Afhjúpun hér: Bessastaðadraugurinn fundinn!

Ég átti samtal í dag við forstjóra Netheima sem hýsa vefinn malefnin.com. Hann tjáði mér að stjórnandi vefsins sé Ásthildur Cesil Þórðardóttir garðyrkjustjóri á Ísafirði.

Að vefnum sé stjórnað frá fæðingarbæ Ólafs Ragnars Grímssonar varpar hugsanlega ljósi á hvað hefur verið í gangi þarna. Bessastaðadraugurinn fundinn! 

Á malefnin.com er að finna 36,200 tilvitnanir í mína persónu. Þúsundir þeirra hafa verið birtar til að koma á fót tilhæfulausum söguburði í þeim tilgangi að grafa undan forsetaframboði mínu.

Mörg hundruð sinnum er fullyrt á malefnin.com að ég sé haldinn geðveiki, maníu, brjálæði og ég sé sýkópatískur, fjárglæframaður, svindlari og slíkur ofbeldisseggur að eftir mig liggji konur marðar og bláar með glóðuraugu. Ég fæ öll uppnefni undir sólinni þarna m.a. að ég sé þorpsfífl.

Þetta er nokkuð athyglisvert í ljósi þess að árið 2000 þegar rætt var um hugsanlegt forsetaframboð mitt, upphófst mikill grátsöngur frá Ísafirði og sagt að ég myndi hafa af nemendum grunnskólans skólaferðalag því slíkur yrði kostnaður sveitarfélagsins við lögbundnar kosningar.

Sami leikurinn endurtók sig aftur árið 2004 og enn aftur í ársbyrjun 2008 þegar Stöð2 og aðrir fjölmiðlar í eigu stuðningsmanna Ólafs Ragnars Grímssonar hófu skipulagða herferð til að kynna endurkjör forsetans og rakka mig niður í leiðinni. Samhliða umfjöllun um stórýktan kostnað við kosningar fullyrtu þeir að það væri "nauðgun á lýðræðinu" ef ég byði mig fram gegn forsetanum.

Það er jákvæð þróun að moldvörpurnar, sem hafa undanfarinn áratug traðkað hér á lýðræðislegri umræðu og eðlilegu tjáningarfrelsi, séu nú dregnar úr ræsum sínum. Að afhjúpuð sé spillingin sem umleikið hefur kjör Ólafs Ragnars Grímssonar í embætti forseta Íslands. Ólafur situr nú fjórða kjörtímabilið á Bessastöðum eftir að hafa flotið þangað málefnalaus og undirgefinn auðvaldinu í undirróðsbátum moldvörpuvefs nafnleysingjanna og fjölmiðla Baugsveldisins.

Lýðræðið hefur beðið hnekki hvernig þessir aðilar hafa úr launsátri skotið niður málefnalega umræðu og góðar tillögur annarra um þetta mikilvæga embætti þjóðarinnar.

Gróa á Leiti á ekki rétt á sér í lýðræðislegri þjóðmálaumræðu. Þessvegna þarf að loka því holræsi sem rógberarnir fela sig í, vefnum malefnin.com.  Það er eðlileg krafa að þeir sem vilja tjá sig í þjóðmálaumræðunni geri slíkt undir fullu nafni og með ábyrgum hætti.

Stjórna í gegnum fjölmiðla

Athugasemdir

[Jack Daniel's, 16.12.2008 kl. 16:27]

Almáttugur minn hvað þú ert mikil grenjuskjóða.
Ásthildur tók við málefnunum 2006 sem ábyrgðarmaður og varla hefur Reykvíkingurinn Stefán Kristinsson verið hið illa handbendi Bessastaðadraugsins.

Farðu að reyna að þroskast aðeins og hugsa rökrétt maður.  Þú hljómar eins og einstaklingur sem hefur reykt kíló af hassi í 10 ár og er steiktur af paranoju.

