Lokum sendiráði Bandaríkjanna í Reykjavík

Ég skora á Utanríkisráðherra að kalla sendiherra bandaríkjanna á sinn fund og krefjast þess að hann loki sendiráði sínu í Reykjavík og fari með sitt hafurtask til síns heima.  Verði það ekki gert innan 7 daga muni lögreglan loka sendiráðinu og byggingar þess þjóðnýttar af Íslensku þjóðinni.

Við getum ekki sætt okkur við njósnaútibú bandaríkjanna við Laufásveg í Reykjavík. Þetta kemur fram í fréttum stórblaðsins Guardian í kvöld um Wikileaks skjölin: "The cables published today reveal how the US uses its embassies as part of a global espionage network, with diplomats tasked to obtain not just information from the people they meet, but personal details, such as frequent flyer numbers, credit card details and even DNA material."

Wikileaks birtir skjölin

Svikulir þingmenn

Hefð hefur skapast á Íslandi fyrir því að þingmenn svíki kjósendur sína.  Meira en 90% kosningaloforða eru svikin.

Hrossakaup á Alþingi settu þjóðina á hausinn. Hægri og vinstri snú sérhagsmunapotara á kostnað þjóðarinnar er venja frekar en undantekning.

Aðeins ein leið er til að breyta þessu. Beint og milliliðalaust lýðræði. Það hefur verið mitt helsta baráttumál síðan í forsetakosningum 1996. Þessvegna á ég erindi fyrir þig á Stjórnlagaþing.

Ástþór Magnússon 7176 til Stjórnlagaþings
www.facebook.com/lydveldi

 

Forsetinn snýst gegn bönkunum

Viðtal í Harmageddon - Ýmsir áhugaverðir púnktar!

Var að setja myndband úr Harmageddon inná nýju Facebook síðuna.  Margir ágætir púnktar í þessu viðtali. Hressir strákar þarna á Harmageddon!

Hér er slóðin: 

http://www.facebook.com/lydveldi?v=app_4949752878

www.facebook.com/lydveldi

Ráðist að grunnstoðum

Svar til kjósanda

Hulda sendi mér fyrirspurn: Vona að þú reiðist ekki framhleypninni í mér með að senda þér þessar línur. En mig langar að spyrja þig um fáein atriði sem mér finnast ekki koma nógu skýrt fram á klausunni um þig til að auðvelda mér kosninguna þann 27þm Því það ER virkilega erfitt að velja fólk til þessara starfa sem maður veit engin deili á. Ég ER bara að biðja um ein falt já eða nei engar útskýringar þær geta komið seinna

 

Vilt þú að verndun íslenskrar tungu sé tekin fram í stjórnarskrá 

Vilt þú efla vald forseta 

Viltu þú styrkja málskotsrétt forsetans 

Vilt þú afnema fiski kvótann / mjólkurkvóta  

Vilt þú breyta trúarvenjum okkar 

Vilt þú fleiri álver og líkar stórframkvæmdir 

Vilt þú Vera í efnahagsbandalaginu 

Vilt þú taka upp annan gjaldmiðil 

Vilt þú fjöl þjóðlegt samfélag 

Vilt þú Vera í schengen

 

Ég veit að stjórnlagaþingið snýst ekki um þessi atriði. En þau hjálpa mér að velja  fólkið  á þingið

Takk fyrir að líta á þetta blað. Gangi þér vel. kveðja Hulda

Kæra Hulda,

Öll málin sem þú spyrð um eru að mínu mati of stór og mikilvæg fyrir framtíð þjóðarinnar til að nokkrir einstaklingar valdir í fyrstu persónukosningum þjóðarinnar geti leyft sér að möndla með uppá eigin spýtur. 

Höfum við ekki fengið nóg af slíkri úreltri stjórnmálafræði eftir að horfa uppá misvitra fulltrúa á Alþingi taka kolrangar ákvarðanir með flokkadrætti og sérhagsmunapot í stað velferð þjóðarinnar að leiðarljósi?

