Sjálfstæðismenn óttast að verða bornir út af "Lokuðum-borgarafundi"

Auðvitað mæta fulltrúar Sjálfstæðisflokksins ekki á "Lokaðan-borgarafund" Gunnars leikstjóra því þar hefur skapast hefð fyrir því að bera út lýðræðissinna, jólasveina og aðra sem kommum þykja kynlegir kvistir.

Hólmdís Hjartardóttir skrifar á bloggið: "Það hrópaði á mann að sjálfstæðisflokkurinn einn flokka skyldi hunsa þennan góða fund.  Sá flokkur telur sig sennilega ekki eiga neitt vanrætt við skrílinn"

Sjálfstæðisflokkurinn var byggður upp á kjörorðunum "Sameinaðir stöndum vér - sundraðir föllum vér". Með þessi orð Jóns Sigurðssonar forseta að leiðarljósi komst flokkurinn til valda og verið lengur við völd en nokkur annar. 

Sovét-fasistarnir sem stóðu fyrir fundinum í Háskólabíó í kvöld skilji hinsvegar ekki slíkar dyggðir. Þeir eru flínkir leikstjórar sem blekkja þjóðina með pólitískum leiksýningum í Iðnó, Háskólabíó og diskótekinu Nasa þar sem þeir trylla upp skrílsdansinn um kommúníska drauma Steingríms J. og troða um leið lýðræðinu og tjáningarfrelsinu í ræsið.

Auðvitað geta kjörnir fulltrúar þjóðarinnar ekki tekið alvarlega slíka fundi sem haldnir eru undir vernd fleiri tuga vöðvafjalla eða öryggisvarða sem hafa það eitt hlutverk á fundunum að bera út lýðræðissinna sem þangað vilja koma.

Á meðan aðstandendur Opins borgarafundar og Radda (Harðar Torfasonar) fólksins vinna eftir slíkum sovésk-fasískum uppskriftum við skipulagningu og framkvæmd fundanna sem raun ber vitni, eru þetta og verða marklausar kommasamkomur sem munu á endanum sundra okkur í stað þess að sameina þjóðina um nýtt lýðveldi eins og kommaritið NEI galar um á netinu.

Ég vona að aðstandendur þessara funda standi við eitthvað af því sem þeir hafa sagt í sjónvarpi í stað þess að hafa þjóðina áfram að ginningarfíflum.  Skora á ykkur að lesa þetta: Opið bréf til Harðar Torfasonar

Nokkrar greinar um þetta mál:

10.1.2009 | Áhugaverður útvarpsþáttur um Opinn borgarafund og jólasveininn

8.1.2009 | Kommúnistar báru jólasveininn út af Opnum borgarafundi

4.12.2008 | Borinn út af borgarafundi. Þjóðin blekkt með leikstýringu.

5.1.2009 | Hvar á ég heima? Grein um pólitíska hugmyndafræði sem þarfnast skýringa.

3.1.2009 | Kommúnískum áróðri troðið í 8 ára barn

Fullur salur í Háskólabíó

Athugasemdir

[Flakkarinn (IP-tala skráð) 13.1.2009 kl. 09:30]

Góði, af hverju hættir þú ekki bara? Ferð kannski á einhver lyf? Eða ertu kannski á þeim og þau greinilega ekki nógu sterk?

 Þú ættir bara að sjá hvernig þú skrifar!!!

Ef menn vilja betri heim, þá byrja þeir á að endurskoða sjálfan sig. Ef menn horfa í blindni, og horfa aðeins á það sem aðrir gera ragnt, þá er það ekki von á góðu.

[Ástþór Magnússon Wium, 13.1.2009 kl. 09:39]

Aðeins kommum finnst það rangt. Það eru nú "Meiru veruleikafyrrtu bjánarnir" svo ég noti nú orðalag úr þinni eigin grein um Sjálfstæðisflokkinn, hér um þig og þína félaga, sem halda að nýtt Ísland verði byggt á grímuklæddum mótmælendum og borgarafundum að sovét-fasískri fyrirmynd.