[Ninja (IP-tala skráð) 16.12.2008 kl. 16:33]

Sæll aftur,

Áhugaverð samsæriskenning, nema ... Ásthildur tók ekki við hlutverki ábyrgðarmanns Málefnanna fyrr en 2006, eins og sjá má hér:

http://www.bb.is/Pages/26?NewsID=67300

Ummælin sem þú kærir eru hins vegar öll frá 2003 og 2004, þegar Stefán þessi var ábyrgðarmaður - en ég hef nú alla trú á því að þér takist að finna einhverja samsæriskenningu í kringum hann, með góðum vilja.

Annað sem má benda á í þessu samhengi er að á Málefnunum er, og hefur alltaf verið, aragrúi af notendum. Það er engin miðlæg stjórnun á því hver skrifar hvað; eina hlutverk stjórnenda er að taka við kvörtunum og ritskoða versta 'sorann'. Nærtækasta skýringin á þessum skrifum um þig er sú að þetta er það álit sem fjöldi fólks hefur á þér, hvort sem þér líkar það betur eða verr. Ég hef séð svipaða hluti sagða um þig víða á netinu - er það allt hluti af 'samsærinu' líka?

Af hverju hefurðu ekki samband við hana Ásthildi og ræðir þetta við hana, svona þegar þú veist hvern á að tala við? Ég er viss um að þið getið leyst þetta á friðsamlegum nótum, bara svona ef þú nærð að slaka aðeins á og gefa fólki smá séns.

[Ástþór Magnússon Wium, 16.12.2008 kl. 16:40]

Þú meinar að vefurinn sé nýlega kominn heim í heiðardalinn? Það verður gaman að fylgjast með lögreglunni draga moldvörpurnar úr grenum sínum og úr hvaða holum þær koma.

[Haukur Már Haraldsson, 16.12.2008 kl. 20:50]

Heldurðu í alvöru, Ástþór, að forsetaembættið - eða forsetinn sjálfur - sé með heilan vef til að grafa undan þér og mannorði þínu? Góði maður; þú sérð alveg um þetta sjálfur, þarft enga hjálp.

[Ástþór Magnússon Wium, 16.12.2008 kl. 21:19]

Haukur, aðstandendur framboðs Ólafs Ragnars Grímssonar hafa verið með miklu meira en heilan vef í þessu. Þeir eru með fleiri vefi, tvö dagblöð, útvarpsstöðvar og sjónvarpsstöðvar. Bendi þér á þessa færslu með nánari upplýsingum:  http://lydveldi.blog.is/blog/lydveldi/entry/742067/

[Ástþór Magnússon Wium, 16.12.2008 kl. 21:27]

Ég vek athygli á því að notandinn "Ninja" sem tekur til varna fyrir malefnin.com hér að ofan, notaði "10 minute email" þjónustu til að fara í kringum kerfi blog.is og komast hjá því að gefa upp rétt nafn og netfang. Þetta lýsir nafnleysingjunum frá malefnin.com ágætlega. Ótrúlegt að hvað þeir leggja á sig til að komast hjá því að skrifa undir eigin nafni. Réttast væri að eyða færslum sem eru þannig skráðar með misnotkun á þessu annars ágæta kerfi á blog.is.

[Ninja (IP-tala skráð) 16.12.2008 kl. 22:25]

Er þetta skárra?

[e-mail]

Getur náð í mig þar ef þú hefur eitthvað meira við mig að segja.

Öðrum kosti sé ég ekki að það eigi að skipta þig miklu máli hvað ég heiti. Satt best að segja er ég smeykur við að gefa þér upp nafn mitt - svo lítinn áhuga hef ég á því að opna fyrir þann möguleika að þú komist eitthvað nær mér en þetta.

[Ástþór Magnússon Wium, 16.12.2008 kl. 22:38]

Ninja, athugasemd þín er lýsandi dæmi um nafnleysingjaskrifin á malefnin.com. Ef þú eða aðrir eru ekki tilbúnir að skrifa undir nafni, eruð þið ofaní þeirri ormagryfju sem óhróðurinn hefur þrifist. Vefurinn malefnin.com með sínum 36,200 innslögum um mig og fleiri þúsund ærumeiðingar er lýsandi dæmi um þetta. Mér finnst slík starfsemi ekki eiga rétt á sér. Mín skoðun er sú að í dag eigi að loka malefnin.com og opna síðan vefinn endurbættan með kröfu um að þar sé skrifað undir fullu nafni.