Ég er í framboði til Stjórnlagaþings því ég vil færa valdið til fólksins í landinu. Ég vil koma hér á beinu og milliliðalausu lýðræði þar sem réttur einstaklingsins er virtur sem hluti af ákvarðanaferli stjórnsýslunnar.

Það hlýtur því að liggja í hlutarins eðli fái ég stuðning þjóðarinnar til Stjórnlagaþings, að þjóðaratkvæðagreiðslur skeri úr um þau mál sem þú spyrð um eins og mörg önnur.

Með kveðju

Ástþór Magnússon Wium

Framboð 7176 - www.austurvollur.is/thor 

LÍKA á Facebook.com/lydveldi

Þessvegna er ég þinn maður á Stjórnlagaþing

Ég er trúr minni hugsjón um nýtt og betra Ísland. Enginn kaupir mig. Enginn þaggar niður í mér. Ég hætti ekki fyrr en ég hef unnið mitt verk eða kominn undir græna torfu.

Ég sá spillinguna sem gerjaðist undir yfirborðinu fyrr en nokkur annar. Ég var ómyrkur í máli strax árið 1996 er ég sagði í aðdraganda forsetakosninga að landinu væri "stjórnað af huldumönnum sem væru að arðræna þjóðina". Kallaði stjórnmálaflokk "Spilltasta greni landsins".

Ég sagði fjármálakerfið ónýtt, bankar og kauphallir myndu hrynja eins og spilaborg.

Á mig var ráðist úr öllum áttum. Reynt að gera boðskap minn tortryggilegan í fjölmiðlum. Skopmyndir birtar. Augu mín sem sáu spillinguna gerð tortryggileg. Kettir sagðir hlaupa undir sófa er ég birtist í sjónvarpi. Keisarinn í nýju fötunum reyndi að þagga niður óþægilega gagnrýni.

Nú þarf ég þinn stuðning að komast á Stjórnlagaþing með þá hugmyndafræði sem ég hef unnið með í hálfan annan áratug m.a: Beint lýðræði. Skilvirkari stjórnsýsla og fækkun þingmanna. Þjóðin njóti sjálf arðs auðlinda. Ísland verði málsvari friðar og tjáningarfrelsis. Réttlæti í öndvegi og fátækt útrýmt. 

7176 Ástþór Magnússon Wium - Þinn maður á Stjórnlagaþing
Heimasíða: www.austurvollur.is/thor
LÍKA á www.facebook.com/lydveldi

Níðskrif öfgamanns. Ruglar Stjórnlagaþingi við sýndarveruleika geimsjóræningja

Frambjóðandi 9035 Brynjólfur Sveinn Ívarsson skrifar áfram níð um mig á DV bloggið og Facebook nú með þessum ummælum í dag:

"Ástþór Magnússon er landsþekktur rugludallur og að meiri gagnrýni en raun ber vitni hafi ekki komið fram á hann er vottur um heigulskap frambjóðenda."

Eins og fram kom í svargrein minni við níði Brynjólfs í gær aðhyllist hann öfga-hægri stefnu og styrkti á dögunum framboð skoðanabræðra sinna í bandaríkjunum með peningaframlagi í skiptum fyrir að fá Facebook "LIKE"´s frá USA inná framboðsíðu sína til Stjórnlagaþings.

Í grein sinni segist Brynjólfur hafa leiðst útí níðskrifin því honum "fannst umræðan vera svakalega dauf og ákvað að blása smá lífi í hana".

Brynjólfur virðist rugla Stjórnlagaþingi saman við sýndarveruleika en hann segist í video framboðskynningu sinni starfa sem geimsjóræningi í leiknum Eve Online.

Í grein Brynjólfs fyrr á árinu sagði hann ákvæði 76.grein stjórnarskrárinnar um að veita bæri öllum sem þurfi aðstoð á að halda vegna sjúkleika, örorku, elli, atvinnuleysis, örbirgðar ekki samrýmast hugmyndum frjálshyggjumanna eins og sjálfs sín.

