Hugmyndabanki/Upplýsingavefur fyrir Stjórnlagaþing á www.austurvollur.is

Tillögur að stjórnarskrárbreytingum eru farnar að berast á vefinn www.austurvollur.is en þar hefur verið komið upp Hugmyndabanka fyrir Stjórnlagaþing.

Einnig að finna á Facebook: Stjórnlagaþing HugmyndaBanki 

Frambjóðendur og kjósendur geta sett inn sínar tillögur/hugmyndir um stjórnarskrárbreytingar.  Einnig hægt að skrifa ummæli um áður fram komnar hugmyndir sem og mæla með eða gegn einstökum hugmyndum.

Talningarvélar telja atkvæði til stjórnlagaþings

Hugmyndabanki fyrir Stjórnlagaþing

Á vefnum www.austurvollur.is hefur verið komið upp hugmyndabanka fyrir stjórnlagaþing þar sem bæði frambjóðendur og kjósendur geta sett inn sínar tillögur/hugmyndir um stjórnarskrárbreytingar.

Einnig hægt að skrifa ummæli um áður fram komnar hugmyndir sem og mæla með eða gegn einstökum hugmyndum. Hugmyndabankann er einnig að finna á Facebook:

Stjórnlagaþing HugmyndaBanki | Promote Your Page Too

Grundvallaratriði fyrir virku lýðræði

Það getur ekkert alvöru lýðræði þróast eða þrifist í landinu undir þeim lögum sem nú gilda um fjármál stjórnmálasamtaka.

Tek heilshugar undir þessi sjónarmið og vil í raun ganga enn lengra eins og ég hef margsinnis lagt til síðan árið 1996, þ.e.a.s. að sett verði í útvarps- og fjölmiðlalög skyldur á almenna fjölmiðla að hliðra til í dagskrá fyrir kosningar (rétt eins og þeir gera oft t.d. með fótboltann) til að veita öllum framboðum aðgang til að kynna sig á jafnréttisgrundvelli og slíkt komi í stað keyptra auglýsinga.

Nauðsynlegt er að leggja af hlutdræg vinnubrögð eins og t.d. þau sem viðgengust á RÚV í aðdraganda síðustu alþingiskosninga, m.a. afhjúpað í margítrekaðri misnotkun Silfurs Egils í þágu þess framboðs sem þáttastjórnandinn kaus sjálfur (samkvæmt hans eigin upplýsingum í fjölmiðlum).

Við þurfum að átta okkur á því að virkt lýðræði er grundvöllur heilbrigðs þjóðfélags og fátt mun ganga upp til að leysa vanda þjóðarinnar fyrr en búið er að sópa út af Alþingi sérhagsmunapotinu úr gamla ónýta flokkadraslinu.

Hreyfingin vill endurskoða lög

Þingmenn eins og börn með eldspýtur

Þingmaður sendi mér svar við greininni Óverðskuldað traust stjórnvalda á bankamönnum.

Ég þakka svarið en efni þess veldur áhyggjum. Viðkomandi þingmaðurinn sem og flestir aðrir á þinginu, virðast hreinlega ekki skilja hætturnar sem felast í því að vogunarsjóðir sitji nú meðal stærstu hluthafa í Arion banka og hvert slíkar einkavæðingar gætu leitt. 

Þingmennirnir eru eins börn að leik með eldspýtur.

Hér er það sem þingmaðurinn sendi mér:
Í breytingartillögum viðskiptanefndar við frumvarp ráðherra um fjármálaráðherra eru skilanefndum gert skylt að afhenda þeim sem þess óska kröfuskrá föllnu bankanna. Í kröfuskránni kemur fram hverjir hafa gert kröfur og hvaða kröfur hafa verið samþykktar og ætti hún því að gefa góða mynd af eigendum nýju bankanna.
Kveðja
Lilja

Ég er furðu lostinn yfir barnalegri tiltrú þingmannsins á því að þetta frumvarp afhjúpi raunverulega eigendur. Samkvæmt fréttum er Skattrannsóknarstjóri að reka sig á að raunverulegir eigendur hafa jafnvel ekki fundist uppí áttfaldan ættlið fyrirtækja sem hafa endað í aflandssvæðum og keðjan slitnað undir leppstjórn þarlendra lögfræðinga og endurskoðenda. 