[Offari (IP-tala skráð) 16.12.2008 kl. 23:55]

Sæll Ástþór ég viðurkenni vel að ég hef marg oft hlegið af brandurum um þig. Þú ert umdeildur í þjóðfélaginu og mátt því vita að mönnum er mis vel við það sem þú segir og gerir. Opin vefsvæði hafa þann ágalla að menn virða ekki þær siðareglur sem alment gilda í daglegu tali. Ég man ekki betur en að þú hafir einhvertíman sagt einhver ljót orð um Gerge Bush og það birtist í sjónvarpi. Varstu nokkuð kærður fyrir þau orð?

 

Ég stórlega efast um að forsetaembættið hafi staði í einhverjum áróðri gegn þér, og því finnst mér þetta vera niðrandi ummæli hjá þér um forsetaembættið. Ég held þú verðir aðeins að líta betur í eiginn garð áður en þú ferð að dæma aðra fyrir svipaðar sakir. Ert þú eitthvað heilagri en annað fólk?  og fyrirgefðu að ég skuli ekki koma fram í eigin nafni.

[Ástþór Magnússon Wium, 17.12.2008 kl. 00:58]

Offari: Þú virðist ekki lesa nægjanlega vel það sem ég hef sagt um þetta mál. Ég er að tala um að aðstandendur og stuðningsmenn framboðs ÓRG hafi misnotað aðstöðu sína í aðdraganda kosninga.

Ég stend við þau orð sem ég hef sagt um George Bush.

[Ástþór Magnússon Wium, 17.12.2008 kl. 03:13]

Jón Frímann, ég er alls ekki að reyna að þagga niður í gagnrýni. En til að við getum byggt hér lýðræðislegt þjóðfélag þarf umræðan að vera málefnaleg og það sem sagt er um fólk og málefni á rökum reist.

Það sem ég hef kært til lögreglunnar vegna vefsins malefnin.com eru upplognar sakir og ærumeiðingar settar fram undir dulnefni á vef sem enginn ábyrgðarmaður er skrifaður fyrir. Slík misnotkun á þessum nýja fjölmiðli er afskræming á tjáningarfrelsinu.

Ég skora á aðstandendur malefnin.com að lagfæra þetta, og ganga þannig frá sínu spjallborði að þarna geti þrifist málefnaleg þjóðmálaumræða. Eðlilegast er að þeir sem taka þátt í slíkri umræðu geri það undir eigin nafni og taki ábyrgð á skrifum sínum.

[Ásthildur Cesil Þórðardóttir, 17.12.2008 kl. 09:36]

Ágæti Ástþór þau ummæli sem þú tiltekur í upptalningu .þinni eru flest frá 2003 og 2004.  Það er því langt í frá einhver ný ummæli.  Og síðan sendir þú Guðmundi Inga eiganda Málefnanna bréf, þar sem þú hótar að ef hann hafi ekki sjálfur slökkt á vefnum fyrir kl. 24 í gærkveldi munir þú senda kæru til lögreglu.  Ekki hafði orð af þessu borist til mín, fyrr en Guðmundur hafði sjálfur samband við mig. 

Nú er það svo, að ég ber ábyrgð á Málefnunum.com, með mér eru svo 7 aðrir stjórnendur, við erum að vísu öll í sjálfboðavinnu við að líta eftir vefnum.  En við höfum ákveðnar reglur sem fólk undirgengst að fara eftir, og við hvetjum fólk til að hafa samband við okkur stórnendur ef það verður vart við eitthvað sem betur má fara.  Sem betur fer nýta sér margir þann kost, en hægt er að hafa beint samband við alla stjórnendur með því að ýta á svokallaðan reporttakka.  Ekki í eitt skipti hefur þú kvartað yfir innleggi við okkur.   Og reyndar eru innlegginn sem þú tiltekur flest frá því áður en við tókum við vefnum. 