Ég er nýkominn frá Argentínu. Tók þar meðfylgjandi ljósmynd. Þar þurfa margir fátækir að lifa undir slíku kerfi sem Brynjólfur boðar og í bókstaflegri merkingu að éta það sem úti frýs. Þúsundir svangra barna og gamalmenna gista götur Buenos Aires undir berum himni á hverri nóttu.  

Mikilvægt er að missa ekki jarðtengingu og nota nú það tækifæri sem Stjórnlagaþing veitir okkur til að skrifa nýja stjórnarskrá sem tryggi jafnan arð allrar þjóðarinnar af auðlindum sínum. Tími öfgamanna, flokkadrátta og sérhagsmunapots í stjórnmálum er lokið.

Framboð 7176 til Stjórnlagaþings: www.austurvollur.is/thor
Viljir þú senda FACEBOOK LIKE´s: www.facebook.com/lydveldi

p.s. Hér er myndband Brynjólfs þar sem hann segist starfa sem geimsjóræningi. Í níðgrein dagsins á DV virðist Brynjólfur hafa gleymt hvað hann skrifaði áður um aðstoð til fátækra og sjúkra. Hér getur Brynjólfur lesið þann boðskap sinn aftur.

Skæruliði vill kaupa sig inná Stjórnlagaþing með stuðningi bandarískra öfga hægrimanna

Brynjólfur Sveinn Ívarsson, 23ja ára nemi í stjórnmálafræði er útsendari hægri öfgamanna inná Stjórnlagaþing.

Þessvegna reynir hann nú að grafa undan mínu framboði með níðskrifum. Á bloggsíðu DV setur þessi ungi frambjóðandi mig í flokk með 4 öðrum sem ekki meigi kjósa og hefur um mig þessi orð:

"2) Ástþór Magnússon Wium – Það er nóg að nefna hann á nafn, við þekkjum hann öll. Það má einfaldlega ekki gera það þeim sem eru kosnir að þurfa að sitja undir fíflalátunum og röflinu í honum svo mánuðum skipti." 

Brynjólfur og félagar hræðast mitt framboð til Stjórnlagaþings. Ég vil færa valdið til þjóðarinnar og tryggja velferð til handa öllum en það samrýmist ekki hugmyndafræði Brynjólfs sem vill áframhaldandi rányrkju útrásarvíkinga og fátækir éti það sem úti frýs. Sem formaður Frjálshyggjufélagsins skrifaði Brynjólfur grein um stjórnarskrá Íslands og segir: "Þá samræmist ákvæði sjöunda kaflans um að löggjafarvaldinu beri að gera ráðstefannir til að veita ,,Öllum, sem þess þurfa, skal tryggður í lögum réttur til aðstoðar vegna sjúkleika, örorku, elli, atvinnuleysis, örbirgðar og sambærilegra atvika” ekki hugmyndum frjálshyggjumanna (76. grein)"

Í grein sinni segir Brynjólfur að tryggja verði setu frjálshyggjumanna á stjórnlagaþingi og þangað ætlar hann til að standa vörð um gamla spillta kerfið.

Til þess sækist Brynjólfur eftir stuðningi bandarískra hægri-öfgamanna og skrifar þetta á Facebook síðu samtakanna:  "Sorry to bother you Americans with European affairs. But I am running for the constitutional congress of Iceland with the aim of giving it a really good constitution like the US. Despite the request from Ron Paul not to support his candidacy from abroad with contributions, I couldn't resist ...giving him $5. I'm a stau...nch... supporter of your cause, I'm 23 years old, have traveled 7 times to America. And I only need like 600 likes on Facebook to become the most liked candidate on Facebook. Which has got some of the 523 people running for it into the news. If you want to support your Libertarian brothers in Iceland, please like the page provided in the link. Thank you and wish you all the best and god bless!"

