Ísland skotmark. Þjóðaröryggisstefna og stjórnskipan í uppnámi.

Í kjölfar þess að Katrín Jakobsdóttir afhjúpaði í fyrstu kappræðum forsetaframbjóðenda á RÚV að stjórnskipan landsins væri í uppnámi mætti ég á Bessastaði til Forseta Íslands. Þegar UMFI sendi mér boð um að mæta í Forsetahlaupið gær greip ég tækifærið og hljóp þessa 5 kílómetra til að hitta á Guðna Th. Jóhannesson forseta Íslands til að ganga eftir svari við bréfinu. Forsetinn lofaði að svar myndi berast fljótlega. 

Þörf á tafarlausu inngripi forseta

 

Samtökin Friður 2000 óska eftir tafarlausu inngripi forsetans vegna vopnakaupa Íslands til stríðs á erlendri grundu sem háð er utan NATO og hefur ekkert með varnir landsins að gera. Samkvæmt því sem kom fram í kappræðum frambjóðenda á RÚV í svari Katrínar Jakobsdóttur um málið hafa ákvarðanir um vopnakaup Íslands og þátttöku í stríði erlendis alfarið verið teknar af utanríkisráðuneytinu og án hennar aðkomu.

 

Stjórnskipan landsins í uppnámi

 

Ástþór segir þetta afhjúpa að stjórnskipan landsins er komin í uppnám og slíkar ákvarðanir án aðkomu Alþingis, forsætisráðherra og forseta er brot á stjórnarskrá Íslands, brot á þjóðaröryggisstefnu landsins, brot á sáttmála Sameinuðu þjóðanna og brot á NATO samningnum. 

 

Rússland skilgreinir Ísland sem óvinaþjóð

 

Rússneska varnarmálaráðuneytið tilkynnti í vikunni að vegna örgrana frá NATO þjóðunum séu þeir að hefja æfingar með kjarnorkuvopnum. Hernaðarsérfræðingar hafa að undanförnu lýst áhyggjum að styrjöld sé að brjótast út á norðurslóðum og Ísland sé skotmark. Rússneska utanríkisráðuneytið hefur lýst yfir að hið áður friðsæla Ísland sé orðin óvinaþjóð. Þessvegna vill Ástþór fara tafarlaust til Moskvu að ná friðarsamningum og afstýra árás á landið.   

 

Friður 2000 býður forseta Íslands aðstoð

 

Friður 2000 er tilbúið að útvega flugvél og fylgja forseta Íslands til Moskvu til aðstoða við friðarsamninga vilji Guðni Th. taka boltann strax og byrja að vinna að því að ná fram friðsamlegri lausn með Rússlandi. 

 

Bréf til forseta Íslands:

 

Íslendingar hafa löngum álitið sig vopnlausa og friðsama þjóð sem fari ekki með stríði gegn öðrum þjóðum. Þjóðaröryggisstefna fyrir Ísland undirstrikar þetta. Vegna frétta af vopnakaupum Íslendinga er þess óskað að forseti Íslands svari eftirfarandi spurningum:

Bar einhver upp við forseta á ríkisráðsfundi eftirtaldar ákvarðanir:

1. Að Ísland gerðist þátttakandi í styrjöld á erlendri grund

2. Að Ísland tæki að sér flutninga á vopnum til slíkrar styrjaldar

3. Að Ísland kaupi vopn til slíkrar styrjaldar fyrir skattfé þjóðarinnar

4. Ef einhver bar þetta upp við forseta á ríkisráðsfundi, hver var sá aðili og hvaða dag var slíkt erindi kynnt forseta Íslands?

Afstaða forseta er mjög mikilvæg í þessu máli nú þegar þjóðin er að kjósa nýjan forseta. Tryggja þarf að það sé þjóðinni og væntanlegum forseta og stjórnmálastéttinni ljóst að stjórnarskráin, þjóðaröryggisstefnan og siðareglur ríkisstjórnarinnar eru leikreglurnar.