[Heimir Lárusson Fjeldsted, 13.1.2009 kl. 10:01]

Málefnin öllu ofar hjá Flakkaranum ;)

[Flakkarinn (IP-tala skráð) 13.1.2009 kl. 10:08]

Viltu segja mér hvað sé fasískt við mótmælin, ef þú undanskilur það að þú hafir verið borinn út sjálfur, maður sem er eins mikill friðarspillir, þó hann kenni sig við frið, og þú ert, og þessa svartklæddu - sem er alls ekki fyrirmynd þessara mótmæla heldur - með þetta tvennt tekið út, hvað finnst þér fasískt við mótmælin??

Margir sjálfstæðismenn eiga ýmislegt sameiginlegt með þér. Meðal annars þessi frasi sem þú tókst af síðunni hjá mér. Eitt er að vera reiður vegna stórfurðulegra atvika sem gerast fyrir tilstilli flokks sem hér hefur ráðið ríkjum í svona mörg ár, og að vera með áróður gegn risastórum hóp af fólki sem reynir að hafa áhrif samfélagið, áróður sem þú ert í. Þú ert greinilega afbríðisamur vegna allrar umfjöllunarinnar sem mótmælendur fá, en það er stór munur á mannfylli á Austurvelli og einum manni sem spangólar hatursorð til flestra ef ekki allra, pólitískra og ópólitískra.

 Það merkilegasta finnst mér, að þú skulir vera að mælast á móti þessum grímuklæddu einstaklingum, sem voru þeir einu sem vildu leyfa þér að tala á borgarafundinum hér  um daginn.

[Ástþór Magnússon Wium, 13.1.2009 kl. 10:31]

Flakkari, ég get ekkert "undanskilið" það ég ég sé borinn út af fundi.

Þetta mál snýst ekkert um mig sem eina persónu. Þetta snýst um grundvallarreglur lýðræðis og tjáningafrelsis sem er fótum troðið af skipuleggjendum þessara funda.

Ég er hvorki reiður né afbrýðissamur, en hef áhyggjur af því að verið sé að draga okkar þjóð á asnaeyrunum, fyrst af útrásarvíkingum sem settu hana á hausinn og nú af kommúnistum sem virðast ætla að laumast hér til valda á fölskum forsendum.

[Flakkarinn (IP-tala skráð) 13.1.2009 kl. 10:47]

Ástþór: Það er rétt hjá þér, að margir vinstri menn reyna að koma sér til valda, sem fyrst því þeir vilja komast inn á réttum tíma og eru ef til vill að misnota sér svolítið aðstöðu sína. En sagan endurtekur sig alltaf, sama hvort um er að ræða hægriflokka eða vintriflokka. T.a.m. hefur vinstristjórn aldrei haldið, en það er líka vegna þess að þeir hafa vanalega þurft að taka við þrotabúi hægrimanna - svo skjóta hægrimenn á vinstri fyrir að hafa lagt allt í rúst, þegar raunin er að þeim e.t.v. tókst ekki að reisa landið úr rústunum.

 Vinstri menn eru ekki aðeins fasistar. Reyndar ættir þú ekki að koma með þá alhæfingu að "kommar" (á Íslandi eru reyndar afskaplega fáir kommar - heldur sósíaldemókratískt fólk - líkt og Obama og Clinton) séu fasistar - ég á afskaplega erfitt að sjá að ef vinstristjórn kæmist til valda væri það eitthvað líkt og á Kúbu, Rússlandi og Kína, heldur frekar eins og í Danmörku. Finnst þér Danir fasistar?

Svo ég taki dæmi um hægrifasista. Finnst þér stjórn Bush hafa verið með fasistastjórn? Ég myndi allavegana telja það ansi nálægt því - miðað við aðrar vestrænar þjóðir. Svo ef þú vilt lesa um annan hægrifasisma þá bendi ég þér á "Hús Andanna" eftir Isabel Allende - skáldsaga byggð á sönnum heimildum um sögu Chile í gegnum aldanna rás þar sem hún endar á valdaráni Pinochet og hans hægrimanna, gegn manni sem vildi hjálpa þeim sem minna máttu sín en allt var gert til að koma í veg fyrir það. Mín uppáhalds bók og ég mæli með henni, fyrir þig.