Semsagt Brynjólfur Sveinn Ívarsson ætlar að vinna kosningar til Stjórnlagaþings með því að kaupa Facebook LIKE´s frá USA.  Næst vill hann líklegast möndla Íslensku stjórnarskrána til að tryggja öfgafullum flokksbræðrum sínum í bandaríkjunum fullan atkvæðisrétt í kosningum á Íslandi? 

Ástþór Magnússon Wium
Framboð 7176 til Stjórnlagaþings: www.austurvollur.is/thor

Jólasveinar í Efstaleiti

Mikil umræða er nú meðal frambjóðenda hver getur afhent sameiginlega yfirlýsingu til RÚV. Samkvæmt nýjum "pólitískum reglum" RÚV tala þeir við enga frambjóðendur fram að kosningum.

RÚV tekur hinsvegar við auglýsingum og peningum frambjóðenda í stað þess inna af hendi lögboðið upplýsingahlutverk ríkisfjölmiðlana.

RÚV ritskoðar síðan auglýsingar frambjóðenda og vill ráða "spurðu svo og sagði svo". Auglýsingar jólasveina virðast t.d. algerlega bannaðar á RÚV.

Ég er með lausn á því vandamáli frambjóðenda hvern á að senda í Efstaleiti með yfirlýsingu.

Í tilefni af því að jólin nálgast, legg ég til að einhver klæðist rauða spjaldinu og mæti sem Jólasveinninn í Efstaleiti til að afhenda yfirlýsinguna. Enda er það mest viðeigandi að jólasveinn afhendi þessum jólasveinum á RÚV þessa yfirlýsingu.

Því miður er ég staddur erlendis og get því ekki mætt hvorki sem jólasveinn né sírenuvörður í þetta sinn til RÚV, en það eru margir aðrir ágæti jólasveinar á jöflaeyjunni. Svo er auðvitað borgarstjórinn með trúðs nefið sem aldrei var í banni RÚV enda svínvann borgarstjórastólinn.

Hér eru sjónvarpsauglýsing send til RÚV:
http://www.youtube.com/watch?v=_Tb3qlebTB8

Hér er ávaxtaveisla á RÚV:
http://www.youtube.com/watch?v=ORwkC8kqGLM&feature=player_embedded

Bloggfærsla: http://lydveldi.blog.is/blog/lydveldi/entry/1116476/

Ástþór Magnússon
Framboð 7176 til Stjórnlagaþings: www.austurvollur.is/thor

Borgarstjóri með rautt nef

Gjafir til RÚV - Reiðir frambjóðendur í undirkriftarsöfnun

Eplapoki, ein vesæl appelsína og peningaplokk RÚV er meðal þess sem rætt verður á  www.borgarafundur.is í kvöld mánudaginn 15 nóvember kl. 20:00.

Fjörugar umræður fara nú fram á netinu meðal frambjóðenda til Stjórnlagaþings um lélega frammistöðu RÚV og auglýsingatilboð sem flestum frambjóðenda finnst smekklaust peningaplokk. Hneikslaðir frambjóðendur hafa sett á stað undirskriftarsöfnun og ætla að afhenda útvarpsstjóra yfirlýsingu þriðjudag.

Fleiri hundruð frambjóðendur eru nú að kynnast dæmalausum vinnubrögðum RÚV í fyrsta sinn. Ég hef hinsvegar kynnst þessu áður. Vakti m.a. athygli á vandamálinu þegar ég mætti með fullan eplapoka og eina appelsínu í beina útsendingu eftir síðustu alþingiskosningar.

