Hvar er kjötið mitt?

Stuttu fyrir hrun hringdi fulltrúi frá einkabankaþjónustu Landsbankans í mig og bauð mér kjöt til sölu, þ.e.a.s. lifandi nautgripi sem síðar yrðu kjöt til neyslu.  Lagði hann til að ég keypti nautakjöt fyrir 4 milljónir og sagði þetta gulltryggða fjárfestingu. Þetta væri svo pottþétt dæmi að hann gæti ekki séð hvernig væri hægt að tapa á þessu.  Ég myndi koma út kem stórgróða líklegast fjórfaldan hagnað!

Ég benti manninum á að Bretar hefðu nú þurft að urða mikið magn af nautakjöti eftir sýkingu sem kom upp þar í landi.  Þannig að það væri nú alltaf eitthvert risk í þessu. Við ákváðum að hann skyldi senda mér samning uppá eina milljón í kjötfjárfestingu.

Síðan kom samningurinn. Svo flókinn og furðulegur. Ekkert minnst á kjöt í þessum samning. Þannig að ég skrifaði aldrei uppá þetta plagg. Þeir tóku samt milljónina af bankareikningi. En kjötið hef ég aldrei séð? Hvar er þetta kjöt niðurkomið í dag? Gufaði það bara upp með peningunum?

Banna ætti flóknar fjármálaafurðir

Athugasemdir

[Offari, 29.1.2010 kl. 16:17]

Ertu að bjóða okkur í grillveislu?

[Ástþór Magnússon Wium, 29.1.2010 kl. 18:09]

Ætli það yrði ekki frekar loftkennd steik sem yrði á borðum. Nema yfirvöld fari að stinga þessum grjónum inn og sækja þýfið úr bönkunum. Kannski þeir geti fundið kjötið mitt og þá skal svo sannarlega efnt til veislu að fornum sið.

[Jón Steinar Ragnarsson, 29.1.2010 kl. 23:13]

Tek  þessu sem augljósri líkingu og þar hittir hún gersamlega í mark. Akkúrat svona störfuðu þessir menn óáreittir á nokkur ár og nú er varla ketbolla í landinu.

Þessir menn eru svo ráðnir í tiltektina og til að vera dómarar og böðlar í málum hhinna sviknu, en standa sjálfir ofar lögum og dómi.