Hér má lesa bréfið til forsetans

 

Pútín hótar aftur kjarnavopnum

Sápuóperan um Bessastaði og virðing forsetaembættisins

Fjölmiðlar deila og drottna yfir þjóðinni. Forsetakosningar á Íslandi hafa löngum minnt á rússneskar kosningar að því leiti hvernig ríkisfjölmiðlarnir eru endurtekið misnotaðir í þágu einstakra framboða. 

Spilað á þjóðina með ómarktækum könnunum

Umfjöllun RÚV um heimagerðar og ómarktækar kannanir kostaðar af einstökum framboðum þar sem niðurstöðu eru skekktar með því að taka tölfræði úr samhengi hefur löngum verið aðferðin. Nýlega var slík könnun birt frá Baldri og RÚV manninum Felix. Mitt nafn var t.d. ekki að finna í þessari könnun né í nýlegri Gallup könnun þrátt fyrir að fjölmiðlar höfðu þegar staðfest að ég væri kominn með tilskylda meðmælendur við mitt forsetaframboð. 

Herjað á samúðarfylgi

Eitt forsetaframboð hefur sett kynhneigð í forgrunn með sínum myndbirtingum og áherslum. Hátt og skýrt segjast tveir vera í forsetaframboði og birtast fúlskeggjaðir saman á öllum myndum. Einhverjar netverjar sáu spaugilegu hliðina síamstvíburum í forsetaframboði og birtu mynd af þeim í Facebook hóp. Í kjölfarið birtist grein á mbl.is þar sem frambjóðendurnir Baldur og Felix kölluðu þetta rætið og biðluðu til umsjónamanna síðunnar að fjarlægja hana. 

Á myndinni er að finna ummæli frambjóðendanna sjálfra sem að mati framboðsteymis þeirra virðast ekki þola dagsins ljós. Þá er þar skjámynd frá vefsíðu forsetaembættisins sem flaggar baráttufána í stað þess að standa vörð um þjóðfána Íslendinga.

Þrátt fyrir að myndin væri ekki lengur aðgengileg á Facebook og kölluð fordómafullur áróður gegn samkynhneigðum var myndinni í kjölfarið dreift til þjóðarinnar á DV, visir.is og RÚV og reynt að herja á samúðarfylgi með ásökunum á annað forsetaframboð. 

Umrædd mynd sem upphaflega var send til mín af DV og áframdreift á Visir.is og RÚV virðist sprenghlægilega þjóðfélagsádeila. Þar sem virtustu fjölmiðlar landsins dreifðu myndinni til þjóðarinnar og blönduðu mér í málið fjalla ég um þetta sem áhorfandi að sápuóperunni.

Engir fordómar gegn samkynhneigðum hjá Ástþóri

Ég hef nákvæmlega enga fordóma gagnvart samkynhneigðum, átt marga góða vini úr þeirra hóp og starfa daglega með samkynhneigðum stuðningsmönnum við mitt forsetaframboð. 

Það er ekkert nýtt fyrir mér að verða skotspónn gulu pressunnar og nettrölla á Íslandi. Eitt sinn var að finna yfir 17 þúsund níðskrif um mig á íslenskum vefsíðum.

Endurtekin sápuópera

Á þeim 28 árum sem ég hef tekið þátt í forsetakosningum hef ég ýmislegt séð sem betur mætti fara. Eitt af því er hvernig starfsmenn RÚV hafa spilað með þjóðina í aðdraganda kosninga. Fyrir átta árum hreinlega skutu þeir á loft frambjóðanda elítunnar. Í ár var það í fyrstu Eurovision stjarna RÚV sem stökk fullskeggjaður sem tilvonandi forsetafrú í framboð. Skeggjaparinu er leikstýrt af þekktum leikstjóra svipað öðru RÚV framboði árið 2012.

Stríðsástand á fréttastofum landsins

Hinsvegar virðist komið babb í bátinn með framboði forsætisráðherra og stríðsástand á fréttastofu allra landsmanna um hverjum eigi að troða í embættið í þetta sinn. Áhugavert verður að fylgjast með nýjasta leikritinu: Drottningardraumar Katrínar og Skeggjaparið. 

Spunameistarar

Þegar forseti Íslands leitaði ekki endurkjörs byrjuðu spunameistararnir að leita logandi ljósi að hraðsoðnum lausnum sem gætu gengið ofaní þjóðina í komandi forsetakosningum. Bakvið skeggjaða forsetaframboðið eru leiklistarhæfileikar án heilinda eða innihalds. 

