fyrrum Baugsmönnum. Næst upp í pýramídanum kemur Hjálmur ehf sem einnig er algerlega eignarlaust og lestina rekur svo Austursel ehf. Aftur sama sagan það félag er einnig gjaldþrota og eignalaust. Yfir þessu trónir svo leppurinn Hreinn sem í hjáverkum hefur haft af því atvinnu að starfa sem lögmaður fyrir opinbera aðila.

Þótt útgáfa DV sé gjaldþrota og allur fyrirtækja pýramídinn eignalaus, þá stöðvar það ekki spunameistara útrásarvíkinganna að fjármagna þennan vonlausa rekstur með innistæðum grandvaralausra Siglfirðinga. 

Sparisjóðurinn lætur einnig sem vind um eyru þjóta að ágætur lögfræðingur hefur kallað blaðamenn DV síbrotamenn á sviði ærumeiðinga enda kemur nánast mánaðarlega nýr dómur þar sem sorpritstjórn blaðsins hefur farið á svig við faglega blaðamennsku og gerst brotlegir við almenn hegningarlög. 

Hinsvegar hafa verið vandkvæði á því að fá dæmdar miskabætur greiddar því hvorki útgáfufélagið Birtingur né blaðasnápar þeirra virðast geta borgað. Hreinn Loftsson og Jón Ásgeir sitja stikkfrí frá öllu saman með þrjú eignarhaldsfélög sem stuðpúða!

Gæti ástæða þess að spilað er svo óvarlega með sparifé Siglfirðinga verið sú að eigandi Sparisjóðs Siglfirðinga er Afl Sparisjóður sem svo er í eigu Arion banka.

Hver á svo þann banka er stóra spurningin og hvernig vogunarsjóðirnir sem þar eru sagðir standa á bakvið tengjast meintum bankaræningja Ólafi Ólafssyni, Baugsmönnum og öðrum samherjum þeirra með ryksuguðu Íslenskar peningahyrslur og settu þjóðfélagið á hausinn.   

Sjá einnig: 

Blaðamannafélag Íslands styður mannorðsmorðingja

Upplýst verði um eignarhald fyrirtækja

Athugasemdir

[Sveinn Elías Hansson, 26.2.2010 kl. 18:17]

Næ þessu ekki alveg. En hefur Dv ekki verið að flytja sukkfréttir af þessum drullusokkum öllum ?

[Ástþór Magnússon Wium, 26.2.2010 kl. 18:19]

Þeir hafa sneitt hjá ýmsu sem snertir Baugsmenn í sinni umfjöllun. Svo eru þeir með svona drottningarviðtöl eins og við Jóhannes í Bónus nú um helgina!

[Sveinn Elías Hansson, 26.2.2010 kl. 18:24]

Á nú almenningur að fara að vorkenna Jóhannesi karlgreyinu, svo sátt náist um að afhenda honum aftur Haga?

[Guðmundur Júlíusson, 26.2.2010 kl. 23:49]

Það er alveg ljóst að þetta viðtal í DV er sviðsett til að gera Jóhannes Jónson aumkunarverðan og einnig til að honum, kannski öðlist vorkunn lesenda eftir ömurlega umfjöllun síðustu daga.

[Viskan (IP-tala skráð) 27.2.2010 kl. 12:09]

Ef ykkur langar að rifja upp fortíðina þá setti Davíð fram svokallað "fjölmiðlafrumvarp".... ég var ekki sammála honum, vorkenndi Jóhannesi í Bónus og syni hans gríðarlega....

en í dag er ég að fá svo rosalegan rassskell að hálfa væri nóg...

[Viskan (IP-tala skráð) 27.2.2010 kl. 12:13]

En frábært hjá þér að "nenna" að standa í þessu, því ærumeiðingar og persónuniðurlægingar eru DV ær og kýr... hef reynslu af því !!!!

[Jón Pétur Líndal, 27.2.2010 kl. 16:01]

Drottingarviðtalið við Jóhannes dó eiginlega um leið og það birtst. Fréttir um feluleik með húsið hans á Flórída varpa miklu skýrari sýn á hugarheim Jóhannesar í Bónus en drottningarviðtalið við hann. En það var auðvitað líkt DV að reyna að standa sig í stykkinu fyrir hönd aðstandenda sinna með þessu viðtali.