Hér er mitt svar til þingmannsins:

Ég er ekki sammála því að kröfuskráin sýni hverjir raunverulegir eigendur eru. Komið hefur fram að meðal kröfuhafa séu vogunarsjóðir (hákarlar!) 

Þetta eru sálarlaus kvikindi sem myndu selja mæður sína hæstbjóðanda. Það myndi ekki koma mér á óvart að bakvið eignarhald slíkra aðila sé hluti af því þýfi sem útrásarvíkingarnir stálu af þjóðinni.

Þess fyrir utan er það glæfralegt af ríkisvaldinu að leyfa slíkum aðilum að vasast með rekstur viðskiptabanka á Íslandi. Vogunarsjóðir og eðlileg bankastarfsemi er eins og að blanda saman olíu og eld.

Rannsóknin gæti tekið 4 ár

Brjáluð og vanhæf stjórnsýsla

Sífellt kemur betur í ljós hve vanhæf og snarbrjáluð stjórnsýslan er undir forystu tveggja fjórflokkanna.

Ríkisstjórnin er algerlega úti á túni og ráðherrarnir með hausana í mykjuhaug spillingar. 

Stjórnleysið í sumum skilanefndum bankanna virðist algert. 

Út úr þessu leikhúsi vitfirringana á Íslandi rísa bankaræningjarnir uppúr rústunum eins og ekkert hafi í skorist og endurreisa stærstu fyrirtæki landsins með þýfi sem þeir stálu af þjóðinni.

Jón Ásgeir situr í stjórnum erlendra fyrirtæki fyrir hönd ríkisvaldsins. Ólafur Ólafsson fékk fyrirgreiðslu og tekið á móti þýfi frá honum í endurreisn Samskip. Bakkabræður stýra enn stærsta símafyrirtæki landsins. Bónusfeðgar eru á sérkjörum um að halda stærstu verslunarkeðjunni.   

Geta asnarnir í ríkisstjórninni og á Alþingi ekkert lært? Hversvegna hefur enginn þingmaður borið upp þá tillögu að þjóðnýta fyrirtækin sem voru byggð upp með stolnu fé?

Jón Ásgeir segir sig úr stjórn House of Fraser

Opið bréf til ÓRG forseta Íslands: Móðgandi niðurlagsorð þín í viðtali á Skjá1

Ólafur Ragnar Grímsson
Bessastöðum

16. apríl 2010.

Móðgandi niðurlagsorð þín í viðtali á Skjá1

Hr. forseti,

Ég ætla að biðja þig að láta af því að ákveða orð eða athafnir fyrir mína hönd eða annarra hugsanlegra frambjóðenda til embættis forseta Íslands. Einnig krefst ég þess að forsetinn gefi út opinberlega afsökunarbeiðni á ummælum sínum í viðtalsþætti við Sölva á Skjá1 þann 14 apríl s.l.

Í þessu viðtali sagðist þú ekki hafa sagt af þér embætti sökum þess að þú vildir ekki stefna þjóðinni í forsetakosningar og val á nýjum þjóðhöfðingja, þar sem hver sem hann hefði verið hefði örugglega ekki gengið þá götu að ganga gegn ríkisstjórninni í Icesave málinu. Þessi yfirlýsing er ekki við hæfi og í raun móðgun við forsetaframbjóðendur og þjóðina sjálfa.