Ávaxtaveislan í sjónvarpssal sýndi með myndrænum hætti mismunun RÚV gagnvart tveimur nýjum framboðum. Borgarahreyfingin fékk stuðning Egils Helgasonar og annarra starfsmanna ríkisfjölmiðlanna, Lýðræðishreyfingin var útilokuð frá Silfri Egils, sniðgengin og afskræmd af hálfu starfsmanna Ríkisútvarpsins. Hávaðasöm mótmæli og heimsókn til Lögreglustjórans í Reykjavík þurfti t.d. til að fá vefslóð Lýðræðishreyfingarinnar inná kosningavef RÚV.

http://www.youtube.com/watch?v=ORwkC8kqGLM&feature=player_embedded

Kosningar til Stjórnlagaþings eru fyrsta tilraun hér á landi til persónukjörs. Yfirgnæfandi meirihluti þjóðarinnar vill taka upp beinna lýðræði og persónukjör. Það er því sorglegt að horfa uppá stjórnendur RÚV gera í buxurnar í þessum sögulegu kosningum.

En hér er hvernig þú kemst í Silfur Egils. Beint inní miðjan þáttinn en þar er auglýsingahólf:

http://www.youtube.com/watch?v=_Tb3qlebTB8

Hér er hægt að tilkynna þátttöku í borgarafundur.is
http://www.facebook.com/event.php?eid=161621590543430

Stjórnmál á steinaldarstigi

Ætli afkomendur okkar eigi ekki eftir að horfa til baka á Ísland í dag og furða sig á því hvernig þjóðin gat kosið yfir sig aftur og aftur stjórnmálamenn á steinaldarstigi?

Hvernig við létum steinaldarmenn eins og Finn Ingólfsson ryksuga upp peninga úr hirslum almennings til að mylja undir félagana í spilltasta greni landsins, Framsókn og S-vindl hópnum.

Ég las drottningarviðtal við grátandi Finn í Fréttatímanum. Samkvæmt því viðtali virðist hann bara hafa týnt peningana af trjánum í garðinum hjá sér og segist lítið eiga í Frumherja, fyrirtækinu sem ég hef lagt til að verði eitt þeirra sem við þjóðnýtum til að endurheimta stolna þjóðargullið.

Þannig að ég hringdi í Frumherja og ræddi þar við tvo starfsmenn. Þeir vissu lítið um eignarhaldið á fyrirtækinu sem þeir starfa hjá, höfðu aldrei hitt Finn svo þeir muni en fullyrtu að ekkert gruggugt væri undir þeim. Enginn gat Fundið mér símanúmerið Finns þannig að ég Fann ekki Finn.

Þannig að ég sendi tveimur stjórnendum Frumherja þetta bréf og bíð nú eftir svari:

Tilefnið er viðtalið við Finn Ingólfsson í Fréttatímanum í dag. Í framhaldi af samtali okkar um eignarhaldið á Frumherja bið ég um eftirfarandi upplýsingar vegna blaðagreinar sem ég er að skrifa:

1. Hverjir eru eigendur Frumherja ehf. Ef það er eignarhaldsfélag, hverjir eiga það eignarhaldsfélag?
2. Hvað lögðu núverandi eigendur mikla fjármuni í Frumherja ehf og hver er uppruni þeirra fjármuna sem núverandi eigendur notuðu til að yfirtaka Frumherja ehf?
3. Starfar einhver eigendanna við Frumherja ehf, ef ekki hvað/hvar starfa þeir?
4. Eru eigendur Frumherja ehf jafnframt í öðrum viðskiptum? Hver eru þau viðskipti?
5. Hvernig tengjast eigendur Frumherja ehf Framsóknarflokknum, VÍS og Gift?
6. Hvað er Frumherji Invest ehf?
7. Hversvegna hefur ársreikningum ekki verið skilað fyrir Frumherja ehf og Frumherja Invest ehf?

Með kveðju
Ástþór Magnússon

Tími til kominn að varpa spillingunni á dyr? Komast af steinaldarstiginu?
Kynntu þér framboð 7176 til Stjórnlagaþings: www.austurvollur.is/thor

	Ættflokkur á steinaldarstigi
Ábyrgðarmaður færslu Tenging við þessa frétt hefur verið rofin vegna kvartana.