Fréttastjóri Ríkisútvarpsins skellti á símanum!

Ég hringdi í dag í fréttastofu Ríkisútvarpsins/RÚV til að kvarta yfir því að þeir sniðgengu Lýðræðishreyfinguna í umfjöllun sinni um prófkjör stjórnmálahreyfinga í gærkveldi.

Ég benti manninu á að prófkjör færi nú fram á vefnum www.austurvollur.is eins og fram kom í fréttatilkynningu sem send var Ríkisútvarpinu í gærdag. Ekki var einu orði minnst á þetta í umjöllun ríkisfjölmiðilsins sem nefndi einungis á nafn prófkjör fjórflokkanna.

Ég tjáði fréttastjóranum að ef þeir myndu ekki gæta fyllsta hlutleysis skýra frá starfsemi Lýðræðishreyfingarinnar eins og annarra, myndu öll samtöl við Ríkisútvarpið verða tekin upp og birt á vefnum www.frettavakt.is og á nýrri útvarpssrás FM100.5 sem fer í loftið eftir helgi til að afhjúpa fyrir þjóðinni hvað er í gangi þarna.

Þetta kallaði fréttastjóri Ríkisútvarpsins "dónaskap" og skellti á símanum!

Morgunblaðið hefur einnig sniðgengið Lýðræðishreyfinguna í sínum fréttum í dag. Athygli fréttastjóra hefur verið vakin á þessu og hann beðinn að leiðrétta frétt sína á mbl.is. Við munum fylgjast með því hvort það verður gert.

Þeir sem styðja þá valdnýðslu sem er í gangi í þessu landi undir stjórn fjórflokkanna geta að sjálfsögðu kosið þá aftur á þing, en eiga þá að hætta að kvarta og kveina undan ástandinu hér. Aðrir sem vilja gera einhverjar alvöru breytingar á stjórnarháttum í landinu ættu að fara á vefinn www.austurvollur.is og skrá sig þar í framboð eða tilnefna aðra sem þeir treysta til að taka á málum af alvöru.

Líflegasta prófkjörshelgin

Athugasemdir

[Sigfús Axfjörð Sigfússon, 14.3.2009 kl. 20:28]

Þetta ástand er einfaldlega skelfilegt. Það eru mér mikil vonbrygði að alþýða þessa lands skuli láta sig hafa þennan ruddaskap. fólk virðist ekki sjá í gegnum sjónarspilið, og telur sér trú um að verið sé að gera eitthvað vitrænt í málunum. Ég finn til með þjóðnni, en býð ekki í það þegar hún loksins gerir sér grein fyrir blekkingunni.

[nicejerk (IP-tala skráð) 15.3.2009 kl. 02:24]

Ég hefði einnig skellt á þig.

Þú gerir fólki ekkert nema bjarnargreiða. Að gefa bíl sem fólk þarf að borga aukalegan skatt af, er aulafyndni. Ekki að nefna að þú viljir kannski nota 'mútuþægni' opinberra starfsmanna sem hluta í baráttu þinni gegn speglinum.

Haltu þig á þínum stöðum og gerðu vel, en láttu hina um eigið klúður. Það gekk alveg ágætlega án þín.