Ég hef t.d. lýst yfir mjög afdráttarlausum skoðunum um forsetaembættið í ræðu og riti og þar á meðal þeirri skoðun minni að nauðsynlegt sé að virkja þann öryggisventil sem málskotsréttur forseta er með ábyrgum hætti í stórum og mikilvægum málum. Það hefði því ekki vafist fyrir mér að hafna Icesave lögunum staðfestingar. Ég hefði óskað eftir því strax í upphafi þegar fyrri lög um þetta mál bárust forseta Íslands, að þeim yrði vísað til þjóðaratkvæðagreiðslu. Þannig hefði ég með minni embættisfærslu á Bessastöðum tryggt mun betri stöðu Íslendinga í þessu mikilvæga máli.

Það hlýtur að teljast óeðlilegt að einstaklingur sem var keyptur, já ég segi og stend við þau orð “keyptur” í embætti forseta Íslands af helstu útrásarvíkingum, og sem hefur verið andlit svikahrappanna gagnvart erlendum þjóðum um árabil, sitji áfram sem þjóðhöfðingi Íslendinga.

Ég minni á að í aðdraganda forsetakosninganna árið 2004, ritaði ég OSCE (Öryggis og Samvinnustofnun Evrópu) á annan tug kvartana yfir því hvernig fjölmiðlar í eigu stuðningsmanna þinna voru misnotaðir til að blekkja þjóðina í aðdraganda kosninga. Eins og þar kemur fram var lýðræðið fótum troðið með grófri misnotkun fjölmiðla eins og þekkist varla nema í einræðisríkjum, til að draga upp af þér ranga og fegraða mynd á meðan mitt framboð og persóna var dregin niður í ræsið af fjölmiðlum í eigu sömu manna.

Ég minni á þá staðreynd að helstu starfsmenn og kosningastjórar þinna forsetaframboða 1996 og 2004 voru jafnframt starfsmenn og eða tengdust mjög náið ofangreindum stuðningsmönnum þínum og fjölmiðlum þeirra.   

Að lokum vil ég minna aftur á erindi mín send til þín sjálfs í aðdraganda forsetakosninganna 2004 að þú hafir misnotað forsetaembættið við synjun fjölmiðlalaga. Þar gekkst þú erinda útrásarvíkinga sem höfðu tangarhald á flestum fjölmiðlum landins og sem voru á þessum tíma notaðir óspart í þína þágu til að tryggja þér “rússneskar” kosningar á Íslandi.

Ég skora á þig að segja af þér án tafar og þvælast ekki lengur fyrir því endurreisnarstarfi sem þarf nú að eiga sér stað hjá Íslensku þjóðinni.

Virðingarfyllst,
Ástþór Magnússon

Skrár tengdar þessari bloggfærslu:

• Bréf til Ólafs Ragnars Grímssonar 16.04.2010

Nornaveiðar kerlinganna

Það er ekki konum til framdráttar þegar kerlinganornir á fjölmiðlum misnota aðstöðu sína.  Hér eru þrjú dæmi um slíkt:

1. Elín Hirst. Þegar ég kom í viðtal á Stöð2 í aðdraganda forsetakosninga árið 1996 var ég í bókstaflegri merkingu hakkaður niður af Elínu Hirst. Í nornaveiðum sínum bar Elín á mig ýmsar grófar aðdróttanir sem áttu ekki við rök að styðjast. Þetta var sent út í opinni dagskrá. Þegar kom að mér að svara fyrir mig lét Elín læsa útsendingunni þannig að aðeins þeir sem höfðu greitt áskrift Stöðvar 2 gætu hlustað á svörin mín. 

2. Þóra Kristín Ásgeirsdóttir. Margir hafa deilt á hlutdræg vinnubrögð Þóru Kristínar þegar hún starfaði á Morgunblaðinu. Ég kynntist þessu þegar ég mótmælti því að Borgarahreyfingin hafði látið bera mig út af fundum sínum með ofbeldi fyrir þær sakir að leggja til lýðræðisleg vinnubrögð. Flestir fjölmiðlar sem fluttu fréttir af fundinum sögðu einnig frá mótmælum á fundinum. Þóra Kristín hinsvegar sneiddi algerlega hjá mótmælum mínum og lofsöng þess í stað í sinni frétt af sama fundi þá ólýðræðislegu hreyfingu sem sigldi mánuðum saman undir fölsku flaggi í Íslensku þjóðlífi.  Frétt Þóru var þannig í litlu samræmi við það sem gerðist á þessum fundi. Á endanum fengu lýðskrumarnir nokkra vanhæfa einstaklinga kosna á þing með dyggri aðstoð Þóru sem lofsöng lýðskrumarana mánuðum saman á vef og síðum Morgunblaðsins, svo og formanns hópsins sem starfaði á RÚV eða sama fyrirtæki og Egill Helgason sem einnig misnotaði sína aðstöðu til blekkja þjóðina og ota lýðskrumurunum inná þing.