Ekki eitt skipti hefur þú kvartað.  Vissulega falla þung orð frá Málverjum, og oft má betur fara.  En ég hygg að þú hefðir betur látið á það reyna fyrst að senda okkur kvörtun og biðja um að ákveðin tilmæli væru fjarlægð.  Séu þau í trássi við þær reglur sem við höfum sett, þá verður slíkt fjarlægt eins fljótt og auðið er. 

Ég sá svo þráð sem þú hefur sjálfur stofnað sem heitir:

Sorpfréttastofa DV afhjúpuð, Sama sorpritið - sömu "rónarnir"

http://www.malefnin.com/ib/index.php?showtopic=111972

Þannig að stundum sletta þeir skyrinu sem eiga það.  Reynir Trausta hefur að vísu ekki kært þetta innslag þitt.  En samkvæmt þinni skilgreiningu þá ætti hann auðvigað að gera það. 

Stundum föllum við í þann pytt að sjá bara flísina í auga náungans, en ekki bjálkann í sínu eiginn. 

Eigðu svo góðan dag.  Þú manst það ef til vill næst að það er miklu fljótvirkara að senda okkur stjórnendum tilkynningu, þegar þér ofbýður orðalagið.  Við munum taka því ljúfmannlega, og skoða hvort það stangast á við málverjaboðorðin okkar, og fjarlægja strax er svo reynist. 

Með bestu kveðjum Ásthildur Cesil Þórðardóttir.  P.S.  ég er enginn sérstakur vinur Ólafs Ragnars Grímssonar, þó svo að við höfum fæðst í sama bæ, en ætli þetta sé ekki heimsmet í samsæriskenningum. 

 

[Ástþór Magnússon Wium, 17.12.2008 kl. 10:18]

Ásthildur, það er ágætt að lögreglukæran hefur orðið til þess að svæla þig upp á yfirborðið. Ég hef áður kvartað við stjórnendur malefnin.com, en það breytti engu. Eins og spjallborðið ykkar er notað í dag hefur malefnin.com snúið tjáningarfrelsinu upp í andhverfu sína.

Þið sem standið að malefnin.com þurfið að endurskoða vinnubrögðin með þennan vef og þá sérstaklega það að birta nöfn ábyrgðarmanna á vefnum. Þar hefur ekki komið fram hverjir bera ábyrgð, hverjir skrifa innslögin eða hverjir eiga vefinn. Það eina sem er að finna um þetta fólk er yfirlýsing um að það vilji njóta nafnvernda til að vernda sig og sína fjölskyldu frá sýndarveruleikanum. En ég fullvissa þig um að fyrir mér og öðrum sem eru nafngreindir á malefnin.com með upplognun sökum og ærumeiðingum er þetta alls enginn sýndarveruleiki.

Þú kallar eftir nýjum innslögum. Ég mun í dag senda nýja kæru með ferskum og nýjum ærumeiðingum á malefnin.com til lögreglunnar. Hún verður birt hér á blogginu síðar í dag.

[Ástþór Magnússon Wium, 17.12.2008 kl. 10:22]

Ásthildur, hvað varðar innlag mitt á malefnin.com. Þar er vísað orðrétt í samtal mitt við ritstjóra DV, í því samtali notar hann orðið "rónarnir" sem ég hef eftir honum í gæsalöppum.

[Ástþór Magnússon Wium, 17.12.2008 kl. 13:19]

Jón Frímann, það er að fara til Lögreglustjórans í Reykjavík ný kæra með nýjum innslögum.

Það er ekki hægt að höfða mál gegn þeim sem skrifa á malefnin.com ærumeiðingar eða ofbeldishótanir því þeir gera það undir dulnefni og enginn ábyrgðarmaður er birtur á vefnum. Þessvegna er nauðsynlegt að lögreglan fjalli um þetta mál og rannsaki hverjir standa á bakvið þetta.

[Ástþór Magnússon Wium, 17.12.2008 kl. 20:33]

Þetta eru ekki aðeins gömul innlegg, einnig ný og einnig ofbeldishótanir. Málið er útskýrt hér á öðrum þræði, með afritum af lögreglukæru, bréfi til Blaðamannafélags Íslands og Sýslumannsins á Ísafirði. Sjá hér: http://lydveldi.blog.is/blog/lydveldi/entry/747882/