[Ástþór Magnússon Wium, 13.1.2009 kl. 11:11]

Flakkari, þú áttar þig náttúrlega á því að þú ert að hengja þig í útúrsnúninga frekar en að taka á málinu sem er að hjá ykkur.

En hvað um það, mér finnst ekkert líklegra en að hér skapist ný Kúbustjórn ef við leyfum slíkum vinnubrögðum að grassera áfram eins og það að bera fólk eins og mig út af fundum sem vill koma á framfæri tillögum um lýðræðisleg vinnubrögð. En það er heila málið í þessu, þessi útburður hófst eftir að ég gerði tillögu um lýðræðislegri vinnubrögð.

Að sjálfsögðu tel ég Bush hafa verið ímynd fasista, og þessi maður á hvergi heima nema í fangelsi. Hann á að dæmast í fangelsi fyrir sína stríðsglæpi og þau brot á mannréttindum sem hann hefur staðið fyrir. Þá er rétt að geta þess að Bush afnam mikið af réttindum fólks í bandaríkjunum t.d. hvað varðar tjáningarfrelsi en sagðist vera að gera allt annað í sjónvarpi.

Ekki ólík hræsni eða tækni og Hörður Torfason og aðstandendur Opins borgarafundar hafa notað hér á okkar þjóð.

[Þórður Möller (IP-tala skráð) 13.1.2009 kl. 11:15]

Mikið rosalega ertu lítið málefnalegur Ástþór. Farðu nú að hætta þessari vitleysu.

[Ástþór Magnússon Wium, 13.1.2009 kl. 11:25]

Ég hætti ekkert fyrr en tekin eru upp lýðræðisleg vinnubrögð hér.

Á meðan notuð eru vinnubrögð að hætti sovét-fasískra kommúnista þá er full ástæða til að vara þjóðina við þessum samkomum.

Ég hef skrifað Herði Torfasyni opið bréf í sambandi við þetta mál og bíð eftir svari frá honum.

[Bjarni Hallsson (IP-tala skráð) 13.1.2009 kl. 13:45]

Farðu nú að hætta þessum skemmdarverkum Ástþór þú lætur eins og frekur krakki. Það túlkast ekkert annað en skemmdarverk hvernig þú ruddist inn á Borgarafundinn og heimtaðir að fá að halda ræðu þar sem þú varst ekki á meðal frummælenda né á pallborði. Og einnig getur þú ekki ætlast til þess þú fáir að spyrja spurninga á slíkum fundum bara af því að þú ert þú þjóðþekkt persóna, fyrir mér eru þessir fundir ætlaðir til þess að almenningur sem er ekki þekktur sem persóna í þjóðfélaginu fái að koma spurningum beint til ráðamanna eða annara sem skipa pallborðið hverju sinni. Hvað er svona ólýðræðislegt við það að farið sé eftir handaröð þeirra sem spyrja spurninga heldur enn að hleypa að þeim sem riðst inn á fund með látum? 300 til 2000 manns komast aldrei allir að á 2 tíma fundum, svo þú hlítur að átta þig á því að það er bara eðlilegt að stórhluti fólks kemmst ekki að með sínar spurningar.

Af hverju ferðu ekki sjálfur af stað og skipuleggur mótmæli eða fundi til þess að koma að því sem þér finnst skipta máli til þjóðfélagsins. Taktu nú grímuklæddu aktívistana þér til fyrirmyndar og boðaðu til mótmæla eða fundar að eigin frumkvæði þó að þú agnúist út í það fólk fyrir að bera grímur þá væri þér nú nær að gera það í stað þess að sitja við tölvuna og væla yfir því að þú fáir ekki að vera stjarnan á borgarafundum eða mótmælunum á austurvelli.

Hvað varðar Sjálfstæðismenn þá er nú frekar að þeir/þau hafi hræðst það að mæta þarna því þau hefðu þurft að heyra sannleikann og að þurfa að svara spurningum þar að lútandi.

[Ástþór Magnússon Wium, 13.1.2009 kl. 15:18]

Bjarni, þú hefur sleppt því að kynna þér málið sýnist mér. Ég ruddist ekkert bara inn á Borgarafundinn og heimtaði að fá að halda ræðu. Þetta átti sér langan aðdraganda sem ég hef rakið hér í öðrum greinum og sem þú getur lesið þig til um áður en þú kastar svona fúleggjum.