3. Agnes Bragadóttir.  Fyrst man ég eftir Agnesi þegar ég hringdi á fréttastofu Morgunblaðsins vegna einhvers máls Friðar 2000. Það fór hálfgerður hrollur um mig þegar ég talaði við fréttastjórann á vakt sem í þetta skiptið var Agnes í miklum nornaham. Í apríl s.l. í aðdraganda kosninga mætti ég svo í viðtal í Zetu Morgunblaðsins þar sem Agnes sat á kústskaftinu ásamt Þóru Kristínu Ásgeirsdóttur og augljóslega ætluðu að efna til "grillveislu" með mig sem svínið. Vinur minn Sverrir Stormsker skrifaði pistil sem lýsir þessu ágætlega, bendi ykkur á að kíkja á hann: "Ástþór í stórfurðulegu viðtali"

Íslenskir fjölmiðlar þurfa endurskoðun og uppstokkun. Þeir þurfa að vera óhlutdrægur spegill samtíðar. Vettvangur mismundandi skoðana og lýðræðislegrar umræðu.

Þegar einstakir fréttamenn, stjórnendur eða eigendur fjölmiðla misnota aðstöðu sína til ota sínum tota eða vina sinna eru þeir að grafa undan þjóðfélaginu sem á endanum mun hrynja eins og við höfum séð gerast á Íslandi. Nýtt Ísland er byggt á sandi nema breyting verði á. Konur Íslands ættu að sameinast um að byggja nýtt og heiðarlegt Ísland og standa vörð um óhlutdræga fjölmiðlun.

Ofbýður ástandið á ritstjórnum landsins

Fleiri hundruð þorpsfífl?

Þegar ég benti á nauðsyn þess að hreinsa spillingu út úr stjórnarráðinu í forsetakosningum árið 1996 þegar kvótabraskið var að byrja að grafa undan þjóðfélaginu, var ég kallaður "þorpsfífl" í leiðara stærsta fjölmiðils þjóðarinnar. Eru þorpsfíflin nú orðin fleiri hundruð?

Væri nú ekki nær að nota atkvæði sitt í kosningum og losa sig við spillingaröflin í eitt skipti fyrir öll frekar en að standa úti í kuldanum á Austuvelli galandi eins og vindhani í eyðimörkinni?

Ef þið hefðuð ekki látið RÚV og spillta pólitíkusa blekkja ykkur við síðustu kosningar væri kannski nú kominn vísir að heilbrigðu og beinu lýðræði og þorpsfíflin gætu látið til sín taka á Alþingi frekar en gala ónýta þingmenn og ráðherra frammúr rúmum sínum á laugardag eftir laugardag.

200-300 á útifundi

Segja Íslandi stjórnað af alþjóðlegum glæpahring

Sá orðrómur gengur nú manna á meðal í Evrópu að Íslandi sé stjórnað af alþjóðlegum glæpahring. Forseti Íslands hafi notað embætti sitt til að sannfæra heiðvirða breska bankamenn að selja Kaupthing svikamyllunni virtan breskan banka og þannig seilst ofaní vasa breskra fjárfesta.

Menn segja á meðan Nígeríska spillingalögreglan leiti 19 stjórnenda fimm fjármálafyrirtækja sem ríkið þurfti að bjarga með 2,6 milljörðum dala, er stærstu Íslensku fyrirtækjunum t.d. á sviði flutninga og símasamskipta stjórnað af þeim mönnum sem stálu hundruðum milljarða af breskum, þýzkum og hollenskum innistæðueigendum. Enginn hafi verið dreginn til ábyrgðar á Íslandi.