Lokað fyrir athugasemdir

Spilað er með skoðanir fólks í heimagerðum könnunum. Sumir forsetaframbjóðenda fyrirfram útilokaðir. Nöfnin ekki á spurningalistanum. Örlítill hluti svarar og úr því framleidd tölfræði til að blekkja þjóðina. Lítisvirðingin sem sýnd er öðrum frambjóðendum endurspeglast í annarri talblöðru myndarinnar um opnu umræðuna en hávær umræða hefur verið á netinu um hvernig Baldur og Felix hafa lokað fyrir athugasemdir á sínum framboðssíðum. 

Leikstýrð kosningabarátta

Það er áhyggjuefni ef kynhneigð frambjóðenda er orðið innihaldið í vandlega undirbúinni og leikstýrðri kosningabaráttu tveggja karla sem vilja komast á Bessastaði. Ætlar þjóðin virkilega að láta blekkjast enn eina ferðina af þaulæfðu leikriti málpípu hernaðarins nú þegar Íslandi er ógnað með kjarnorkuvopnum?

Barn í leikmynd

Barnið sem notað var sem leikmynd á bíósviðinu í Hafnarfirði á enga framtíð fyrir sér nema við Virkjum Bessastaði til friðar og það sé gert af heilindum. Skeggjaparið er ekki sá friðarboði enda haft eftir öðrum þeirra á umræddri mynd: “Þurfum 100 manna varnarlið” sem setur Ísland enn frekar á kortið sem eitt fyrsta skotmark kjarnorkusprengju í yfirvofandi stríði.

Herlið til Íslands

Boðskapur Baldurs Þórhallssonar um að koma á fót herliði hér gengur þvert á góða ímynd Íslands sem friðsælasta ríki heims samkvæmt World Peace Index. Við eigum að byggja á þessari arfleifð þjóðarinnar og Virkja Bessastaði til friðarmála. Þannig getum við byrjað að leiða heiminn til friðar og byggt upp nýjan atvinnuveg sem gæti aukið þjóðartekjur um 600 milljarða og skapað 21 þúsund ný störf um land allt. 

Opnum umræðuna

“Opnum umræðuna” á að vera forgangsmál á Bessastöðum og þar á ekki að loka fyrir athugasemdir. Forseti Íslands á að vera leiðandi í opinni og málefnalegri þjóðfélagsumræðu þar sem enginn er útilokaður frá þátttöku. Þrátt fyrir að hafa fengið á mig tugi þúsunda svívirðinga, oft nafnlaust, í tengslum mín forsetaframboð á s.l. þrjátíu árum opna ég hjarta mitt fyrir allri þjóðinni. Sem forseti mun ég bjóða alla velkomna til Bessastaða.

Vegið að virðingu forsetambættisins

Vegið er að virðingu forsetaembættisins með því að flagga öðrum fánum en Íslenska fánanum. Forseti Íslands er verndari þjóðfánans, kirkju okkar og menningar. Hann á að flagga íslenska fánanum og vera stoltur af því. Forsetinn lítilsvirðir embættið með því að flagga báráttufána í stað þjóðfána okkar við byggingar embættisins og striplast um í tattúleik, hvert sem tilefnið er. Slíkt á ekki heima á opinberum síðum embættis forseta Íslands.

Guð fokinn út í veður og vind

Forseti Íslands er verndari þjóðkirkjunnar en valdi vindhana á kirkju Bessastaða í stað þess að standa vörð um þjóðtrú Íslendinga. Umræða birt í DV með tilvitnun í Facebook síðu Egils Helgasonar um að forsetakosningarnar séu að verða skrípaleikur lýsir vindhana Bessastaða ágætlega:  “Það verður að segjast eins og er, að þótt nv forseti sé ágætis maður, þá hefur honum tekist bærilega að setja embættið niður í frekar alþýðlegan búning með mislitum sokkum, buffum og öðru slíku dóti og þannig ruglað saman persónu og embætti, með frekar slælegum árangri. Þetta trúða ástand er kannski ástæða þess.“

Mismuna ekki fólki

Ég mismuna ekki fólki eftir kyni, kynhneigð eða trúarbrögðum, í mínum augum eru allir jafnir. 

