Þorir þjóðin að stíga skrefið?

Ég hef fylgst með því í einn og hálfan áratug hvernig atvinnupólitíkusar hafa spilað með þjóðina, fært fram kosningaloforð og síðan svikið flest þeirra.

Hvernig auðæfum þjóðarinnar hefur verið dreift til flokksgæðinga á kostnað almennings. Svokölluð "einkavæðing" Búnaðarbanka Íslands er eitt skýrasta dæmið um sukkið.

Ráðherra í ríkisstjórn Íslands notaði embætti sitt til að hagræða málum þannig að hann gæti síðan ásamt vinum sínum "keypt" bankann. 

Síðar er komið ljós að þetta var eitt stórt sýndarspil. Bankanum var einfaldlega stolið af þjóðinni og síðan notaður í einu stærsta fjársvikamáli okkar tíma. Þjóðin situr uppi með skellinn en ráðherrann fyrrverandi er nú eigandi stórfyrirtækis sem hann keypti fyrir stolnu peningana.

Við höfum stundum heyrt svipaðar sögur um misnotkun valds úr svokölluðum bananalýðveldum Afríku. Sjaldan tengt slíkt við "gamla góða Ísland".

Vandamálið liggur hjá þjóðinni sjálfri. Hjá kjósendum sem hafa hafnað nýjungum og kosið spilltu flokkana aftur og aftur. Hættan er sú að kjósendur velji fulltrúa þeirra inná Stjórnlagaþing.

Ég er í framboði til Stjórnlagaþings Nr. 7176. Ég vil varpa spillingunni á dyr fái ég til þess stuðning þjóðarinnar. Kynntu þér hugmyndir mínar á vefsíðunni: http://austurvollur.is/thor. 
Facebook: www.facebook.com/lydveldi

Góður andi á Þjóðfundinum