Niðurstaðan er sú að Ísland sé griðarland helstu fjárglæframanna heimsins og því beri að varast að eiga viðskipti við Íslendinga.

Egill Helgason vanhæfur til starfa á RÚV!

Í útsendingu Bylgjunnar í morgun sagðist Egill Helgason starfsmaður ríkisfjölmiðlanna Ríkisútvarpsins-RÚV hafa kosið Borgaraheyfinguna við síðustu alþingiskosningar.

Hér er líklegast komin skýringin á því hversvegna Lýðræðishreyfingin var útilokuð frá þættinum Silfur Egils á RÚV í aðdraganda kosninganna á meðan 8 fulltrúar Borgarahreyfingarinnar fengu ítrekað aðgang að þættinum 23 nóvember - 22 mars s.l.  Á sama tíma var Lýðræðishreyfingunni alfarið synjað um aðganga að Silfri Egils m.a. með þessum orðum eftir ítrekuð símtöl, fax og email undirritaðs til stjórnenda Silfur Egils: "Sæll Ástþór, Ekki hringja í hana Halldóru, hún ræður engu um hvað er þættinum. Ég mun ekki bjóða þér í þáttinn að sinni. mbk Egill"

Ljóst er að Egill Helgason misnotaði aðstöðu sína í þágu eigins stjórnmálaflokks í aðdraganda alþingiskosninganna . Hann er því vanhæfur til starfa á ríkisfjölmiðlunum. Ítrekuð er krafa okkar frá 20. mars s.l. að Agli Helgasyni og Silfri Egils verði vikið úr dagskrá Ríkisútvarpsins/ RÚV.  

Í því ástandi sem ríkir á Íslandi er það mjög alvarlegt og í raun nánast landráð að stjórnendur ríkisfjölmiðla komist upp með að misnota aðstöðu sína og hefta lýðræðislega umræðu eins og raun bar vitni á Ríkisútvarpinu-RÚV í aðdraganda alþingiskosninganna 2009. Enda heldur Íslenska sukkið áfram, engin bankaræningjanna kominn í gæsluvarðhald og reynt að þagga niður óþægilega gagnrýni.  

Lýðræðishreyfingin mun ekki una slíku ástandi. Við ítrekum þau 12 erindi, kvartanir og kærur, sem við sendum í aðdraganda kosninga um margvísleg atriða er vörðuðu mismunun Ríkisútvarpsins-RÚV gagnvart Lýðræðishreyfingunni. Þessu máli er ekki lokið enda hefur Ríkisútvarpið ekki svarað neinu þeirra erinda sem við sendum stjórnendum RÚV og eftirlitsstofnunum.  Minnt er á að Lýðræðishreyfingin sendi 12 erindi og flutti 3 "leikrit" við útvarpshúsið í Efstaleiti í aðdraganda alþingiskosninganna. Þannig þurfti að berjast fyrir mannréttindum og lýðræði á Íslandi árið 2009!

Lýðræðishreyfingin áskilur sér allan rétt til að nota bæði hefðbundnar og óhefðbundnar leiðir til að ná fram rétti sínum gagnvart ríkisfjölmiðlunum. Slíkt getur m.a. falist í því senda út alla fréttatíma Ríkisútvarpsins - hvenær sem er alla daga og allan sólarhringinn - um eigin útvarpsrás og birta ásamt  tilheyrandi viðvörun til almennings um svívirðilega framkomu starfsmanna Ríkisútvarpsins. 

Virðingarfyllst,

Lýðræðishreyfingin

Ástþór Magnússon

Ofangreint er innihald í bréfi sent til:

Páll Magnússon útvarpsstjóri og stjórnendur Ríkisútvarpsins

Ríkisútvarpið, Efstaleiti 1, 150 Reykjavík. Símbréf 5153001