Bankaræningjann Ólaf Ólafsson í gæsluvarðhald og eignafrystingu STRAX!!!

Að reyna að troða því bulli í þjóðina að hlutabréfaviðskipti í Kaupþing hafi farið í gegnum Jómfrúreyjar vegna "skattahagræðingar" er bara hálf sagan.

Hinn hluti falsmyntarinnar er blekkingin sem Ólafur setti á svið til að spila á almenna hluthafa bankans, þjóðina og stjórnvöld.

Ef slíkt peningaþvætti eins og þarna átti sér stað varðar ekki við lög hérlendis, þá þarf að setja slík lög (sem allar siðmenntaðar þjóðir hafa) STRAX Í DAG OG SÆKJA ÞENNAN FJÁRGLÆFRAMANN OG HANS EIGNIR EINS OG SKOT!!!

Blekkingarvefur Ólafs Ólafssonar hefur meira en hjálpað til að setja þjóðina á hausinn og draga orðstír okkar þannig í svaðið að heiðarleg Íslensk fyrirtæki geta varla átt eðlileg viðskipti á erlendri grund í dag vegna vantrausts erlendra viðskiptavina og hræðslu þeirra við að senda peninga til landsins.

Ég er í dag í Hollandi og þar segja þeir Ísland vera svikamylluland því ekkert hafi breyst, þarna séu enn sömu stjórnendur, sömu bankarnir og fingralöngu fjárglæframennirnir gangi enn lausir.  

Ólafur Ólafsson í Samskipum grenjar um það í fjölmiðlum að hann sé "dreginn inn í svaðið sem fjárglæframaður".  En þetta er nákvæmlega það sem þessi maður er, einn stórtækasti fjárglæframaður okkar tíma.

Kaup Ólafs og félaga á Búnaðarbankanum var einnig byggt á blekkingarvef og bankanum í raun stolið af þjóðinni. Sama sjónhverfingabullið var með sambandsfyrirtækin sem Ólafur sölsaði undir sig með siðlausum stuðningi úr spilltasta greini landsins, Framsóknarflokknum. 

Trúverðugleiki Íslensku þjóðarinnar og viðskiptavild erlendis á sér ekki viðreisnarvon fyrr en búið er að taka helstu glæpamennina úr umferð. Nú er komið að skuldadögum bankaræningjans Ólafs Ólafssonar. Starfsmenn Ríkislögreglustjóra:  Sækið þennan mann og hans eignir STRAX!!!

Athugasemdir

[Samstöðuvörðurinn (IP-tala skráð) 20.1.2009 kl. 00:55]

Svona líkar mér við þig Ástþór - hættu nú að skemma mótmæli annara og stofnaðu til þinna eigin - bara ekki á sama tíma og aðrir eru með sín. Það er nú fair, er það ekki?

[Jens Sigurjónsson, 20.1.2009 kl. 01:00]

Sammála þér, það verður að taka þetta lið strax úr umferð.

Bestu kveðjur

[Sigfús Axfjörð Sigfússon, 20.1.2009 kl. 01:21]

Já hvar er lögreglan, hvar er eftirlitið, hvar eru allir?   Fínt innslag hjá þér Ástþór!

[Jónas Jónasson, 20.1.2009 kl. 01:40]

Lovethor best!

[Offari, 20.1.2009 kl. 08:26]

Mikið er ég sammála þér núna. Ég er líka sammála samstöðuverðinum það á ekki að mótmæla mótmælum þótt mönnum líki ekki skoðanir þeirra því okkur vantar samstöðu um sameiginlegar skoðanir. Það er okkar allra hagur að Ísland fá aftur traustan grunn. Fyrr er ekki hægt að byggja upp aftur.

[Sigurjón Þórðarson, 20.1.2009 kl. 09:42]

Sammála það gengur ekki að stjórnvöld horfi fram hjá svikamyllunni á sama tíma og Samfylkingin og Sjálfstæðisflokkurinn setja sýslumanninum á Suðurlandi í þau verk að handtaka 370 manns.

[DoctorE (IP-tala skráð) 20.1.2009 kl. 11:05]

Það er soldið fyndið að lesa um að ungir drengir hafi verið handteknir fyrir að stela kókosbollum... en þeir sem rændu heila þjóð eru undir verndarvæng Geirs og ISG
Er ísland ekki frábært.... ekkert minna en bylting fólksins mun koma lagi á þetta rugl

[Sigurbrandur Jakobsson, 20.1.2009 kl. 11:24]

Það yrði góður dagur þegar að því kæmi að gefin yrði út handtökuskipun á einhvern þessara manna sem bera fulla ábyrgð á bankahruninu og afleiðingum þess. Það er merkilegt og stórskaðlegt að þeir skuli enþá fá að valsa um lausir eins og ekkert hafi í skorist.

[Julius kristjansson (IP-tala skráð) 20.1.2009 kl. 14:21]

Sæll Þór og aðrir,,Máli jóns var enfaldlega hent út,eftir ordum að ofan.Það átti að dæma Jón fyrir að selja fyrir tæki sitt hér á landi til dóttur fyritækis hanns í bretlandi,á slikk,Sama hefur viðgeingist varðandi skip og flugvér,undan farna áratugi,skip keipt til landsins,eða smíðuð fyrir íslensk fyrirtæki,fyrir góðan pening,jafnvel á mklu yfir verð,síðan seld dóttur eða skúffu fyrirtækjum erlendis fyrir slikk,sem þíðir kærkomið tap.Það vita allir kvaða fyrirtæki stóðu eða standa i þesskonar busnes..eigenda skifti urðu,skindilega á þessum fyrirtækjum,þegar ,Ónefndur núveradi bankastjóri í geðv kasti lét lögguna hjóla í Jón Ólafsson...reindar sínist mér 2+2 ekki alltaf vera 4 núorðið,þannig að þetta er kannski bara bull hjá mér

[Ransu, 20.1.2009 kl. 16:58]

Það er hollendingum líkt að nota "myllu" sem líkingarmynd. Svo fer myllan líka alltaf sama hringinn eftir vindi.

Fínt innlegg og flott útskýringamynd á peningaþvotti.