Þú virðist einnig ekki lesa eða geta komið inní þinn kommahaus að sundrung meðal þjóðarinnar er ekki það sem við þurfum á þessari stundu. Ég allavegana tek ekki þátt í því fyrr en í lengstu lög. Hversvegna breytið þið eða þeir sem standa að þessu ekki vinnubrögðunum og virðið lýðræðislegar leikreglur svo ekki þurfi að mótmæla mótmælunum?

Sjálfstæðismenn hafa kannski á margan hátt gert í buxurnar undanfarið í stjórn landsins, en auðvitað er þarna gott og skynsamt fólk innanum sem áttar sig á því að "Opinn borgarafundur" er í raun "Lokaður borgarafundur" eða pólitísk leiksýning eða kommasöngleikur sem á ekkert skylt við lýðræðislega umræðu. Þessvegna mæta þeir ekki.

[Ástþór Magnússon Wium, 13.1.2009 kl. 17:07]

Andri, ég er að berjast fyrir lýðræðislegri umræðu. Þú ert að beina gagnrýni þinni á rangan aðila, þú ert að gagnrýna þann sem hefur verið borinn út af fundum ofangreindra samtaka fyrir þær einu sakir að biðja um lýðræðisleg vinnubrögð.

Spurðu frekar hversvegna aðstandendur þessara funda vinna þetta ekki í sátt og samlyndi við alla aðila og með lýðræðið að leiðarljósi. Ég er tilbúinn að mæta hvenær sem er til að leiða þetta til sátta og í lýðræðislegan farveg.

Þú ættir einnig að spyrja þig fyrir hverja eru mótmælendur sem nota svona fasísk-kommúnískar aðferðir að starfa? Eru þeir að vinna fyrir kommaspillinguna?

[Ólafur I Hrólfsson (IP-tala skráð) 13.1.2009 kl. 20:37]

Það ætti nú bara að senda þig á viðeigandi stofnum Ástþór Magnússon, enda kæmistu í góðan félagsskap þar með hinum mótmælendunum.

Stjórnvöld hafa alls ekki í neinu brugðist, heldur er ástandið tilfallandi vegna hruns erlendra banka.

Gefðu bara stjórnvöldum vinnufrið og þá lagast ástandið. Það lagast ekki meðan að þú eða aðrir snarruglaðir mótmælendur komið fram í fjölmiðlum eins og sirkusdýr.

[Bjarni Hallsson (IP-tala skráð) 13.1.2009 kl. 21:09]

Ég þekki alveg nóg til forsögu þessara láta í þér gagnvart Borgarafundum Ástþór. Og sú forsaga gefur þér engann rétt til að ryðjast þangað inn með látum og heimtufrekju.

Ég er enginn kommi né heldur kem ég að skipulagi þessara funda eða Austurvallarmótmælanna.

Þitt framferði eins og þú viðhefur gagnvart Borgarafundum og Mótmælonum á austurvelli skapar einungis sundrung, þess vegna finnst mér að þú ættir að hætta þessum látum og í stað þess efna til funda/mótmæla af eigin frumkvæði því ekki veitir af að sem flestir geri sitt til að koma núverandi stjórnvöldum frá.

[Ástþór Magnússon Wium, 13.1.2009 kl. 21:38]

Bjarni, ef þú hefur ekki komið að skipulagningu á fundunum hversvegna ertu þá að taka til þín þetta með kommana?

Ég ítreka bara það sem ég hef áður haft eftir Jóni Sigurðssyni: "Sameinaðir stöndum vér, sundraðir föllum vér"

Einnig ítreka að ég hef sent Herði Torfasyni bréf og ekkert svar fengið. Ég er tilbúinn að mæta á sáttarfund um þessi mál hvenær sem er ef vilji er til að taka upp lýðræðisleg vinnubrögð. Þú ættir frekar að beina áskorunum þínum til þess fólks sem skipuleggur þessa fundi að taka í mína sáttarhönd.

En auðvitað ef það verður ekki gert má búast við að ég fari þá að ráðum þínum og mótmæli og tali á þann hátt sem þeir virðast vera að ögra mér til.