Á www.forsetakosningar.is má finna svör mín við helstu spurningum, þar er einnig fjallað um skoðanir mínar á stöðu samkynhneigðra á Íslandi.  

Ástþór Magnússon
Höfundur er forsetaframbjóðandi

p.s. Mér var send skjámynd eftir að umfjöllun fjölmiðla en þekki hvorki þetta símanúmer né netfang sem birtist við umrædda síðu á Facebook.

Skrár tengdar þessari bloggfærslu:

• screenshot_2024-04-07_220456.png
• haffihaff.jpg
• tvitterfaerslur.jpg
• whatsapp_image_2024-04-07_at_16_03_30_6a27a0b0.jpg

Íslandi ógnað með kjarnorkuvopnum undir leikriti í Hafnarfirði

Herská stefna Íslenskra stjórnvalda ætti að vera hverjum manni hér áhyggjuefni. Við höfum lagst á sveif með stærstu hergagnaframleiðendum heims og Ísland hefur í undirlægjuhætti sínum lýst yfir stríði við stærsta kjarnorkuveldið. Leiðtogar þessara heimsvelda hafa báðir talað um notkun kjarnorkuvopna að undanförnu. 

Kjarnorkubyrgi á Keflavíkurflugvelli

Hversvegna eru NATO hermenn í kjarnorkubyrgi á Keflavíkurflugvelli og hvað gerist ef slík sprengja berst hingað? NATO hermenn í skjóli en Íslenska þjóðin berskjölduð? Eru þetta varnirnar sem við þurfum í dag?

Ofbeldisfull stjórnarskipti

Það þarf ekki að fara í neinar grafgötur um að Rússar telja þjóðaröryggi sínu ógnað með útþennslu NATO til austurs. Eftir að milljónir manns höfðu flúið Úkraníu, m.a. ein milljón til Rússlands, og tugur þúsunda drepnir í austurhéruðum af Úkranískum hersveitum réðist rússneski herinn inn í Úkraníu. Hér á vesturlöndum er talað um þessa innrás eins og hún hafi gerst í einhverju tómarúmi. Bréf Amnesti International og Human Rights Watch þar sem biðlað var til forseta Úkraníu að láta af fjöldamorðum í austur Úkraníu og ofsóknum gegn rússnesk mælandi fólki, blaðamönnum og stjórnmálafólki á svæðinu er ótvíræður vitnisburður um hve ástandið var orðið alvarlegt. Ástandið skapaðist í kjölfar uppreisnar með stuðningi bandarísku leyniþjónustunnar sem þvingaði fram ofbeldisfull stjórnarskipti í Úkraníu. 

Rússland mun grípa til kjarnorkuvopna

Telji rússneskir ráðamenn þjóðaröryggi ógnað af bandarísku leyniþjónustunni með sama hætti og gert var í Úkraníu eða með útþennslu eða stríðsleikjum NATO munu þeir grípa til kjarnorkuvopna. Þeir hafa ítrekað varað við þessu að undanförnu. Við höfum ekki efni á því að láta þessar viðvaranir eins og vind um eyru þjóta eins og gert var í aðdraganda innrásar Rússa í Úkraníu árið 2022. Þá hljómuðu einnig viðvaranir frá þeim hátt og skýrt en enginn hlustaði og því fór sem fór. 

Blindir og heyrnarlausir Íslendingar

Flestir Íslendingar virðast úti á túni með hausinn í moldarhaug blindir og heyrnarlausir gagnvart kjarnorkusprengju hættunni sem blasir við okkur. Virðast ætla að láta blekkjast enn eina ferðina af þaulæfðu leikriti málpípu hernaðarins.

Barnið sem notað var sem leikmynd á bíósviðinu í Hafnarfirði á enga framtíð fyrir sér nema við Virkjum Bessastaði til friðar og það sé gert af heilindum. Skeggjaparið er ekki sá friðarboði.

Sjá nánar vef minn: www.forsetakosningar.is

Rússar segja Ísland styðja úkraínska nasista