Frábært ferðatilboð sérstaks saksóknara til Sigurðs Einarssonar

Skemmtilegt að fylgjast með nýjum vinnureglum lögreglunnar. "Aðdáunarvert hvernig þeir spara" í rekstrinum með því einfaldlega að senda fólki email og biðja það að mæta í eigin handtöku.  Sumir myndu eflaust kalla þetta að henda þúsundkalli til að spara krónu.

Auðvitað er allt á fullu hjá sérstökum saksóknara en manni finnst hálf skondið hvernig einn af heimsins stærstu bankaræningjum er kurteislega beðinn að "flýta ferð sinni" til landsins. Ekki er ólíklegt að einangrunarvist bíði Sigurðar eins og annarra Íslenskra bankaræningja í fjögurra fermetra fangaklefa.  

Glæpagengið, sem telur um tuttugu einstaklinga, fær ítrekuð tækifæri frá Íslenskum yfirvöldum nú í nær tvö ár til að koma þýfi og gögnum undan. Þannig verður flóknara og erfiðara að sækja stolnu peningana sem jafnvel eru komnir í umferð aftur á Íslandi leppað í gegnum erlenda vogunarsjóði.

Meðan athygli er beint að fyrstu peðunum ganga bakmennirnir, Íslensku mafíósarnir enn lausir með þýfið úr bankaránunum og halda þjóðinni í heljargreipum um stærstu fyrirtæki landsins.

Einn aðalskúrkurinn segist ekki hafa verið boðaður í viðtal en sá lifir lúxuslífi erlendis og stjórnar um helming allra flutningastarfsemi til og frá landinu í gegnum fyrirtæki sem tengist bankaránunum með beinum hætti. Aðrir stjórna m.a. stærstum hluta allrar verslunar og símaþjónustu landsmanna.

Hversvegna allt þjófagengið var ekki handtekið strax verður mér sífellt meiri ráðgáta. Enn furðulegra að þessir menn séu ekki sóttir allir á sama tíma með aðstoð erlendra lögregluyfirvalda. 

Yfirheyrslur í Kaupþingsmáli halda áfram

Athugasemdir

[Hamarinn, 9.5.2010 kl. 22:52]

Hreiðar og Magnús buðust til að sitja inni, á meðan hinir hagræddu og eyddu síðustu gögnunum. Þetta er allt ein leiksýning.

[Dingli, 10.5.2010 kl. 11:04]

Hef verið að spyrja þessara sömu spurninga og ekki bara frá hruni.  Um helgina fullyrti fólk sem ég sat með að sumbli fyrir tæpum þremur árum, að ég hafi sagt þegar fréttamaður í sjónvarpi var með drottningarviðtal við Kaupþingsstjórann: það verður gaman að sjá fréttamann taka viðtal við þig þegar þú verður kominn í röndóttu fötin, andskotans sauðurinn þinn. Mundi nú ekki eftir þessu fyrr en aðrir rifjuðu þetta upp. Sjálfur smitaðist ég af svikasvírusnum, en sem betur fer ekki illa og var fljótur að ná mér.

Linkind stjórnvalda í upphafi var vonandi ekki vegna þess að þar á bæ var þörf á að koma mútugreiðslum í skjól, en að setja fólk ekki í gæsluvarðhald þegar 12000+ milljarðar!! í þeirra vörslu virtust hafa gufað upp, er pínulítið grunsamlegt.

Hamar, fyrst þeir álpuðust til að ráða Evu litlu, þá efast ég um að þeir komist upp með leikaraskap til lengdar. Saksóknarinn pattaralegi á líka vonandi eftir að koma sumum á óvart. Dómsmálaráð(s)frúin sýnist mér hafa verið himnasending,öfugt ið viðskipta-kerfisfíflið sem breimar með Jóku&Steina.

Viljinn til að bæta endalaust við rannsóknarliði gefur manni líka smá von.